"ᱱᱮᱰᱟ ᱛᱟᱭᱚᱢ..... "
---------------------------------------------
— ᱵᱟᱞᱚᱠᱨᱟᱢ ᱥᱚᱨᱮᱱ
ᱯᱮ ᱢᱟᱦᱟ ᱦᱩᱭ ᱮᱱᱟ, ᱯᱷᱳᱱ ᱵᱟᱢ ᱥᱟᱵ ᱮᱫᱟ ᱾ ᱦᱚᱞᱟ ᱢᱟᱦᱫᱮᱨ ᱢᱚᱲᱮ ᱫᱷᱟᱣ ᱠᱟᱛᱤᱧ ᱯᱷᱳᱱ ᱟᱠᱟᱫ ᱟ, ᱨᱤᱝ ᱮᱱᱟ, ᱵᱟᱢ ᱥᱟᱵ ᱞᱮᱫ ᱟ ᱾ ᱵᱟᱹᱧ ᱵᱟᱰᱟᱭᱟ ᱪᱮᱫᱟᱜ ᱯᱷᱳᱱ ᱵᱟᱢ ᱥᱟᱵ ᱮᱫᱟ ᱾ ᱪᱮᱫ ᱮᱢ ᱟᱲᱤᱥ ᱟᱠᱟᱱᱟ, ᱪᱮᱫ ᱮᱢ ᱮᱫᱽᱨᱮ ᱟᱠᱟᱱᱟ, ᱵᱟᱰᱟᱭ ᱵᱟᱱᱩᱜ ᱛᱤᱧᱟ ᱾ ᱤᱧᱟᱜ ᱠᱟᱹᱭ ᱫᱚ ᱪᱮᱫ, ᱵᱟᱰᱟᱭ ᱵᱟᱹᱧ ᱵᱟᱰᱟᱭᱟ ᱾.....
ᱡᱟᱸᱦᱟᱸᱭ ᱛᱟᱱᱟᱜ ᱤᱧ ᱠᱩᱞᱤ ᱠᱚᱣᱟ, ᱚᱱᱟ ᱦᱚᱸ ᱵᱟᱹᱧ ᱫᱟᱲᱮᱭᱟᱜ ᱠᱟᱱᱟ ᱾ ᱞᱟᱡᱟᱣ!
ᱞᱟᱡᱟᱣ ᱦᱚᱸ ᱛᱩᱧ ᱟᱴᱠᱟᱨ ᱮᱫᱟ ᱾
ᱦᱚᱲ ᱠᱚ ᱪᱮᱫ ᱠᱚ ᱢᱚᱱᱮᱭᱟ!!!
ᱠᱷᱟᱯᱟᱷ ᱠᱷᱚᱯᱚᱭ ᱠᱚ ᱨᱚᱯᱚᱲᱟ - -
"ᱟᱨ ᱛᱤᱱᱟᱜ ᱫᱤᱱ ᱵᱟ? ᱤᱱ ᱫᱤᱱ ᱦᱚᱸ ᱵᱟᱭ ᱛᱟᱺᱜᱤ ᱫᱟᱲᱮᱭᱟᱜ ᱠᱟᱱᱟ?"
ᱢᱮᱱᱠᱷᱟᱱ ᱤᱧ ᱛᱩᱧ ᱵᱟᱰᱟᱭᱟ, ᱟᱞᱟᱝ ᱟᱜ ᱢᱚᱱᱮ ᱛᱟᱞᱟ ᱨᱮ ᱡᱟᱸᱦᱟᱸ ᱯᱚᱦᱚᱞ ᱵᱮᱱᱟᱣ ᱞᱮᱱᱟ, ᱚᱱᱟ ᱨᱮ ᱱᱟᱥᱮᱱᱟᱜ ᱯᱟᱲᱟᱜ ᱧᱮᱞᱚᱜ ᱠᱟᱱᱟ ᱾ ᱚᱱᱟ ᱫᱚ ᱯᱟᱞᱮᱱ ᱟᱢ ᱦᱚᱢ ᱟᱸᱜᱚᱡ ᱛᱤᱭᱩᱜ ᱮᱫᱟ ᱾
ᱵᱟᱝ ᱱᱚᱣᱟ ᱠᱚ ᱠᱟᱛᱷᱟ ᱛᱮᱦᱮᱧ ᱵᱟᱹᱧ ᱩᱭᱦᱟᱹᱨ ᱠᱮᱭᱟ - ᱡᱚᱫᱤ ᱟᱢ ᱯᱷᱳᱱ ᱮᱢ ᱥᱟᱵ ᱠᱮᱭᱟ ᱾
ᱥᱟᱜᱩᱱ ᱵᱟᱯᱞᱟ ᱛᱳ ᱜᱚᱴᱟ ᱞᱮᱱᱟ !
