ᱡᱚᱦᱟᱨ
ᱱᱟᱶᱟ ᱫᱷᱩᱲᱤ ᱫᱷᱹᱨᱛᱤ ᱡᱚᱞᱟ
ᱡᱤᱵᱟᱹ ᱯᱮᱨᱮᱡ ᱟᱸᱪᱚᱞᱟ,
ᱚᱠᱚᱭ ᱵᱟᱵᱟᱢ ᱥᱤᱨᱡᱟᱣ ᱟᱠᱟᱫ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ
ᱜᱟᱰᱟ, ᱵᱮᱰᱟ, ᱵᱤᱨ, ᱵᱩᱨᱩ,
ᱡᱤᱵᱟ ᱞᱟᱹᱜᱤᱫ ᱫᱩᱨᱩᱼᱫᱩᱨᱩ
ᱚᱠᱚᱭ ᱵᱟᱵᱟᱢ ᱥᱤᱨᱡᱟᱣ ᱟᱠᱟᱫ
ᱩᱱᱤ ᱵᱟᱵᱟ ᱡᱚᱦᱟ ᱨ ᱟᱛᱟᱝ ᱢᱮ
ᱞᱟᱸᱫᱟᱭ ᱞᱮᱠᱟ ᱢᱩᱞᱩᱡᱼᱢᱩᱞᱩᱡ
ᱥᱮᱨᱢᱟ ᱤᱯᱤᱞ ᱡᱩᱞᱩᱫ ᱼᱡᱩᱞᱩᱫ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱥᱤᱧ ᱧᱤᱸᱫᱟᱹᱭ ᱞᱟᱹᱜᱤᱫ ᱪᱟᱸᱫᱳ
ᱡᱤᱣᱤ ᱥᱩᱥᱟᱨ ᱞᱟᱹᱜᱤᱫ ᱨᱟᱱᱫᱳ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱨᱮᱸᱜᱮᱡ ᱛᱮᱛᱟᱝ ᱡᱚᱠᱷᱚᱱ ᱡᱚᱢᱟᱜ –
ᱧᱩᱣᱟᱜ ᱧᱟᱢᱚᱜ ᱚᱠᱚᱭ ᱮᱢᱟᱜ
ᱚᱠᱚᱭ ᱵᱟᱵᱟᱢ ᱮᱢᱚᱜ ᱠᱟᱱᱟ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱜᱚ, ᱵᱟᱵᱟ, ᱫᱟᱫᱟ, ᱫᱟᱹᱭ
ᱦᱚᱦᱚ ᱵᱟᱲᱟᱭ ᱱᱟᱯᱟᱭ ᱥᱟᱹᱜᱟᱹᱭ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱡᱤᱣᱤ ᱨᱟᱲᱮᱡ ᱛᱤᱨᱭᱚ ᱵᱟᱱᱟᱢ
ᱥᱚᱨᱚᱥ ᱡᱟᱱᱟᱢ ᱢᱟᱱᱶᱟ ᱡᱟᱱᱟᱢ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ!
ᱡᱟᱱᱟᱢ ᱫᱤᱥᱟᱹᱢ
ᱵᱮᱸᱜᱮᱫᱟᱜ ᱢᱮ ᱪᱟᱹᱦᱤ ᱛᱤᱱᱟᱜ ᱱᱟᱯᱟᱭ ᱥᱟᱹᱦᱤ
ᱟᱵᱚ ᱡᱟᱱᱟᱢ ᱫᱤᱥᱟᱹᱢ ᱧᱮᱞᱚᱜ ᱠᱟᱱᱟ,
ᱵᱤᱨᱼᱵᱩᱨᱩᱼᱳᱛᱮᱛ ᱜᱟᱰᱟᱼᱵᱮᱰᱟᱼᱠᱷᱮᱛ
ᱥᱟᱱᱟᱢ ᱠᱚᱜᱮ ᱧᱮᱧᱮᱞ ᱥᱟᱱᱟ ᱟᱹᱰᱤ!
