ᱯᱟᱹᱨᱥᱤ ᱟᱨ ᱯᱟᱹᱨᱥᱤ ᱩᱱᱩᱨᱩᱢ

                             ᱨᱚᱲ ᱟᱹᱨᱤ

 ᱡᱟᱦᱟᱸᱱ ᱯᱟ.ᱨᱥᱤ ᱨᱮᱭᱟᱜ ᱜᱮ ᱵᱷᱟᱹᱵᱽ ᱮᱯᱮᱢ ᱪᱟᱯᱟᱞ ᱛᱮᱭᱟᱜ ᱨᱚᱲ ᱠᱚᱜᱮ ᱯᱟᱹᱨᱥᱤ ᱫᱚᱠᱚ ᱢᱮᱛᱟᱜᱼᱟ᱾
   ᱢᱤᱢᱤᱫ ᱛᱷᱚᱠ ᱨᱮᱱ ᱢᱟᱹᱱᱢᱤ ᱠᱚ ᱟᱠᱚᱼᱟᱠᱚᱛᱮ ᱵᱩᱡᱷᱟᱹᱣ ᱡᱚᱝ ᱞᱟᱹᱜᱤᱫ ᱚᱠᱟ ᱫᱷᱟᱨᱟ ᱠᱚ ᱵᱮᱱᱟᱣ ᱡᱚᱝ ᱠᱟᱱᱟ ᱚᱱᱟᱜᱮ ᱯᱟᱹᱨᱥᱤ ᱫᱚ᱾

