ᱨᱚᱱᱚᱲ
ᱢᱚᱱᱨᱮ ᱛᱟᱨᱠᱚᱜ ᱠᱟᱱ ᱟᱹᱭᱠᱟᱹᱣᱚᱜ ᱠᱟᱱ ᱟᱹᱭᱟ ᱢᱮᱱᱮᱱ ᱟᱹᱭᱠᱟᱹᱣ ᱛᱮᱫ ᱯᱷᱚᱴᱮᱞ ᱚᱪᱚᱭ ᱞᱟᱹᱜᱤᱫ ᱢᱚᱪᱟ ᱨᱮᱭᱟᱜ ᱥᱟᱰᱮ ᱜᱮ ᱨᱚᱲ ᱾
ᱨᱚᱱᱚᱲ ᱼ ᱨᱚᱲ ᱠᱚ ᱡᱩᱛ ᱥᱟᱺᱦᱤᱡ ᱨᱚᱲ ᱜᱟᱱ ᱚᱪᱚᱭ ᱛᱮᱭᱟᱜ ᱫᱷᱟᱹᱲ ᱥᱩᱛᱩᱨ ᱜᱮ ᱨᱚᱱᱚᱲ ᱾
ᱚᱠᱟ ᱫᱟᱲᱮ ᱛᱮᱵᱳ ᱨᱚᱲ ᱠᱟᱱᱟ ?
ᱟᱵᱚ ᱢᱩᱸ ᱛᱮ ᱟᱨ ᱢᱚᱪᱟ ᱛᱮᱦᱚᱸ ᱦᱚᱭ ᱵᱚ ᱥᱟᱦᱮᱫ ᱟᱫᱮᱨ ᱮᱫᱟ᱾ ᱨᱚᱲ ᱡᱚᱦᱚᱜ ᱚᱱᱟ ᱦᱚᱭ ᱢᱚᱪᱟ ᱥᱮᱱ ᱛᱮᱵᱚ ᱥᱟᱦᱮᱫ ᱟᱫᱮᱨ ᱚᱰᱚᱠ ᱚᱪᱚ ᱮᱫᱟ᱾ ᱩᱱᱡᱚᱦᱚᱜ ᱟᱞᱟᱝ ᱩᱞᱴᱟᱹᱣ ᱟᱛᱮ ᱢᱚᱪᱟ ᱨᱮ ᱚᱱᱟ ᱦᱚᱭ ᱵᱚ ᱛᱟᱹᱯᱤᱝ ᱚᱪᱚ ᱮᱫᱟ᱾ ᱚᱱᱟ ᱫᱟᱲᱮ ᱛᱮᱵᱚ ᱨᱚᱲ ᱮᱫ ᱠᱟᱱᱟ᱾
ᱚᱠᱚᱭ ᱦᱚᱲᱟᱜ ᱟᱞᱟᱝ ᱛᱤᱱ ᱞᱮᱠᱟᱭ ᱩᱞᱴᱟᱹᱣ ᱮᱫᱟ ᱫᱟᱲᱮᱭᱟᱜᱼᱟ ᱩᱱᱤ ᱩᱱᱟᱹᱜ ᱞᱮᱠᱟᱭ ᱨᱚᱲ ᱫᱟᱲᱮᱭᱟᱜᱼᱟ᱾ ᱚᱱᱟ ᱫᱳ ᱦᱮᱣᱟ ᱫᱟᱨᱮ ᱛᱮᱦᱚᱸ ᱦᱩᱭᱩᱜ ᱜᱮᱭᱟ ᱾
ᱨᱚᱲ ᱫᱚ ᱚᱠᱟ ᱠᱷᱚᱱ ᱧᱟᱢ ᱮᱱᱟ ?
ᱨᱚᱲ ᱫᱚ ᱚᱠᱟ ᱠᱷᱚᱱ ᱧᱟᱢ ᱮᱱᱟ ᱼ ᱚᱱᱟ ᱵᱟᱰᱟᱭ ᱫᱚ ᱟᱸᱴ ᱜᱮᱭᱟ ᱾ ᱮᱱᱦᱚᱸ ᱛᱤᱱᱟᱹᱜ ᱨᱚᱲ ᱠᱚᱨᱮ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟ ᱾ ᱛᱤᱱᱤᱱ ᱨᱚᱲ ᱫᱚ ᱡᱟᱹ ᱨᱮᱭᱟᱜ ᱥᱟᱰᱮ ᱠᱚᱨᱮ ᱠᱷᱚᱱ ᱛᱤᱱᱤᱱ ᱨᱚᱲ ᱫᱚ ᱢᱚᱱ ᱨᱮᱭᱟᱜ ᱟᱹᱭᱟᱹ ᱯᱷᱚᱴᱮᱞ ᱚᱪᱚᱭ ᱞᱟᱹᱜᱤᱫ ᱟᱡ ᱟᱡᱴᱮ ᱢᱚᱪᱟ ᱨᱮ ᱚᱱᱟ ᱨᱮᱭᱟᱜ ᱥᱟᱰᱮ ᱛᱟᱣᱟᱜ ᱧᱟᱢᱮᱱ ᱞᱮᱠᱟᱛᱮ ᱧᱟᱢ ᱟᱠᱟᱱᱟ ᱾
ᱡᱟᱹ ᱨᱮᱭᱟᱜ ᱥᱟᱰᱮ ᱠᱷᱚᱱ ᱧᱟᱢ ᱟᱠᱟᱱᱟᱜ ᱠᱚᱫᱚ ᱺᱼ
ᱥᱟᱲ ᱥᱟᱲ ᱥᱟᱰᱮ ᱠᱷᱚᱱ ᱥᱟᱰᱮ,
ᱦᱩ ᱦᱩ ᱥᱟᱰᱮ ᱠᱷᱚᱱ ᱦᱚᱭ, ᱦᱟᱫᱟᱨ
ᱦᱩᱰ ᱦᱩᱰ ᱥᱟᱰᱮ ᱠᱷᱚᱱ ᱦᱩᱰᱩᱨ
ᱨᱟᱴ ᱨᱟᱴ ᱥᱟᱰᱮ ᱠᱷᱚᱱ ᱨᱟᱹᱯᱩᱫ
ᱫᱷᱟᱹᱣ ᱫᱷᱟᱹᱣ ᱥᱟᱰᱮ ᱠᱷᱚᱱ ᱫᱷᱟᱹᱜᱟᱹᱣ
ᱨᱚᱲ ᱨᱚᱲ ᱥᱟᱰᱮ ᱠᱷᱚᱱ ᱨᱟᱲᱚ,
ᱥᱚᱨ ᱥᱚᱨ ᱥᱟᱰᱮ ᱠᱷᱚᱱ ᱥᱚᱦᱚᱨ , ᱥᱟᱨ,
ᱡᱷᱟᱲ ᱡᱷᱟᱲ ᱥᱟᱰᱮ ᱠᱷᱟᱱ ᱡᱟᱹᱲᱤ
ᱡᱷᱟᱨ ᱡᱷᱟᱨ ᱥᱟᱰᱮ ᱠᱷᱚᱱ ᱡᱷᱟᱨᱱᱟ ᱮᱢᱟᱱ
ᱢᱚᱱ ᱨᱮᱭᱜᱟ ᱟᱹᱭᱟᱹ ᱠᱷᱚᱱ ᱧᱟᱢ ᱮᱱᱟᱜ ᱠᱚᱫᱚ ᱺᱼ
ᱦᱟᱹᱥᱩ ᱠᱷᱟᱹᱛᱤᱨ ᱛᱮᱼ
ᱦᱟᱭ ᱦᱟᱭᱩᱜ, ᱦᱟᱹᱥᱩ ᱦᱟᱨᱠᱮᱛ᱾
ᱨᱟᱹᱥᱠᱟᱹ ᱠᱷᱟᱹᱛᱤᱨ ᱛᱮᱼ
ᱦᱟᱹᱞᱟᱹ ᱦᱤᱦᱟ ᱦᱟᱜ ᱦᱟ ᱾
ᱟᱨ ᱦᱚᱸ ᱛᱤᱱᱤᱱ ᱪᱮᱬᱮ ᱪᱤᱯᱨᱩ ᱟᱨ ᱡᱤᱣᱤ ᱡᱟᱱᱣᱟ ᱠᱚᱣᱟᱜ ᱧᱩᱛᱩᱢ ᱠᱚᱫᱚ ᱩᱱᱠᱩᱣᱟᱜ ᱨᱟᱹᱲ ᱟᱨ ᱟᱹᱲ ᱠᱚᱨᱮ ᱠᱷᱚᱱ ᱦᱟᱛᱟᱣ ᱟᱠᱟᱱᱟ᱾
ᱪᱮᱬᱮ ᱪᱤᱯᱨᱩ ᱠᱚᱣᱟᱜ ᱨᱟᱹᱲ ᱠᱷᱚᱱ ᱺᱼ
ᱪᱮᱸᱲᱮᱫ ᱪᱮᱸᱲᱮᱫ ᱠᱷᱚᱱᱼ ᱪᱮᱸᱬᱮ,
ᱠᱟᱜ ᱠᱟᱜ ᱠᱷᱚᱱᱼ ᱠᱟᱹᱦᱩ,
ᱛᱩᱫ ᱛᱩᱫ ᱠᱷᱚᱱ ᱛᱩᱫᱼ
ᱨᱮᱧ ᱨᱮᱧ ᱠᱷᱚᱱᱼ ᱨᱮᱨᱮᱧ ᱮᱢᱟᱱ
ᱡᱤᱣᱤ ᱡᱟᱱᱣᱟ ᱠᱚᱣᱟᱜ ᱟᱹᱲ ᱠᱷᱚᱱᱺᱼ
ᱢᱮ ᱢᱮ ᱠᱷᱚᱱ ᱢᱮᱨᱚᱢ,
ᱵᱷᱮᱜ ᱵᱷᱮᱜ ᱠᱷᱚᱱ ᱵᱷᱮᱰᱟ,
ᱠᱷᱤᱬᱤ ᱠᱷᱤᱬᱤ ᱠᱷᱚᱱ ᱠᱷᱤᱠᱲᱤ,