ᱥᱟᱸᱜᱮ ᱥᱩᱜᱟᱹᱣᱟᱱᱟᱜ ᱱᱟᱹᱭ ᱜᱟᱰᱟ ᱢᱮᱱᱟᱜ
ᱱᱚᱣᱟ ᱫᱤᱥᱟᱹᱢ ᱨᱮ ᱟᱹᱰᱤ ᱩᱛᱟᱹᱨ ;
ᱮᱛᱚᱢᱼᱠᱚᱧᱮᱸ ᱥᱮᱡ ᱢᱮᱱᱟᱜ ᱠᱷᱮᱱᱮ ᱠᱷᱮᱡ
ᱢᱮᱞᱟᱱ ᱚᱛᱮᱛ ᱦᱟᱥᱟ ᱟᱵᱚ ᱥᱩᱥᱟᱹᱨ !
ᱱᱚᱰᱮ ᱢᱮᱱᱟᱜ ᱟᱛᱷᱟᱱ ᱢᱚᱸᱡᱽᱼᱢᱚᱸᱡᱽ ᱵᱟᱛᱷᱟᱱ
ᱟᱫᱚᱢ ᱠᱚᱨᱮ ᱢᱮᱱᱟᱜ ᱱᱟᱜᱽᱨᱟᱦᱟ ;
ᱱᱟᱱᱟ ᱦᱩᱱᱟᱹᱨ ᱫᱟᱨᱮ ᱢᱮᱱᱟᱜ ᱛᱷᱟᱨᱮᱼᱛᱷᱟᱨᱮ
ᱥᱤᱧ ᱧᱤᱸᱫᱟᱹ ᱵᱟᱦᱟᱜ ᱥᱚᱣᱟᱱ ᱵᱟᱦᱟ
ᱡᱟᱦᱟᱸ ᱛᱮᱜᱮᱢ ᱥᱮᱱᱚᱜ ᱱᱩᱱᱟᱹᱜ ᱥᱤᱨᱤᱭᱟᱱᱟᱜ
ᱫᱤᱥᱟᱹᱢ ᱚᱦᱚ ᱜᱮᱢ ᱧᱟᱢ ᱞᱮᱭᱟ ;
ᱡᱟᱱᱟᱢᱼᱟᱭᱳᱼᱫᱩᱞᱟᱹᱲ, ᱟᱯᱬᱮᱭᱟᱜ ᱡᱟᱹᱲ,
ᱳᱴᱟᱝ ᱜᱚᱫᱚᱜ ᱛᱟᱢᱟ ᱢᱚᱱᱮ ᱜᱚᱥᱚ ᱟᱢᱟᱜ
ᱟᱡᱛᱮ ᱞᱤᱸᱜᱤᱜ ᱛᱟᱢᱟ ᱨᱟᱹᱥᱠᱟᱹ ᱞᱚᱲᱮ,
ᱚᱠᱟᱨᱮ ᱦᱚᱸ ᱟᱢ ᱟᱫᱚ ᱵᱟᱝᱮᱢ ᱧᱟᱢ
ᱱᱚᱝᱠᱟ ᱨᱟᱹᱥᱠᱟ ᱟᱨ ᱫᱤᱞ ᱫᱟᱲᱮ!
ᱠᱚᱭᱡᱚᱝ
ᱟᱸᱜᱟ ᱛᱳᱨᱟ ᱵᱮᱨᱫ ᱠᱟᱛᱮ ᱫᱤᱱᱟᱹᱢ ᱱᱚᱣᱟᱧ ᱢᱮᱱᱟ –
ᱪᱟᱸᱫᱳ ᱵᱟᱵᱟ ! ᱟᱢᱟᱜ ᱫᱩᱞᱟᱹᱲ ᱤᱧᱤᱧ ᱧᱟᱢᱮᱫ ᱠᱟᱱᱟ !
ᱟᱢᱟᱜ ᱟᱹᱰᱤ ᱫᱟᱭᱟ ᱛᱮᱜᱮ ᱤᱧᱟᱹᱜ ᱱᱚᱶᱟ ᱡᱟᱱᱟᱢ,
ᱟᱱᱚᱡ ᱟᱠᱟᱫ ᱛᱤᱧᱟᱢ ᱤᱧᱟᱜ ᱵᱚᱜᱮᱼᱵᱟᱹᱲᱤᱡ ᱥᱟᱱᱟᱢ!
