ᱵᱚᱸᱜᱟ ᱵᱳᱨᱳ ᱠᱚ
ᱵᱚᱸᱜᱟ ᱠᱚᱫᱚ ᱞᱮᱠᱷᱟ ᱛᱮᱫᱚ ᱵᱟᱠᱚ ᱪᱟᱵᱟᱜᱼᱟ᱾ ᱨᱩᱯ ᱵᱟᱹᱱᱩᱜ ᱨᱮ ᱵᱚᱸᱜᱟ ᱟᱨ ᱨᱩᱯ ᱟᱱᱛᱮ ᱵᱳᱨᱳ ᱚᱱᱟᱜᱮ ᱵᱚᱸᱜᱟ ᱵᱳᱨᱳ ᱫᱚ᱾
ᱴᱷᱟᱹᱠᱩᱨ ᱵᱚᱸᱜᱟ ᱼ (ᱤᱥᱚᱨ) ᱴᱷᱟᱹᱠᱩᱨ ᱵᱚᱸᱜᱟ ᱫᱚ ᱠᱷᱮᱨᱣᱟᱲ ᱢᱟᱹᱱᱢᱤ ᱠᱚᱨᱤᱱ ᱡᱚᱛᱚ ᱵᱚᱸᱜᱟ ᱠᱷᱚᱱ ᱢᱟᱨᱟᱝ ᱵᱚᱸᱜᱟ ᱠᱟᱱᱟᱭ᱾ ᱱᱩᱭ ᱵᱚᱝᱜᱟ ᱡᱤᱵ ᱡᱤᱭᱟᱞᱤ ᱠᱚᱭ ᱥᱤᱨᱡᱟᱹᱣ ᱠᱮᱫ ᱠᱚᱣᱟ ᱾ ᱱᱩᱭ ᱵᱚᱸᱜᱟ ᱫᱚ ᱟᱯᱲᱮ ᱜᱮ ᱟᱭᱢᱟ ᱜᱮ ᱚᱝᱥᱚᱛᱮᱦᱟᱹᱴᱤᱧ ᱠᱟᱛᱮ ᱵᱷᱮᱜᱟᱨ ᱵᱷᱮᱜᱟᱨ ᱧᱩᱛᱩᱢ ᱛᱮ ᱫᱮᱵᱟ ᱥᱮᱵᱟᱭ ᱦᱟᱛᱟᱣᱟ᱾ ᱞᱤᱴᱟᱹ ᱜᱚᱥᱟᱸᱭ ᱧᱩᱛᱩᱢ ᱛᱮᱫᱚ ᱱᱮᱢᱟᱪᱟᱨ ᱥᱮᱬᱟ ᱵᱚᱱᱟᱭ᱾ ᱜᱩᱡᱩᱜ ᱵᱩᱨᱩᱜ ᱨᱮᱫᱚ ᱢᱟᱨᱟᱝ ᱵᱩᱨᱩ ᱧᱩᱛᱩᱢ ᱦᱟᱹᱨ ᱥᱟᱢᱴᱟᱣ ᱟᱵᱚᱱᱟᱭ᱾ ᱫᱷᱚᱨᱚᱢ ᱧᱩᱛᱩᱢ ᱛᱮᱫᱚ ᱫᱮᱵᱟ ᱥᱮᱵᱟᱭ ᱦᱟᱛᱟᱣᱟ᱾ ᱟᱫᱷᱟᱱ ᱠᱚᱫᱚ ᱥᱤᱧ ᱪᱟᱸᱫᱚ ᱩᱨᱩᱢ ᱠᱟᱛᱮ ᱠᱚ ᱡᱚᱦᱟᱨ ᱱᱮᱦᱚᱨᱚᱜ ᱠᱟᱱᱟ ᱾ ᱡᱚᱢᱥᱤᱢ ᱧᱩᱛᱩᱢ ᱛᱮᱫᱚ ᱵᱚᱱ ᱥᱮᱵᱟᱭᱮ ᱠᱟᱱᱟ ᱴᱷᱟᱹᱠᱩᱨ ᱡᱤ ᱨᱤᱱ ᱮᱨᱟ ᱛᱟᱭ ᱫᱚ ᱴᱷᱟᱹᱠᱩᱨᱟᱹᱱ᱾