ᱪᱮᱨᱴ ᱪᱮᱨᱴ ᱠᱷᱚᱱ ᱪᱮᱨᱪᱮᱴᱮᱡ ᱮᱢᱟᱱ᱾
ᱟᱹᱭᱟᱹ ᱠᱷᱚᱱ ᱨᱟᱠᱟᱵ ᱟᱠᱟᱱ ᱠᱚᱫᱚᱼ
ᱡᱚ, ᱫᱟ, ᱡᱤᱞ, ᱢᱟᱜ, ᱜᱚᱜ,᱾
ᱨᱟᱹᱥᱠᱟᱹ, ᱦᱟᱹᱥᱠᱟᱹ ᱦᱚᱭᱟᱝ, ᱮᱢᱟᱱ ᱠᱚ᱾
ᱚᱱᱠᱟ ᱨᱚᱲ ᱨᱚᱲ ᱛᱮᱜᱮ ᱨᱚᱲ ᱠᱚ ᱧᱟᱢ ᱤᱫᱤ ᱟᱠᱟᱱᱟ ᱟᱨᱦᱚᱸ ᱧᱟᱢ ᱤᱫᱤᱜ ᱠᱟᱱ ᱜᱮᱭᱟ᱾
ᱟᱲᱟᱝᱼ ᱨᱚᱲ ᱨᱮᱭᱟᱜ ᱯᱩᱥᱴᱟᱹᱣ ᱥᱟᱰᱮ ᱟᱨ ᱚᱱᱟ ᱨᱮᱭᱟᱜ ᱨᱟᱲᱟᱝ ᱛᱮᱫ ᱜᱮ ᱟᱲᱟᱝ ᱵᱚ ᱢᱮᱛᱟᱜᱼᱟ᱾
ᱟᱹᱲᱼ ᱦᱟᱹᱭᱟᱹ ᱵᱷᱟᱵᱽᱱᱟ ᱫᱚᱲ ᱛᱮ ᱢᱚᱪᱟᱨᱮ ᱛᱟᱣᱟᱜ ᱛᱟᱨᱠᱚᱚᱜ ᱠᱟᱱ ᱥᱟᱰᱮ ᱟᱨ ᱨᱚᱲ ᱵᱟᱝ ᱪᱮᱫ ᱟᱠᱟᱫ ᱜᱤᱫᱽᱨᱟᱹ ᱠᱚᱣᱟᱜ ᱨᱚᱲ ᱫᱚ ᱟᱹᱲ᱾
ᱚᱞ ᱪᱤᱠᱤ
ᱚᱞᱼ ᱨᱚᱲ ᱠᱚ ᱵᱟᱝ ᱥᱟᱰᱮ ᱚᱪᱚ ᱠᱟᱛᱮ ᱵᱟᱝ ᱟᱸᱡᱚᱢ ᱚᱪᱚ ᱠᱟᱛᱮᱢᱮᱫ ᱥᱟᱢᱟᱝ ᱛᱮ ᱧᱮᱞ ᱠᱟᱛᱮ ᱢᱚᱱᱮ ᱢᱚᱱᱮ ᱛᱮ ᱨᱚᱲ ᱠᱚ ᱵᱟᱰᱟᱭ ᱡᱚᱝ ᱛᱮ ᱜᱟᱨ ᱪᱤᱠᱷᱱᱟᱹ ᱜᱮ ᱚᱞ ᱫᱚ᱾
ᱪᱤᱠᱤᱼ ᱚᱞ ᱠᱚ ᱨᱮᱭᱟᱜ ᱜᱟᱨ ᱪᱤᱠᱷᱱᱟᱹ ᱜᱮ ᱨᱚᱲ ᱜᱮ ᱪᱤᱠᱤ ᱫᱚ᱾
ᱚᱞ ᱪᱤᱠᱤᱼ ᱚᱠᱟ ᱞᱮᱠᱟ ᱨᱮ ᱚᱲᱚᱝ ᱮᱱᱟ?
ᱵᱩᱡᱷᱟᱹᱣᱜ ᱠᱟᱱᱟ, ᱚᱱᱟ ᱠᱚ ᱨᱮᱭᱟᱜ ᱪᱤᱛᱟᱹᱨ ᱠᱷᱚᱱ ᱜᱮ ᱚᱞ ᱪᱤᱠᱤ ᱫᱚ ᱚᱲᱚᱝ (ᱱᱤᱛ ᱵᱚ ᱢᱮᱛᱟᱜ ᱠᱟᱱ ᱚᱞ ᱪᱤᱠᱤ) ᱮ ᱧᱮᱞ ᱞᱮᱠᱷᱟᱱ ᱜᱮ ᱚᱱᱟ ᱡᱤᱱᱤᱥ ᱵᱟᱝ ᱠᱷᱟᱱ ᱟᱹᱭᱟᱹ ᱵᱟᱝ ᱠᱷᱟᱱ ᱠᱟᱹᱢᱤ ᱨᱮᱭᱟᱜ ᱧᱩᱛᱩᱢᱮ ᱞᱟᱹᱭᱟ᱾ ᱟᱫᱚ ᱳᱱᱮ ᱚᱱᱠᱟ ᱡᱤᱱᱤᱥ ᱵᱟᱝᱠᱷᱟᱱ ᱠᱟᱹᱢᱤ ᱵᱟᱝᱠᱷᱟᱱ ᱟᱹᱭᱟᱹ ᱠᱷᱚᱱ ᱜᱮ ᱚᱱᱟ ᱧᱩᱛᱩᱢ ᱼ ᱚᱱᱟ ᱚᱲᱚᱚᱝ ᱚᱞ ᱪᱤᱠᱤ ᱦᱩᱭ ᱟᱠᱟᱱᱟ᱾
ᱫᱥᱤᱚᱢ ᱨᱮ ᱟᱹᱰᱤ ᱞᱮᱠᱟᱱ ᱪᱤᱠᱤ, ᱢᱮᱱᱟᱜᱼᱟ᱾ ᱦᱤᱸᱫᱤ ᱨᱚᱲ ᱱᱟᱹᱯᱤᱛ ᱦᱤᱸᱫᱤ ᱪᱤᱠᱤ, ᱵᱟᱝᱞᱟ ᱨᱚᱲ ᱱᱟᱹᱯᱤᱛ ᱵᱟᱝᱞᱟ ᱪᱤᱠᱤ, ᱩᱰᱭᱟᱹ ᱨᱚᱲ ᱱᱟᱹᱯᱤᱛ ᱩᱰᱤᱭᱟᱹ ᱪᱤᱠᱤ, ᱛᱟᱹᱢᱤᱞ ᱨᱚᱲ ᱱᱟᱹᱯᱤᱛ ᱛᱟᱹᱢᱤᱞ ᱪᱤᱠᱤ ᱾ ᱚᱱᱠᱟ ᱡᱩᱫᱟᱹ ᱡᱩᱫᱟᱹ ᱨᱚᱲ ᱨᱮᱭᱟᱜ ᱡᱩᱫᱟᱹ ᱡᱩᱫᱟᱹ ᱟᱲᱟᱝ ᱟᱹᱱᱩᱡ ᱡᱩᱫᱟᱹ ᱡᱩᱫᱟᱹ ᱪᱤᱠᱤ ᱢᱮᱱᱟᱜᱼᱟ᱾ ᱟᱵᱚᱣᱟᱜ ᱟᱲᱟᱝ ᱟᱹᱱᱩᱡ ᱪᱤᱠᱤ ᱫᱚ "ᱚᱞ ᱪᱤᱠᱤ" ᱱᱚᱣᱟ ᱚᱞ ᱪᱤᱠᱤ ᱛᱮ ᱟᱵᱚᱣᱟᱜ ᱡᱚᱛᱚ ᱞᱮᱠᱟᱱ ᱟᱲᱟᱝ ᱚᱞ ᱨᱟᱠᱟᱵ ᱠᱟᱱᱟ᱾
ᱚᱞ ᱪᱤᱠᱤ ᱠᱚᱫᱚ
 |
ᱱᱤᱛ ᱫᱚ ᱱᱤᱣᱟ ᱚᱞ ᱠᱚ ᱚᱠᱟ ᱫᱚ ᱚᱠᱟ ᱞᱮᱠᱟᱱ ᱚᱞᱼ ᱚᱱᱟ ᱵᱚ ᱧᱮᱞᱟ᱾ ᱛᱷᱟᱹᱨ ᱫᱚ ᱠᱚᱧᱮ ᱠᱷᱚᱱ ᱮᱛᱚᱢ ᱛᱮ ᱵᱟᱝ ᱧᱮᱞ ᱠᱟᱴᱮ ᱪᱚᱴ ᱠᱷᱚᱱ ᱯᱷᱮᱰ ᱛᱮ ᱵᱚ ᱧᱮᱞ ᱢᱟᱼ
ᱛᱤ ᱛᱮᱭᱟᱜ ᱩᱥᱟᱹᱨᱟ ᱚᱞ
 |
| ᱛᱤ ᱛᱮᱭᱟᱜ ᱩᱥᱟ.ᱨᱟ ᱚᱞ |
ᱚᱞ ᱪᱤᱠᱤ ᱫᱚ ᱨᱚᱲ ᱠᱷᱚᱱ ᱜᱮ ᱚᱲᱚᱝ ᱟᱠᱟᱱᱟ ᱾ ᱚᱠᱟ ᱨᱚᱲ ᱛᱮ ᱚᱠᱟ ᱡᱤᱱᱤᱥ ᱵᱟᱝ ᱠᱷᱟᱱ ᱟᱹᱭᱟᱹ ᱵᱟᱝ ᱠᱷᱟᱱ ᱠᱟᱹᱢᱤ ᱠᱚ ᱢᱟᱲᱟᱝ ᱛᱷᱟᱹᱨ ᱨᱮᱭᱟᱜ ᱚ,ᱟ,ᱤ,ᱩ,ᱳ ᱠᱷᱚᱱ ᱨᱟᱦᱟ ᱟᱲᱟᱝ ᱚᱞ᱾ ᱥᱮᱨᱮᱧ ᱪᱮ ᱨᱚᱲ ᱠᱚᱦᱚᱸ ᱱᱚᱶᱟ ᱟᱲᱟᱝ ᱛᱮᱜᱮ ᱟᱲᱟᱝ ᱚᱞ᱾ ᱥᱮᱨᱮᱧ ᱪᱮ ᱨᱚᱲ ᱠᱚᱦᱚᱸ ᱱᱚᱶᱟ ᱟᱲᱟᱝ ᱛᱮᱜᱮ ᱨᱟᱦᱟ ᱛᱮᱫ ᱫᱚ ᱨᱟᱠᱟᱵ ᱪᱟᱞᱟᱜ ᱠᱟᱱᱟ, ᱟᱨ ᱟᱴᱟᱜ ᱚᱞ ᱠᱚᱦᱚᱸ ᱚᱱᱟ ᱠᱚ ᱛᱮᱜᱮ ᱛᱚᱯᱚᱞ ᱠᱟᱱᱟ, ᱚᱱᱟᱛᱮᱱᱚᱣᱟ ᱚᱞ ᱠᱳᱫᱚ ᱨᱟᱦᱟ ᱟᱲᱟᱝ ᱚᱞ ᱵᱚ ᱢᱮᱛᱟᱜ ᱠᱟᱱᱟ᱾
ᱮᱴᱟᱜᱟᱜ ᱠᱚᱫᱚ ᱡᱚᱛᱚ ᱠᱮᱪᱮᱫ ᱟᱲᱟᱝ ᱚᱞ ᱠᱟᱱᱟ ᱾ ᱱᱚᱶᱟ ᱠᱚᱨᱮ ᱫᱚ ᱨᱟᱦᱟ ᱫᱚ ᱵᱟᱹᱱᱩᱜᱼᱟ᱾ ᱚᱱᱟᱛᱮ ᱱᱚᱣᱟ ᱠᱚᱫᱚ ᱟᱠᱚ ᱥᱩᱢᱩᱝ ᱛᱮᱫᱚ ᱵᱟᱠᱚ ᱨᱚᱲ ᱧᱟᱢᱚᱜᱼᱟ᱾ ᱨᱚᱲ ᱧᱟᱢ ᱚᱪᱚ ᱠᱚ ᱞᱟᱹᱜᱤᱫ ᱛᱮ ᱚᱱᱟ ᱠᱚ ᱢᱟᱬᱟᱝ ᱨᱮ ᱟᱹᱜᱭᱩᱨ ᱜᱚᱜᱲᱚ ᱠᱚ ᱞᱮᱠᱟ ᱛᱮ ᱼ ᱚ, ᱟ, ᱤ, ᱩ, ᱮ, ᱳ ᱨᱟᱦᱟ ᱟᱲᱟᱝ ᱠᱚ ᱫᱚᱦᱚ ᱟᱠᱟᱱᱟ ᱾
ᱢᱮᱱᱢᱟ ᱡᱤᱱᱤᱥ ᱛᱮᱫ ᱫᱚ ᱚᱱᱟ ᱨᱟᱦᱟ ᱚᱞ ᱨᱮᱭᱟᱜ ᱟᱲᱟᱝ ᱵᱷᱮᱜᱮᱫ ᱚᱠᱟ ᱥᱟᱨᱮᱡᱚᱜ ᱠᱟᱱᱟ ᱤᱱᱟᱹ ᱛᱮᱫ ᱥᱩᱢᱩᱝ ᱜᱮ ᱚᱱᱟ ᱠᱚ ᱟᱲᱟᱝ ᱵᱤᱰᱟᱹᱣ ᱞᱮᱠ ᱠᱟᱱᱟ ᱢᱟ ᱱᱷᱟᱜ ᱚᱱᱟ ᱨᱟᱦᱟ ᱟᱲᱟᱜ ᱵᱟᱝ ᱨᱚᱲ ᱠᱟᱛᱮ ᱚᱱᱟ ᱠᱚ ᱥᱩᱢᱩᱝ ᱵᱚ ᱵᱤᱰᱟᱹᱣᱟ᱾ ᱼᱼᱼᱼᱼᱼᱼᱼ ᱼᱼᱼᱼᱼ᱾ ᱚᱱᱮ ᱵᱟᱝ ᱨᱚᱲ ᱧᱟᱢᱚᱜ ᱠᱟᱱᱟ ᱚᱱᱟ ᱛᱮᱜᱮ ᱚᱱᱟ ᱠᱚᱫᱚ ᱠᱮᱪᱮᱫ ᱟᱲᱟᱝ ᱚᱞ ᱵᱚ ᱢᱮᱛᱟᱜ ᱠᱟᱱᱟ᱾
ᱱᱚᱣᱟ ᱠᱚ ᱢᱟᱹᱫ ᱨᱮ ᱼ ᱵᱟᱨᱟᱜ ᱛᱷᱟᱨᱟᱜ ᱨᱮᱭᱟᱜ ᱼ ᱛ, ᱠ, ᱥ, ᱪ, ᱴ ᱠᱚᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱚᱞ ᱠᱟᱱᱟ᱾
ᱯᱮᱭᱟᱜ ᱛᱷᱟᱨ ᱨᱮᱭᱟᱜ ᱼ ᱜ, ᱡ, ᱦ, ᱫ, ᱰ, ᱵ, ᱠᱚᱫᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱚᱞ ᱠᱟᱱᱟ᱾ ᱚᱱᱟ ᱠᱚ ᱨᱚᱲ ᱡᱚᱦᱚᱜ ᱫᱚ ᱢᱚᱪᱟ ᱨᱮᱭᱟᱜ ᱦᱚᱭ ᱫᱚ ᱢᱚᱪᱟ ᱨᱮᱜᱮ ᱛᱟᱹᱯᱩᱫ ᱛᱟᱦᱮᱸ ᱜᱚᱫᱚᱜᱼᱟ᱾ ᱢᱮᱱᱢᱟ ᱼ ᱜ, ᱡ, ᱫ, ᱰ, ᱵ ᱫᱚ ᱛᱟᱹᱯᱩᱜ ᱠᱮᱪᱮᱫ ᱟᱲᱟᱝ ᱛᱮ ᱪᱟᱞᱟᱜ ᱨᱮᱦᱚᱸ ᱟᱵᱚ ᱵᱟᱵᱚ ᱛᱟᱹᱯᱩᱜ ᱚᱪᱚ ᱮᱫᱼᱟ᱾ ᱯᱟᱨᱦᱟᱲ ᱟᱲᱟᱝ ᱛᱮᱵᱚ ᱨᱚᱲ ᱮᱫᱟ᱾ ᱚᱱᱠᱟ ᱜᱮ ᱜ, ᱡ, ᱫ, ᱵ, ᱠᱚᱦᱚᱸ ᱯᱟᱨᱦᱟᱲ ᱚᱪᱚ ᱞᱮᱠᱷᱟᱱ ᱚᱱᱟ ᱠᱚᱫᱚ ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ ᱚᱜᱼᱟᱲᱟᱝᱟ ᱠᱚ ᱯᱟᱨᱦᱟᱲ ᱚᱪᱚᱭ ᱛᱮᱭᱟᱜ ᱠᱟᱛᱷᱟ ᱦᱚᱸ ᱢᱮᱱᱟᱜ ᱜᱮᱭᱟ ᱼ ᱛᱟᱭᱚᱢ ᱛᱮᱵᱚ ᱧᱟᱢᱟ᱾
ᱯᱩᱱᱟᱜ ᱛᱷᱟᱹᱨ ᱨᱮᱭᱟᱜ ᱼ ᱝ, ᱬ, ᱧ, ᱬ, ᱣ, ᱠᱳᱫᱳ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱳᱞ ᱟᱠᱟᱱᱟ ᱾ ᱱᱚᱣᱟ ᱠᱚ ᱨᱚᱲ ᱫᱚ ᱢᱚᱪᱟ ᱨᱮᱭᱟᱜ ᱦᱚᱭ ᱢᱩᱸ ᱨᱮ ᱛᱟᱨᱠᱚᱜᱼᱟ᱾ ᱱᱚᱶᱟ ᱠᱚᱫᱚ ᱯᱟᱨᱦᱟᱲ ᱜᱮᱭᱟ ᱾ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱵᱚ ᱢᱮᱛᱟᱜᱼᱟ᱾
ᱢᱚᱬᱮᱭᱟᱜ ᱛᱷᱟᱹᱨ ᱨᱮᱭᱟᱜ ᱼ ᱯ, ᱣ, ᱨ, ᱲ, ᱷ, ᱠᱚᱫᱚ ᱠᱮᱪᱮᱫ ᱟᱲᱟᱝ ᱚᱞ ᱜᱮ ᱱᱩᱠᱩ ᱫᱚ ᱨᱟᱲᱟᱝ ᱚᱞ ᱵᱷᱮᱜᱮᱫ ᱮᱴᱟᱜ ᱚᱞ ᱨᱮᱠᱚ ᱡᱮᱞᱮᱫ ᱫᱟᱲᱮᱭᱟᱜᱼᱟ᱾ ᱚᱱᱟᱛᱮ ᱱᱚᱣᱟ ᱠᱚᱫᱚ ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ ᱵᱚ ᱢᱮᱛᱟᱜᱼᱟ᱾
ᱱᱚᱣᱟ ᱚᱞ ᱵᱷᱮᱜᱮᱫ ᱟᱨᱦᱚᱸ ᱴᱩᱰᱟᱹᱜ ᱪᱤᱠᱤ ᱠᱚ ᱢᱮᱱᱟᱜᱼᱟ᱾ ᱚᱱᱟ ᱠᱚᱫᱚ ᱸ (ᱢᱩᱸ ᱴᱩᱰᱟᱹᱜ) , ᱹ (ᱜᱟᱹᱦᱞᱟᱹ ᱴᱩᱰᱟᱹᱜ) ᱼ (ᱯᱷᱟᱨᱠᱟ), ᱽ (ᱚᱦᱚᱫᱽ), ᱾ ᱱᱚᱣᱟ ᱠᱚᱫᱚ ᱟᱠᱚ ᱥᱩᱢᱩᱝ ᱛᱮᱫᱚ ᱵᱟᱝ ᱠᱚ ᱟᱲᱟᱝ ᱠᱚᱜᱼᱟ᱾ ᱮᱴᱟᱜ ᱚᱞ ᱠᱚᱨᱮ ᱠᱚ ᱡᱟᱯᱟᱜ ᱞᱮᱱ ᱮᱱᱟᱝ ᱠᱚ ᱟᱲᱟᱝᱚᱜᱼᱟ, ᱟᱨ ᱚᱱᱟᱛᱮ ᱚᱱᱟ ᱚᱞ ᱨᱮᱭᱟᱜ ᱥᱟᱰᱮ ᱠᱚ ᱟᱹᱨᱩ ᱚᱪᱚᱭᱟ᱾
ᱸ (ᱢᱩ ᱴᱩᱰᱟᱹᱜ)ᱺᱼ ᱢᱩᱸ ᱴᱩᱰᱟᱹᱜ ᱫᱚ ᱨᱟᱦᱟ ᱟᱲᱟᱝ ᱠᱚᱨᱮ ᱡᱟᱯᱟᱜᱚᱜᱼᱟ ᱟᱨ ᱨᱟᱦᱟ ᱟᱲᱟᱝ ᱠᱚ ᱢᱩᱸ ᱛᱮ ᱟᱲᱟᱝ ᱚᱪᱚᱭᱟ᱾
ᱹ (ᱜᱟᱹᱦᱞᱟᱹ ᱴᱩᱰᱟᱹᱜ)ᱺᱼ ᱜᱟᱹᱦᱞᱟ ᱫᱚ ᱨᱟᱦᱟ ᱟᱲᱟᱝ ᱚᱞ ᱠᱚᱨᱮ ᱡᱟᱯᱟᱜᱚᱜᱼᱟ᱾ᱚᱱᱟ ᱨᱟᱦᱟ ᱟᱲᱟᱝ ᱠᱚᱭ ᱜᱟᱹᱦᱞᱟᱹ ᱚᱪᱚᱭᱟ᱾
ᱻ (ᱨᱮᱞᱟ)ᱺᱼ ᱨᱮᱞᱟ ᱫᱚ ᱨᱟᱦᱟ ᱟᱲᱟᱝ ᱠᱚᱨᱮ ᱛᱚᱸᱜᱮᱜᱼᱟ, ᱟᱨ ᱚᱱᱟ ᱨᱟᱦᱟ ᱠᱚᱭ ᱨᱮᱞᱟᱣ ᱚᱪᱚᱭᱟ᱾
ᱼ (ᱯᱷᱨᱠᱟ )ᱺᱼ ᱡᱟᱦᱟᱸᱱ ᱚᱞ ᱠᱚ ᱛᱟᱞᱟ ᱨᱮᱜᱮ ᱞᱟᱜᱟᱛᱚᱜᱼᱟ᱾ ᱚᱱᱟᱛᱮᱚᱞ ᱨᱮᱭᱟᱜ ᱚᱞ ᱠᱚᱭ ᱯᱷᱟᱨᱟᱠ ᱚᱪᱚᱭᱟ᱾
ᱽ (ᱚᱦᱚᱫᱽ)ᱺᱼ ᱚᱦᱚᱫᱽ ᱫᱚ ᱢᱚᱪᱟ ᱨᱮᱭᱟᱜ ᱟᱲᱟᱝ ᱥᱟᱦᱮᱫ ᱦᱚᱭ ᱥᱟᱲᱮ ᱩᱥᱠᱟᱹᱣ ᱚᱰᱚᱠ ᱨᱮᱭᱟᱜ ᱥᱟᱰᱮ ᱛᱮᱫ ᱜᱮ ᱛᱟᱹᱯᱩᱜ ᱟᱲᱟᱝ ᱚᱞ ᱠᱚᱨᱮ ᱡᱟᱯᱟᱜᱚᱜᱼᱟ᱾ ᱟᱨ ᱚᱱᱟ ᱩᱥᱠᱟᱹᱣ ᱦᱚᱭ ᱫᱟᱲᱮ ᱛᱮ ᱛᱟᱹᱯᱩᱜ ᱟᱲᱟᱝ ᱠᱚᱭ ᱯᱟᱨᱦᱟᱲ ᱚᱪᱚᱭᱟ ᱟᱨ ᱠᱮᱪᱮᱫ ᱟᱲᱟᱝ ᱞᱮᱠᱟᱭ ᱯᱟᱨᱦᱟᱲ ᱚᱪᱚᱭᱟ᱾
ᱷᱺᱼ ᱠᱮᱪᱮᱫᱟᱲᱟᱝ ᱠᱚ ᱮᱫᱽᱨᱮ ᱛᱮ ᱨᱚᱲ ᱚᱪᱚᱭ ᱡᱚᱠᱷᱮᱡ "ᱷ" ᱡᱟᱯᱟᱜᱚᱜᱼᱟ, ᱡᱮᱞᱮᱠ ᱼ ᱰᱷᱮᱦᱮᱨ ᱨᱚᱲ ᱨᱮ "ᱰ" ᱨᱮ "ᱷ" ᱡᱮᱞᱮᱠ ᱠᱟᱛᱮ ᱰᱷᱮᱨ ᱟᱠᱟᱱᱟ ᱾ ᱱᱚᱸᱰᱮ ᱨᱚᱲ ᱨᱮ "ᱱ" ᱨᱮ ᱷ" ᱡᱮᱞᱮᱠ ᱠᱟᱛᱮ "ᱱᱷᱟᱰᱮ" ᱦᱩᱭ ᱟᱠᱟᱱᱟ᱾
ᱚᱞ ᱠᱚ ᱨᱮᱱᱟᱜ ᱜᱟᱵᱟᱱ
ᱡᱟᱦᱟᱸᱱᱟᱜ ᱛᱮᱠᱷᱚᱸᱡᱟ ᱤᱫᱤ ᱠᱟᱛᱮ ᱡᱚᱲᱟᱣ ᱢᱤᱫ ᱨᱚᱲ ᱜᱮ ᱜᱟᱵᱟᱱ ᱾ ᱢᱟᱞᱟ ᱠᱚ ᱥᱩᱛᱟᱢ ᱨᱮᱵᱚ ᱜᱟᱵᱟᱱᱟ ᱚᱱᱠᱟᱛᱮ ᱢᱟᱞᱟ ᱵᱚ ᱵᱮᱱᱟᱣᱟ᱾ ᱚᱞ ᱠᱚᱦᱚᱸ ᱚᱱᱠᱟᱜᱮ ᱨᱟᱦᱟ ᱟᱲᱟᱝ ᱛᱮᱠᱚ ᱜᱟᱵᱟᱱ ᱤᱫᱤᱜᱼᱟ᱾ ᱟᱫᱚ ᱨᱚᱲ ᱠᱚ ᱵᱮᱱᱟᱣᱜᱼᱟ᱾
ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ, ᱡᱮᱛᱮᱫ ᱠᱟᱪᱮᱫ ᱟᱲᱟᱝ, ᱨᱟᱲᱟᱝ ᱠᱮᱪᱮᱫ ᱟᱲᱟᱝ, ᱚᱞ ᱠᱚᱨᱮ ᱫᱚ ᱨᱟᱦᱟ ᱟᱲᱟᱝ ᱟᱨ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱚᱞ ᱫᱚ ᱨᱟᱦᱟ ᱟᱲᱟᱝ ᱫᱚ ᱟᱡ ᱟᱡ ᱛᱮᱜᱮᱭ ᱥᱟᱵ ᱜᱚᱫᱟ᱾ ᱚᱱᱮᱼ ᱛ+ᱚ=ᱚᱛ, ᱛ+ᱤ=ᱛᱤ, ᱛ+ᱩ=ᱛᱩ, ᱛ+ᱮ=ᱛᱮ, ᱛ+ᱳ=ᱛᱳ᱾ ᱮᱴᱟᱜᱟᱜ ᱠᱚᱨᱮ ᱦᱚᱸ ᱚᱱᱠᱟᱜᱮ ᱵᱟᱭ ᱴᱷᱟᱠᱮᱫ ᱵᱟᱲᱟᱜᱼᱟ᱾