ᱱᱤᱭᱟᱹ ᱯᱩᱭᱞᱩ ᱵᱟᱹᱭᱥᱟᱹᱠᱷ ᱨᱮ, 14 April,..... ᱟᱰᱤ ᱫᱤᱱ ᱵᱟᱠᱤ ᱫᱚ ᱵᱟᱝ ᱛᱟᱸᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱦᱟᱭ.!!! ᱪᱮᱫ ᱟᱡᱟᱨ ᱪᱚᱝ ᱥᱮᱴᱮᱨ ᱮᱱ, ᱫᱷᱟᱨᱛᱤ ᱡᱟᱠᱟᱛ ᱦᱚᱲ ᱠᱚ ᱦᱩᱞᱟᱹᱪᱟᱢᱠᱟᱜ ᱠᱟᱱ, ᱵᱚᱛᱚᱨ ᱛᱮ ᱦᱩᱞᱟᱹᱪᱟᱢᱠᱟ ᱾ ᱟᱲᱟᱜ ᱥᱟᱠᱟᱢ ᱞᱮᱞᱟ ᱫᱷᱟᱨᱛᱤ ᱡᱟᱠᱟᱛ ᱢᱟᱱᱢᱤ ᱠᱚ ᱜᱩᱡᱩᱜ ᱠᱟᱱᱟ ᱾
ᱩᱯᱟᱹᱭ ᱵᱟᱝ ᱛᱟᱸᱦᱮᱸ ᱠᱟᱱᱟ- ᱱᱮᱰᱟ ᱢᱟᱦᱟ ᱵᱟᱝ ᱴᱷᱮᱞᱟᱣ ᱠᱟᱛᱮ ᱾ ᱚᱱᱟ ᱢᱟ ᱛᱚ ᱟᱯᱮ ᱦᱚᱸ ᱯᱮ ᱞᱟᱹᱭ ᱠᱮᱫ ᱜᱮᱭᱟ ᱾
ᱟᱢ ᱧᱮᱧᱮᱞ ᱤᱧ ᱪᱟᱞᱟᱣ ᱞᱮᱱ ᱦᱤᱞᱚᱜᱟᱜ ᱠᱟᱛᱷᱟ —, ᱩᱭᱦᱟᱹᱨ ᱦᱮᱡ ᱟᱹᱧᱟ ᱠᱟᱱᱟ ᱾ ᱨᱟᱪᱟ ᱨᱮᱞᱮ ᱫᱩᱲᱩᱵ ᱟᱠᱟᱱ ᱚᱠᱛᱚ, ᱛᱟᱭᱚᱢ ᱥᱮᱱᱟᱜ ᱠᱷᱩᱸᱫᱽᱲᱤ ᱫᱩᱣᱟᱹᱨ ᱠᱷᱚᱱ, ᱩᱠᱩ ᱩᱠᱩ ᱛᱮᱢ ᱠᱚᱭᱚᱜ ᱟᱠᱟᱫᱤᱧᱟ ᱾ ᱤᱧ ᱠᱤᱱᱛᱩᱧ ᱵᱟᱰᱟᱭ ᱧᱟᱢ ᱞᱮᱫ ᱢᱮᱭᱟ,—
"ᱴᱷᱤᱠ ᱱᱩᱭᱜᱮ ᱡᱟᱱᱤᱡ!"
ᱵᱤᱫᱟᱹᱭ ᱚᱠᱛᱚ ᱯᱷᱳᱱ ᱱᱝᱵᱚᱨ ᱟᱢ ᱵᱟᱵᱟᱭ ᱮᱢᱟᱫ ᱞᱮᱭᱟ, ᱨᱟᱭᱵᱟᱨ ᱢᱮᱱ ᱞᱮᱫ ᱟ, "ᱡᱟᱢᱟᱭ ᱜᱤᱫᱽᱼᱨᱟᱹ ᱜᱮ ᱮᱢᱟᱭ ᱢᱮ ". ᱢᱚᱱᱮᱨᱮ ᱟᱪᱠᱟ ᱜᱮ ᱠᱟᱨᱮᱱᱴ ᱵᱤᱡᱽᱞᱤ ᱛᱤᱧ ᱟᱛᱟᱨ ᱮᱱ ᱞᱮᱠᱟᱧ ᱵᱩᱡᱷᱟᱹᱣ ᱠᱮᱫ ᱟ, ᱞᱟᱸᱫᱟ ᱦᱚᱸ ᱥᱟᱱᱟ ᱠᱮᱫᱤᱧᱟ... ᱟᱣᱨᱤ ᱛᱮᱜᱮ " ᱡᱟᱢᱟᱭ."...!!
ᱴᱮᱨᱟ ᱴᱮᱨᱟ ᱛᱤᱧ ᱧᱮᱞ ᱟᱠᱟᱫ ᱢᱮᱭᱟ, ᱟᱢ ᱦᱚᱢ ᱞᱟᱸᱫᱟ ᱟᱠᱟᱫ ᱟ.... ᱢᱮᱱᱠᱷᱟᱱ ᱢᱚᱪᱟ ᱵᱮᱫ ᱠᱟᱛᱮ ᱾
ᱤᱱᱟᱹ ᱦᱤᱞᱚᱜ ᱠᱷᱚᱱ ᱜᱮ ᱦᱤᱸᱥᱤ ᱪᱮᱸᱬᱮ ᱞᱮᱠᱟ ᱚᱱᱛᱚᱨ ᱨᱤᱧ ᱜᱟᱜ ᱜᱟᱵᱟᱱ ᱞᱮᱫ ᱟ, ᱟᱢ ᱤᱫᱤᱠᱟᱛᱮ ᱢᱤᱫ ᱥᱩᱠᱷᱟᱹᱞᱤ ᱜᱷᱟᱸᱨᱚᱡᱽ ᱾ ᱢᱚᱱᱮ ᱛᱚᱯᱚᱞ ᱮᱱᱟ ᱛᱚᱲᱮ ᱥᱩᱛᱟᱹᱢ ᱛᱮ ᱾ ᱞᱩᱢᱟᱹᱝ ᱞᱮᱠᱟ ᱴᱩᱰᱟᱹᱝ ᱴᱩᱰᱟᱹᱝ ᱛᱮ ᱛᱤᱥ ᱨᱮᱪᱚ ᱫᱩᱞᱟᱹᱲ ᱱᱟᱲᱤ ᱥᱟᱜᱮᱱ ᱮᱱᱟ - ᱤᱧ ᱦᱚᱸ ᱵᱟᱹᱧ ᱵᱟᱰᱟᱭᱟ ᱾ᱤᱱᱟᱹ ᱛᱟᱭᱚᱢ ᱛᱤᱱᱟᱜ ᱴᱤᱲᱤᱡ ᱴᱟᱲᱟᱝ ᱯᱷᱳᱱ ᱛᱮᱞᱟᱝ ᱨᱚᱯᱚᱲ ᱟᱠᱟᱱᱟ, ᱚᱱᱟ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱵᱟᱱᱩᱜ ᱟ ᱾