ᱟᱢᱟᱜ ᱫᱟᱭᱟ ᱜᱮᱭᱤᱧ ᱧᱮᱞᱟ ᱡᱟᱦᱟᱸ ᱥᱮᱱᱤᱧ ᱵᱮᱸᱜᱮᱫᱽ,
ᱩᱱ ᱜᱮ ᱟᱢᱟᱜ ᱤᱧ ᱪᱮᱛᱟᱱ ᱫᱩᱞᱟᱹᱲ ᱛᱟᱢᱤᱧ ᱟᱸᱜᱮᱫᱽ!
ᱟᱢᱟᱮᱢ ᱟᱪᱩᱭᱮᱠᱟᱱ ᱛᱮᱲᱚᱝ ᱵᱮᱞᱟᱭ ᱨᱟᱠᱟᱵ ᱠᱟᱱ,
ᱥᱤᱧ ᱢᱟ ᱧᱤᱸᱫᱟᱹ ᱵᱮᱱᱟᱣ ᱠᱟᱛᱮ ᱨᱟᱸᱛᱮᱢ ᱮᱢᱚᱜ ᱠᱟᱱ !
ᱫᱟᱜ ᱫᱤᱱᱮ ᱫᱟᱜ ᱨᱤᱢᱤᱞ ᱟᱢᱟᱜ ᱟᱹᱪᱩᱛᱮᱜᱮ,
ᱞᱚᱞᱚ ᱨᱟᱵᱟᱝ ᱚᱛᱚᱝᱼᱛᱟᱭᱚᱢ ᱟᱢ ᱜᱮᱪᱚᱢ ᱛᱚᱸᱜᱮ !
ᱟᱢᱟᱜ ᱟᱹᱪᱩ ᱟᱸᱡᱚᱢ ᱠᱟᱛᱮ ᱤᱯᱤᱞ ᱠᱚᱠᱚ ᱨᱟᱠᱟᱵ,
ᱧᱤᱫᱟᱹ ᱪᱟᱸᱫᱚᱭ ᱮᱢᱚᱜ ᱠᱟᱱᱟ ᱱᱩᱱᱟᱜ ᱨᱮᱭᱟᱲ ᱨᱟᱱᱴ!
ᱧᱟᱢᱟᱠᱟᱣᱱᱤᱧ ᱡᱚᱛᱚ ᱯᱮᱲᱟᱼᱯᱨᱟᱵᱷᱟ ᱜᱟᱛᱮ,
ᱟᱢᱟᱜ ᱫᱟᱭᱟ ᱫᱩᱞᱟᱹᱲ ᱛᱮᱜᱮ ᱤᱧ ᱫᱚ ᱠᱮᱱᱮ ᱠᱚᱛᱮ !
ᱡᱚᱦᱟᱨ ᱪᱟᱸᱫᱳ ᱵᱟᱵᱟ ! ᱟᱛᱟᱝ ᱛᱤᱧ ᱢᱮ ᱡᱚᱦᱟᱨ,
ᱫᱤᱱᱟᱹᱢ ᱦᱤᱞᱚᱜ ᱩᱫᱩᱜ ᱟᱹᱧ ᱢᱮ ᱮᱠᱮᱱ ᱵᱳᱜᱮ ᱰᱟᱦᱟᱨ!
ᱨᱮᱸᱜᱮᱡᱼᱚᱲᱮᱡᱼᱴᱩᱣᱟᱹᱨ ᱟᱡᱟᱨ, ᱜᱩᱛᱤ ᱠᱟᱹᱲᱢᱤ ᱮᱢᱟᱱ,
ᱥᱮᱵᱮᱞᱟᱠᱚ ᱞᱟᱹᱜᱤᱫ ᱫᱟᱲᱮ ᱛᱟᱦᱮᱱ ᱛᱤᱧ ᱢᱟ ᱛᱟᱢᱟᱱ!
ᱥᱮᱛᱟᱜ
ᱥᱮᱛᱟᱜ ᱮᱱᱟ, ᱢᱚᱦᱮᱸᱭᱮᱱᱟ ᱱᱟᱱᱟ ᱦᱩᱱᱟᱹᱨ ᱵᱟᱦᱟ,
ᱟᱸᱡᱚᱢ ᱮᱱᱟ ᱡᱤᱣᱤ ᱨᱮᱭᱟᱲ ᱱᱮᱦᱚᱨ ᱥᱮᱨᱮᱧ ᱨᱟᱦᱟ !