ᱥᱩᱢᱟᱹᱫ ᱛᱟᱹᱯᱩᱜ ᱟᱲᱟᱝ ᱨᱮᱜᱮ ᱥᱟᱰᱮ ᱴᱷᱟᱠᱮᱫ ᱧᱚᱜᱚᱜᱼᱟ, ᱚᱱᱟᱨᱮ ᱚᱦᱚᱫᱽ ᱢᱮᱱᱮᱱ ᱨᱟᱦᱟ ᱟᱲᱟᱝ ᱨᱮᱭᱟᱜ ᱛᱚᱲ ᱠᱟᱹᱴᱤᱡ ᱦᱚᱸ ᱵᱟᱹᱱᱩᱜ ᱛᱮ ᱟᱫᱚ ᱢᱮᱱᱮᱠ ᱨᱟᱦᱟ ᱟᱲᱟᱝ ᱜᱮ ᱡᱚᱲᱟᱣᱚᱜ ᱠᱷᱟᱱ ᱚᱱᱟ ᱫᱚ ᱚᱱᱟ ᱛᱮᱜᱮ ᱛᱚᱞᱚᱜᱚᱜᱼᱟ᱾ ᱟᱨ ᱚᱱᱟ ᱫᱟᱲᱮ ᱛᱮ ᱚᱱᱟ ᱟᱹᱱᱩᱡ ᱨᱚᱲᱚᱜᱚᱜᱼᱟ᱾
ᱚᱱᱟ ᱞᱮᱠᱟ ᱛᱮᱵᱚ ᱟᱵᱚ ᱵᱚ ᱨᱚᱲ ᱠᱟᱱᱟ ᱼ ᱢᱮᱱᱟᱵᱚ ᱼᱨᱚᱜ ᱮ ᱠᱟᱱᱟᱭ "ᱜ" ᱨᱮ "ᱮ"ᱡᱚᱲᱟᱣ ᱮᱱᱛᱮ ᱜᱮ ᱮᱱᱟ ᱾
ᱟᱨᱦᱚᱸ ᱵᱚ ᱢᱮᱱᱟ ᱼ ᱩᱫ ᱤᱧ ᱠᱟᱱᱟᱭ ᱼ ᱨᱮ "ᱤ" ᱡᱚᱲᱟᱣ ᱮᱱᱛᱮ "ᱫᱤ" ᱮᱱᱟ ᱾
ᱟᱨᱦᱚᱸ ᱵᱚ ᱢᱮᱱᱟ ᱼ ᱟᱵ ᱚᱜ ᱠᱟᱱᱟᱭᱼᱟᱵᱚᱜ ᱠᱟᱱᱟᱭ "ᱵ" ᱨᱮ 'ᱚ" ᱡᱚᱲᱟᱣ ᱮᱱᱛᱮ 'ᱵᱚ" ᱮᱱᱟ᱾
ᱚᱱᱠᱟ ᱜᱮ ᱡᱚᱛᱚ ᱨᱮᱦᱟ ᱨᱮᱜᱮ ᱚᱱᱟ ᱟᱹᱱᱩᱡ ᱡᱚᱛᱚ ᱛᱟᱹᱯᱩᱜ ᱟᱲᱟᱝ ᱚᱞ ᱠᱚ ᱟᱲᱟᱝ ᱤᱫᱤᱜ ᱠᱟᱱᱟ᱾
ᱩᱱᱡᱚᱦᱚᱜ ᱫᱚ ᱚᱦᱚᱫ ᱨᱮᱭᱟᱜ ᱞᱟᱹᱠᱛᱤ ᱫᱚ ᱵᱟᱹᱱᱩᱜᱼᱟ᱾ ᱚᱱᱟ ᱨᱟᱦᱟ ᱟᱲᱟᱝ ᱛᱮ ᱞᱚᱴᱚᱢᱚᱜᱼᱟ᱾ ᱥᱩᱢᱟᱹᱫ ᱚᱠᱟ ᱨᱮ ᱛᱟᱹᱯᱩᱜ ᱟᱲᱟᱝ ᱯᱟᱨᱦᱟᱲ, ᱟᱲᱚᱜ ᱞᱟᱹᱠᱛᱤᱜᱼᱟ ᱩᱱ ᱡᱚᱦᱚᱜ ᱚᱱᱟ "ᱽ" ᱫᱚ ᱞᱟᱜᱟᱛᱚᱜᱼᱟ
ᱢᱤᱢᱤᱫᱴᱟᱝ ᱨᱚᱲ ᱜᱟᱵᱟᱱ ᱠᱚᱨᱮ "ᱽ" ᱚᱦᱚᱫᱽ ᱨᱮᱭᱟᱜ ᱞᱟᱹᱠᱛᱤ ᱫᱚ ᱢᱮᱱᱟᱜ ᱜᱮᱭᱟ ᱾ ᱟᱵᱚ ᱵᱚ ᱨᱚᱲᱟᱼᱞᱩᱜᱽᱲᱤ, ᱠᱟᱨᱟᱡᱽ, ᱟᱸᱵᱽᱲᱟ ᱵᱟᱫᱽᱲᱟ᱾ ᱢᱮᱱᱮᱠ ᱺᱼ ᱞᱩᱜᱲᱤ, ᱠᱟᱨᱟᱡᱹ ᱵᱟᱫᱲᱟ, ᱟᱸᱵᱲᱟᱫᱚ ᱵᱟᱝᱜᱮ ᱚᱱᱮ ᱚᱱᱠᱟᱱᱟᱜ ᱠᱚᱨᱮ ᱫᱚ "ᱽ" ᱦᱚᱸ ᱜᱟᱵᱟᱱ ᱜᱮᱭᱟ᱾
"ᱷ" ᱦᱚᱸ ᱚᱱᱠᱟ ᱜᱮ ᱠᱮᱪᱮᱫ ᱟᱲᱟᱝ ᱜᱮ ᱮᱫᱽᱨᱮ ᱵᱟᱝ ᱟᱫᱷᱮᱨ ᱚᱪᱚᱭ ᱨᱮᱭᱟᱜ ᱞᱟᱹᱠᱛᱤ ᱛᱟᱦᱮᱸᱱᱟ, ᱚᱸᱰᱮ ᱜᱮ ᱞᱟᱜᱟᱛᱚᱜᱼᱟ᱾ ᱡᱮᱞᱮᱠᱼ ᱟᱜᱷᱟᱲ, ᱡᱷᱟᱨᱱᱟ, ᱱᱷᱟᱛᱮ ᱮᱢᱟᱱ ᱠᱚ ᱾
ᱚᱞ ᱠᱚ ᱨᱮᱭᱟᱜ ᱜᱟᱵᱟᱱ
ᱡᱟᱦᱟᱸᱱᱟᱜ ᱛᱮ ᱠᱷᱚᱸᱡᱟ ᱢᱤᱫ ᱤᱫᱤ ᱠᱟᱛᱮ ᱡᱚᱲᱟᱣ ᱢᱤᱫ ᱨᱚᱲ ᱜᱮ ᱜᱟᱵᱟᱱ ᱾ ᱢᱟᱞᱟ ᱠᱚ ᱥᱩᱛᱟᱢ ᱛᱮᱵᱚ ᱜᱟᱵᱟᱱ ᱚᱱᱠᱟᱛᱮ ᱢᱟᱞᱟ ᱵᱚ ᱵᱮᱱᱟᱣᱟ᱾ ᱚᱞ ᱠᱚᱦᱚᱸ ᱚᱱᱠᱟᱜᱮ ᱨᱟᱦᱟ ᱟᱲᱟᱝ ᱛᱮᱠᱚ ᱜᱟᱵᱟᱱ ᱤᱫᱤᱜᱼᱟ᱾ ᱟᱰᱚ ᱨᱚᱲ ᱠᱚ ᱢᱮᱛᱟᱜᱼᱟ᱾
ᱯᱟᱨᱦᱟᱲ ᱠᱮᱪᱮᱫ ᱟᱲᱟᱝ, ᱡᱮᱛᱞᱮᱫ ᱠᱮᱪᱮᱫ ᱟᱲᱟᱝ, ᱨᱟᱲᱟᱝ ᱠᱮᱪᱮᱫ ᱟᱲᱟᱝ, ᱚᱞ ᱠᱚᱨᱮ ᱫᱚ ᱨᱟᱦᱟ ᱟᱲᱟᱝ ᱨᱟᱲᱟᱝ ᱠᱮᱪᱮᱫ ᱟᱲᱟᱝ ᱚᱞ ᱠᱚᱨᱮ ᱫᱚ ᱨᱟᱦᱟ ᱟᱲᱟᱝ ᱫᱚ ᱟᱡ ᱟᱡ ᱛᱮᱜᱮᱭ ᱥᱟᱵ ᱜᱚᱫᱟ᱾ ᱚᱱᱮᱺᱼ ᱛ+ᱚ= ᱛᱚ, ᱛ+ᱟ=ᱛᱟ, ᱛ+ᱤ=ᱛᱤ, ᱛ+ᱩ=ᱛᱩ, ᱛ+ᱮ= ᱛᱮ, ᱛ+ᱳ=ᱛᱳ᱾ ᱮᱴᱟᱜᱟᱜ ᱠᱚᱨᱮᱦᱚᱸ ᱚᱱᱠᱟ ᱜᱮ ᱵᱟᱭ ᱴᱷᱟᱠᱮᱫ ᱵᱟᱲᱟᱜᱼᱟ᱾