ᱡᱟᱦᱮᱨ ᱮᱨᱟ ᱫᱚ ᱡᱚ ᱠᱚᱭ ᱮᱢᱟ ᱵᱚᱱᱟ ᱦᱮᱲᱟᱜ ᱠᱟᱞᱚᱴ, ᱯᱟᱹᱴᱷᱤ ᱢᱮᱨᱚᱢ ᱛᱮ ᱦᱚᱸ ᱵᱚᱫᱷᱣᱚᱜ ᱜᱮᱭᱟᱭ᱾ ᱱᱩᱭ ᱫᱚ ᱟᱹᱰᱤ ᱜᱟᱱ ᱧᱚᱛᱩᱢ ᱛᱟᱭ᱾ ᱧᱤᱸᱫᱟ ᱚᱠᱛᱚ ᱨᱮᱭᱟᱜ ᱧᱩᱛᱩᱢ ᱛᱟᱭ ᱡᱟᱦᱮᱨ ᱵᱩᱰᱷᱤ, ᱠᱟᱞᱤ, ᱡᱩᱜᱽᱱᱤ, ᱮᱢᱟᱱ ᱠᱚ᱿
ᱫᱷᱚᱨᱚᱢ ᱵᱳᱸᱜᱟ ᱺᱼ ᱫᱷᱳᱨᱚᱢ ᱵᱳᱸᱜᱟ ᱫᱚ ᱩᱰᱟᱹᱪᱟᱨ ᱱᱟᱦᱟᱪᱟᱨ ᱠᱚᱣᱟᱜ ᱡᱤᱣᱤ ᱮ ᱨᱟᱲᱮᱡᱟ ᱾ ᱱᱩᱭ ᱵᱳᱸᱜᱟ ᱫᱚ ᱦᱟᱥᱟ ᱨᱤᱱ ᱦᱟᱹᱛᱤ ᱥᱟᱫᱳᱢ ᱵᱮᱱᱟᱣ ᱠᱟᱛᱮ ᱮᱢᱟᱭ ᱠᱷᱟᱱ ᱟᱹᱰᱤ ᱮ ᱠᱩᱥᱤᱜᱼᱟ᱾
ᱵᱮᱨ ᱟᱹᱣᱨᱤ ᱨᱟᱠᱟᱵ ᱨᱮ ᱨᱟᱪᱟᱨᱮ ᱪᱟᱸᱫᱚ ᱞᱮᱠᱟ ᱜᱩᱨᱤᱡ ᱠᱟᱛᱮ ᱜᱩᱞ ᱜᱮᱵᱚ ᱜᱩᱨᱤᱡᱟ ᱚᱸᱰᱮ ᱛᱤᱸᱜᱩ ᱠᱟᱛᱮ ᱵᱩᱜᱤ ᱵᱟᱹᱲᱤᱡ ᱮ ᱧᱮᱞᱟ ᱟᱨ ᱚᱲᱟᱜ ᱮ ᱵᱚᱞᱚᱱᱟ ᱾ ᱱᱩᱭ ᱵᱚᱸᱜᱟ ᱫᱚ ᱦᱟᱺᱰᱤ ᱯᱟᱹᱣᱨᱟᱹ ᱱᱤᱥᱟ ᱡᱤᱱᱤᱥ ᱠᱚᱫᱚ ᱵᱟᱭ ᱠᱩᱥᱤᱭᱟᱜᱼᱟ᱾ ᱡᱟᱦᱟᱸᱭ ᱠᱚᱣᱟᱜ ᱟᱪᱟᱨ ᱵᱮᱵᱦᱟᱨ ᱱᱮᱢᱟᱪᱟᱨ ᱵᱟᱭ ᱠᱩᱥᱤᱭᱟᱜ ᱠᱷᱟᱱ ᱠᱟᱨᱟᱢ ᱵᱟᱸᱜᱟ ᱧᱩᱛᱩᱢ ᱛᱮ ᱟᱨ ᱡᱟᱦᱮᱨ ᱟᱭᱳ ᱜᱩᱭᱨᱤ ᱧᱩᱛᱩᱢ ᱠᱟᱛᱮ ᱵᱟᱦᱨᱮ ᱨᱮ ᱥᱮᱵᱟ ᱦᱟᱛᱟᱣ ᱠᱟᱛᱮ ᱚᱲᱟᱜ ᱠᱤᱱ ᱵᱚᱞᱚᱱᱟ᱾