 ᱯᱟᱹᱨᱥᱤ ᱨᱮᱫᱚ ᱩᱱᱟᱜ ᱫᱟᱲᱮ ᱢᱮᱱᱟᱜᱼᱟ ᱚᱠᱟᱛᱮᱟᱹᱰᱤ ᱜᱟᱱ ᱦᱚᱲᱮ ᱛᱚᱞ ᱫᱚᱦᱚ ᱠᱟᱠᱚᱣᱟ᱾ ᱯᱟᱹᱨᱥᱤ ᱨᱮᱫᱚ ᱦᱚᱲ ᱠᱚ ᱨᱟᱡᱽ ᱟᱨ ᱨᱟᱹᱥᱠᱟᱹ ᱦᱚᱸᱭ ᱪᱟᱞ ᱟᱠᱚᱣᱟ᱾ ᱯᱟᱹᱨᱥᱤ ᱫᱚ ᱢᱤᱫ ᱜᱩᱴ ᱦᱚᱲᱟᱜ ᱱᱮᱶ ᱱᱮᱢᱟᱪᱟᱨ, ᱫᱷᱚᱚᱢ ᱠᱚᱨᱚᱢ, ᱟᱹᱨᱤᱼᱪᱟᱹᱞᱤ ᱫᱤᱥᱚᱢ ᱥᱚᱢᱚᱡᱽ,ᱨᱟᱡᱽᱟᱹᱨᱤ ᱪᱟᱞᱟᱣ ᱟᱨ ᱵᱮᱱᱟᱣ ᱨᱮ ᱵᱮᱵᱷᱟᱨᱚᱜᱼᱟ ᱟᱨ ᱚᱱᱟ ᱛᱮᱜᱮ ᱵᱚᱱ ᱛᱚᱞ ᱫᱚᱦᱚᱭᱟ ᱾ ᱯᱟᱹᱨᱥᱤ ᱨᱮᱫᱚ ᱥᱟᱭᱼᱥᱟᱭ ᱠᱩᱞ ᱨᱮᱭᱟᱜ ᱜᱮ ᱫᱟᱲᱮ ᱛᱟᱦᱮᱸᱱ ᱠᱟᱱᱟ᱾ ᱯᱟᱹᱨᱥᱤ ᱫᱚ ᱴᱷᱤᱠ ᱞᱮᱠᱟ ᱜᱮ ᱤᱫᱤ ᱞᱮᱠᱷᱟᱱ ᱢᱟᱨᱟᱝ ᱤᱫᱤᱜ ᱛᱮᱜᱮ ᱛᱟᱦᱮᱸᱱᱟ᱾ ᱵᱟᱝ ᱨᱮᱫᱚ ᱪᱟᱵᱟ ᱛᱮᱦᱚᱸ ᱪᱟᱵᱟᱜᱼᱟ᱾ ᱱᱚᱶᱟ ᱫᱚ ᱱᱟᱹᱭ ᱫᱟᱜ ᱞᱮᱠᱟ ᱜᱮ ᱡᱩᱜᱽ ᱠᱷᱚᱱ ᱡᱩᱜᱽ ᱟᱹᱛᱩ ᱞᱮᱠᱟ ᱜᱮ ᱛᱟᱦᱮᱸᱱ ᱠᱟᱱᱟ᱾ ᱡᱟᱦᱟᱸ ᱱᱟᱹᱭ ᱫᱚ ᱱᱟᱹᱭ ᱟᱲᱮ ᱯᱟᱥᱮ ᱨᱤᱱ ᱦᱚᱲ ᱠᱚ ᱫᱟᱜ ᱛᱮ ᱪᱟᱥ ᱟᱵᱟᱫᱽ ᱛᱮ ᱟᱨ ᱟᱭᱛᱟᱱ ᱞᱮᱠᱟᱛᱮ ᱨᱚᱥᱟᱲ ᱜᱮᱭ ᱫᱚᱦᱚ ᱠᱚᱣᱟ᱾ ᱱᱟᱹᱭ ᱟᱲᱮ ᱨᱤᱱ ᱯᱟᱥᱮ ᱦᱚᱲ ᱠᱚᱣᱟᱜ ᱥᱩᱠ ᱫᱩᱠ ᱨᱟᱹᱜᱤ, ᱟᱲᱤᱥ ᱟᱨ ᱡᱤᱭᱚᱱ ᱟᱨ ᱩᱱᱩᱨᱩᱢ ᱦᱚᱸ ᱱᱚᱶᱟ ᱯᱟᱹᱨᱥᱤ ᱨᱮᱜᱮ ᱧᱮᱞ ᱧᱟᱢᱚᱜᱼᱟ᱾ ᱮᱱᱠᱷᱟᱱ ᱯᱟᱹᱨᱥᱤ ᱨᱮᱭᱟᱜ ᱜᱩᱱ ᱫᱚ ᱱᱚᱝᱠᱟ ᱞᱮᱠᱟ ᱧᱮᱞ ᱧᱟᱢᱚᱜ ᱠᱟᱱᱟᱼᱼᱼ

(᱑)  ᱯᱟᱹᱨᱥᱤ ᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱢᱟᱹᱱᱢᱤ ᱥᱟᱶᱛᱮ ᱛᱟᱦᱮᱸᱱᱟ, ᱮᱴᱟᱜ ᱡᱤᱱᱤᱥ ᱥᱮ ᱡᱤᱵᱽ ᱡᱤᱭᱟᱹᱞᱤ ᱥᱟᱶ ᱫᱚ ᱵᱟᱝ ᱜᱮ᱾