ᱥᱩᱢᱟᱹᱫ ᱛᱟᱹᱯᱩᱜ ᱟᱲᱟᱝ ᱨᱮᱜᱮ ᱥᱟᱰᱮ ᱴᱷᱟᱠᱮᱫ ᱧᱚᱜᱚᱜᱼᱟ, ᱚᱱᱟᱨᱮ ᱚᱦᱚᱫᱽ ᱢᱮᱱᱮᱱ ᱨᱟᱦᱟ ᱟᱲᱟᱝ ᱨᱮᱭᱟᱝ ᱛᱚᱲ ᱠᱟᱹᱴᱤᱡᱽ ᱦᱚᱸ ᱵᱟᱹᱱᱩᱜ ᱛᱮ , ᱟᱫᱚ ᱢᱮᱱᱮᱠ ᱨᱟᱦᱟ ᱟᱲᱟᱝ ᱜᱮ ᱡᱚᱲᱟᱣᱚᱜ ᱠᱷᱟᱱ ᱚᱱᱟ ᱛᱮᱜᱮ ᱛᱚᱞᱚᱜᱚᱜᱼᱟ᱾ ᱟᱨ ᱚᱱᱟ ᱫᱟᱲᱮ ᱛᱮᱜᱮ ᱚᱱᱟ ᱟᱹᱱᱩᱡᱽ ᱨᱚᱲᱚᱜᱚᱜᱼᱟ᱾
ᱚᱱᱟ ᱞᱮᱠᱟ ᱛᱮᱵᱚ ᱟᱵᱚ ᱵᱚ ᱨᱚᱲ ᱠᱟᱱᱟᱼᱢᱮᱱᱟᱵᱚᱼ ᱨᱚᱜ ᱮ ᱠᱟᱱᱟᱭᱼ ᱨᱚᱜᱮ ᱠᱟᱱᱟᱭ “ᱜ” ᱨᱮ “ᱮ” ᱡᱚᱲᱟᱣ ᱮᱱᱛᱮ ᱜᱮ ᱮᱱᱟ᱾
ᱟᱨᱦᱚᱸ ᱢᱮᱱᱟᱼᱜᱚᱡ ᱮ ᱠᱟᱱᱟᱭ – ᱜᱚᱡᱮ ᱠᱟᱱᱟᱭ “ᱡ” ᱨᱮ “ᱮ” ᱡᱚᱲᱟᱣ ᱮᱱᱛᱮ “ᱡᱮ” ᱮᱱᱟ᱾
ᱟᱨᱦᱚᱸ ᱵᱚ ᱢᱮᱱᱟᱼᱩᱫ ᱤᱧ ᱠᱟᱱᱟᱭᱼ ᱩᱫᱤᱧ ᱠᱟᱱᱟᱭ “ᱫ” ᱨᱮ “ᱤ” ᱡᱚᱲᱟᱣ ᱮᱱᱛᱮ “ᱫᱤ” ᱮᱱᱟ᱾
ᱟᱨᱦᱚᱸ ᱵᱚ ᱢᱮᱱᱟᱼ ᱟᱵ ᱚᱜ ᱠᱟᱱᱟᱭ “ᱵ” ᱨᱮ “ᱚ” ᱡᱚᱲᱟᱣ ᱮᱱᱛᱮ “ᱵᱚ” ᱮᱱᱟ᱾
ᱚᱱᱠᱟ ᱜᱮ ᱡᱚᱛᱚ ᱨᱟᱦᱟ ᱛᱮᱜᱮ ᱚᱱᱟ ᱟᱹᱱᱩᱡᱽ ᱡᱚᱛᱚ ᱛᱟᱹᱯᱩᱜ ᱟᱲᱟᱝ ᱚᱞ ᱠᱚ ᱟᱲᱟᱝ ᱤᱫᱤᱜ ᱠᱟᱱᱟ᱾
ᱩᱱᱡᱚᱦᱚᱜ ᱫᱚ ᱚᱦᱚᱫ ᱨᱮᱭᱟᱜ ᱞᱟᱠᱛᱤ ᱫᱚ ᱵᱟᱹᱱᱩᱜᱼᱟ᱾ ᱚᱱᱟ ᱫᱚ ᱨᱟᱦᱟ ᱟᱲᱟᱝ ᱛᱮ ᱞᱚᱴᱚᱢᱚᱜᱼᱟ᱾ ᱥᱩᱢᱟᱹᱫ ᱚᱠᱟ ᱨᱮ ᱛᱟᱹᱯᱩᱜ ᱟᱲᱟᱝ ᱯᱟᱨᱦᱟᱲᱚᱜ ᱞᱟᱹᱠᱛᱤᱼᱟ᱾ ᱢᱤᱼᱢᱤᱫᱴᱟᱝ ᱨᱚᱲ ᱜᱟᱵᱟᱱ ᱠᱚᱨᱮ “ᱽ” ᱚᱦᱚᱫ ᱨᱮᱭᱟᱜ ᱞᱟᱹᱠᱛᱤ ᱫᱚ ᱢᱮᱱᱟᱜ ᱜᱮᱭᱟ᱾ ᱟᱵᱚ ᱵᱚ ᱨᱚᱲᱟ – ᱞᱩᱜᱽᱲᱤ, ᱠᱟᱨᱟᱡᱽ, ᱟᱸᱵᱽᱲᱟ, ᱵᱟᱹᱫᱲᱟ᱾ ᱢᱮᱱᱮᱠᱺᱼ ᱞᱩᱜᱲᱤ, ᱠᱟᱨᱟᱡ, ᱵᱟᱫᱲᱟ, ᱟᱸᱵᱲᱟ ᱫᱚ ᱵᱟᱝᱜᱮ ᱚᱱᱮ ᱚᱱᱠᱟᱱᱟᱜ ᱠᱚᱨᱮ ᱫᱚ “ᱽ” ᱦᱚᱸ ᱜᱟᱵᱟᱱ ᱜᱮᱭᱟ᱾
“ᱷ” ᱦᱚᱸ ᱚᱱᱠᱟ ᱮ ᱡᱟᱦᱟᱸ ᱠᱮᱪᱮᱫ ᱟᱲᱟᱝ ᱜᱮᱮ ᱫᱽᱨᱮ ᱵᱟᱝ ᱟᱫᱷᱮᱨ ᱚᱪᱚᱭ ᱨᱮᱭᱟᱜ ᱞᱟᱹᱠᱛᱤ ᱛᱟᱦᱮᱸᱱᱟ, ᱚᱸᱰᱮ ᱜᱮ ᱞᱟᱜᱟᱛᱚᱜᱼᱟ᱾ ᱡᱮᱞᱮᱠᱼ ᱟᱜᱷᱟᱲ, ᱡᱷᱟᱨᱱᱟ, ᱱᱷᱟᱛᱮ ᱮᱢᱟᱱ ᱠᱚ᱾
᱗ ᱞᱟᱹᱠᱛᱤ ᱞᱮᱠᱟᱱ ᱛᱤᱱᱤᱱ ᱨᱚᱲ ᱟᱨ ᱚᱱᱟ ᱨᱮᱭᱟᱜ ᱢᱮᱱᱮᱛ᱾
᱑ᱹ ᱟᱹᱲᱟᱹᱼ ᱢᱤᱼᱢᱤᱫᱴᱟᱝ ᱡᱟᱭ ᱡᱤᱱᱤᱥ ᱥᱟᱰᱮ ᱠᱟᱹᱢᱤ ᱵᱟᱝᱠᱷᱟᱱ ᱟᱹᱭᱟᱹ ᱮᱢᱟᱱ ᱠᱚᱨᱮᱱᱟᱜ ᱧᱩᱛᱩᱢ ᱨᱚᱲ ᱜᱮ ᱟᱹᱲᱟᱹ ᱵᱚ ᱢᱮᱛᱟᱜᱼᱟ᱾ ᱟᱹᱲ ᱛᱮᱫᱚ ᱪᱮᱫ ᱦᱚᱸ ᱵᱟᱭ ᱵᱩᱡᱷᱟᱹᱜᱼᱟ᱾ ᱟᱹᱲ ᱠᱷᱚᱱ ᱜᱮ ᱟᱹᱲᱟᱹ ᱦᱩᱭ ᱟᱠᱟᱱᱟ᱾᱾ ᱟᱹᱲᱟᱹ ᱛᱮᱫᱚ ᱡᱤᱱᱤᱥ ᱛᱮᱫ ᱟᱨ ᱚᱱᱟ ᱨᱮᱭᱟᱜ ᱫᱟᱲᱮ ᱟᱨ ᱛᱟᱨᱠᱚ ᱛᱮᱫ ᱵᱩᱡᱷᱟᱹᱣᱜᱼᱟ᱾
ᱟᱵᱚ ᱵᱚ ᱨᱚᱲᱟᱼ ᱦᱟᱹᱠᱩ ᱫᱚ ᱫᱟᱜ ᱨᱮᱠᱚ ᱛᱟᱦᱮᱸᱱ ᱠᱟᱱᱟ᱾
ᱱᱚᱸᱰᱮ “ᱦᱟᱹᱠᱩ ᱫᱚ ᱫᱟᱜ” ᱨᱮ ᱠᱚ ᱛᱟᱦᱮᱸᱱᱟ᱾ ᱱᱚᱣᱟ ᱠᱚᱫᱚ ᱢᱤᱢᱤᱫ ᱜᱚᱴᱟᱝ ᱟᱹᱲᱟᱹ᱾
᱒ᱹ ᱟᱹᱭᱟᱹᱺᱼ ᱟᱹᱰᱤ ᱜᱚᱴᱟᱝ ᱟᱹᱲᱟᱹ ᱨᱚᱲ ᱢᱤᱫ ᱠᱟᱛᱮ ᱢᱤᱫ ᱜᱚᱴᱟᱝ ᱟᱹᱭᱟᱹ ᱨᱮᱭᱟᱜ ᱠᱟᱛᱷᱟ ᱨᱚᱲ ᱯᱩᱨᱟᱹᱣ ᱫᱚ ᱟᱹᱭᱟᱹᱛ ᱠᱟᱱᱟ᱾
