"" ᱡᱤᱨᱟᱹᱣ ""
———————————
—ᱵᱟᱞᱚᱠᱨᱟᱢ ᱥᱚᱨᱮᱱ
———————————————————
———————————
—ᱵᱟᱞᱚᱠᱨᱟᱢ ᱥᱚᱨᱮᱱ
———————————————————
ᱱᱟᱞᱦᱟ ᱠᱷᱚᱱᱟᱜ ᱨᱩᱣᱟᱹᱲ ᱠᱟᱛᱤᱧ -
ᱡᱤᱨᱟᱹᱣ ᱟᱠᱟᱱᱟ,
ᱡᱩᱨᱤ ᱛᱤᱧ ᱦᱚᱸ ᱪᱩᱨᱟᱹᱢᱟᱨᱟᱭ
ᱫᱩᱲᱩᱵ ᱯᱟᱱᱛᱮ ᱮᱱᱟ ᱾
ᱢᱤᱛᱟᱹᱧ ᱠᱟᱱᱟᱭ ᱮᱫᱽᱨᱮ ᱢᱟᱪᱷᱟ,
" ᱫᱩᱥᱮ ᱪᱟᱞᱟᱜ ᱢᱮ -
ᱪᱟᱣᱞᱮ, ᱥᱩᱱᱩᱢ, ᱟᱲᱩ, ᱵᱮᱸᱜᱟᱲ,
ᱟᱜᱩ ᱦᱚᱫᱽ ᱢᱮ᱾
ᱨᱩᱣᱟᱹᱲ ᱠᱟᱛᱮ ᱵᱟᱵᱩ ᱞᱟᱜᱤᱫ
ᱛᱚᱣᱟ ᱟᱜᱩᱭᱟᱢ
ᱚᱱᱟ ᱫᱤᱥᱟᱹ ᱠᱟᱛᱮ ᱞᱚᱜᱚᱱ
ᱨᱩᱣᱟᱹᱲ ᱦᱤᱡᱩᱜ ᱟᱢ ᱾
ᱟᱨ ᱦᱚᱸ ᱱᱚᱛᱮ ᱪᱟᱞᱟᱣ ᱦᱩᱭᱩᱜ -
ᱴᱤᱭᱩᱥᱚᱱ ᱢᱟᱥᱴᱟᱨ ᱴᱷᱮᱱ,
ᱟᱰᱤ ᱫᱤᱱ ᱠᱦᱚᱱ ᱵᱟᱭ ᱦᱤᱡᱩᱜ ᱠᱟᱱ
ᱪᱮᱫᱨᱮ ᱪᱤᱠᱟᱹᱮᱱ?
ᱦᱚᱞᱟ ᱠᱷᱚᱱᱟᱜ ᱨᱚᱥᱚᱢ ᱨᱚᱥᱚᱢ,
ᱨᱩᱣᱟᱹᱧ ᱟᱴᱠᱟᱨ ᱮᱫᱟ
ᱰᱟᱠᱛᱚᱨ ᱴᱷᱮᱱ ᱤᱫᱤ ᱞᱟᱜᱤᱫ,
ᱪᱮᱫ ᱦᱚᱸ ᱵᱟᱢ ᱢᱮᱱ ᱮᱫᱟ ᱾
ᱟᱨ ᱢᱤᱫᱴᱟᱝ ᱠᱟᱛᱷᱟ ᱮᱻᱜᱳ -
ᱱᱚᱛᱮ ᱟᱡᱚᱢ ᱢᱮᱥᱮ,
ᱢᱳᱵᱟᱭᱤᱞ ᱨᱮ ᱯᱩᱭᱥᱟᱹ ᱵᱟᱱᱩᱜ
ᱨᱤᱪᱟᱨᱡᱽ ᱛᱟᱨᱟᱭ ᱢᱮᱥᱮ ᱾
ᱵᱟᱰᱟᱭᱟᱢ ᱛᱚ ᱢᱳᱵᱟᱭᱤᱞ ᱵᱮᱜᱚᱨ
ᱛᱟᱸᱦᱮᱸᱱ ᱛᱤᱱᱟᱜ ᱡᱟᱞᱟ?