ᱫᱟᱹᱠᱷᱤᱱ ᱥᱮᱱᱟᱜ ᱦᱤᱥᱤᱫ ᱦᱚᱭᱛᱮ ᱵᱟᱦᱟ ᱦᱤᱞᱟᱜ ᱠᱟᱱᱟ,
ᱵᱟᱦᱟ ᱨᱮᱭᱟᱜ ᱥᱮᱵᱮᱞ ᱥᱚ ᱛᱮ ᱳᱴᱟᱝ ᱦᱤᱡᱩᱜ ᱠᱟᱱᱟ !
ᱟᱫᱚᱢ ᱦᱚᱲᱟᱜ ᱥᱟᱲᱤᱢ ᱨᱮᱠᱚ ᱨᱟᱜᱮᱰ ᱠᱟᱱᱟ ᱠᱟᱹᱦᱩ
ᱜᱚᱲᱟ ᱨᱮᱠᱚ ᱵᱷᱚᱸᱠᱨᱟᱣᱮᱫ ᱛᱚᱞ ᱜᱟᱹᱭ ᱟᱨ ᱢᱤᱦᱩᱸ ᱾
ᱦᱤᱱᱟᱹᱼᱱᱤᱭᱟᱹ ᱫᱟᱨᱮ ᱛᱮᱠᱚ ᱩᱰᱟᱹᱜ ᱠᱟᱱᱟ ᱪᱮᱬᱮᱸ,
ᱥᱮᱴᱟ ᱦᱚᱯᱚᱱ ᱨᱟᱪᱟ ᱨᱮᱠᱚ ᱱᱩᱱᱩᱭᱮᱫ ᱛᱮᱜᱮᱼᱛᱮᱲᱮ᱿
ᱮᱵᱷᱮᱱ ᱛᱳᱨᱟ ᱞᱚᱴᱟ ᱫᱟᱜᱼᱜᱩᱨᱤᱡ ᱟᱛᱮ ᱛᱤ ᱨᱮ ᱾
ᱵᱟᱹᱦᱩ ᱠᱚᱠᱚ ᱢᱚᱸᱰᱞᱤᱭᱮᱫ ᱫᱩᱣᱟᱹᱨ ᱜᱟᱹᱱᱟᱹᱰᱤ ᱨᱮ ᱿
ᱵᱟᱦᱟ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱫ ᱧᱮᱞᱮ ᱫᱟᱱᱟᱫᱟᱹᱱᱤ,
ᱯᱟᱸᱡᱟ ᱵᱟᱰᱟᱭᱟᱜ ᱵᱟᱦᱟ ᱥᱟᱲᱟᱜ ᱯᱚᱨᱟᱭᱱᱤ ᱿
ᱥᱮᱛᱟᱜ ᱵᱮᱞᱟ ᱧᱩᱢ ᱠᱟᱛᱮ ᱥᱚᱱᱚᱛ ᱪᱟᱸᱫᱚ ᱧᱩᱛᱩᱢ ᱾
ᱠᱟᱹᱢᱤ ᱨᱮᱵᱚᱱ ᱫᱷᱩᱨᱟᱹᱣ ᱠᱚᱜᱼᱟ ᱫᱮᱞᱟ ᱩᱲᱩᱢᱼᱥᱩᱲᱩᱢ ᱿
ᱥᱮᱛᱟᱜ ᱵᱮᱞᱟ ᱡᱟᱸᱦᱟᱱ ᱠᱟᱹᱢᱤ ᱫᱮᱵᱚᱱ ᱠᱟᱹᱢᱤ ᱡᱤᱛᱟᱹᱣ,
ᱮᱸᱰᱮᱭᱟᱱᱟ ᱫᱷᱤᱱᱟᱹᱱ ᱵᱮᱞᱟ ᱨᱟᱹᱥᱠᱟᱹ ᱛᱮᱵᱚᱱ ᱵᱤᱛᱟᱹᱣ ᱿
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ
ᱥᱮᱴᱮᱨ ᱟᱠᱟᱱ ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱫᱤᱥᱳᱢ ᱨᱮᱫᱚ ᱧᱮᱞ ᱢᱮᱥᱮ ᱦᱳ,