ᱱᱮᱰᱟ ᱢᱟᱦᱟ ᱴᱷᱮᱞᱟᱣ ᱟᱠᱟᱱᱟ , ᱱᱚᱣᱟ ᱞᱚᱠ ᱰᱟᱩᱱ ᱵᱟᱝ ᱪᱟᱵᱟᱜ ᱵᱷᱳᱨ ᱱᱟᱣᱟ ᱱᱮᱰᱟ ᱢᱟᱦᱟ ᱵᱟᱝ ᱴᱷᱟᱹᱣᱠᱟᱹᱜ ᱠᱟᱱᱟ ᱾ ᱡᱟᱱᱤᱡ ᱟᱫᱚ ᱵᱟᱝ ᱱᱮᱰᱟ ᱦᱩᱭᱩᱜ ᱟ ᱾ ᱚᱱᱛᱚᱛᱚ : ᱤᱧ ᱟᱭᱚ ᱵᱟᱵᱟ ᱦᱟᱜ ᱢᱮᱫ ᱟᱦᱟᱸ ᱧᱮᱞ ᱠᱟᱛᱮ ᱚᱱᱟᱜᱤᱧ ᱵᱩᱡᱷᱟᱹᱣ ᱮᱫ ᱟ ᱾ ᱪᱮᱫᱟᱜ ᱥᱮ ᱯᱩᱭᱞᱩ ᱵᱟᱹᱭᱥᱟᱹᱠᱷ ᱟᱣᱨᱤ ᱥᱮᱴᱮᱨᱚᱜ ᱛᱮᱜᱮ ᱥᱮᱨᱢᱟ ᱨᱤᱢᱤᱞ ᱨᱮᱱᱟᱜ ᱢᱤᱫ ᱠᱚᱸᱰ ᱨᱮ ᱦᱮᱸᱫᱮ ᱨᱟᱬᱞᱟᱧ ᱧᱮᱞ ᱧᱟᱢ ᱮᱫᱟ ᱾ ᱦᱚᱭ ᱵᱟᱨᱰᱩ ᱫᱟᱨᱟᱭ ᱠᱟᱱᱟ, ᱤᱧᱟᱜ ᱠᱩᱠᱢᱩ ᱨᱮᱱᱟᱜ ᱠᱩᱸᱵᱟᱹ ᱵᱟᱠᱷᱳᱞ ᱩᱟᱹᱴ ᱠᱟᱪᱷᱟᱲ ᱠᱟᱛᱮ ᱨᱟᱯᱩᱫᱚᱜ ᱜᱮᱭᱟ ᱡᱟᱱᱤᱡ ᱾
ᱜᱷᱟᱱᱮ ᱠᱩᱠᱞᱤ ᱨᱟᱠᱟᱵ ᱠᱟᱱᱟ —"ᱡᱟᱨᱟᱞ ᱡᱟᱨᱟᱞ ᱥᱤᱛᱩᱝ ᱛᱟᱞᱟ ᱨᱮ
ᱱᱚᱣᱟ ᱦᱮᱹᱫᱮ ᱨᱤᱢᱤᱞ ᱫᱚ ᱪᱮᱫᱟᱜ???
ᱯᱟᱪᱮ ᱤᱱ ᱦᱤᱞᱚᱜᱟᱜ ᱯᱷᱳᱱ ᱨᱮᱱᱟᱜ ᱚᱨᱡᱚ ᱜᱮ??? "
ᱤᱧ ᱛᱚ ᱴᱷᱤᱠ ᱠᱟᱛᱷᱟ ᱜᱤᱧ ᱢᱮᱱ ᱟᱠᱟᱫᱟ.., ... ᱵᱟᱝ,... ᱤᱧ ᱫᱚ ᱵᱟᱹᱧ ᱪᱟᱠᱨᱤᱭᱟ,
ᱚᱠᱚᱭ ᱠᱚ ᱞᱟᱹᱭ ᱟᱫ ᱢᱮᱭᱟ ᱤᱧ ᱫᱩᱧ ᱪᱟᱠᱨᱤᱭᱟ???
ᱡᱚᱛᱚ ᱠᱚ ᱵᱟᱰᱟᱭᱟ ᱤᱧ ᱫᱚ,
ᱴᱷᱤᱠᱟᱹᱫᱟᱨ ᱴᱷᱮᱱᱤᱧ ᱠᱟᱢᱤᱭᱟ... Contractor under ᱨᱮ, ᱟᱢ ᱫᱚ ᱱᱚᱣᱟ ᱠᱟᱛᱷᱟ ᱵᱟᱢ ᱵᱟᱰᱟᱭ ᱛᱮ??
ᱨᱟᱭᱵᱟᱨ ᱛᱚ ᱥᱟᱱᱟᱢ ᱠᱟᱛᱷᱟ ᱢᱮᱱ ᱦᱩᱭ ᱟᱠᱟᱱᱟ!
ᱤᱱ ᱦᱤᱞᱚᱜ ᱯᱷᱳᱱ ᱛᱮ ᱨᱚᱯᱚᱲ ᱨᱮᱜᱮ ᱟᱢᱟᱜ ᱢᱚᱱᱮ ᱠᱟᱛᱷᱟ ᱫᱚ ᱱᱟᱥᱮᱱᱟᱜ ᱤᱧ ᱟᱸᱜᱚᱡ ᱛᱤᱭᱩᱜ ᱞᱮᱫ ᱟ ᱾ ᱵᱟᱹᱭ ᱵᱟᱹᱭ ᱛᱮ ᱚᱱᱟᱜᱮ ᱥᱟᱨᱤᱜ ᱠᱟᱱᱟ ᱡᱟᱱᱤᱡ ᱾
ᱤᱱᱟ ᱛᱟᱭᱚᱢ ᱠᱷᱚᱱ ᱜᱮ ᱛᱚ ᱜᱷᱩᱲᱤ ᱨᱮᱱᱟᱜ ᱥᱩᱛᱟᱹᱢ ᱥᱟᱢᱴᱟᱣ ᱮᱢ ᱮᱦᱚᱵ ᱠᱮᱫ ᱟ ᱾ ᱚᱱᱟ ᱜᱮ ᱤᱧᱟᱜ ᱫᱷᱟᱫᱚᱥ ᱢᱚᱱᱮ ᱨᱮ ᱾
ᱛᱟᱦᱞᱮ ᱠᱤ ᱞᱩᱢᱟᱝ ᱟᱣᱨᱤ ᱛᱚᱞᱚᱜ ᱛᱮᱜᱮ ᱯᱟᱛᱱᱤ ᱠᱟᱛᱮ ᱩᱰᱟᱹᱣ ᱮᱱᱟ???
ᱵᱟᱹᱧ ᱵᱟᱰᱟᱭᱟ,... ᱪᱮᱫ ᱦᱚᱸ ᱵᱟᱹᱧ ᱵᱟᱰᱟᱭᱟ.... ᱢᱚᱱᱮᱨᱮ ᱦᱟᱱᱟ ᱱᱟᱣᱟ ᱩᱭᱦᱟᱹᱨ ᱦᱥᱡᱩᱜ ᱠᱟᱱᱟ ᱾
ᱪᱮᱫᱟᱜ ᱪᱚ ᱱᱤᱛᱚᱜ ᱢᱚᱱᱮ ᱵᱟᱹᱧ ᱟᱯᱱᱟᱨ ᱫᱟᱲᱮᱭᱟᱜ ᱠᱟᱱᱟ ᱾
ᱟᱡᱚᱢ ᱮᱫᱟᱧ ᱵᱟᱝᱢᱟ ᱢᱤᱫ ᱪᱟᱠᱨᱤ ᱠᱚᱲᱟ, ᱟᱦᱨᱮ ᱵᱟᱦᱨᱮ ᱧᱮᱞ ᱤᱫᱤ ᱟᱠᱟᱫ ᱢᱮᱭᱟ ᱾ ᱵᱟᱹᱧ ᱵᱟᱰᱟᱭᱟ ᱥᱟᱨᱤ ᱥᱮ ᱱᱟᱥᱮ ᱾ ᱦᱚᱣᱛᱚ ᱥᱟᱨᱤ ᱜᱮ! ᱚᱱᱟ ᱠᱷᱟᱛᱤᱨ ᱜᱮ ᱡᱟᱱᱤᱡ ᱯᱷᱳᱱ ᱵᱟᱢ ᱥᱟᱵ ᱮᱫᱟ ᱾ ᱟᱫᱚ ᱛᱤᱥ ᱦᱚᱸ ᱵᱟᱹᱧ ᱯᱷᱳᱱ ᱟ ᱾
ᱱᱚᱣᱟ ᱟᱡᱟᱨ ᱵᱟᱝ ᱦᱮᱡ ᱞᱮᱱᱠᱷᱟᱱ ᱦᱩᱱᱟᱹᱝ ᱱᱮᱻ ᱛᱮ ᱦᱩᱲᱩ ᱥᱚᱝ ᱦᱩᱭ ᱠᱚᱜ ᱟ, ᱜᱤᱨᱟᱹ ᱛᱚᱞ ᱦᱩᱭ ᱠᱚᱜ ᱟ, ᱟᱢ ᱧᱩᱛᱩᱢ ᱥᱩᱭ ᱜᱤᱨᱟᱹ ᱦᱩᱧ ᱛᱚᱞ ᱠᱮᱭᱟ, ᱥᱟᱜᱩᱱ ᱵᱟᱯᱞᱟ ᱨᱮᱱᱟᱜ ᱥᱟᱯᱲᱟᱣ ᱪᱟᱵᱟ ᱠᱚᱜ ᱟ ᱾
ᱦᱚᱞᱟ ᱨᱟᱭᱵᱟᱨ ᱮ ᱯᱷᱳᱱ ᱞᱮᱫ ᱟ, ᱤᱧ ᱟᱭᱚ ᱵᱟᱵᱟ ᱥᱟᱞᱟᱜ ᱪᱮᱫ ᱮ ᱜᱟᱞᱢᱟᱨᱟᱣ ᱟᱠᱟᱫ ᱟ, ᱵᱟᱹᱧ ᱵᱟᱰᱟᱭᱟ, ᱵᱟᱠᱚ ᱞᱟᱹᱭᱟᱹᱧ ᱠᱟᱱᱟ, ᱢᱤᱫ ᱫᱤᱱ ᱫᱚ ᱞᱟᱹᱭᱟᱹᱧ ᱜᱮᱭᱟ ᱠᱚ ᱾ ᱛᱚᱵᱮ ᱤᱧ ᱵᱟᱰᱟᱭ ᱛᱤᱭᱩᱜ ᱟᱠᱟᱫ ᱟ —ᱟᱞᱟᱝ ᱟᱜ ᱵᱟᱯᱞᱟ ᱡᱟᱱᱤᱡ ᱛᱚᱯᱟᱜ ᱮᱱᱟ ᱾ ᱚᱱᱟ ᱜᱮ ᱟᱢ ᱦᱚᱢ ᱠᱷᱚᱡᱚᱜ ᱠᱟᱱᱟ ᱾ ᱟᱯᱮ ᱥᱟᱱᱟᱢ ᱜᱮ....