ᱦᱟᱭᱛᱟ ᱦᱩᱭᱛᱩ ᱮᱠᱞᱟ ᱫᱩᱠᱞᱟ
ᱵᱩᱡᱷᱟᱹᱣᱵ ᱡᱷᱟᱞᱟ ᱯᱟᱞᱟ ᱾
ᱥᱤᱫᱩ ᱱᱟᱜᱟᱨ ᱵᱟ-ᱦᱚᱧᱟᱨᱤᱧ,
ᱪᱮᱫ ᱞᱟᱜᱤᱫ ᱮ ᱦᱮᱡ ᱞᱮᱱ?
ᱟᱰᱤ ᱡᱟᱨᱩᱲ ᱠᱟᱛᱷᱟ ᱛᱮᱦᱮᱧ,
ᱞᱟᱹᱭ ᱞᱮᱫ ᱟᱭ ᱟᱢ ᱥᱮᱱ ᱾"
ᱵᱚᱦᱚᱜ ᱛᱷᱚᱲᱟᱧ ᱜᱟᱫᱩᱨ ᱮᱱᱟ,
ᱵᱟᱱᱩᱜ ᱨᱮ ᱦᱚᱸ ᱵᱟᱵᱟᱛ,
ᱡᱩᱨᱤ ᱛᱤᱧᱤᱧ ᱢᱮᱛᱟ ᱫᱮᱭᱟ,
"ᱪᱟ ᱠᱟᱴᱤᱡ ᱮᱢ ᱵᱚᱨᱟᱛ?"
ᱪᱟ - ᱧᱩ ᱢᱟ ᱥᱟ:ᱜᱤᱧ ᱠᱟᱛᱦᱟ,
ᱫᱟᱜ ᱵᱟᱝ ᱮ ᱮᱢᱟᱫᱤᱧ,
ᱵᱮᱡᱟᱨ ᱜᱤᱧ ᱵᱩᱡᱷᱟᱹᱣ ᱮᱫ ᱨᱮ ᱦᱚᱸ
ᱡᱷᱚᱞᱟᱭ ᱱᱮᱻ ᱟᱫᱤᱧ ᱾
ᱱᱟᱞᱦᱟ ᱠᱟᱢᱤ ᱫᱚᱛᱚ ᱯᱮᱸᱴ -
ᱦᱚᱨᱚᱜ ᱨᱮᱜ ᱮᱢᱮᱱᱟᱜ
ᱫᱟᱜ ᱛᱮᱛᱟᱝ ᱫᱟᱠᱟ ᱨᱮᱸᱜᱮᱡ
ᱪᱟᱞᱟᱣ ᱮᱱᱟᱧ ᱫᱮᱱᱟᱜ ᱾
ᱩᱭᱦᱟᱹᱨ ᱦᱤᱡᱩᱜ ᱠᱟᱱᱟ ᱱᱚᱛᱮ
ᱠᱟᱨᱩᱭ ᱨᱩᱣᱟᱹᱜ ᱠᱟᱱᱟ,
ᱛᱤ ᱨᱮᱫᱩᱧ ᱪᱟᱞᱟᱜ ᱢᱟᱥᱮ
ᱚᱠᱛᱚ ᱜᱮ ᱵᱟᱱᱩᱜ ᱟᱱᱟ ᱾
ᱦᱚᱞᱟ ᱢᱟᱹᱧ ᱢᱮᱱ ᱞᱮᱫ ᱟ -
ᱛᱮᱦᱮᱧ ᱪᱟᱞᱟᱜ ᱟ,
ᱛᱮᱦᱮᱧ ᱢᱟ....... ᱛᱮᱦᱮᱧ ᱢᱟ...
