ᱟ.ᱛᱩ ᱪᱤᱭᱟ. ᱥᱟᱨᱼᱥᱟ.ᱜᱩᱱ___________
ᱥᱟᱶᱛᱟ ᱥᱟᱬᱮᱥᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹᱹ
ᱢᱟᱱᱚᱛᱟᱱ:- ᱜᱚᱵᱤᱱᱫᱚ ᱢᱟ.ᱱᱰᱤ
ᱜᱟᱱ ᱜᱷᱟᱨᱚᱸᱡ ᱥᱮ ᱚᱲᱟᱜ ᱠᱚ ᱥᱟᱶᱦᱟ ᱨᱮ ᱛᱟᱦᱮᱸᱱ ᱜᱮ ᱟᱹᱛᱩ ᱫᱚ ᱵᱚ ᱢᱮᱛᱟᱜ ᱠᱟᱱᱟ᱾
ᱦᱚᱲ ᱦᱚᱯᱚᱱ ᱠᱚ ᱮᱥᱠᱟᱨ ᱨᱮᱫᱚ ᱵᱟᱵᱚᱱ ᱚᱲᱟᱜᱟᱼᱟ᱾ ᱟᱹᱛᱩ ᱫᱚ ᱢᱤᱫ ᱡᱚᱢᱠᱟᱣ ᱛᱮᱵᱚᱱ ᱫᱚᱦᱚᱭᱟ᱾ ᱚᱱᱟᱛᱮ ᱞᱟᱦᱟ ᱠᱚ ᱥᱟᱨ ᱥᱟᱹᱜᱩᱱᱟ᱾ ᱥᱟᱹᱜᱩᱱ ᱫᱤᱱ ᱨᱮ ᱟᱫᱣᱟ ᱪᱟᱣᱞᱮ ᱥᱩᱱᱩᱢ ᱥᱤᱸᱫᱩᱨ , ᱜᱩᱨᱤᱡᱽ, ᱱᱟᱣᱟ ᱴᱷᱤᱞᱤ ᱨᱮ ᱫᱟᱜᱽ, ᱦᱮᱲᱟᱜ ᱥᱤᱢ, ᱟᱨᱟᱜ ᱥᱤᱢ ᱟᱨ ᱯᱩᱸᱰ ᱥᱤᱢ ᱟᱛᱮᱠᱚ ᱪᱟᱞᱟᱜᱼᱟ᱾ ᱵᱤᱨ ᱵᱚᱞᱚᱱ ᱡᱚᱦᱚᱜ ᱡᱷᱟᱴᱟ ᱜᱩᱱᱰᱨᱤ ᱪᱮᱬᱮ ᱩᱰᱟᱹᱣ ᱚᱰᱚᱠ ᱞᱮᱱ ᱠᱷᱟᱱ ᱠᱚ ᱢᱮᱱᱟ ᱟᱹᱛᱩ ᱩᱡᱟᱹᱲᱚᱜᱼᱟ᱾ ᱟᱨ ᱪᱮᱬᱮᱠᱚ ᱚᱵᱚᱨ ᱨᱮᱠᱚ ᱛᱟᱦᱮᱸ ᱞᱮᱱ ᱠᱷᱟᱱ ᱟᱨ ᱠᱩᱞ ᱯᱟᱸᱡᱟ ᱠᱚ ᱧᱮᱞ ᱞᱮᱱᱠᱷᱟᱱ ᱠᱚ ᱢᱮᱱᱟ ᱟᱹᱛᱩ ᱨᱟᱹᱥᱤᱜᱼᱟ᱾