ᱛᱮᱦᱮᱧ ᱫᱤᱱᱟᱜ ᱛᱟᱠ ᱛᱚᱨᱚᱢ ;
ᱟᱯᱟᱱ ᱫᱟᱲᱮ ᱦᱚᱲᱠᱚ ᱢᱮᱱᱮᱫ
ᱚᱛᱮᱼ‘ᱵᱚᱱᱫᱮ ᱢᱟᱛᱨᱟᱢ’ ᱾
ᱥᱟᱹᱜᱩᱱ ᱟᱱᱟᱜ ᱥᱟᱠᱣᱟ ᱥᱟᱰᱮ
ᱦᱟᱱᱛᱮᱼᱱᱷᱟᱛᱮ ᱜᱷᱟᱹᱲᱤᱼᱜᱷᱟᱹᱲᱤ
‘ᱵᱚᱱᱫᱮ ᱢᱟᱛᱨᱟᱢ’ – ᱤᱧ ᱢᱮᱱᱟ
ᱳᱰᱚᱜ ᱠᱟᱛᱮ ᱤᱧ ᱯᱟᱹᱨᱤ ᱾
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱛᱤᱨᱮ ᱛᱟᱠᱚ ᱫᱤᱥᱚᱢᱼᱡᱷᱟᱹᱱᱰᱤ
ᱦᱤᱯᱤᱲᱼᱦᱤᱯᱤᱲ ᱯᱮᱻᱨᱚᱝᱟᱜ;
ᱫᱤᱥᱚᱢ ᱥᱚᱱᱚᱛ ᱨᱮᱭᱟᱜ ᱥᱮᱨᱮᱧ
ᱥᱮᱨᱢᱟ ᱥᱟᱨᱮᱲ ᱟᱲᱟᱝ ᱨᱟᱶᱟᱜ ᱾
ᱪᱟᱵᱟ ᱩᱛᱟᱹᱨ ᱟᱠᱟᱱ ᱛᱮᱦᱮᱧ
ᱛᱟᱯᱟᱢ, ᱜᱚᱯᱚᱡ, ᱠᱷᱟᱹᱯᱟᱹᱨᱤ;
ᱫᱤᱥᱚᱢ ᱛᱟᱵᱚᱱ ᱵᱩᱡᱷᱟᱣᱚᱜ ᱠᱟᱱᱟ
ᱥᱮᱨᱢᱟ ᱯᱩᱨᱤ ᱵᱟᱨᱟᱵᱟᱹᱨᱤ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ!
ᱵᱟᱦᱟ ᱥᱟᱠᱟᱢ ᱦᱤᱥᱤᱨ ᱛᱮᱠᱚ
ᱥᱟᱡᱟᱣ ᱟᱠᱟᱫ ᱱᱟᱜᱽᱨᱟᱦᱟ;
ᱛᱤᱱᱟᱹᱜ ᱱᱟᱯᱟᱭ ᱟᱹᱛᱩ ᱫᱤᱥᱚᱢ
ᱧᱮᱞᱚᱜ ᱠᱟᱱᱟ ᱟᱼᱦᱟᱼᱦᱟ !
ᱷᱤᱲᱤᱧ ᱩᱛᱟᱹᱨ ᱟᱠᱟᱱ ᱛᱮᱦᱮᱧ
ᱫᱷᱚᱱᱼᱫᱩᱨᱤᱵ ᱟᱨ ᱛᱟᱹᱨᱤ;
ᱛᱮᱦᱮᱧ ᱫᱚᱠᱚ ᱵᱷᱮᱭᱟᱱ ᱟᱠᱟᱱ
ᱨᱮᱸᱜᱮᱡ, ᱠᱤᱥᱟᱹᱬ ᱵᱮᱯᱟᱨᱤ !
ᱤᱥᱤ ᱛᱩᱨᱩᱭᱼᱡᱟᱱᱣᱟᱹᱨᱤ
ᱛᱮᱦᱮᱧ ᱫᱤᱱᱟᱹᱜ ᱨᱟᱹᱥᱠᱟᱹ ᱛᱤᱱᱟᱹᱜ,
ᱠᱩᱥᱵᱤ ᱵᱟᱦᱟ ᱦᱟᱸᱥᱜᱮ ᱦᱤᱞᱟᱹᱜ !