ᱪᱮᱫ ᱤᱧ ᱪᱤᱠᱟᱹᱭᱟ ᱾
ᱯᱩᱭᱥᱟᱹ ᱯᱟᱸᱡᱟ ᱰᱟᱭᱨᱤ ᱚᱴᱟᱜ
ᱚᱴᱟᱜ ᱧᱟᱢ ᱮᱱᱟ -
ᱱᱤᱛᱚᱜ ᱜᱮᱛᱚ 'ᱡᱟᱨᱩᱲ' ᱠᱞᱟᱵᱽ
ᱢᱤᱴᱤᱝ ᱛᱟᱸᱦᱮᱸ ᱠᱟᱱᱟ ᱾
ᱩᱱ ᱫᱚ ᱮᱛᱚᱢ ᱠᱚᱸᱡᱮ ᱯᱮᱨᱮᱡ
ᱡᱷᱚᱞᱟ ᱛᱮᱣᱮᱧ ᱨᱮ,
ᱛᱤᱸᱜᱩ ᱢᱤᱱᱟᱹᱧ ᱜᱩᱱᱤ ᱵᱷᱟᱵᱤ
ᱪᱟ ᱫᱚᱠᱟᱱ ᱥᱟᱢᱟᱝ ᱨᱮ ᱾
ᱧᱩ ᱞᱟᱜᱤᱫ ᱚᱰᱟᱨ ᱠᱮᱫ ᱟᱹᱧ
ᱥᱟᱢᱟᱝ ᱫᱚᱠᱟᱱ ᱨᱮ ᱜᱮ
ᱡᱟᱫᱩ ᱵᱟᱵᱩᱭ ᱥᱮᱴᱮᱨ ᱮᱱᱟ
ᱟᱣᱨᱤᱧ ᱥᱤᱲᱩᱵ ᱨᱮᱜᱮ ᱾
ᱟᱛᱩ ᱥᱟᱸᱜᱟᱸᱭ ᱤᱨᱤᱞ ᱠᱚᱲᱟ
ᱡᱟᱫᱩ ᱪᱮᱫ ᱮᱢ ᱢᱮᱛᱟᱭ
ᱛᱮᱥᱟᱨ ᱫᱷᱟᱣ ᱨᱮ ᱢᱮᱴᱨᱤᱠ ᱵᱤᱱᱤᱰ
ᱱᱮᱥ ᱦᱚᱸ ᱯᱷᱮᱞ ᱠᱮᱫᱟᱭ ᱾
ᱵᱟᱯᱩᱲᱤᱡ ᱟᱛᱟᱭ ᱡᱟᱫᱩ ᱵᱟᱵᱩ,
ᱟᱸᱥ ᱵᱟᱝ ᱯᱩᱨᱟᱹᱣ ᱞᱮᱱ ᱛᱟᱭ
ᱱᱟᱣᱟ ᱯᱚᱛᱚᱵ ᱠᱤᱨᱤᱧ ᱠᱟᱛᱮ
ᱠᱟᱞᱚᱢ ᱟᱨ ᱦᱚᱸᱭ ᱪᱮᱥᱴᱟᱭ ᱾
ᱵᱟᱝ ᱢᱟ ᱵᱟᱹᱧ ᱢᱮᱱ ᱫᱟᱲᱮᱭᱟᱫᱼᱟ
ᱪᱟᱦᱟᱭ ᱮᱲᱮ ᱠᱤᱫᱤᱧ,
ᱜᱟᱯᱟ ᱟᱨ ᱦᱚᱸᱭ ᱦᱤᱨᱤᱧ ᱞᱟᱜᱤᱫ
ᱱᱮᱰᱟ ᱫᱚᱦᱚ ᱟᱫᱤᱧ᱾
ᱵᱟᱡᱟᱨ ᱡᱷᱚᱞᱟ ᱛᱮᱣᱮᱧ ᱠᱟᱛᱤᱧ
ᱛᱟᱲᱟᱢ ᱟᱠᱟᱫ ᱟ
ᱪᱷᱟᱴᱠᱟ ᱠᱷᱚᱱᱟᱜ ᱠᱩᱢᱟᱹᱝ ᱠᱩᱲᱤᱭ
ᱠᱚᱭᱚᱜ ᱟᱠᱟᱫ ᱟ ᱾
ᱞᱟᱸᱫᱟ ᱠᱟᱛᱮᱭ ᱢᱮᱱ ᱠᱮᱫ ᱟ,
"ᱮᱻ ᱦᱚᱯᱚᱱ ᱠᱩᱢᱟᱹᱝ
ᱟᱞᱮ ᱥᱮᱱ ᱛᱮᱢ ᱯᱟᱨᱚᱢ ᱪᱟᱞᱟᱜ
ᱧᱮᱞ ᱛᱟᱨᱟᱭ ᱢᱮ ᱴᱩᱢᱟᱹᱝ ᱾"
ᱢᱮᱱ ᱠᱤᱫᱟᱹᱧ," ᱟᱰᱤ ᱞᱚᱜᱚᱱ -
ᱨᱩᱭᱟᱹᱲ ᱦᱩᱭᱩᱜ ᱛᱤᱧᱟ
ᱜᱟᱯᱟᱧ ᱦᱤᱡᱩᱜ ᱛᱮᱦᱮᱧ ᱫᱚ ᱵᱟᱝ
ᱠᱟᱢᱤ ᱢᱮᱱᱟᱜ ᱛᱤᱧᱟ ᱾"
ᱵᱟᱝ ᱵᱟᱝ ᱛᱮ ᱠᱩᱢᱟᱹᱝ ᱠᱩᱲᱤ
ᱡᱷᱚᱞᱟ ᱨᱮ ᱥᱟᱵ ᱮᱱᱟᱭ
ᱱᱟᱥᱮ ᱵᱮᱡᱟᱨ ᱱᱟᱥᱮ ᱜᱚᱨᱚᱡᱽ
ᱨᱮᱰᱮᱫ ᱵᱚᱞᱚ ᱮᱱᱟᱧ ᱾