(᱒)  ᱯᱟᱹᱨᱥᱤ ᱫᱚ ᱢᱟᱹᱱᱢᱤᱭᱟᱜ ᱡᱚᱛᱷᱟᱛ ᱥᱟᱰᱮ ᱥᱟᱶ ᱥᱟᱹᱜᱟᱹᱭ ᱛᱟᱦᱮᱸᱱᱟ᱾

(᱓)  ᱯᱟᱹᱨᱥᱤ ᱨᱮᱫᱚ ᱥᱟᱰᱮ ᱵᱩᱡᱷᱟᱹᱜᱼᱟ ᱟᱨ ᱢᱚᱪᱟ ᱛᱮ ᱟᱲᱟᱝᱚᱜᱼᱟ᱾

(᱔)  ᱯᱟᱹᱨᱥᱤ ᱫᱚ ᱪᱤᱱᱦᱟᱹ ᱛᱮᱭᱜᱟ ᱠᱟᱱᱟ᱾

(᱕)  ᱯᱟᱹᱨᱥᱤ ᱫᱚ ᱢᱤᱫᱴᱟᱝ ᱵᱚᱱᱫᱷᱮᱡᱽ ᱠᱟᱱᱟ ᱟᱨ ᱱᱚᱶᱟ ᱫᱚ ᱦᱚᱨ ᱯᱟᱸᱡᱟᱭ ᱛᱮᱜᱮ ᱛᱟᱦᱮᱸ ᱠᱚᱜ ᱠᱟᱱᱟ᱾

(᱖)  ᱯᱟᱹᱨᱥᱤ ᱫᱚ ᱥᱟᱶᱛᱟᱣᱟᱜ ᱟᱨ ᱚᱛᱚᱝ ᱛᱟᱭᱚᱢ ᱟᱯᱱᱟᱨ ᱤᱫᱤ ᱞᱮᱠᱟᱛᱮᱵᱚᱫᱚᱞ ᱪᱟᱞᱟᱜᱼᱟ᱾

(᱗)  ᱯᱟᱹᱨᱥᱤ ᱫᱚ ᱞᱤᱸᱜᱤᱱ ᱜᱟᱰᱟ ᱫᱟᱜ ᱞᱮᱠᱟᱱᱟᱜ ᱠᱟᱱᱟ᱾ ᱱᱚᱶᱟ ᱫᱚ ᱟᱭᱢᱟ ᱪᱟᱝᱜᱟ ᱛᱟᱞᱟ ᱛᱮᱜᱮ ᱩᱛᱱᱟᱹᱣ ᱪᱟᱞᱟᱜᱼᱟ᱾

(᱘)  ᱥᱟᱱᱟᱢ ᱯᱟᱹᱨᱥᱤ ᱠᱚ ᱨᱮᱭᱟᱜ ᱜᱮ ᱱᱟᱜᱟᱢ ᱛᱟᱦᱮᱸᱱᱟ ᱾ ᱯᱟᱹᱨᱟᱤ ᱫᱚ ᱥᱟᱨᱟ ᱜᱷᱟᱹᱲᱤᱡ ᱟᱸᱴ ᱠᱷᱚᱱ ᱟᱣᱥᱟᱱ ᱥᱮ ᱢᱟᱨᱟᱝ ᱠᱷᱚᱱ ᱦᱩᱰᱤᱝ ᱥᱮᱱ ᱟᱨ ᱵᱮᱵᱩᱡᱽ ᱠᱷᱚᱱ ᱵᱩᱡᱷ ᱥᱮᱱ ᱪᱟᱞᱟᱜᱼᱟ᱾

(᱙)  ᱥᱟᱱᱟᱢ ᱯᱟᱹᱨᱥᱤ ᱠᱚ ᱨᱮᱭᱟᱜ ᱜᱮ  ᱟᱯᱱᱟᱨᱼᱟᱯᱱᱟᱨ ᱥᱤᱢᱟᱹ ᱛᱟᱦᱮᱸᱱᱟ ᱾ ᱥᱤᱢᱟᱹ ᱠᱷᱚᱱ ᱵᱟᱦᱨᱮ ᱫᱚ ᱟᱭᱟᱜ ᱢᱩᱴᱷᱟᱹᱱ ᱵᱚᱫᱚᱞᱚᱜᱼᱟ᱾

(᱑᱐)  ᱯᱟᱹᱨᱥᱤ ᱫᱚ ᱞᱮᱜᱽᱼᱪᱟᱞ ᱛᱟᱞᱟ ᱛᱮᱜᱮ ᱩᱛᱱᱟᱹᱣ ᱟᱨ ᱞᱮᱜᱽᱼᱪᱟᱞ ᱠᱚ ᱦᱟᱹᱨᱥᱩᱲᱚᱜᱼᱟ ᱥᱟᱶᱛᱮ ᱯᱟᱹᱨᱥᱤ ᱦᱚᱸ ᱦᱟᱹᱨᱥᱩᱲ ᱤᱫᱤᱜᱼᱟ᱾