ᱟᱵᱚ ᱱᱟᱭᱠᱮ ᱦᱟᱲᱟᱢ ᱜᱩᱨᱤᱡ ᱠᱟᱛᱮ ᱯᱮ ᱴᱤᱰᱟᱹᱜ ᱥᱤᱸᱫᱩᱨ ᱴᱤᱰᱟᱹᱜᱼᱟ ᱟᱨ ᱟᱫᱣᱟ ᱪᱟᱣᱞᱮ ᱠᱚᱭ ᱪᱩᱨᱩᱡᱟ ᱾ ᱟᱨ ᱚᱱᱟ ᱟᱲᱮ ᱨᱮᱜᱮ ᱴᱷᱤᱞᱤ ᱫᱟᱜ ᱮ ᱫᱚᱲᱚᱢᱟ ᱾ ᱟᱨ ᱯᱟᱱᱛᱮᱛᱮ ᱥᱤᱢᱮ ᱛᱚᱞ ᱠᱚᱣᱟ ᱾ ᱟᱫᱚ ᱠᱚ ᱵᱟᱠᱷᱮᱬᱟ ᱺᱼ
ᱡᱚᱦᱟᱨ ᱜᱚᱥᱟᱸᱭ ᱥᱮᱨᱢᱟ ᱥᱤᱧ ᱵᱚᱝᱜᱟ ᱯᱩᱱ ᱠᱚᱬ ᱯᱩᱱ ᱫᱷᱟᱹᱨᱛᱤ ᱯᱩᱨᱤᱢ ᱜᱟᱰᱟᱣ ᱟᱠᱟᱫ ᱪᱟᱯᱮ ᱟᱠᱟᱫ ᱢᱟᱨᱟᱝ ᱵᱩᱨᱩ ᱡᱟᱦᱮᱨ ᱟᱭᱳ ᱢᱚᱬᱮᱠᱚ ᱛᱩᱨᱩᱭ ᱠᱚ ᱧᱩᱛᱩᱢ ᱛᱮ ᱥᱟᱨᱮᱫ ᱥᱟᱹᱜᱩᱱᱮᱫ ᱵᱩᱤᱜ ᱵᱟᱹᱲᱤᱡ ᱩᱫᱩᱜ ᱟᱞᱮᱯᱮ ᱾ ᱛᱚᱣᱟ ᱠᱮ ᱛᱚᱣᱟ ᱫᱟᱜ ᱠᱮ ᱫᱟᱜ ᱾
ᱱᱚᱝᱠᱟ ᱱᱮᱦᱚᱨ ᱵᱟᱠᱷᱮᱬ ᱠᱟᱛᱮ ᱠᱚ ᱨᱩᱣᱟᱹᱲᱟ ᱾ ᱫᱚᱥᱟᱨ ᱦᱤᱞᱚᱜ ᱵᱷᱩᱨ ᱛᱮ ᱠᱚ ᱪᱟᱞᱟᱜᱼᱟ ᱾ ᱢᱚᱴᱟ ᱢᱚᱴᱟ ᱥᱤᱢ ᱤᱞ ᱠᱚ ᱧᱩᱨ ᱟᱠᱟᱱ ᱠᱷᱟᱱ ᱠᱚ ᱢᱮᱱᱟ ᱜᱩᱱ ᱟᱱ ᱦᱚᱲ ᱠᱚ ᱜᱩᱡᱩᱜᱼᱟ᱾ ᱟᱨ ᱩᱱᱠᱩ ᱥᱤᱢ ᱵᱮᱲᱦᱟᱭ ᱠᱚ ᱤᱡ ᱟᱠᱟᱫ ᱠᱷᱟᱱ ᱠᱚ ᱢᱮᱱᱟ ᱡᱚᱛᱚ ᱜᱮᱵᱚᱱ ᱟᱹᱥᱩᱞᱚᱜᱼᱟ᱾ ᱴᱷᱤᱞᱤ ᱫᱟᱜ ᱟᱸᱡᱮᱫ ᱞᱮᱱ ᱠᱷᱟᱱ ᱟᱨ ᱥᱤᱢ ᱠᱚ ᱟᱫ ᱞᱮᱱ ᱠᱷᱟᱱ ᱠᱚ ᱢᱮᱱᱟ ᱪᱚᱴᱷᱟᱦᱟ ᱜᱮᱭᱟ , ᱵᱟᱵᱚᱱ ᱚᱲᱟᱜ ᱜᱚᱜᱼᱟ᱾ᱟᱨ ᱵᱩᱜᱤ ᱜᱮ ᱠᱷᱟᱱ ᱚᱸᱰᱮ ᱯᱩᱱ ᱠᱷᱚᱸᱰ ᱰᱷᱚᱰᱟ ᱠᱚ ᱞᱟᱭᱟ ᱾ ᱯᱮ ᱠᱚᱬ ᱨᱮᱭᱟᱜ ᱦᱟᱥᱟ ᱠᱚ ᱨᱟᱠᱟᱵᱟ ᱟᱨ ᱦᱚᱸ ᱠᱚ ᱵᱟᱛᱷᱟᱣᱟ ᱾ ᱵᱟᱨ ᱠᱷᱚᱸᱰ ᱨᱮᱭᱟᱜ ᱦᱟᱥᱟ ᱛᱮᱜᱮ ᱰᱷᱚᱰᱟ ᱯᱮᱨᱮᱡ ᱨᱩᱣᱟᱹᱲ ᱞᱮᱱ ᱠᱷᱟᱱ ᱠᱚ ᱢᱮᱱᱟ ᱯᱩᱸᱡᱤ ᱵᱚ ᱧᱟᱢᱟ ᱾ ᱟᱨ ᱵᱟᱝ ᱠᱷᱟᱱ ᱠᱚ ᱵᱟᱹᱜᱤᱭᱟᱜ ᱟ᱾ ᱥᱟᱹᱜᱩᱱ ᱟᱹᱣᱨᱤ ᱧᱟᱢ ᱫᱷᱟᱹᱨᱤᱡ ᱠᱚ ᱪᱟᱨᱪᱟᱣᱟ ᱾ ᱥᱟᱹᱜᱩᱱ ᱠᱚ ᱧᱟᱢ ᱞᱮᱠᱷᱟᱱ ᱮᱛᱚᱢ ᱠᱚᱧᱮ ᱚᱲᱟᱜ ᱠᱩᱞᱦᱤ ᱟᱛᱮ ᱚᱲᱟᱜ ᱠᱚ ᱵᱮᱱᱟᱣᱟ᱾ ᱟᱨ ᱠᱩᱞᱦᱤ ᱢᱩᱪᱟᱹᱫ ᱡᱟᱦᱮᱨ ᱜᱟᱲ ᱠᱚ ᱵᱮᱨᱮᱫᱟ ᱾ ᱪᱩᱞᱦᱟᱹ ᱟᱨ ᱰᱷᱤᱝᱠᱤ ᱫᱚ ᱵᱮᱨ ᱨᱟᱠᱟᱵ ᱥᱮᱫ ᱠᱚ ᱥᱟᱢᱟᱝᱼᱟ᱾ ᱵᱚᱝᱜᱟ ᱚᱲᱟᱜ ᱫᱚ ᱵᱟᱠᱚ ᱪᱷᱟᱸᱛᱼᱟ᱾ ᱩᱪᱷᱟᱹᱲᱚᱜ ᱞᱟᱹᱜᱤᱫ ᱚᱱᱠᱟᱱ ᱪᱟᱸᱫᱚ ᱫᱚ ᱪᱟᱹᱛ ᱵᱚᱝᱜᱟ ᱾ ᱢᱟᱨᱮ ᱚᱲᱟᱜ ᱨᱮ ᱛᱚᱸᱜᱮ ᱠᱟᱛᱮᱫᱩᱠᱷᱤᱱ ᱯᱟᱦᱴᱟ ᱫᱚ ᱵᱟᱠᱚ ᱵᱟᱲᱦᱟᱣᱟᱼᱟ᱾
ᱚᱲᱟᱜ ᱫᱩᱣᱟᱹᱨ ᱫᱚ ᱯᱷᱮᱰ ᱜᱮᱵᱚᱱ ᱵᱮᱱᱟᱣᱟ᱾ ᱡᱟᱦᱟᱸ ᱛᱮ ᱵᱚᱞᱚᱱ ᱡᱚᱦᱚᱜ ᱛᱤᱨᱩᱵ ᱢᱮᱱᱮᱫ ᱜᱚᱰ ᱠᱟᱛᱮ ᱵᱚᱱ ᱵᱚᱞᱚᱱᱢᱟ᱾
No comments:
Post a Comment