ᱜᱟᱰᱟᱠᱚᱨᱮᱱ ᱦᱟᱠᱳ ᱠᱚ ᱦᱚᱸ
ᱨᱟᱹᱥᱠᱟᱹ ᱛᱮᱠᱚ ᱪᱷᱤᱞᱵᱤᱞᱟᱹᱜ !
ᱤᱧ ᱜᱮ ᱜᱚᱥᱚᱧ ᱛᱟᱦᱮᱸᱭᱮᱱᱟ
ᱛᱮᱦᱮᱧ ᱦᱤᱞᱚᱜ ? ᱦᱮᱸ ᱥᱟᱹᱨᱤ !
ᱛᱤᱱᱟᱹᱜ ᱟᱫᱚᱢ ᱨᱟᱹᱥᱠᱟᱹ ᱡᱚᱝᱟ ?
ᱤᱧ ᱫᱚ ᱟᱹᱰᱤ ᱱᱟᱪᱟᱨᱤᱡ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱞᱟᱹᱭᱮᱫ ᱠᱟᱹᱱᱟᱹᱧ ᱛᱮᱦᱮᱧ ᱪᱮᱫᱟᱜ
ᱫᱟᱨᱟᱢᱚᱜᱼᱟ ᱡᱩᱫᱟᱹᱛᱮ ?
ᱛᱮᱦᱮᱧ ᱪᱮᱫᱟᱜ ᱵᱷᱟᱨᱚᱛᱼᱫᱤᱥᱳᱢ
ᱦᱚᱲᱠᱚ ᱵᱩᱞ ᱮᱱ ᱨᱟᱹᱥᱠᱟᱹ ᱛᱮ ?
ᱛᱮᱦᱮᱧ ᱦᱤᱞᱚᱜ ᱧᱟᱢ ᱟᱠᱟᱱᱟ
ᱸᱚᱶᱟ ᱵᱷᱟᱜᱮ ᱟᱹᱱ ᱟᱹᱨᱤᱼ
ᱥᱟᱱᱟᱢ ᱦᱚᱲᱟᱜ ᱨᱟᱡᱚᱜ ᱨᱮᱭᱟᱜ
ᱛᱮᱦᱮᱧ ᱛᱟᱵᱚ ᱟᱹᱭᱰᱟᱹᱨᱤ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱨᱟᱹᱥᱠᱟᱹ ᱨᱮᱭᱟᱝ ᱯᱷᱮᱰᱟᱛ ᱚᱠᱚᱭ ?
ᱫᱤᱥᱟᱹᱭ ᱡᱚᱠᱷᱚᱱ ᱠᱷᱳᱫᱮᱨ ᱠᱷᱚᱫᱽ;
ᱜᱟᱸᱫᱷᱤ, ᱥᱩᱵᱷᱟᱥ, ᱱᱮᱦᱨᱩ ᱡᱤᱭᱟᱜ
ᱧᱩᱛᱩᱢ ᱜᱮᱪᱚᱧ ᱫᱤᱥᱟᱹ ᱜᱚᱫᱽ !
ᱨᱟᱡᱮᱸᱫᱨᱟ ᱟᱨ ᱯᱟᱴᱮᱞ ᱦᱚᱸ ᱛᱷᱚ
ᱫᱤᱥᱟᱹᱜ ᱠᱟᱱᱟᱠᱤᱱ ᱥᱟᱹᱨᱤ!