ᱪᱮᱫ ᱟᱫᱚᱧ ᱞᱟᱹᱭ ᱟ, ᱟᱢᱟᱜ ᱫᱩᱞᱟᱹᱲ ᱨᱤᱧ ᱪᱷᱟᱸᱫᱟ ᱞᱮᱱᱟ, ᱥᱟ:ᱜᱤᱧ ᱨᱚᱯᱚᱲ ᱛᱮ ᱦᱚᱸ ᱱᱩᱱᱟᱹᱜ ᱫᱩᱞᱟᱹᱲ ᱛᱚᱯᱚᱞᱚᱜ ᱟ, ᱵᱟᱹᱧ ᱵᱟᱰᱟᱭ ᱛᱟᱸᱦᱮᱸᱫ ᱾ ᱢᱚᱱᱮ ᱨᱮ ᱠᱚᱥᱴᱚᱧ ᱟᱭᱠᱟᱹᱣ ᱮᱫᱟ, ᱟᱢᱟᱜ ᱨᱟᱹᱥᱠᱟᱹ ᱤᱧᱟᱜ ᱫᱩᱠ ᱾ ᱡᱟᱸᱦᱟᱸ ᱨᱮᱜᱮᱢ ᱥᱚᱝᱥᱟᱨ, ᱱᱟᱯᱟᱭ ᱛᱮ ᱥᱚᱝᱥᱟᱨ ᱢᱮ ᱾ ᱪᱟᱸᱫᱚ ᱵᱚᱸᱜᱟ ᱴᱷᱮᱱ ᱚᱱᱟ ᱜᱤᱧ ᱱᱮᱦᱚᱨᱟ ᱾
---------------------------------------------
— ᱵᱟᱞᱚᱠᱨᱟᱢ ᱥᱚᱨᱮᱱ
ᱯᱮ ᱢᱟᱦᱟ ᱦᱩᱭ ᱮᱱᱟ, ᱯᱷᱳᱱ ᱵᱟᱢ ᱥᱟᱵ ᱮᱫᱟ ᱾ ᱦᱚᱞᱟ ᱢᱟᱦᱫᱮᱨ ᱢᱚᱲᱮ ᱫᱷᱟᱣ ᱠᱟᱛᱤᱧ ᱯᱷᱳᱱ ᱟᱠᱟᱫ ᱟ, ᱨᱤᱝ ᱮᱱᱟ, ᱵᱟᱢ ᱥᱟᱵ ᱞᱮᱫ ᱟ ᱾ ᱵᱟᱹᱧ ᱵᱟᱰᱟᱭᱟ ᱪᱮᱫᱟᱜ ᱯᱷᱳᱱ ᱵᱟᱢ ᱥᱟᱵ ᱮᱫᱟ ᱾ ᱪᱮᱫ ᱮᱢ ᱟᱲᱤᱥ ᱟᱠᱟᱱᱟ, ᱪᱮᱫ ᱮᱢ ᱮᱫᱽᱨᱮ ᱟᱠᱟᱱᱟ, ᱵᱟᱰᱟᱭ ᱵᱟᱱᱩᱜ ᱛᱤᱧᱟ ᱾ ᱤᱧᱟᱜ ᱠᱟᱹᱭ ᱫᱚ ᱪᱮᱫ, ᱵᱟᱰᱟᱭ ᱵᱟᱹᱧ ᱵᱟᱰᱟᱭᱟ ᱾.....
ᱡᱟᱸᱦᱟᱸᱭ ᱛᱟᱱᱟᱜ ᱤᱧ ᱠᱩᱞᱤ ᱠᱚᱣᱟ, ᱚᱱᱟ ᱦᱚᱸ ᱵᱟᱹᱧ ᱫᱟᱲᱮᱭᱟᱜ ᱠᱟᱱᱟ ᱾ ᱞᱟᱡᱟᱣ!
ᱞᱟᱡᱟᱣ ᱦᱚᱸ ᱛᱩᱧ ᱟᱴᱠᱟᱨ ᱮᱫᱟ ᱾
ᱦᱚᱲ ᱠᱚ ᱪᱮᱫ ᱠᱚ ᱢᱚᱱᱮᱭᱟ!!!
ᱠᱷᱟᱯᱟᱷ ᱠᱷᱚᱯᱚᱭ ᱠᱚ ᱨᱚᱯᱚᱲᱟ - -
"ᱟᱨ ᱛᱤᱱᱟᱜ ᱫᱤᱱ ᱵᱟ? ᱤᱱ ᱫᱤᱱ ᱦᱚᱸ ᱵᱟᱭ ᱛᱟᱺᱜᱤ ᱫᱟᱲᱮᱭᱟᱜ ᱠᱟᱱᱟ?"
ᱢᱮᱱᱠᱷᱟᱱ ᱤᱧ ᱛᱩᱧ ᱵᱟᱰᱟᱭᱟ, ᱟᱞᱟᱝ ᱟᱜ ᱢᱚᱱᱮ ᱛᱟᱞᱟ ᱨᱮ ᱡᱟᱸᱦᱟᱸ ᱯᱚᱦᱚᱞ ᱵᱮᱱᱟᱣ ᱞᱮᱱᱟ, ᱚᱱᱟ ᱨᱮ ᱱᱟᱥᱮᱱᱟᱜ ᱯᱟᱲᱟᱜ ᱧᱮᱞᱚᱜ ᱠᱟᱱᱟ ᱾ ᱚᱱᱟ ᱫᱚ ᱯᱟᱞᱮᱱ ᱟᱢ ᱦᱚᱢ ᱟᱸᱜᱚᱡ ᱛᱤᱭᱩᱜ ᱮᱫᱟ ᱾
ᱵᱟᱝ ᱱᱚᱣᱟ ᱠᱚ ᱠᱟᱛᱷᱟ ᱛᱮᱦᱮᱧ ᱵᱟᱹᱧ ᱩᱭᱦᱟᱹᱨ ᱠᱮᱭᱟ - ᱡᱚᱫᱤ ᱟᱢ ᱯᱷᱳᱱ ᱮᱢ ᱥᱟᱵ ᱠᱮᱭᱟ ᱾
ᱥᱟᱜᱩᱱ ᱵᱟᱯᱞᱟ ᱛᱳ ᱜᱚᱴᱟ ᱞᱮᱱᱟ !
ᱱᱤᱭᱟᱹ ᱯᱩᱭᱞᱩ ᱵᱟᱹᱭᱥᱟᱹᱠᱷ ᱨᱮ, 14 April,..... ᱟᱰᱤ ᱫᱤᱱ ᱵᱟᱠᱤ ᱫᱚ ᱵᱟᱝ ᱛᱟᱸᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱦᱟᱭ.!!! ᱪᱮᱫ ᱟᱡᱟᱨ ᱪᱚᱝ ᱥᱮᱴᱮᱨ ᱮᱱ, ᱫᱷᱟᱨᱛᱤ ᱡᱟᱠᱟᱛ ᱦᱚᱲ ᱠᱚ ᱦᱩᱞᱟᱹᱪᱟᱢᱠᱟᱜ ᱠᱟᱱ, ᱵᱚᱛᱚᱨ ᱛᱮ ᱦᱩᱞᱟᱹᱪᱟᱢᱠᱟ ᱾ ᱟᱲᱟᱜ ᱥᱟᱠᱟᱢ ᱞᱮᱞᱟ ᱫᱷᱟᱨᱛᱤ ᱡᱟᱠᱟᱛ ᱢᱟᱱᱢᱤ ᱠᱚ ᱜᱩᱡᱩᱜ ᱠᱟᱱᱟ ᱾
ᱩᱯᱟᱹᱭ ᱵᱟᱝ ᱛᱟᱸᱦᱮᱸ ᱠᱟᱱᱟ- ᱱᱮᱰᱟ ᱢᱟᱦᱟ ᱵᱟᱝ ᱴᱷᱮᱞᱟᱣ ᱠᱟᱛᱮ ᱾ ᱚᱱᱟ ᱢᱟ ᱛᱚ ᱟᱯᱮ ᱦᱚᱸ ᱯᱮ ᱞᱟᱹᱭ ᱠᱮᱫ ᱜᱮᱭᱟ ᱾
ᱟᱢ ᱧᱮᱧᱮᱞ ᱤᱧ ᱪᱟᱞᱟᱣ ᱞᱮᱱ ᱦᱤᱞᱚᱜᱟᱜ ᱠᱟᱛᱷᱟ —, ᱩᱭᱦᱟᱹᱨ ᱦᱮᱡ ᱟᱹᱧᱟ ᱠᱟᱱᱟ ᱾ ᱨᱟᱪᱟ ᱨᱮᱞᱮ ᱫᱩᱲᱩᱵ ᱟᱠᱟᱱ ᱚᱠᱛᱚ, ᱛᱟᱭᱚᱢ ᱥᱮᱱᱟᱜ ᱠᱷᱩᱸᱫᱽᱲᱤ ᱫᱩᱣᱟᱹᱨ ᱠᱷᱚᱱ, ᱩᱠᱩ ᱩᱠᱩ ᱛᱮᱢ ᱠᱚᱭᱚᱜ ᱟᱠᱟᱫᱤᱧᱟ ᱾ ᱤᱧ ᱠᱤᱱᱛᱩᱧ ᱵᱟᱰᱟᱭ ᱧᱟᱢ ᱞᱮᱫ ᱢᱮᱭᱟ,—
"ᱴᱷᱤᱠ ᱱᱩᱭᱜᱮ ᱡᱟᱱᱤᱡ!"
ᱵᱤᱫᱟᱹᱭ ᱚᱠᱛᱚ ᱯᱷᱳᱱ ᱱᱝᱵᱚᱨ ᱟᱢ ᱵᱟᱵᱟᱭ ᱮᱢᱟᱫ ᱞᱮᱭᱟ, ᱨᱟᱭᱵᱟᱨ ᱢᱮᱱ ᱞᱮᱫ ᱟ, "ᱡᱟᱢᱟᱭ ᱜᱤᱫᱽᱼᱨᱟᱹ ᱜᱮ ᱮᱢᱟᱭ ᱢᱮ ". ᱢᱚᱱᱮᱨᱮ ᱟᱪᱠᱟ ᱜᱮ ᱠᱟᱨᱮᱱᱴ ᱵᱤᱡᱽᱞᱤ ᱛᱤᱧ ᱟᱛᱟᱨ ᱮᱱ ᱞᱮᱠᱟᱧ ᱵᱩᱡᱷᱟᱹᱣ ᱠᱮᱫ ᱟ, ᱞᱟᱸᱫᱟ ᱦᱚᱸ ᱥᱟᱱᱟ ᱠᱮᱫᱤᱧᱟ... ᱟᱣᱨᱤ ᱛᱮᱜᱮ " ᱡᱟᱢᱟᱭ."...!!
ᱴᱮᱨᱟ ᱴᱮᱨᱟ ᱛᱤᱧ ᱧᱮᱞ ᱟᱠᱟᱫ ᱢᱮᱭᱟ, ᱟᱢ ᱦᱚᱢ ᱞᱟᱸᱫᱟ ᱟᱠᱟᱫ ᱟ.... ᱢᱮᱱᱠᱷᱟᱱ ᱢᱚᱪᱟ ᱵᱮᱫ ᱠᱟᱛᱮ ᱾
ᱤᱱᱟᱹ ᱦᱤᱞᱚᱜ ᱠᱷᱚᱱ ᱜᱮ ᱦᱤᱸᱥᱤ ᱪᱮᱸᱬᱮ ᱞᱮᱠᱟ ᱚᱱᱛᱚᱨ ᱨᱤᱧ ᱜᱟᱜ ᱜᱟᱵᱟᱱ ᱞᱮᱫ ᱟ, ᱟᱢ ᱤᱫᱤᱠᱟᱛᱮ ᱢᱤᱫ ᱥᱩᱠᱷᱟᱹᱞᱤ ᱜᱷᱟᱸᱨᱚᱡᱽ ᱾ ᱢᱚᱱᱮ ᱛᱚᱯᱚᱞ ᱮᱱᱟ ᱛᱚᱲᱮ ᱥᱩᱛᱟᱹᱢ ᱛᱮ ᱾ ᱞᱩᱢᱟᱹᱝ ᱞᱮᱠᱟ ᱴᱩᱰᱟᱹᱝ ᱴᱩᱰᱟᱹᱝ ᱛᱮ ᱛᱤᱥ ᱨᱮᱪᱚ ᱫᱩᱞᱟᱹᱲ ᱱᱟᱲᱤ ᱥᱟᱜᱮᱱ ᱮᱱᱟ - ᱤᱧ ᱦᱚᱸ ᱵᱟᱹᱧ ᱵᱟᱰᱟᱭᱟ ᱾ᱤᱱᱟᱹ ᱛᱟᱭᱚᱢ ᱛᱤᱱᱟᱜ ᱴᱤᱲᱤᱡ ᱴᱟᱲᱟᱝ ᱯᱷᱳᱱ ᱛᱮᱞᱟᱝ ᱨᱚᱯᱚᱲ ᱟᱠᱟᱱᱟ, ᱚᱱᱟ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱵᱟᱱᱩᱜ ᱟ ᱾
