ᱢᱟᱺᱡᱷᱤ
writter :-Manotan Govind mandi
ᱠᱷᱮᱣᱟᱲ ᱥᱟᱶᱛᱟ ᱟᱹᱱ ᱟᱹᱨᱤ, ᱟᱹᱨᱤ ᱪᱟᱹᱞᱤ ᱞᱮᱠᱟᱛᱮ ᱢᱟ;ᱡᱷᱤ ᱫᱚ ᱟᱹᱛᱩ ᱢᱚᱬᱮ ᱠᱚᱭᱤᱡ ᱢᱟᱞᱤᱠ ᱠᱟᱱᱟᱭ᱾ ᱱᱩᱭ ᱫᱚ ᱵᱚᱪᱷᱳᱨ ᱫᱤᱱ ᱯᱩᱨᱟᱹᱣ ᱛᱟᱭᱚᱢ ᱢᱟᱺᱡᱷᱤ ᱯᱚᱫᱽ ᱨᱮ ᱛᱟᱦᱮᱱ ᱵᱟᱝ ᱛᱟᱦᱮᱱ, ᱟᱹᱛᱩ ᱢᱚᱬᱮ ᱦᱚᱲ ᱛᱮ ᱢᱟᱜᱽ ᱵᱚᱸᱜᱟ ᱴᱷᱮᱱ “ᱱᱟᱣᱟ ᱱᱟᱜᱞᱮ ᱢᱟᱨᱮ ᱱᱟᱜᱞᱮ ᱠᱟᱛᱷᱟ ᱠᱚ ᱟᱰᱮᱨᱟ ᱟᱨ ᱠᱚ ᱵᱟᱪᱷᱟᱣ ᱮᱭᱟ᱾
ᱢᱟᱺᱡᱦᱤ ᱵᱟᱵᱟ ᱫᱚ ᱥᱚᱛ ᱪᱚᱨᱤᱛ, ᱥᱟᱶᱛᱟ ᱫᱚᱨᱚᱫᱷᱤ , ᱢᱟᱹᱱᱢᱤ ᱫᱚᱨᱚᱫᱷᱤ, ᱫᱷᱳᱨᱚᱢ ᱦᱚᱲ ᱠᱟᱱᱟᱭ ᱾ ᱟᱹᱛᱩ ᱴᱚᱞᱟ ᱱᱟᱯᱟᱭ ᱫᱚᱦᱚᱭ ᱞᱟᱹᱜᱤᱫ ᱟᱡᱨᱤᱱ ᱞᱮᱸᱜᱟᱛᱤ ᱟᱨ ᱡᱚᱡᱚᱢᱛᱤ ᱦᱚᱲ ᱫᱚᱠᱤᱱ ᱦᱩᱭᱩᱜ ᱠᱟᱱᱟ ᱜᱚᱰᱮᱛ ᱟᱮ ᱡᱚᱜᱽ ᱢᱟᱺᱡᱷᱤ ᱟᱹᱛᱩ ᱴᱚᱞᱟ ᱨᱮ ᱪᱦᱩᱛ ᱪᱷᱟᱹᱴᱭᱟᱹᱨ, ᱵᱮᱦᱟ, ᱵᱟᱯᱞᱟ, ᱜᱚᱡ ᱜᱩᱨ, ᱛᱮᱞᱱᱟᱦᱟᱱ ᱦᱤᱞᱚᱜ ᱟᱨ ᱵᱷᱟᱸᱰᱟᱱ ᱠᱟᱹᱢᱤ ᱠᱚ ᱡᱚᱦᱚᱜ ᱢᱟᱺᱡᱷᱤ ᱥᱮᱴᱮᱨ ᱠᱟᱛᱮ ᱥᱩᱥᱟᱨ ᱠᱟᱜ ᱛᱟᱵᱚᱱᱟᱭ ᱾
ᱚᱱᱟ ᱵᱷᱮᱜᱮᱫ ᱟᱨᱦᱚᱸ ᱫᱟᱞᱼᱫᱟᱯᱟᱞ, ᱠᱦᱩᱱᱟᱼᱠᱷᱩᱱᱤ, ᱱᱮᱭᱟᱣᱼᱠᱦᱟᱹᱯᱟᱨᱤᱭᱟᱹᱣ, ᱠᱩᱢᱲᱩᱼᱵᱩᱠᱲᱩ, ᱰᱟᱹᱱᱼᱰᱟᱹᱯᱟᱱ, ᱫᱟᱹᱨᱤᱼᱪᱷᱤᱱᱟᱹᱨ, ᱮᱢᱟᱱ ᱠᱚᱨᱮ ᱟᱪᱟᱨ ᱠᱟᱜ ᱵᱤᱪᱟᱨ ᱠᱟᱜ ᱥᱩᱦᱤ ᱠᱟᱜ ᱥᱩᱥᱟᱹᱨ ᱠᱟᱜ ᱛᱟᱵᱚᱱᱟᱭ᱾ ᱟᱹᱛᱩ ᱴᱚᱞᱟ ᱨᱮ ᱫᱦᱚᱨᱚᱢ ᱠᱚᱨᱚᱢ, ᱵᱚᱝᱜᱟ ᱵᱩᱨᱩ, ᱨᱮᱸᱜᱮᱡᱽ ᱠᱤᱥᱟᱬ, ᱥᱟᱱᱟᱢ ᱜᱮ ᱥᱚᱢᱟᱱ ᱛᱮ ᱧᱮᱞᱟᱭ᱾ ᱵᱮᱦᱟ ᱵᱟᱯᱞᱟ, ᱥᱮᱸᱫᱽᱨᱟ, ᱠᱟᱨᱠᱟ, ᱵᱚᱝᱜᱟ ᱵᱩᱨᱩ ᱠᱚᱨᱮ ᱢᱟᱺᱡᱷᱤ ᱵᱟᱵᱟ ᱫᱚ ᱢᱟᱺᱡᱷᱤ ᱥᱤᱨᱯᱷᱟᱹ ᱦᱚᱲ ᱠᱟᱱᱟᱭ᱾
ᱢᱟᱺᱡᱷᱤ ᱵᱟᱵᱟ ᱵᱟᱝ ᱛᱟᱦᱮᱱ ᱨᱮ ᱛᱟᱞᱟ ᱠᱩᱞᱦᱤ ᱨᱮ ᱵᱤᱪᱟᱨ ᱟᱪᱟᱨ ᱫᱚ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ᱾ ᱢᱟᱺᱡᱷᱤ ᱵᱟᱵᱟ ᱤᱫᱤ ᱠᱟᱛᱮ ᱵᱤᱪᱟᱨ ᱟᱪᱟᱨ ᱛᱟᱦᱮᱸᱱ ᱠᱷᱟᱱ ᱯᱟᱨᱟᱱᱤᱠ ᱵᱟᱵᱟ ᱥᱮ ᱡᱚᱜᱽ ᱢᱟᱺᱡᱷᱤ ᱵᱟᱵᱟ ᱩᱢᱩᱞ ᱛᱟᱹᱨᱤ ᱨᱮ ᱵᱤᱪᱟᱨ ᱟᱪᱟᱨ ᱫᱚ ᱦᱩᱭᱩᱜᱼᱟ᱾ ᱵᱤᱪᱟᱨ ᱡᱚᱛᱷᱟᱴ ᱵᱟᱝ ᱦᱩᱭ ᱞᱮᱱ ᱠᱷᱟᱱ ᱯᱩᱲᱥᱤ ᱢᱟᱺᱡᱷᱤ ᱥᱮ ᱯᱟᱨᱜᱟᱱᱟ ᱵᱤᱪᱟᱹᱨ ᱦᱚᱭ ᱠᱦᱚᱡᱽ ᱠᱚᱣᱟ᱾
ᱟᱹᱛᱩ ᱴᱚᱞᱟ ᱨᱮ ᱟᱹᱨᱤ – ᱪᱟᱹᱞᱤ ᱵᱷᱮᱜᱟᱨ ᱦᱩᱭ ᱫᱟᱲᱮᱭᱟᱜᱼᱟ ᱢᱮᱱᱠᱷᱟᱱ ᱫᱤᱥᱚᱢ ᱦᱤᱛ ᱡᱟᱹᱛᱤᱭᱟᱹᱨᱤ, ᱥᱟᱶᱛᱟ ᱟᱹᱨᱤᱼᱪᱟᱹᱞᱤ ᱫᱚ ᱢᱤᱫ ᱜᱮ ᱦᱩᱭᱩᱜᱼᱟ᱾
ᱯᱩᱲᱥᱤ ᱢᱟᱺᱡᱦᱤ, ᱢᱚᱦᱚᱞ ᱯᱟᱨᱜᱟᱱᱟ, ᱫᱮᱥ ᱯᱟᱨᱜᱟᱱᱟ, ᱫᱤᱥᱚᱢ ᱯᱟᱨᱜᱟᱱᱟ ᱠᱚᱣᱟᱜ ᱦᱚᱦᱚ ᱨᱮ ᱥᱩᱨᱩᱜ ᱦᱩᱭ ᱟᱭᱟ᱾ ᱟᱹᱛᱩ ᱴᱚᱞᱟ ᱨᱮ ᱢᱟᱺᱡᱦᱤ ᱫᱚ ᱢᱟᱨᱟᱝ ᱢᱟᱹᱱ ᱟᱹᱱ ᱦᱚᱲ ᱠᱟᱱᱟᱭ᱾
premchand murmu
social science
No comments:
Post a Comment