""ᱢᱚᱬᱮ ᱠᱚ ᱛᱩᱨᱩᱭ ᱠᱳ"" ;ᱼ ᱢᱚᱬᱮ ᱠᱚ ᱛᱩᱨᱩᱭ ᱠᱚ ᱵᱚᱸᱜᱟ ᱫᱚ ᱥᱮᱨᱢᱟ ᱡᱟᱹᱲᱤ ᱥᱟᱨ ᱥᱟᱹᱜᱩᱱ , ᱦᱳᱲᱳ ᱪᱟᱣᱞᱮ ᱥᱟᱦᱟᱨ ᱠᱚ ᱮᱢᱚᱜᱼᱟ᱾ ᱯᱩᱸᱰ ᱥᱤᱢ ᱥᱟᱺᱰᱤ ᱟᱨ ᱯᱩᱸᱰ ᱵᱚᱫᱟ ᱛᱮ ᱵᱚᱫᱷᱟᱣ ᱠᱚ ᱜᱟᱱᱚᱜᱼᱟ᱾
""ᱥᱮᱸᱫᱽᱨᱟ ᱵᱚᱸᱜᱟ""ᱺᱼ ᱥᱮᱸᱫᱽᱨᱟ ᱵᱳᱸᱜᱟ ᱫᱚ ᱥᱮᱸᱫᱽᱨᱟ ᱠᱟᱨᱠᱟ ᱠᱚᱨᱮ ᱡᱤᱞ, ᱡᱷᱟᱝᱠᱟᱨ ᱠᱚᱭ ᱜᱚᱡᱽ ᱜᱩᱨ ᱨᱮ ᱜᱚᱲᱚᱭ ᱮᱢᱚᱜᱼᱟ᱾ ᱱᱩᱭ ᱫᱚ ᱦᱮᱸᱫᱮ ᱥᱤᱢ ᱟᱨ ᱵᱩᱞ ᱢᱟᱭᱟᱢ ᱛᱮ ᱮ ᱵᱚᱫᱷᱟᱣᱚᱜ ᱟᱭ᱾
"""ᱠᱟᱨᱟᱢ ᱵᱳᱸᱜᱟ"" ᱺᱼ ᱠᱟᱨᱟᱢ ᱵᱚᱸᱜᱟ ᱫᱚ ᱦᱳᱲᱚ ᱪᱟᱣᱞᱮ ᱥᱩᱠᱷ ᱥᱟᱦᱟᱨ ᱰᱟᱺᱜᱽᱨᱤ ᱠᱟᱰᱟ ᱵᱟᱹᱰ ᱮ ᱮᱢᱚᱜᱼᱟ᱾ ᱡᱚᱲᱟ ᱵᱚᱫᱟ ᱛᱮ ᱵᱚᱫᱷᱟᱣᱚᱜ ᱟᱭ ᱾ ᱵᱳᱸᱜᱟ ᱫᱚ ᱚᱲᱟᱜ ᱠᱷᱚᱱ ᱵᱟᱦᱨᱮ ᱠᱷᱟᱹᱨᱟᱹᱭ ᱨᱮᱠᱚ ᱵᱳᱸᱜᱟᱭᱟ ᱾ ᱫᱷᱚᱨᱚᱢ ᱢᱮᱱᱮᱠ ᱢᱚᱬᱮ ᱠᱚ ᱨᱮᱭᱟᱜ ᱮᱫᱽᱨᱮ ᱨᱩᱯ᱾
