ᱠᱷᱮᱨᱣᱟᱞ
ᱢᱟᱨᱮ ᱦᱟᱯᱲᱟᱢ ᱠᱚᱠᱚ ᱨᱚᱲ ᱟᱠᱟᱫᱟ ᱵᱟᱝᱢᱟ ᱠᱷᱮᱨᱣᱟᱲ ᱫᱚ ᱠᱦᱮᱨᱣᱟᱲ ᱜᱮ “ᱠᱷᱮᱨ ᱢᱮᱱᱛᱮ ᱫᱩᱞᱟᱹᱲ ᱟᱨ ᱣᱟᱲ ᱢᱮᱱᱛᱮ ᱜᱤᱫᱽᱨᱟᱹ” ᱫᱩᱞᱟ,ᱲ ᱜᱤᱫᱽᱨᱟᱹ ᱜᱮ ᱠᱷᱮᱨᱣᱟᱲ ᱨᱮᱱᱟᱜ ᱢᱮᱱᱮᱛ ᱫᱚ᱾
ᱥᱟᱥᱟᱝ ᱵᱮᱰᱟ ᱨᱮ ᱢᱤᱫ ᱡᱚᱦᱚᱜ ᱟᱵᱚ ᱫᱚ ᱢᱟᱱᱶᱟ ᱧᱩᱛᱩᱢ ᱛᱮᱜᱮ ᱵᱚᱱ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱚᱠᱛᱚ ᱨᱮ ᱢᱟᱱᱶᱟ ᱠᱚ ᱪᱮᱫ ᱤᱭᱟᱹ ᱛᱮᱪᱚᱝ ᱵᱟᱠᱚ ᱯᱚᱴᱟ ᱯᱩᱴᱤ ᱥᱟᱯᱟᱦᱚᱵ ᱞᱮᱱᱛᱮ ᱵᱷᱮᱜᱟᱨ ᱮᱱᱟ ᱠᱚ ᱾ ᱟᱫᱷᱟᱱ ᱦᱚᱲ ᱠᱚᱫᱚ ᱟᱹᱰᱤ ᱵᱮᱵᱟᱹᱲᱤᱡᱽ ᱱᱟᱦᱟᱪᱟᱨ ᱦᱚᱲ ᱠᱚ ᱪᱮᱛᱟᱱ ᱨᱮᱠᱚ ᱮᱦᱚᱵ ᱠᱮᱫᱼᱟ᱾ ᱨᱮᱨᱮᱡᱽ ᱞᱟᱹᱜᱤᱫ ᱥᱚᱵ ᱥᱚᱢᱚᱭ ᱫᱟᱱᱼᱫᱟᱱᱟᱣ ᱠᱟᱱ ᱛᱟᱦᱮᱸᱱᱚᱜ ᱠᱚ, ᱚᱱᱟᱛᱮ ᱩᱱᱠᱩ ᱦᱚᱲ ᱫᱚ “ᱫᱟᱹᱱᱢᱤ” (ᱫᱮᱵᱟᱝᱥᱚ ᱡᱰᱩ ᱵᱚᱝᱥᱚ) ᱠᱚ ᱢᱮᱛᱟ ᱠᱚ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱩᱱᱠᱩ ᱫᱟᱹᱱᱢᱤ ᱠᱚ ᱥᱟᱞᱟᱜ ᱢᱟᱱᱶᱟ ᱠᱚ ᱛᱩᱯᱩᱫ ᱦᱚᱭ ᱮᱱᱟ ᱾ ᱢᱟᱱᱶᱟ ᱠᱚ ᱜᱚᱡᱽ ᱦᱚᱪᱚᱭᱮᱱᱟ ᱾ ᱟᱨ ᱠᱚ ᱞᱟᱜᱟ ᱦᱚᱪᱚᱭᱮᱱᱟ ᱚᱸᱰᱮ ᱠᱦᱚᱱ ᱫᱚ᱾ ᱠᱷᱟᱱ ᱜᱮ ᱫᱦᱚᱨᱚᱢ ᱟᱜ ᱫᱟᱭᱟ ᱢᱟᱭᱟ ᱢᱟᱹᱱᱢᱤ ᱠᱚ ᱪᱮᱛᱟᱱ ᱨᱮ ᱦᱮᱡᱽ ᱮᱱᱟ ᱾ ᱚᱱᱟ ᱛᱟᱠ ᱨᱮ ᱚᱱᱟ ᱟᱹᱛᱩ ᱨᱮ ᱫᱦᱚᱨᱚᱱ ᱛᱷᱩᱢ ᱫᱟᱭᱟ ᱛᱮ ᱢᱟᱱᱶᱟ ᱵᱤᱨᱟᱹᱫ ᱨᱮ ᱢᱤᱫ ᱜᱤᱫᱽᱨᱟᱹᱭ ᱡᱟᱱᱟᱢ ᱮᱱᱟ ᱠᱩᱞ ᱜᱷᱚᱸᱜᱷᱳᱨ ᱨᱮ᱾ ᱜᱤᱫᱽᱨᱟᱹ ᱟᱯᱟᱛ ᱫᱚ ᱫᱟᱹᱱᱢᱤ ᱠᱚ ᱥᱟᱞᱟᱜᱽ ᱮ ᱜᱚᱡᱽ ᱦᱚᱪᱚ ᱟᱠᱟᱱᱟ ᱾ ᱮᱸᱜᱟᱛ ᱫᱚ ᱚᱱᱟᱛᱮ ᱩᱱᱤ ᱜᱤᱫᱽᱨᱟ ᱟᱹᱰᱤ ᱫᱩᱞᱟᱹᱲ ᱟᱛᱮ ᱦᱟᱨᱟ ᱠᱮᱫᱮᱭᱟᱭ᱾ ᱚᱱᱟᱛᱮ ᱟᱡᱽ ᱟᱭᱚ ᱫᱚ ᱩᱱᱤ ᱜᱤᱫᱽᱨᱟᱹ ᱫᱚ (ᱠᱷᱮᱨ+ᱣᱟᱲ) ᱠᱷᱮᱨ ᱠᱷᱮᱨ ᱢᱮᱱ ᱢᱱᱮᱛᱮ ᱠᱦᱮᱨᱣᱟᱲ ᱧᱩᱛᱩᱢ ᱞᱮᱫᱮᱭᱟᱭ᱾ ᱩᱱᱤ ᱜᱤᱫᱽᱨᱟᱹ ᱦᱚᱸ ᱢᱤᱫ ᱢᱟᱨᱟᱝ ᱵᱤᱨ ᱜᱮᱭ ᱵᱮᱱᱟᱣ ᱮᱱᱟᱭ ᱾ ᱛᱟᱭᱚᱢ ᱫᱟᱹᱱᱢᱤ ᱠᱚ ᱛᱩᱞᱩᱡᱽ ᱟᱹᱰᱤ ᱛᱮᱫ ᱮ ᱛᱩᱯᱩᱫ ᱮᱱᱟ ᱟᱡᱟᱜ ᱡᱤᱛᱠᱟᱹᱨ ᱜᱮ ᱦᱩᱭ ᱮᱱᱟ ᱾ ᱥᱟᱱᱟᱢ ᱜᱮ ᱟᱡᱟᱜ ᱡᱟᱭᱜᱟ ᱠᱷᱳᱱ ᱞᱟᱜᱟ ᱰᱤᱜᱞᱟᱹᱣ ᱠᱮᱫ ᱠᱚᱣᱟ ᱾ ᱚᱱᱟᱛᱮ ᱢᱟᱹᱱᱢᱤ ᱠᱚ ᱫᱟᱹᱱᱢᱤ ᱠᱚ ᱴᱷᱮᱱ ᱠᱦᱚᱱ ᱮ ᱫᱩᱜ ᱞᱮᱫ ᱠᱚ ᱤᱭᱟᱹ ᱛᱮ ᱡᱚᱛᱚ ᱜᱮ ᱟᱡᱽ ᱫᱚ ᱵᱟᱵᱟ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱠᱮᱫᱮᱭᱟ᱾ ᱟᱨ ᱥᱟᱱᱟᱢ ᱠᱚᱜᱮ “ᱠᱷᱮᱨᱣᱟᱲ ᱵᱚᱝᱥᱚ” ᱢᱮᱱᱛᱮ ᱵᱚ ᱧᱩᱛᱩᱢ ᱮᱱᱟ ᱾ ᱤᱱᱟ ᱦᱤᱞᱚᱜ ᱠᱷᱚᱱ ᱜᱮ ᱟᱵᱚ ᱦᱚᱸ ᱱᱤᱛ ᱦᱟᱹᱵᱤᱡᱽ ᱠᱷᱮᱨᱣᱟᱲ ᱵᱚᱝᱥᱚ ᱢᱮᱱᱛᱮ ᱵᱚ ᱢᱮᱱᱚᱜ ᱠᱟᱱᱟ ᱾ ᱱᱚᱝᱠᱟ ᱛᱮ ᱠᱷᱮᱨᱣᱟᱲ ᱟᱲᱟᱝ ᱫᱚ ᱚᱰᱚᱠ ᱟᱠᱟᱱᱟ᱾ ᱱᱚᱣᱟ ᱵᱚᱝᱥᱚ ᱫᱚ “ᱛᱟᱞᱟ ᱱᱟᱝ” (ᱢᱚᱫᱷᱚᱠᱟᱞ) ᱵᱟᱝ ᱠᱷᱮᱨᱣᱟᱲ ᱟᱵᱚᱛᱚᱨ ᱵᱚ ᱢᱮᱛᱟᱜ ᱠᱟᱱᱟ᱾
ᱥᱟᱶᱛᱟ ᱥᱟᱬᱮᱥ ᱨᱮᱱᱟᱜ ᱦᱟᱹᱴᱤᱧ
ᱥᱟᱯᱲᱟᱣ :- ᱯᱨᱮᱢᱪᱟᱸᱫ ᱢᱩᱨᱢᱩ
No comments:
Post a Comment