ᱟᱵᱚ ᱵᱚ ᱨᱚᱲᱟ – ᱟᱹᱰᱤ ᱟᱸᱴ ᱨᱮᱸᱜᱮᱡ ᱤᱧ ᱠᱟᱱᱟ᱾ ᱱᱚᱣᱟ ᱨᱮ ᱨᱮ ᱟᱹᱰᱤ ᱜᱚᱴᱟᱝ ᱟᱹᱲᱟᱹ ᱢᱮᱱᱟᱜᱼᱟ, ᱚᱱᱟ ᱠᱚ ᱨᱚᱲ ᱢᱤᱫ ᱠᱟᱛᱮ ᱡᱤᱣᱤ ᱦᱚᱲᱢᱚ ᱨᱮ ᱛᱟᱨᱠᱚᱜ ᱠᱟᱱ ᱟᱹᱭᱟᱹ ᱨᱮᱭᱟᱜ ᱠᱟᱛᱷᱟ ᱯᱷᱚᱴᱮᱞᱚᱜ ᱠᱟᱱᱟ᱾ ᱟᱨ ᱠᱟᱛᱷᱟ ᱛᱮᱫ ᱦᱚᱸ ᱵᱩᱡᱷᱟᱹᱣ ᱯᱩᱨᱟᱹᱣᱜ ᱠᱟᱱᱟ᱾ ᱱᱚᱣᱟ ᱯᱩᱨᱟᱹᱣ ᱠᱟᱛᱷᱟ ᱫᱚ ᱟᱹᱭᱟᱹᱛ ᱵᱚ ᱢᱮᱛᱟᱜ ᱠᱟᱱᱟ᱾
᱓ᱹ ᱠᱟᱛᱷᱟᱺᱼ ᱟᱹᱰᱤ ᱜᱚᱴᱟᱝ ᱟᱹᱭᱟᱹᱛ ᱡᱚᱲᱟᱣ ᱛᱚᱝᱜᱮ ᱠᱟᱛᱮ ᱢᱤᱼᱢᱤᱫ ᱜᱚᱴᱟᱝ ᱠᱟᱹᱢᱤ ᱨᱮᱟᱜ, ᱜᱷᱚᱴᱚᱱ ᱨᱮᱭᱟᱜ, ᱵᱟᱝ ᱠᱷᱟᱱ ᱞᱟᱹᱭ ᱨᱮᱭᱟᱜ, ᱞᱟᱭ ᱨᱚᱲ ᱜᱮ ᱠᱟᱛᱷᱟ᱾
᱔ᱹ ᱜᱟᱛᱷᱟᱺᱼ ᱥᱮᱨᱮᱧ ᱜᱟᱱᱚᱜ ᱞᱮᱠᱟ ᱜᱟᱛᱷᱟᱣ ᱟᱠᱟᱱ ᱠᱟᱛᱷᱟ ᱜᱮ ᱜᱟᱛᱷᱟ᱾
᱕ᱹ ᱯᱚᱫᱽᱺᱼ ᱠᱟᱛᱷᱟ ᱨᱮᱭᱟᱜ ᱢᱤᱢᱤᱫ ᱛᱚᱝᱜᱮ ᱟᱨ ᱵᱟᱝᱠᱷᱟᱱ ᱢᱤᱢᱤᱫ ᱦᱟᱹᱴᱤᱧ ᱜᱮ ᱯᱚᱫᱽ ᱠᱟᱱᱟ᱾ ᱢᱮᱱᱟᱠᱚ ᱢᱤᱫ ᱵᱟᱨ ᱯᱚᱫᱽ ᱠᱟᱛᱷᱟ ᱞᱟᱹᱭ ᱟᱞᱮ ᱢᱮ ᱚᱱᱟ ᱯᱚᱫᱽ ᱫᱚ ᱠᱟᱛᱷᱟ ᱨᱮᱭᱟᱜ ᱢᱤᱫ ᱠᱮᱪᱟᱜ᱾
᱖ᱹ ᱠᱷᱚᱫᱽᱺᱼ ᱜᱟᱛᱷᱟ ᱵᱟᱝ ᱥᱮᱨᱮᱧ ᱫᱩᱨᱟᱝ ᱨᱮᱭᱟᱜ ᱢᱤᱢᱤᱫ ᱛᱚᱝᱜᱮ ᱵᱟᱝᱠᱷᱟᱱ ᱢᱤᱢᱤᱫ ᱦᱟᱹᱴᱤᱧ ᱠᱷᱚᱫᱽ᱾ ᱢᱮᱱᱟᱠᱚᱼ “ᱢᱤᱫ ᱠᱷᱚᱫᱽ ᱥᱮᱨᱮᱧ ᱞᱟᱹᱭ ᱢᱮ” ᱚᱱᱟ ᱠᱷᱚᱫᱽ ᱫᱚ ᱜᱟᱛᱷᱟ ᱨᱮᱭᱟᱜ ᱢᱤᱫ ᱠᱮᱪᱟᱜ᱾
᱗ᱹ ᱠᱟᱹᱛᱷᱱᱤᱺᱼ ᱠᱟᱛᱷᱟ ᱠᱚ ᱨᱮᱭᱟᱜ ᱥᱟᱢᱴᱟᱣ ᱛᱮᱫ ᱫᱚ ᱠᱟᱹᱛᱷᱱᱤ᱾
᱘ᱹ ᱡᱟᱭᱺᱼᱠᱟᱛᱷᱟ ᱨᱮᱭᱟᱜ ᱡᱤᱱᱤᱥ ᱛᱮᱫ ᱟᱨ ᱵᱟᱝ ᱡᱟᱝ ᱛᱮᱫ ᱜᱮ ᱡᱟᱭ ᱫᱚ᱾
᱙ᱹ ᱥᱟᱛᱟᱢᱺᱼ ᱡᱟᱭ ᱨᱮᱭᱟᱜ ᱩᱱᱩᱱᱫᱩᱜ ᱜᱮ ᱥᱟᱛᱟᱢ᱾
᱑᱐ᱹ ᱥᱟᱹᱭᱟᱹᱛᱺᱼ ᱟᱹᱭᱟᱹᱛ ᱠᱚ ᱥᱟᱡᱟᱣ ᱜᱟᱱ ᱟᱨ ᱡᱚᱲᱟᱣ ᱜᱟᱱ ᱚᱪᱚᱭ ᱨᱮᱭᱟᱜ ᱫᱟᱲᱮ ᱟᱨ ᱛᱟᱹᱨ ᱫᱚ ᱥᱟᱹᱭᱟᱹᱛ᱾ᱥᱟᱹᱭᱟᱹᱛ ᱫᱚ ᱟᱨᱦᱚᱸ ᱟᱹᱰᱤ ᱞᱮᱠᱟᱱ ᱵᱚ ᱧᱩᱛᱩᱢᱟᱜ ᱠᱟᱱᱟ᱾ ᱥᱟᱶᱦᱟ ᱮᱫ ᱵᱚᱱᱟᱭ ᱢᱮᱱᱛᱮ –ᱥᱟᱶᱦᱮᱫ, ᱥᱟᱶ ᱨᱮᱱᱟᱝ ᱠᱟᱱᱟ ᱢᱮᱱᱛᱮ ᱥᱟᱹᱭᱟᱹᱛ᱾ᱯᱚᱱᱚᱲ ᱯᱟᱲᱦᱟᱣ ᱠᱚ ᱪᱮᱫᱚᱜ ᱨᱮᱭᱟᱜ ᱠᱟᱛᱷᱟ ᱜᱮ ᱯᱚᱱᱚᱵ᱾
᱑᱑ᱹ ᱯᱚᱱᱚᱵᱼ ᱜᱮᱭᱟᱱ, ᱥᱮᱭᱟᱱ, ᱜᱩᱱ ᱵᱤᱨᱫᱟᱹ, ᱠᱚ ᱢᱮᱛᱟᱜ ᱨᱮᱭᱟᱜ ᱠᱟᱛᱷᱟ ᱟᱨ ᱚᱱᱟ ᱨᱮᱭᱟᱜ ᱾
᱑᱒ᱹ ᱠᱚᱱᱚᱰᱼ ᱥᱤᱵᱤᱞ, ᱥᱚᱲᱚᱢ, ᱠᱟᱛᱷᱟ – ᱢᱮᱱᱟᱜ ᱨᱮᱭᱟᱜ ᱜᱟᱛᱷᱟ ᱟᱨ ᱚᱱᱟ ᱨᱮᱭᱟᱜ ᱫᱟᱲᱮ ᱦᱚᱸ᱾
ᱟᱹᱭᱟᱹᱛ ᱨᱮ ᱞᱟᱜᱟᱛᱚᱜ ᱪᱤᱠᱷᱱᱟᱹ ᱠᱚ᱾
(᱾) (ᱢᱩᱪᱟᱹᱫ) – ᱟᱹᱭᱟᱹᱛ ᱢᱩᱪᱟᱹᱫ ᱮᱱ ᱨᱮᱭᱟᱜ ᱪᱤᱠᱷᱱᱟ,᱾
(,) (ᱠᱮᱪᱮᱫ) – ᱟᱹᱭᱟᱹᱛ ᱠᱮᱪᱮᱫ ᱨᱮᱭᱟᱜ ᱪᱤᱠᱷᱱᱟᱹ᱾
(;) (ᱛᱚᱯᱟᱜ) – ᱟᱹᱭᱟᱹᱛ ᱛᱚᱯᱟᱜ ᱮᱱ ᱨᱮᱭᱟᱜ ᱪᱤᱠᱷᱱᱟᱹ᱾
(ᱼ) (ᱯᱷᱟᱨᱠᱟ) – ᱟᱹᱭᱟᱹᱛ ᱨᱮ ᱠᱮᱪᱟᱜ ᱠᱮᱪᱟᱜ ᱦᱟᱹᱴᱤᱧ ᱠᱚ ᱨᱮᱭᱟᱜ ᱛᱚᱸᱜᱮ ᱤᱫᱤ ᱨᱮᱭᱟᱜ ᱪᱤᱠᱷᱱᱟᱹ᱾
(“ ”) (ᱪᱮᱛᱮᱫ) – ᱨᱚᱲ ᱟᱠᱟᱱ ᱞᱮᱠᱟ ᱠᱟᱛᱷᱟ ᱪᱤᱱᱦᱟ᱾
( ) (ᱦᱟᱹᱲᱩᱵ) – ᱟᱹᱲᱟᱹ ᱠᱚ ᱵᱟᱝᱠᱟᱱ ᱠᱟᱛᱷᱟ ᱠᱚ ᱞᱟᱹᱜᱤᱫ ᱮᱴᱟᱜᱟᱜ ᱠᱚ ᱡᱩᱴᱤᱡ ᱞᱮᱱᱨᱮ ᱟᱨ ᱵᱟᱝᱠᱷᱟᱱ, ᱚᱱᱟ ᱨᱮᱭᱟᱜ ᱢᱮᱱᱮᱛ ᱠᱚ ᱚᱱᱟ ᱛᱚᱸᱜᱮ ᱨᱮ ᱦᱟᱹᱲᱩᱵ ᱫᱚᱦᱚᱭ ᱨᱮᱭᱟᱜ ᱪᱤᱠᱷᱱᱟᱹ᱾