(᱑᱑)  ᱯᱟᱨᱹᱥᱤ ᱨᱮᱭᱟᱜ ᱵᱨᱟᱭᱟ ᱢᱩᱴᱷᱟᱹᱱ ᱛᱟᱦᱮᱸᱱᱟ ᱾ ᱚᱱᱟ ᱫᱚ ᱚᱞ ᱛᱮᱭᱟᱜ ᱟᱨ ᱨᱚᱲ ᱛᱮᱭᱟᱜ ᱠᱟᱛᱷᱟᱡᱽ ᱥᱟᱶᱦᱮᱫ ᱯᱟᱹᱨᱥᱤ ᱟᱨ ᱨᱚᱲ ᱯᱟᱹᱨᱥᱤ ᱥᱟᱶ ᱜᱮ ᱛᱟᱦᱮᱸᱱᱟ᱾

(᱑᱒)  ᱯᱟᱹᱨᱥᱤ ᱨᱮᱭᱟᱜ ᱥᱟᱹᱜᱟᱹᱭ ᱫᱚ ᱚᱞ; ᱟᱨ ᱨᱚᱲ ᱵᱟᱱᱟᱨ ᱢᱩᱴᱷᱟᱹᱱ ᱥᱟᱶ ᱜᱮ ᱛᱟᱦᱮᱸᱱᱟ᱾

(᱑᱓)  ᱯᱟᱹᱨᱥᱤ ᱩᱛᱱᱟᱹᱣ ᱞᱟᱹᱜᱤᱫ ᱫᱚ ᱨᱚᱱᱚᱲ ᱨᱮᱭᱟᱜ ᱱᱮᱶ ᱟᱹᱨᱤ ᱛᱚᱞᱼᱛᱚᱯᱚᱞ ᱩᱨᱤᱡ ᱩᱛᱟᱹᱨ ᱠᱷᱚᱱ ᱫᱚ ᱥᱟᱦᱟ ᱜᱮ ᱛᱟᱦᱮᱸᱱᱟ᱾

(᱑᱔)  ᱯᱟᱹᱨᱥᱤ ᱨᱮᱭᱟᱜ ᱡᱟᱱᱟᱢ ᱫᱚ ᱵᱷᱟᱹᱵᱽ (ᱟᱹᱭᱟᱹ) ᱛᱮᱫ ᱥᱚᱫᱚᱨ ᱞᱟᱹᱜᱤᱫ ᱠᱟᱱᱟ᱾

(᱑᱕)  ᱥᱟᱱᱟᱢ ᱯᱟᱹᱨᱥᱤ ᱜᱮ ᱟᱲᱟᱜᱝ ᱡᱚᱛᱮᱛᱮ ᱨᱚᱲᱚᱜᱚᱜ ᱠᱟᱱᱟ ᱟᱨ ᱪᱤᱠᱤ ᱦᱚᱛᱮᱛᱮ ᱚᱞᱚᱜᱚᱜ ᱠᱟᱱᱟ᱾

(᱑᱖)  ᱡᱟᱦᱟᱸᱱ ᱯᱟᱹᱨᱥᱤ ᱨᱮᱜᱮ ᱟᱹᱲᱟᱹ ᱨᱮᱭᱟᱜ ᱢᱮᱱᱮᱛ ᱛᱟᱦᱟᱸᱱᱟ᱾

Santhali Grammar
ᱥᱟᱱᱛᱟᱲᱤ ᱨᱚᱱᱚᱲ
Authers
sri Rupchand Hansda
Dr. Ratan Hembram 
Sri Sodhan kumar Mandi
"    Thakur Das Hembram
"   Shyam charan Hembram
"  Namra Charan Hansda
" Muhiram Besra 
Dr. Nikudimus Tudu


                                                   Editor
                                         Dr. I.S. BORKAR