ᱱᱟᱭᱠᱮ
ᱱᱟᱭᱠᱮ ᱫᱚ ᱱᱟᱭᱠᱮ ᱨᱚᱲ, ᱱᱟᱭᱠᱮ ᱩᱭᱦᱟᱹᱨ ᱠᱷᱚᱱ ᱩᱱᱤᱜᱮ ᱱᱟᱭᱠᱮ ᱟᱹᱛᱩ ᱴᱚᱞᱟ ᱨᱮ ᱟᱹᱛᱩ ᱢᱚᱬᱮ ᱦᱚᱲ ᱢᱩᱫᱽ ᱨᱮ ᱱᱟᱭᱠᱮ ᱦᱚᱸ ᱢᱤᱫ ᱦᱚᱲ ᱠᱟᱱᱟᱭ᱾ ᱱᱩᱭ ᱫᱚ ᱟᱹᱛᱩ ᱜᱤᱨᱟᱢ ᱨᱤᱱ ᱵᱚᱝᱜᱟ ᱵᱩᱨᱩ ᱠᱚᱭ ᱥᱮᱵᱟ ᱫᱮᱵᱟ ᱥᱮ ᱫᱤᱯᱤᱞ ᱠᱟᱠᱚᱣᱟ᱾ᱵᱚᱪᱷᱚᱨ ᱫᱤᱱ ᱯᱟᱨᱤᱢ ᱢᱟᱜᱽ ᱵᱚᱝᱜᱟ ᱡᱚᱦᱚᱜᱽ ᱟᱹᱛᱩ ᱦᱚᱲᱛᱮ ᱢᱚᱫᱽ ᱨᱮ ᱛᱟᱦᱮᱱ ᱵᱟᱝ ᱛᱟᱦᱮᱸᱱ ᱠᱩᱞᱤ ᱠᱩᱯᱩᱞᱤ ᱠᱟᱛᱷᱟ ᱠᱚ ᱟᱫᱮᱨᱟ “ᱠᱷᱮᱨᱪᱚ ᱠᱟᱹᱯᱤ ᱥᱣ ᱱᱟᱯᱟᱭ ᱠᱟᱹᱯᱤ” ᱛᱮᱞᱟ ᱨᱮ ᱢᱟᱨᱮ ᱠᱷᱟᱱ ᱟᱡᱽ ᱜᱮᱭ ᱛᱟᱦᱮᱸᱱᱟᱭ ᱟᱨ ᱫᱚᱥᱟᱨ ᱨᱮ ᱥᱟᱹᱜᱩᱱ ᱫᱤᱱ ᱨᱮ ᱟᱹᱛᱩ ᱦᱚᱲ ᱡᱟᱣᱨᱟ ᱠᱟᱛᱮ ᱯᱮ ᱦᱚᱲ ᱢᱟᱨᱟᱝ ᱵᱩᱨᱩ ᱡᱟᱦᱮᱨ ᱮᱨᱟ ᱟᱨ ᱢᱚᱬᱮ ᱠᱚ ᱧᱩᱛᱩᱢ ᱛᱮ ᱱᱟᱣᱟ ᱦᱟᱴᱟᱜᱽ ᱨᱮ ᱟᱫᱽᱣᱟ ᱪᱟᱣᱞᱮ ᱜᱷᱟᱥᱟᱣ ᱠᱟᱛᱮ ᱠᱚ ᱨᱩᱢ ᱰᱟᱠᱟᱣ ᱠᱚᱣᱟ᱾
ᱟᱨ ᱩᱱᱠᱩ ᱨᱩᱢ ᱵᱚᱝᱜᱟ ᱜᱮ ᱱᱟᱭᱠᱮ ᱠᱚ ᱵᱟᱪᱷᱣ ᱮᱭᱟ ᱾ ᱱᱟᱭᱠᱮ ᱟᱨ ᱱᱟᱭᱠᱮ ᱮᱨᱟ ᱫᱚ ᱟᱹᱰᱤ ᱱᱟᱭ ᱱᱤᱨᱟᱹᱭ ᱥᱟᱪᱨᱟ ᱨᱮ ᱛᱟᱦᱮᱸᱱ ᱞᱮᱠ ᱠᱟᱱ ᱛᱟᱹᱠᱤᱱᱟ᱾ ᱟᱹᱛᱷᱟᱹᱣᱲᱤ ᱦᱚᱲ ᱚᱲᱟᱜ ᱨᱮ ᱡᱚᱢ ᱧᱩ ᱢᱟᱱᱟ ᱜᱮᱭᱟ᱾ᱟᱹᱭᱴᱷᱟᱹ ᱡᱚᱢ ᱧᱩ ᱦᱚᱸ ᱢᱟᱱᱟ ᱜᱮᱭᱟ ᱾ ᱱᱟᱲᱠᱟ ᱥᱟᱨᱮᱡᱽ ᱦᱟᱥᱟ ᱛᱮ ᱱᱟᱲᱠᱟᱜ, ᱚᱡᱚᱡᱜᱽ ᱥᱟᱨᱮᱡᱽ ᱥᱩᱱᱩᱢ ᱛᱮ ᱚᱡᱚᱜ ᱟᱨ ᱮᱴᱟᱜ ᱦᱚᱲᱟᱜ ᱞᱩᱜᱽᱲᱤ ᱛᱮ ᱯᱟᱞᱟᱴᱚᱜ ᱦᱚᱸ ᱢᱟᱱᱟ ᱜᱮᱭᱟ ᱾ ᱟᱹᱛᱩ ᱜᱚᱨᱟᱢ ᱨᱮ ᱪᱷᱩᱛ ᱟᱹᱣᱨᱤ ᱯᱷᱮᱲᱟᱣ ᱨᱮ, ᱜᱳᱡ, ᱢᱟᱬᱟ ᱟᱹᱣᱨᱤ ᱚᱰᱚᱠ ᱨᱮ ᱚᱱᱟ ᱟᱹᱛᱩ ᱨᱮ ᱡᱟᱦᱟᱸᱱᱟᱜ ᱡᱚᱢ ᱧᱩ ᱦᱚᱸ ᱢᱟᱱᱟ ᱜᱮᱭᱟ ᱾ ᱱᱮᱰᱟ ᱟᱠᱟᱱ ᱵᱚᱝᱜᱟ ᱵᱩᱨᱩ ᱫᱤᱱ ᱨᱮ ᱫᱟᱜ ᱨᱮ ᱵᱚᱞᱚ ᱠᱟᱛᱮ ᱫᱩᱭᱞᱟᱹ ᱯᱩᱭᱠᱟᱹ ᱛᱩᱯᱩ ᱦᱚᱸ ᱢᱟᱱᱟ ᱜᱮᱭᱟ ᱾ ᱟᱫᱣᱟ ᱪᱟᱣᱞᱮ ᱦᱩᱲᱩᱝ ᱡᱚᱦᱚᱜᱽ ᱦᱟᱱᱛᱮ ᱱᱟᱛᱮ ᱠᱚᱭᱚᱜ ᱟᱨ ᱦᱚᱲ ᱠᱚ ᱥᱟᱞᱟᱜ ᱨᱚᱯᱚᱲ ᱦᱚᱸ ᱢᱟᱱᱟ ᱜᱮᱭᱟ ᱾ ᱨᱟᱺᱰᱤ, ᱵᱷᱟᱸᱰᱤ, ᱫᱟᱹᱨᱤ ᱪᱷᱤᱱᱟᱹᱨ, ᱠᱚ ᱥᱟᱶ ᱵᱟᱭ ᱥᱚᱞᱚᱝ ᱞᱚᱴᱚᱢᱚᱜᱼᱟ᱾ ᱚᱱᱟᱛᱮ ᱟᱹᱫᱤ ᱛᱟᱦᱟᱣ ᱛᱮ ᱛᱟᱲᱟᱬ ᱦᱩᱭᱩᱜ ᱛᱟᱹᱠᱤᱱᱟᱹ᱾ᱱᱟᱭᱠᱮ ᱦᱟᱜ ᱠᱟᱛᱷᱟ ᱞᱮᱠᱟᱛᱮ ᱟᱹᱛᱩ ᱦᱚᱲ ᱢᱟᱱᱟᱣ ᱵᱟᱛᱟᱣ ᱪᱟᱞᱟᱜ ᱦᱩᱭᱩᱜ ᱛᱟᱠᱚᱣᱟ ᱵᱟᱝᱠᱷᱟᱱ ᱟᱹᱰᱤ ᱨᱚᱠᱚᱢ ᱥᱮᱬᱟ ᱯᱤᱲᱟᱹ ᱸᱟᱭᱠᱮ ᱥᱟᱶᱛᱮ ᱟᱹᱛᱩ ᱦᱚᱲ ᱠᱚ ᱧᱟᱢᱟ᱾ ᱱᱟᱭᱠᱮ ᱠᱚ ᱫᱚ ᱟᱪᱟᱨ ᱱᱮᱢᱟᱪᱟᱨ ᱥᱚᱛ ᱪᱩᱨᱤᱛ ᱨᱮᱠᱚ ᱛᱟᱷᱮᱸᱱ ᱠᱷᱟᱹᱛᱤᱨ ᱵᱚᱝᱜᱟ ᱵᱩᱨᱩ ᱠᱚ ᱟᱹᱥᱤᱥ ᱵᱷᱩᱨ ᱟᱨ ᱛᱷᱩᱢᱛᱮ ᱡᱤᱞᱤᱧ ᱡᱤᱣᱤ ᱦᱚᱸᱠᱚ ᱧᱟᱢᱟ᱾
ᱱᱟᱭᱠᱮ ᱵᱟᱵᱟ ᱞᱮᱠᱟ ᱟᱨ ᱢᱤᱫ “ᱠᱩᱰᱟᱹᱢ ᱱᱟᱭᱠᱮ ᱛᱟᱦᱮᱸᱱᱟᱭ ᱱᱩᱭ ᱫᱚ ᱠᱩᱰᱟᱹᱢ ᱠᱚᱨᱤᱱ ᱵᱚᱝᱜᱟᱭ ᱥᱮᱵᱟ ᱠᱚᱣᱟ᱾ᱚᱱᱟᱛᱮ ᱢᱚᱱᱛᱚᱨ ᱜᱩᱨᱩ ᱠᱚ ᱞᱮᱠᱟᱜᱤᱡᱽ ᱦᱚᱲᱮ ᱦᱩᱭᱩᱜᱼᱟ᱾
ᱚᱱᱚᱞᱤᱭᱟᱺ- ᱢᱟᱹᱱ ᱜᱚᱵᱤᱱᱫᱚ ᱢᱟᱹᱱᱰᱤ
written by :- Mr. Gobinda Mandi ( M.A.Santhali )
ᱥᱟᱯᱲᱟᱣ ᱨᱮ ᱺ- ᱯᱨᱮᱢᱪᱟᱸᱫ ᱢᱩᱨᱢᱩ
Edit by:- premchand murmu
No comments:
Post a Comment