"""ᱡᱚᱢᱥᱤᱢ ᱵᱳᱸᱜᱟ""ᱺᱼ ᱡᱚᱢᱥᱤᱢ ᱵᱚᱸᱜᱟ ᱫᱚ ᱯᱟᱹᱨᱤᱥ ᱯᱟᱹᱨᱤᱥ ᱦᱚᱲ ᱢᱚᱬᱮ ᱥᱮᱨᱢᱟ ᱪᱷᱟᱰᱟ ᱥᱤᱢ ᱢᱮᱨᱚᱢ ᱟᱨ ᱵᱷᱮᱰᱟ ᱠᱚ ᱵᱳᱸᱜᱟ ᱠᱚᱣᱟ ᱾ ᱢᱤᱫ ᱛᱮ ᱥᱟᱭ ᱯᱮᱲᱟ ᱠᱚ ᱱᱮᱶᱛᱟ ᱠᱚᱣᱟ᱾ ᱱᱚᱶᱟ ᱵᱳᱸᱜᱟ ᱵᱩᱨᱩ ᱛᱮ ᱯᱟᱯ ᱠᱷᱚᱱᱰᱚᱱᱚᱜᱼᱟ᱾
""ᱟᱵᱽᱜᱮ ᱵᱳᱸᱜᱟ"" ᱺᱼᱟᱵᱽᱜᱮ ᱵᱚᱸᱜᱟ ᱫᱚ ᱢᱤᱫ ᱯᱟᱹᱨᱤᱥ ᱦᱚᱲ ᱥᱟᱞ ᱠᱮ ᱥᱟᱞ ᱠᱚ ᱵᱚᱸᱜᱟᱭᱟ ᱾ ᱵᱷᱮᱰᱟ ᱟᱨ ᱥᱤᱢ ᱥᱟᱺᱰᱤ ᱴᱟᱺᱰᱤ ᱨᱮ, ᱵᱩᱱᱩᱢ ᱵᱷᱩᱜᱟᱹᱜ ᱨᱮᱠᱚ ᱵᱚᱸᱜᱟᱭᱟ᱾ ᱟᱹᱰᱤ ᱨᱚᱠᱚᱢ ᱨᱩᱣᱟᱹ ᱦᱟᱹᱥᱩ, ᱰᱟᱹᱱ ᱡᱩᱜᱽᱱᱤ ᱟᱭᱳ ᱨᱩᱣᱟᱹ ᱴᱟᱴᱠᱟ ᱵᱷᱤᱞᱠᱤ ᱮᱢᱟᱱ ᱠᱚᱨᱮ ᱫᱩᱜ ᱫᱟᱨᱟᱢ ᱵᱚᱸᱜᱟ ᱠᱟᱱᱟᱭ᱾ ᱟᱫᱷᱟᱱ ᱠᱚᱫᱚ ᱠᱚᱫᱚ ᱥᱤᱸᱫᱩᱨ ᱠᱚ ᱦᱤᱲᱤᱧ ᱠᱮᱫ ᱠᱷᱟᱹᱛᱤᱨ ᱥᱤᱸᱫᱩᱨ ᱵᱟᱝ ᱠᱚ ᱞᱟᱜᱟᱣᱟ ᱾ ᱱᱩᱭ ᱵᱚᱸᱜᱟ ᱜᱮ ᱚᱲᱟᱜ ᱨᱮᱢ ᱥᱮᱵᱟ ᱞᱮᱠᱷᱟᱱ ᱮᱢ ᱠᱤᱥᱟᱹᱬ ᱵᱳᱸᱜᱟᱜ ᱟᱭ᱾ ᱛᱩᱞᱟᱹ ᱰᱟᱹᱰᱤᱡ ᱦᱚᱸ ᱛᱟᱦᱮᱸᱱ ᱛᱟᱭᱟ᱾ ᱟᱵᱚᱼᱟᱵᱚ ᱢᱩᱫᱽᱨᱮ ᱵᱚᱸᱜᱟ ᱛᱮ ᱟᱵᱽᱜᱮ ᱵᱚᱸᱜᱟ ᱧᱩᱛᱩᱢ ᱟᱠᱟᱱᱟ᱾