ᱠᱩᱢᱟᱹᱝ ᱠᱩᱲᱤ ᱴᱩᱢᱟᱹᱝ ᱨᱟᱥᱟᱭ
ᱵᱚᱦᱮᱡ ᱩᱰᱩᱠ ᱠᱮᱫᱟ
ᱯᱤᱞᱪᱩ ᱦᱟᱲᱟᱢ ᱯᱤᱞᱪᱩ ᱵᱩᱰᱷᱤ
ᱛᱷᱩᱛᱤᱧ ᱡᱚᱦᱚ ᱠᱮᱫᱟ ᱾
ᱚᱲᱟᱜ ᱡᱚᱠᱷᱚᱱ ᱵᱚᱞᱚᱱ ᱠᱟᱹᱱᱟᱹᱧ
ᱟᱨᱮ ᱵᱟᱡᱟᱜ ᱠᱟᱱᱟ,
ᱡᱚᱱᱚᱜ ᱴᱷᱩᱴᱠᱤ ᱥᱟᱵ ᱠᱟᱛᱮ
ᱵᱟᱦᱩᱭ ᱨᱟᱨᱟᱜ ᱠᱟᱱᱟ ᱾
(ᱡᱦᱟᱨ ᱥᱟᱞᱟᱜ —
ᱤᱧᱜᱮ ᱵᱟᱯᱩᱲᱤᱡ —"ᱵᱟᱞᱠᱟ ᱥᱟᱱᱛᱟᱲ")
"" জিরাও ""
——————————
—বালকরাম সরেন ।
নালহা খনা রুওয়াড় কাতিঞ,
জিরাও আকানা
জুরি তিঞ হঁ চুরামারায়
দুড়ুপ পান্তে এনা ।
মেতা দিঞায় এদ্রে মাছা,
"দু- সে চালা মে,
চাওলে সুনুম আড়ু বেঁগাড়
আগু হদ মে।
রুওয়াড় কাতে বাবু লাগিদ
তওয়া আগুয়াম
অনা কাথা দিশা কাতে
রুওয়াড় হিজু আম ।
আরহঁ নতে চালাও হোয়ো
টিউশন মাষ্টার ঠেন,
আডি দিন খন বায় হিজু কান
চেদ রে চিকায়েন ।
হলা খনা রসম রসম
রুওয়াঞ আটকার এদা
ডাক্তর ঠেন ইদি লাগিদ
চেদ হঁ বাম মেন এদা ।
আর মিদটাং কাথা এ-গো
নতে আজম মেসে,
মোবাইল রে পুইসা বানু
রিচার্জ তারায় মেসে।
বাডায়াম তো মোবাইল বেগর
তাঁহেন তিনা জ্বালা
হায়তা হুয়তু একলা দুকলা
বুঝাওব ঝালাপালা ।
সিদুনাগার বা হঞারিঞ,
চেদ লাগিদ এ হেজ লেন?