ᱱᱮᱰᱟ ᱢᱟᱦᱟ ᱴᱷᱮᱞᱟᱣ ᱟᱠᱟᱱᱟ , ᱱᱚᱣᱟ ᱞᱚᱠ ᱰᱟᱩᱱ ᱵᱟᱝ ᱪᱟᱵᱟᱜ ᱵᱷᱳᱨ ᱱᱟᱣᱟ ᱱᱮᱰᱟ ᱢᱟᱦᱟ ᱵᱟᱝ ᱴᱷᱟᱹᱣᱠᱟᱹᱜ ᱠᱟᱱᱟ ᱾ ᱡᱟᱱᱤᱡ ᱟᱫᱚ ᱵᱟᱝ ᱱᱮᱰᱟ ᱦᱩᱭᱩᱜ ᱟ ᱾ ᱚᱱᱛᱚᱛᱚ : ᱤᱧ ᱟᱭᱚ ᱵᱟᱵᱟ ᱦᱟᱜ ᱢᱮᱫ ᱟᱦᱟᱸ ᱧᱮᱞ ᱠᱟᱛᱮ ᱚᱱᱟᱜᱤᱧ ᱵᱩᱡᱷᱟᱹᱣ ᱮᱫ ᱟ ᱾ ᱪᱮᱫᱟᱜ ᱥᱮ ᱯᱩᱭᱞᱩ ᱵᱟᱹᱭᱥᱟᱹᱠᱷ ᱟᱣᱨᱤ ᱥᱮᱴᱮᱨᱚᱜ ᱛᱮᱜᱮ ᱥᱮᱨᱢᱟ ᱨᱤᱢᱤᱞ ᱨᱮᱱᱟᱜ ᱢᱤᱫ ᱠᱚᱸᱰ ᱨᱮ ᱦᱮᱸᱫᱮ ᱨᱟᱬᱞᱟᱧ ᱧᱮᱞ ᱧᱟᱢ ᱮᱫᱟ ᱾ ᱦᱚᱭ ᱵᱟᱨᱰᱩ ᱫᱟᱨᱟᱭ ᱠᱟᱱᱟ, ᱤᱧᱟᱜ ᱠᱩᱠᱢᱩ ᱨᱮᱱᱟᱜ ᱠᱩᱸᱵᱟᱹ ᱵᱟᱠᱷᱳᱞ ᱩᱟᱹᱴ ᱠᱟᱪᱷᱟᱲ ᱠᱟᱛᱮ ᱨᱟᱯᱩᱫᱚᱜ ᱜᱮᱭᱟ ᱡᱟᱱᱤᱡ ᱾
ᱜᱷᱟᱱᱮ ᱠᱩᱠᱞᱤ ᱨᱟᱠᱟᱵ ᱠᱟᱱᱟ —"ᱡᱟᱨᱟᱞ ᱡᱟᱨᱟᱞ ᱥᱤᱛᱩᱝ ᱛᱟᱞᱟ ᱨᱮ
ᱱᱚᱣᱟ ᱦᱮᱹᱫᱮ ᱨᱤᱢᱤᱞ ᱫᱚ ᱪᱮᱫᱟᱜ???
ᱯᱟᱪᱮ ᱤᱱ ᱦᱤᱞᱚᱜᱟᱜ ᱯᱷᱳᱱ ᱨᱮᱱᱟᱜ ᱚᱨᱡᱚ ᱜᱮ??? "
ᱤᱧ ᱛᱚ ᱴᱷᱤᱠ ᱠᱟᱛᱷᱟ ᱜᱤᱧ ᱢᱮᱱ ᱟᱠᱟᱫᱟ.., ... ᱵᱟᱝ,... ᱤᱧ ᱫᱚ ᱵᱟᱹᱧ ᱪᱟᱠᱨᱤᱭᱟ,
ᱚᱠᱚᱭ ᱠᱚ ᱞᱟᱹᱭ ᱟᱫ ᱢᱮᱭᱟ ᱤᱧ ᱫᱩᱧ ᱪᱟᱠᱨᱤᱭᱟ???
ᱡᱚᱛᱚ ᱠᱚ ᱵᱟᱰᱟᱭᱟ ᱤᱧ ᱫᱚ,
ᱴᱷᱤᱠᱟᱹᱫᱟᱨ ᱴᱷᱮᱱᱤᱧ ᱠᱟᱢᱤᱭᱟ... Contractor under ᱨᱮ, ᱟᱢ ᱫᱚ ᱱᱚᱣᱟ ᱠᱟᱛᱷᱟ ᱵᱟᱢ ᱵᱟᱰᱟᱭ ᱛᱮ??
ᱨᱟᱭᱵᱟᱨ ᱛᱚ ᱥᱟᱱᱟᱢ ᱠᱟᱛᱷᱟ ᱢᱮᱱ ᱦᱩᱭ ᱟᱠᱟᱱᱟ!
ᱤᱱ ᱦᱤᱞᱚᱜ ᱯᱷᱳᱱ ᱛᱮ ᱨᱚᱯᱚᱲ ᱨᱮᱜᱮ ᱟᱢᱟᱜ ᱢᱚᱱᱮ ᱠᱟᱛᱷᱟ ᱫᱚ ᱱᱟᱥᱮᱱᱟᱜ ᱤᱧ ᱟᱸᱜᱚᱡ ᱛᱤᱭᱩᱜ ᱞᱮᱫ ᱟ ᱾ ᱵᱟᱹᱭ ᱵᱟᱹᱭ ᱛᱮ ᱚᱱᱟᱜᱮ ᱥᱟᱨᱤᱜ ᱠᱟᱱᱟ ᱡᱟᱱᱤᱡ ᱾
ᱤᱱᱟ ᱛᱟᱭᱚᱢ ᱠᱷᱚᱱ ᱜᱮ ᱛᱚ ᱜᱷᱩᱲᱤ ᱨᱮᱱᱟᱜ ᱥᱩᱛᱟᱹᱢ ᱥᱟᱢᱴᱟᱣ ᱮᱢ ᱮᱦᱚᱵ ᱠᱮᱫ ᱟ ᱾ ᱚᱱᱟ ᱜᱮ ᱤᱧᱟᱜ ᱫᱷᱟᱫᱚᱥ ᱢᱚᱱᱮ ᱨᱮ ᱾
ᱛᱟᱦᱞᱮ ᱠᱤ ᱞᱩᱢᱟᱝ ᱟᱣᱨᱤ ᱛᱚᱞᱚᱜ ᱛᱮᱜᱮ ᱯᱟᱛᱱᱤ ᱠᱟᱛᱮ ᱩᱰᱟᱹᱣ ᱮᱱᱟ???