"""ᱥᱤᱢᱟᱹ ᱵᱚᱸᱜᱟ (ᱜᱚᱸᱥᱟᱬᱮ) ᱺᱼ ᱥᱤᱢᱟᱹ ᱵᱚᱸᱜᱟ ᱫᱚ ᱵᱟ>ᱰ ᱨᱮᱭᱟᱜ ᱪᱟᱥ ᱟᱵᱟᱫ ᱨᱮᱭᱟᱜ ᱯᱷᱚᱥᱚᱞ ᱠᱚᱭ ᱨᱩᱠᱷᱤᱭᱟᱭ᱾ ᱚᱱᱟ ᱵᱮᱜᱚᱨ ᱵᱟᱹᱭᱨᱤ ᱠᱚᱭ ᱴᱷᱮᱞᱟᱣ ᱫᱟᱨᱟᱢ ᱠᱚᱣᱟ᱾ ᱟᱨ ᱯᱷᱚᱥᱚᱞ ᱨᱮᱭᱟᱜ ᱨᱚᱜ ᱟᱡᱟᱨ ᱠᱚᱭ ᱴᱷᱮᱠᱟᱣ ᱫᱟᱨᱟᱢᱟ᱾ ᱦᱮᱸᱫᱮ ᱥᱤᱢ, ᱥᱩᱠᱨᱤ, ᱵᱩᱞ ᱢᱟᱭᱟᱢ ᱛᱮ ᱵᱚᱫᱷᱟᱣ ᱟᱭ᱾
"""ᱡᱩᱜᱽᱱᱤ ᱵᱚᱸᱜᱟ"" ᱺᱼ ᱡᱩᱜᱽᱱᱤ ᱵᱚᱸᱜᱟ ᱫᱚ ᱟᱹᱛᱩ ᱴᱚᱞᱟ ᱨᱮ ᱨᱚᱜ ᱟᱡᱟᱨ ᱠᱚ ᱟᱞᱚᱭ ᱮᱨ ᱯᱟᱥᱱᱟᱣ ᱫᱟᱲᱮᱭᱟᱜ ᱢᱟ ᱾ ᱥᱮ ᱯᱟᱥᱱᱟᱣ ᱟᱠᱟᱫ ᱠᱷᱟᱱᱮ ᱥᱤᱢ ᱵᱩᱥᱟᱹᱜ ᱫᱩᱣᱟᱹᱨ ᱫᱩᱣᱟᱹᱨ ᱟᱡ ᱧᱩᱛᱩᱢ ᱛᱮ ᱟᱫᱣᱟ ᱪᱟᱣᱞᱮ ᱨᱮ ᱟᱹᱛᱤᱧ ᱞᱮᱠᱷᱟᱱ ᱜᱮ ᱠᱩᱥᱤᱜᱼᱟᱭ᱾ ᱟᱨ ᱡᱟᱦᱟᱸ ᱨᱮᱵᱚ ᱵᱟᱹᱴᱤᱭᱟᱹᱣ ᱚᱴᱚ ᱠᱟᱭ ᱠᱟᱱᱟ ᱚᱸᱰᱮ ᱦᱚᱸ ᱥᱤᱢ ᱵᱩᱥᱟᱹᱜ ᱟᱹᱛᱤᱧ ᱠᱟᱛᱮ ᱟᱲᱟᱜ ᱦᱚᱴᱚ ᱠᱟᱭᱟ᱾ ᱚᱱᱟ ᱛᱮᱜᱮ ᱵᱚᱫᱷᱟᱣᱼᱟᱭ᱾
ᱢᱩᱪᱟᱹᱫ...............
No comments:
Post a Comment