ᱜᱟᱛᱮ ᱥᱟᱹᱜᱟᱹᱭ
ᱜᱟᱛᱮ ᱥᱟᱹᱜᱟᱹᱭ ᱥᱟᱶᱛᱟ ᱨᱮᱱᱟᱜ ᱜᱮ ᱢᱤᱫ ᱱᱟᱯᱟᱭ ᱜᱟᱹᱦᱤᱨ ᱨᱩᱯ ᱠᱟᱱᱟ᱾ ᱡᱤᱭᱚᱱ ᱨᱮᱱᱟᱜ ᱜᱚᱲᱚ ᱜᱚᱯᱚᱲᱚ ᱜᱟᱛᱮ ᱠᱚ ᱞᱟᱠᱛᱤᱜ ᱠᱟᱱᱟ᱾ ᱜᱟᱛᱮ ᱨᱮᱱᱟᱝ ᱡᱚ ᱡᱟᱹᱞᱤ ᱫᱚ ᱢᱤᱫ ᱦᱩᱰᱤᱝ ᱩᱢᱮᱨ ᱠᱷᱚᱱᱜᱮ ᱥᱟᱵᱚᱜ ᱠᱟᱱᱟ᱾ ᱥᱟᱶᱼᱥᱟᱶ ᱠᱷᱮᱞᱰᱩᱼᱠᱷᱟᱢᱰᱟ, ᱚᱞᱚᱜᱼᱯᱚᱲᱦᱚᱱ, ᱞᱟᱸᱫᱟᱼᱞᱟᱯᱟᱸᱫᱟ, ᱦᱟᱸᱥᱠᱟᱹᱼᱦᱩᱞᱟᱹᱥ ᱨᱟᱹᱥᱠᱟᱹ ᱟᱵᱚ ᱜᱟᱛᱮ ᱥᱟᱹᱜᱟᱹᱭ ᱵᱚᱱ ᱫᱚᱦᱚᱭᱮᱫ ᱟᱨ ᱡᱟᱦᱟᱸᱭ ᱨᱤᱱ ᱜᱮ ᱜᱟᱛᱮ ᱵᱚᱱ ᱵᱮᱱᱟᱣ ᱠᱟᱱᱟ ᱛᱟᱦᱟᱸᱱ ᱠᱟᱱᱟ᱾
ᱜᱟᱛᱮ ᱫᱚ ᱥᱟᱹᱜᱟᱹᱭ ᱫᱚ ᱯᱟᱞᱮᱱ ᱵᱟᱨ ᱦᱚᱲᱟᱜ ᱢᱤᱞᱚᱱ ᱛᱟᱞᱟ ᱠᱷᱚᱱ ᱜᱮ ᱮᱛᱚᱦᱚᱵᱚᱜ ᱠᱟᱱᱟ᱾ ᱜᱟᱛᱮ ᱛᱟᱞᱟ ᱨᱮ ᱚᱱᱠᱟᱱ ᱩᱠᱩᱼᱪᱩᱠᱩ ᱥᱮ ᱢᱮᱭᱟᱜ ᱠᱷᱟᱹᱯᱟᱹᱨᱤᱜ ᱞᱮᱠᱟᱜ ᱪᱮᱫ ᱦᱚᱸ ᱵᱟᱝ ᱛᱟᱦᱮᱸᱱᱚᱜ ᱠᱟᱱᱟ᱾ᱜᱟᱛᱮ ᱛᱟᱞᱟ ᱨᱮ ᱦᱩᱰᱤᱝᱼᱢᱟᱨᱟᱝ, ᱡᱟᱹᱛᱤᱼᱫᱷᱚᱨᱚᱢ, ᱨᱮᱸᱜᱮᱡᱼᱠᱤᱥᱟᱬ ᱨᱮᱱᱟᱜ ᱪᱮᱫ ᱦᱚᱸ ᱵᱷᱮᱫ ᱵᱟᱝ ᱫᱟᱨᱟᱢᱚᱜ ᱠᱟᱱᱟ᱾
ᱱᱤᱡᱮᱭᱟᱜ ᱥᱩᱠᱷᱼᱫᱩᱠᱷ ᱟᱡᱟᱜ ᱟᱸᱥ ᱟᱨ ᱵᱟᱹᱲᱤᱡ ᱢᱚᱱ ᱱᱤᱡᱮᱭᱟᱜ ᱡᱤᱛᱠᱟᱨ ᱱᱤᱡᱮᱭᱟᱜ ᱠᱟᱹᱢᱤᱦᱚᱨᱟ, ᱱᱤᱡᱮᱭᱟᱜ ᱢᱚᱱᱮ ᱟᱨ ᱱᱤᱡᱮᱭᱟᱜ ᱮᱴᱠᱮᱴᱚᱬᱮ ᱢᱤᱫᱴᱟᱝ ᱜᱟᱛᱮ ᱟᱡᱤᱜ ᱜᱟᱛᱮ ᱛᱟᱭ ᱵᱤᱱ ᱦᱤᱫᱤᱡ ᱛᱮ ᱡᱚᱛᱚ ᱞᱮᱠᱟᱱᱟᱜ ᱠᱟᱛᱷᱟ ᱮ ᱞᱟᱹᱭ ᱫᱟᱲᱮᱭᱟᱭ ᱜᱮᱭᱟ᱾ ᱜᱟᱛᱮ ᱥᱟᱹᱜᱟᱹᱭ ᱢᱟᱹᱱᱢᱤ ᱨᱮᱱᱟᱝ ᱢᱤᱫ ᱦᱚᱲ ᱥᱟᱬᱮᱥ ᱞᱮᱠᱟᱛᱮ ᱞᱟᱠᱛᱤ ᱢᱮᱱᱟᱜᱼᱟ᱾ ᱚᱱᱟ ᱠᱷᱟᱹᱛᱤᱨ ᱜᱮ ᱛᱚ ᱜᱟᱛᱮ ᱥᱟᱹᱜᱟᱹᱭ ᱫᱚ ᱢᱤᱫ ᱟᱭᱚ ᱟᱜ ᱦᱮᱢᱟᱞ ᱩᱢᱩᱞ ᱞᱮᱠᱟ ᱜᱮ ᱥᱩᱠᱷ ᱨᱮᱱᱟᱜ ᱩᱢᱩᱞ ᱵᱚᱱ ᱢᱮᱛᱟᱜ ᱠᱟᱱᱟ᱾ᱜᱟᱛᱮ ᱛᱚᱱᱚᱞ ᱵᱟᱵᱮᱨ ᱛᱮ ᱛᱚᱞ ᱟᱠᱟᱱ ᱦᱚᱲ ᱱᱤᱨᱚᱲ ᱟᱨ ᱥᱟᱶᱛᱟ ᱞᱮᱠᱟᱛᱮ ᱛᱟᱦᱮᱸᱱᱟᱭ᱾
 |
| ᱜᱟᱛᱮᱭᱟᱜ ᱨᱟᱹᱥᱠᱟᱹ ᱫᱩᱞᱟᱹᱲ |
ᱜᱟᱛᱮ ᱨᱮᱱᱟᱜ ᱢᱤᱫ ᱯᱩᱭᱞᱩ ᱢᱚᱱ ᱫᱚ ᱢᱤᱫ ᱯᱟᱹᱛᱭᱟᱹᱣ ᱠᱟᱱᱟ ᱜᱟᱛᱮ ᱟᱨ ᱜᱟᱛᱮ ᱛᱟᱞᱟᱨᱮ ᱡᱩᱫᱤ ᱯᱟᱹᱛᱭᱟᱹᱣ ᱜᱮ ᱵᱟᱝ ᱠᱷᱟᱱ ᱜᱟᱛᱮ ᱥᱟᱹᱜᱟᱹᱭ ᱵᱟᱝᱜᱮ ᱡᱟᱹᱨᱤ ᱠᱚᱜᱼᱟ, ᱮᱴᱠᱮᱴᱚᱬᱮ ᱡᱟᱸᱜᱮᱱ ᱚᱠᱛᱚ ᱨᱮ ᱜᱟᱛᱮ ᱟᱜ ᱜᱚᱜᱲᱚ ᱞᱟᱹᱜᱤᱫ ᱱᱤᱦᱟᱹᱛᱤ ᱥᱟᱶ ᱨᱮ , ᱫᱷᱚᱱ ᱛᱮ ᱢᱚᱱᱮ ᱛᱮ ᱥᱟᱯᱲᱟᱣ ᱥᱟᱨᱟ ᱜᱦᱟᱹᱲᱤᱡ ᱛᱟᱦᱮᱸ ᱦᱩᱭ ᱟᱭᱟ᱾ ᱜᱟᱛᱮ ᱫᱚ ᱢᱤᱫ ᱟᱨᱥᱤ ᱥᱚᱢᱟᱱ ᱜᱮ ᱦᱩᱭᱩᱜ ᱫᱚᱨᱠᱟᱨ ᱜᱮ ᱡᱟᱦᱟᱸ ᱫᱚ ᱢᱤᱫ ᱜᱟᱛᱮ ᱟᱡᱤᱡ ᱜᱟᱛᱮ ᱥᱟᱯᱷᱟ ᱢᱚᱡ ᱢᱩᱴᱷᱟᱹᱱ ᱮ ᱧᱮᱞ ᱫᱟᱲᱮᱼᱟ ᱛᱟᱭ ᱢᱟ᱾
ᱜᱟᱛᱮ ᱠᱚ ᱵᱟᱪᱷᱱᱟᱣ ᱨᱮ ᱟᱵᱚ ᱥᱚᱱᱛᱚᱨ ᱨᱮ ᱛᱟᱦᱮᱱ ᱱᱤᱦᱟᱹᱛᱤ ᱫᱚᱨᱠᱟᱨ ᱠᱟᱱᱟ᱾ ᱢᱤᱫᱴᱟᱝ ᱫᱷᱚᱨᱢᱚ ᱱᱟᱯᱟᱭ ᱜᱟᱛᱮ ᱢᱤᱫᱴᱟᱝ ᱟᱥᱲᱟ ᱨᱤᱱᱤᱡ ᱢᱟᱪᱮᱛ ᱜᱚᱢᱠᱮ ᱞᱮᱠᱟ ᱜᱮ ᱱᱟᱯᱟᱭ ᱦᱩᱫᱤᱥ ᱦᱚᱨ ᱰᱟᱦᱟᱨ ᱦᱚᱸᱭ ᱩᱫᱩᱜ ᱢᱮᱭᱟ᱾ ᱩᱱᱤ ᱮᱴᱠᱮᱴᱚᱬᱮ ᱮᱢᱟᱱ ᱡᱟᱸᱜᱮᱱ ᱚᱠᱛᱮ ᱨᱮᱦᱚᱸ ᱢᱤᱫᱴᱟᱝ ᱧᱩᱛᱟᱹᱛ ᱨᱮ ᱟᱨᱥᱟᱞᱚᱜ ᱠᱟᱱ ᱫᱤᱭᱟ ᱵᱟᱹᱛᱤ ᱥᱚᱢᱟᱱ ᱜᱮ ᱜᱮᱭ ᱛᱟᱦᱮᱸᱱᱟ᱾ ᱟᱢᱤᱜ ᱜᱟᱛᱮ ᱫᱚ ᱫᱷᱚᱱ ᱛᱮ ᱵᱟᱝᱜᱮᱭ ᱛᱩᱞᱟᱹ ᱠᱚᱜᱼᱟ᱾ ᱡᱟᱦᱟᱸᱱᱟᱜ ᱥᱚᱢᱯᱟᱛᱤ ᱥᱟᱶ ᱦᱚᱸ ᱵᱟᱝ ᱜᱮ ᱛᱩᱞᱟᱹ ᱵᱟᱨᱟᱵᱟᱨᱤᱜᱼᱟ᱾ ᱜᱟᱛᱮᱭᱟᱜ ᱥᱩᱠᱷ ᱫᱚ ᱥᱚᱨᱚᱜ ᱯᱩᱨᱤ ᱠᱷᱚᱱᱟᱜ ᱦᱚᱸ ᱡᱟᱹᱥᱛᱤ ᱢᱟᱨᱟᱝ ᱜᱮᱭᱟ᱾ ᱚᱱᱟ ᱠᱷᱟᱹᱛᱤᱨ ᱡᱤᱭᱚᱱ ᱨᱮ ᱜᱟᱛᱮ ᱫᱚ ᱟᱹᱰᱤ ᱩᱭᱦᱟᱹᱨ ᱠᱟᱛᱮ ᱛᱟᱭᱚᱢᱼᱢᱟᱬᱟᱝ ᱵᱩᱡᱷᱟᱹᱣ ᱠᱟᱛᱮ ᱥᱚᱱᱛᱚᱨ ᱛᱟᱦᱮᱸ ᱠᱟᱛᱮ ᱜᱟᱛᱮ ᱵᱚᱱ ᱥᱟᱹᱜᱟᱹᱭ ᱡᱚᱝ ᱢᱟ᱾ ᱥᱟᱹᱨᱤ ᱜᱟᱛᱮᱭᱟᱜ ᱩᱯᱨᱩᱢ ᱫᱚ ᱟᱵᱚ ᱛᱟᱞᱟ ᱨᱮ ᱡᱚᱠᱷᱚᱱ ᱚᱱᱠᱟᱱ ᱡᱟᱦᱟᱸᱱᱟᱜ ᱟᱱᱟᱴ ᱦᱤᱡᱩᱜ ᱠᱟᱱᱟ ᱚᱱᱮ ᱩᱱ ᱚᱠᱛᱮ ᱜᱟᱛᱮᱭᱟᱜ ᱟᱥᱚᱞ ᱨᱩᱯ ᱫᱚ ᱟᱵᱚ ᱜᱟᱛᱮ ᱛᱟᱞᱟ ᱨᱮ ᱡᱷᱟᱞᱠᱟᱣᱜ ᱠᱟᱱᱟ᱾ ᱜᱟᱛᱮ ᱛᱟᱞᱟ ᱨᱮ ᱵᱷᱟᱴᱠᱟᱣ ᱟᱠᱟᱱ ᱜᱟᱛᱮ ᱦᱚᱲ ᱛᱟᱢ ᱥᱟᱹᱨᱤᱭᱟᱜ ᱦᱚᱨ ᱰᱟᱦᱟᱨ ᱮᱢ ᱧᱮᱞ ᱚᱪᱚᱭᱮᱫ ᱮ ᱠᱟᱱᱟ᱾ ᱜᱟᱛᱮᱭᱟᱜ ᱫᱩᱠᱷ ᱨᱮ ᱫᱩᱠᱷᱚᱜ ᱠᱮᱭᱟ ᱩᱱᱤ ᱜᱮ ᱟᱢᱤᱜ ᱜᱟᱛᱮ ᱫᱚ᱾
..........................................+++++++++++++++++.............................__________________________
No comments:
Post a Comment