(?) (ᱠᱩᱠᱞᱤ) ᱼ ᱠᱩᱞᱤ ᱡᱚᱝ ᱟᱹᱭᱟᱹᱛ ᱨᱮᱭᱟᱜ ᱢᱩᱪᱟᱹᱫ ᱪᱤᱠᱷᱱᱟᱹ᱾
᱘ ᱟᱹᱲᱟᱹ ᱠᱚ ᱨᱮᱭᱟᱜ ᱯᱟᱹᱨᱤᱥ
ᱡᱟᱸᱦᱟ ᱜᱮ ᱟᱹᱲᱟᱹ ᱠᱚ ᱢᱮᱱᱟᱜ, ᱚᱱᱟ ᱠᱚᱫᱚ ᱡᱩᱫᱟᱹᱼᱡᱩᱫᱟᱹ ᱛᱚᱨᱚᱱ ᱨᱮᱭᱟᱜ ᱠᱟᱛᱷᱟ ᱠᱟᱛᱷᱟ ᱠᱚ ᱯᱷᱚᱴᱮᱞᱟ, ᱟᱨ ᱚᱱᱟ ᱞᱮᱠᱟᱛᱮ ᱡᱩᱫᱟᱹᱼ ᱡᱩᱫᱟᱹ ᱛᱷᱚᱠᱨᱮ ᱢᱮᱱᱟᱜ ᱠᱚᱣᱟ᱾
ᱟᱵᱚ ᱵᱚ ᱢᱮᱱᱟ ᱮ ᱦᱚ ᱦᱟᱱᱮ ᱟᱨᱦᱚᱸ ᱦᱟᱱᱛᱮ ᱠᱷᱚᱱ ᱵᱩᱨᱩ ᱞᱮᱠᱟᱱ ᱢᱤᱫᱴᱟᱝ ᱦᱮᱸᱫᱮ ᱨᱤᱢᱤᱞ ᱵᱟᱹᱭ ᱵᱟᱹᱭ ᱛᱮ ᱨᱟᱠᱟᱵ ᱦᱤᱡᱩᱜ ᱠᱟᱱᱟ᱾ ᱦᱟᱱᱟᱣ ᱦᱚᱦᱚᱭ ᱨᱮᱭᱟᱜ ᱨᱚᱲ (ᱦᱟᱱᱟᱣ) ᱾
ᱦᱟᱱᱮᱼ ᱡᱤᱱᱤᱥ ᱛᱮᱫ ᱵᱟᱝ ᱧᱩᱛᱩᱢ ᱠᱟᱛᱮ ᱡᱤᱱᱤᱥ ᱵᱟᱫᱟᱞ ᱦᱟᱱᱮ ᱢᱮᱱ ᱠᱟᱛᱮ ᱡᱤᱱᱤᱥ ᱩᱫᱩᱜ ᱨᱮᱭᱟᱜ ᱨᱚᱲ᱾
ᱟᱨᱦᱚᱸᱼ ᱠᱟᱛᱷᱟ ᱛᱚᱸᱜᱮ ᱨᱮᱭᱟᱜ ᱨᱚᱲ᱾
ᱦᱟᱱᱮᱼ ᱫᱤᱥᱟᱹ ᱛᱮᱫ ᱵᱟᱝ ᱧᱩᱛᱩᱢ ᱠᱟᱛᱮ ᱫᱤᱥᱟᱹ ᱵᱟᱫᱟᱞ ᱦᱟᱱᱛᱮ ᱢᱮᱱ ᱠᱟᱛᱮ ᱫᱤᱥᱟᱹ ᱩᱫᱩᱜ ᱨᱮᱭᱟᱜ ᱨᱚᱲ᱾
(ᱫᱤᱥᱟᱹ –ᱥᱮᱦᱮᱫᱼᱱᱟᱠᱷᱟ)
ᱠᱷᱚᱱ – ᱠᱟᱛᱷᱟ ᱜᱟᱺᱴ ᱨᱮᱭᱟᱜ ᱨᱚᱲ᱾
ᱵᱩᱨᱩ – ᱢᱤᱫᱴᱟᱝ ᱡᱤᱱᱤᱥ ᱨᱮᱭᱟᱜ ᱧᱩᱛᱩᱢ᱾
ᱞᱮᱠᱟᱱ – ᱵᱩᱨᱩ ᱧᱩᱛᱩᱢ ᱡᱮᱞᱮᱠ ᱟᱠᱟᱱ ᱨᱚᱲ᱾
ᱢᱤᱫᱴᱟᱝ – ᱡᱤᱱᱤᱥ ᱨᱮᱭᱟᱜ ᱠᱟᱛᱷᱟ ᱛᱮᱫ᱾
ᱦᱮᱸᱫᱮ – ᱨᱤᱢᱤᱞ ᱨᱮᱭᱟᱜ ᱜᱩᱱ ᱛᱮᱫ᱾
ᱨᱤᱢᱤᱞ – ᱡᱤᱱᱤᱥ ᱨᱮᱭᱟᱜ ᱧᱩᱛᱩᱢ᱾
ᱵᱟᱹᱭ ᱵᱟᱹᱭ ᱛᱮ – ᱠᱟᱹᱢᱤ ᱨᱮᱭᱟᱜ ᱛᱚᱲ᱾
ᱨᱟᱠᱟᱵ ᱦᱤᱡᱩᱜ ᱠᱟᱱᱟᱜ ᱠᱚᱫᱚ – ᱠᱟᱹᱢᱤ ᱞᱟᱹᱭ ᱨᱮᱭᱟᱜ ᱨᱚᱲ᱾ ᱟᱹᱲᱟᱹ ᱠᱚᱫᱚ ᱚᱱᱮ ᱚᱱᱠᱟ ᱟᱠᱚᱣᱟᱜ ᱠᱟᱹᱢᱤ ᱟᱨ ᱫᱟᱲᱮ ᱞᱮᱠᱟᱛᱮ ᱟᱨᱮ ᱛᱷᱚᱠ ᱨᱮᱠᱚ ᱦᱟᱹᱴᱤᱧ ᱟᱠᱟᱱᱟ᱾ ᱚᱱᱟ ᱛᱷᱚᱠ ᱫᱚ ᱯᱟᱹᱨᱤᱥ ᱵᱚ ᱢᱮᱛᱟᱜ ᱠᱟᱱᱟ᱾ ᱟᱨ ᱚᱱᱟ ᱯᱟᱹᱨᱤᱥ ᱠᱚ ᱨᱮᱭᱟᱜ ᱧᱩᱛᱩᱢ ᱢᱮᱱᱟᱜᱼᱟ᱾
᱙ ᱯᱟᱹᱨᱤᱥ ᱧᱩᱛᱩᱢ ᱠᱚᱫᱚ
᱑ᱼ ᱧᱩᱱᱩᱢ ᱒ᱼ ᱩᱧᱩᱢ ᱓ᱼ ᱠᱟᱱᱣᱟ
᱔ᱼ ᱜᱩᱱᱩᱱ ᱕ᱼ ᱛᱚᱱᱚᱲ ᱖ᱼᱛᱚᱱᱚᱝ
᱗ᱼ ᱜᱟᱹᱱᱟᱹᱴ ᱘ᱼ ᱦᱟᱱᱟᱣ ᱙ᱼᱡᱮᱱᱮᱫ
᱑ᱼ ᱧᱩᱱᱩᱢ ᱯᱟᱹᱨᱤᱥ ᱟᱹᱲᱟᱹ
ᱦᱚᱲ, ᱫᱟᱨᱮ, ᱫᱷᱤᱨᱤ, ᱦᱟᱹᱛᱤ, ᱦᱚᱭ, ᱥᱤᱛᱩᱝ, ᱫᱟᱜ, ᱥᱤᱧ, ᱧᱤᱫᱟᱹ, ᱥᱮᱛᱟᱜ, ᱟᱹᱭᱩᱵ, ᱵᱩᱫᱷᱤ ᱫᱤᱥᱟᱹ, ᱫᱟᱲᱮ, ᱢᱚᱱ, ᱩᱭᱦᱟᱹᱨ, ᱟᱹᱭᱟᱹ᱾
(ᱧᱩᱛᱩᱢ ᱠᱚ) – ᱠᱟᱹᱨᱩ, ᱜᱟᱹᱞᱩ, ᱵᱷᱟᱨᱚᱛ, ᱜᱟᱝᱱᱟᱹᱭ, ᱞᱩᱜᱩ ᱵᱩᱨᱩ, ᱮᱢᱟᱱ ᱟᱹᱲᱟᱹ ᱠᱚᱫᱚ ᱡᱤᱣᱤᱭᱟᱱ ᱵᱤᱱ ᱡᱤᱣᱤᱭᱟᱱ ᱧᱮᱞᱚᱜ ᱵᱟᱝ ᱧᱮᱞᱚᱜ ᱡᱤᱱᱤᱥ ᱨᱮᱭᱟᱜ ᱧᱩᱛᱩᱢ ᱠᱚ ᱯᱷᱚᱴᱮᱞᱮᱫ ᱠᱟᱱᱟ᱾ ᱚᱱᱠᱟᱱᱟᱜ ᱠᱚᱫᱚ ᱧᱩᱱᱩᱢ ᱯᱟᱹᱨᱤᱥ ᱟᱹᱲᱟᱹ ᱠᱚ ᱠᱟᱱᱟ᱾
2 comments:
ᱟᱹᱰᱤ ᱱᱟᱯᱟᱭ ᱠᱟᱹᱢᱤ ᱦᱚᱨᱟ ᱥᱟᱭ ᱥᱟᱨᱦᱟᱣ 🙏🙏🙏
ᱥᱟᱨᱦᱟᱣ ᱵᱤᱡᱮᱸᱫᱽᱨᱟ ᱦᱟᱸᱥᱫᱟ
Post a Comment