আডি জারুড় কাথা তেহেঞ,
লাই লেদ আম সেন ।"
বহ থড়াঞ গাদুর এনা
বানু রেহঁ বাবাত,
জুরি তিঞিঞ মেতা দেয়া -
" চা কাটিজ এম বরাত? "
চা ঞু মা সাঁগিঞ কাথা,
দা: বাংএ এমাদিঞ
বেজার গিঞ বুঝাও এদ রেহঁ
ঝলায় নে - আদিঞ।
নালহা কামি দত পেঁট -
হর:রেগে মেনা:
দা: তেতাং দাকা রেঁগেজ
চালাও এনাঞ দেনা:।
উইহার হিজু কানা নতে
কারুই রুওয়া:কানা,
তি রেদুঞ চালা মাসে
অক্ত গে বানু আনা ।
হলা মাঞ মেন লেৎ আ
তেহেঞ চালা আ,
তেহেঞ মা...... তেহেঞ মা........
চেদ ইঞ চিকায়া ।
পুইসা পাঁজা ডাইরি অটা:
অটা: ঞাম এনা
নিত:গে ত জারুড় ক্লাব
মিটিং তাঁহে কানা ।
উন দ এতম কঁজে পেরেজ
ঝলা তেওয়েঞ রে,
তিঁগু মিনাঞ গুনি ভাবি
চা দোকান সামাং রে।
ঞু লাগিদ অর্ডার কেদ আঞ
সামাং দোকান রেগে,
যাদু বাবুই সেটের এনা,
আউরি সিড়ুব রেগে ।
আতু সাগাই ইরিল কড়া,
যাদু চেদ এম মেতায় -
তেসার ধাও রে মেট্রিক বিনিড
নেস হঁয় ফেল কেদ আ ।
বাপড়ুচ আতায় যাদু বাবু,
আঁশ বাং পুরাও লেন তায়,
নাওয়া পতব কিরিঞ কাতে -
কালম আর হঁয় চেষ্টায়।
বাং মা বাঞ মেন দাড়েয়াদা
চাহায় এড়ে কিদিঞ,
গাপা আর হঁয় হিরিঞ লাগিদ
নেডা দহ আদিঞ ।
বাজার ঝলা তেওয়েঞ কাতিঞ
তাড়াম আকাদ আ,
ছাটকা খনা কুমাং কুড়িই
কয়: আকাদ আ ।
লাঁদা কাতেয় মেন কে আ,
"এ-হপন কুমাং,
আলে সেন তেম পারম চালা:
ঞেল তারায় মে টুমাং।
মেন কেদ আঞ, " আডি লগন -
রুওয়াড় হোয়ো তিঞা
তেহেঞ দ বাং গাপাঞ হিজু
কামি মেনা তিঞা ।
বাং বাংতে কুমাং কুড়ি
ঝলা রে সাব এনায়
নাসে বেজার নাসে গরজ
রেডেৎ বল এনাঞ।
কুমাং কুড়ি টুমাং রাসা
বহেজ উডুক কেদ আয়
পিলচু হাড়াম পিলচু বুঢি
থুতিঞ জহ কেদ আ
অড়া যখন বলন কানাঞ
আরে বাজাওব কানা
জন:ঠুটকি সাব কাতে
বাহুই রারা:কানা ।
জহার সালা:—
ইঞগে বাপুড়িচ —"বালকা সান্তাড়"
No comments:
Post a Comment