ᱵᱟᱹᱧ ᱵᱟᱰᱟᱭᱟ,... ᱪᱮᱫ ᱦᱚᱸ ᱵᱟᱹᱧ ᱵᱟᱰᱟᱭᱟ.... ᱢᱚᱱᱮᱨᱮ ᱦᱟᱱᱟ ᱱᱟᱣᱟ ᱩᱭᱦᱟᱹᱨ ᱦᱥᱡᱩᱜ ᱠᱟᱱᱟ ᱾
ᱪᱮᱫᱟᱜ ᱪᱚ ᱱᱤᱛᱚᱜ ᱢᱚᱱᱮ ᱵᱟᱹᱧ ᱟᱯᱱᱟᱨ ᱫᱟᱲᱮᱭᱟᱜ ᱠᱟᱱᱟ ᱾
ᱟᱡᱚᱢ ᱮᱫᱟᱧ ᱵᱟᱝᱢᱟ ᱢᱤᱫ ᱪᱟᱠᱨᱤ ᱠᱚᱲᱟ, ᱟᱦᱨᱮ ᱵᱟᱦᱨᱮ ᱧᱮᱞ ᱤᱫᱤ ᱟᱠᱟᱫ ᱢᱮᱭᱟ ᱾ ᱵᱟᱹᱧ ᱵᱟᱰᱟᱭᱟ ᱥᱟᱨᱤ ᱥᱮ ᱱᱟᱥᱮ ᱾ ᱦᱚᱣᱛᱚ ᱥᱟᱨᱤ ᱜᱮ! ᱚᱱᱟ ᱠᱷᱟᱛᱤᱨ ᱜᱮ ᱡᱟᱱᱤᱡ ᱯᱷᱳᱱ ᱵᱟᱢ ᱥᱟᱵ ᱮᱫᱟ ᱾ ᱟᱫᱚ ᱛᱤᱥ ᱦᱚᱸ ᱵᱟᱹᱧ ᱯᱷᱳᱱ ᱟ ᱾
ᱱᱚᱣᱟ ᱟᱡᱟᱨ ᱵᱟᱝ ᱦᱮᱡ ᱞᱮᱱᱠᱷᱟᱱ ᱦᱩᱱᱟᱹᱝ ᱱᱮᱻ ᱛᱮ ᱦᱩᱲᱩ ᱥᱚᱝ ᱦᱩᱭ ᱠᱚᱜ ᱟ, ᱜᱤᱨᱟᱹ ᱛᱚᱞ ᱦᱩᱭ ᱠᱚᱜ ᱟ, ᱟᱢ ᱧᱩᱛᱩᱢ ᱥᱩᱭ ᱜᱤᱨᱟᱹ ᱦᱩᱧ ᱛᱚᱞ ᱠᱮᱭᱟ, ᱥᱟᱜᱩᱱ ᱵᱟᱯᱞᱟ ᱨᱮᱱᱟᱜ ᱥᱟᱯᱲᱟᱣ ᱪᱟᱵᱟ ᱠᱚᱜ ᱟ ᱾
ᱦᱚᱞᱟ ᱨᱟᱭᱵᱟᱨ ᱮ ᱯᱷᱳᱱ ᱞᱮᱫ ᱟ, ᱤᱧ ᱟᱭᱚ ᱵᱟᱵᱟ ᱥᱟᱞᱟᱜ ᱪᱮᱫ ᱮ ᱜᱟᱞᱢᱟᱨᱟᱣ ᱟᱠᱟᱫ ᱟ, ᱵᱟᱹᱧ ᱵᱟᱰᱟᱭᱟ, ᱵᱟᱠᱚ ᱞᱟᱹᱭᱟᱹᱧ ᱠᱟᱱᱟ, ᱢᱤᱫ ᱫᱤᱱ ᱫᱚ ᱞᱟᱹᱭᱟᱹᱧ ᱜᱮᱭᱟ ᱠᱚ ᱾ ᱛᱚᱵᱮ ᱤᱧ ᱵᱟᱰᱟᱭ ᱛᱤᱭᱩᱜ ᱟᱠᱟᱫ ᱟ —ᱟᱞᱟᱝ ᱟᱜ ᱵᱟᱯᱞᱟ ᱡᱟᱱᱤᱡ ᱛᱚᱯᱟᱜ ᱮᱱᱟ ᱾ ᱚᱱᱟ ᱜᱮ ᱟᱢ ᱦᱚᱢ ᱠᱷᱚᱡᱚᱜ ᱠᱟᱱᱟ ᱾ ᱟᱯᱮ ᱥᱟᱱᱟᱢ ᱜᱮ....
ᱪᱮᱫ ᱟᱫᱚᱧ ᱞᱟᱹᱭ ᱟ, ᱟᱢᱟᱜ ᱫᱩᱞᱟᱹᱲ ᱨᱤᱧ ᱪᱷᱟᱸᱫᱟ ᱞᱮᱱᱟ, ᱥᱟ:ᱜᱤᱧ ᱨᱚᱯᱚᱲ ᱛᱮ ᱦᱚᱸ ᱱᱩᱱᱟᱹᱜ ᱫᱩᱞᱟᱹᱲ ᱛᱚᱯᱚᱞᱚᱜ ᱟ, ᱵᱟᱹᱧ ᱵᱟᱰᱟᱭ ᱛᱟᱸᱦᱮᱸᱫ ᱾ ᱢᱚᱱᱮ ᱨᱮ ᱠᱚᱥᱴᱚᱧ ᱟᱭᱠᱟᱹᱣ ᱮᱫᱟ, ᱟᱢᱟᱜ ᱨᱟᱹᱥᱠᱟᱹ ᱤᱧᱟᱜ ᱫᱩᱠ ᱾ ᱡᱟᱸᱦᱟᱸ ᱨᱮᱜᱮᱢ ᱥᱚᱝᱥᱟᱨ, ᱱᱟᱯᱟᱭ ᱛᱮ ᱥᱚᱝᱥᱟᱨ ᱢᱮ ᱾ ᱪᱟᱸᱫᱚ ᱵᱚᱸᱜᱟ ᱴᱷᱮᱱ ᱚᱱᱟ ᱜᱤᱧ ᱱᱮᱦᱚᱨᱟ ᱾
No comments:
Post a Comment