ᱨᱟᱹᱥᱟᱹ ᱨᱮᱭᱟᱜ ᱠᱟᱛᱷᱟ ᱠᱟᱱᱟ,
ᱨᱟᱡᱮᱱᱫᱨᱟ ᱛᱟᱵᱚᱱ ᱵᱤᱦᱟᱹᱨᱤ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱟᱵᱚ ᱛᱤᱨᱮ ᱯᱟᱲᱟᱣ ᱟᱠᱟᱱ
ᱫᱤᱥᱳᱢ ᱥᱟᱫᱷᱤᱱ ᱫᱚᱦᱚ ᱠᱟᱜ
ᱰᱟᱸᱰᱟ ᱫᱮᱵᱚ ᱩᱨᱤᱡᱽ ᱛᱟᱵᱚ,
ᱠᱟᱹᱢᱤ ᱯᱟᱲᱟᱜ ᱡᱚᱦᱚᱜᱟᱜ
ᱮᱸᱰᱮ ᱟᱱᱮᱡ ᱛᱟᱦᱮᱱ ᱛᱟᱵᱚ
ᱥᱟᱹᱨᱤ ᱩᱛᱟᱹᱨ ᱟᱹᱭᱫᱟᱹᱨᱤ ᱾
ᱫᱤᱥᱳᱢ – ᱱᱟᱭᱳ ᱫᱩᱞᱟᱹᱲᱼᱦᱚᱯᱚᱱ
ᱦᱚᱭᱚᱜ ᱫᱮᱵᱚ ᱟᱹᱨᱤ ᱜᱩᱨᱤᱭ ᱾
ᱥᱮᱴᱮᱨ ᱟᱠᱟᱱ ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ!
ᱜᱟᱹᱱᱫᱷᱤ ᱵᱟᱵᱟ
ᱩᱱᱩᱢ ᱟᱠᱟᱱ ᱦᱚᱲᱠᱚ ᱚᱜᱣᱟᱨ
ᱩᱫᱩᱜ ᱞᱟᱹᱜᱤᱫ ᱵᱚᱜᱮ ᱰᱟᱦᱟᱨ
ᱵᱷᱟᱨᱳᱛ ᱨᱮ ᱫᱚᱢ ᱡᱟᱱᱟᱢ ᱟᱠᱟᱱ ᱞᱮᱱᱟ –
ᱟᱢ ᱜᱮ ᱜᱟᱹᱱᱫᱷᱤ ᱵᱟᱵᱟ
ᱟᱢᱟᱜ ᱵᱮᱼᱥᱤᱵᱤᱱ ᱠᱷᱟᱸᱰᱟ
ᱛᱚᱯᱟᱜ ᱠᱮᱫᱟᱭ ᱵᱟᱹᱭᱨᱤ ᱰᱟᱸᱰᱟ
ᱥᱟᱫᱷᱤᱱ ᱠᱮᱫᱟᱢ ᱟᱵᱚ ᱫᱤᱥᱳᱢ
ᱟᱢᱜᱮ ᱜᱟᱹᱱᱷᱫᱤ ᱵᱟᱵᱟ !
ᱮᱥᱮᱫ ᱠᱮᱫᱟᱢ ᱠᱩᱞ ᱢᱟ ᱢᱚᱪᱟ
ᱚᱪᱚᱜᱽ ᱠᱮᱫᱟᱢ ᱡᱟᱹᱱᱩᱢ ᱠᱷᱚᱪᱟ
ᱟᱹᱠᱷᱤᱨ ᱯᱤᱱᱰᱟᱹ ᱦᱚᱨ ᱨᱮᱭᱟᱜ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱥᱟᱢᱟᱜ ᱠᱟᱛᱮ ᱵᱟᱹᱭᱨᱤ ᱠᱤᱛᱟᱹ,
ᱥᱟᱹᱨᱤ ᱥᱩᱞᱩᱠ ᱨᱮᱭᱟᱜ ᱤᱛᱟᱹ
ᱵᱷᱟᱨᱚᱛ ᱨᱮ ᱫᱚᱢ ᱯᱟᱨᱪᱟᱣ ᱟᱠᱟᱫ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱞᱟᱜᱟᱭ ᱞᱟᱹᱜᱤᱫ ᱨᱮᱴᱷᱨᱤᱴᱷᱤ
ᱫᱷᱨᱟᱹᱣ ᱞᱮᱱᱟᱢ ᱫᱷᱩᱲᱤ ᱯᱤᱴᱷᱤ
ᱡᱤᱣᱤ ᱥᱩᱫᱷᱟᱢ ᱟᱞᱟᱭ ᱞᱮᱫᱟ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱟᱢᱟᱜ ᱠᱟᱹᱢᱤ ᱨᱮᱟᱜ ᱟᱹᱨᱤ,
ᱧᱟᱢᱮᱫ ᱠᱟᱱᱟᱭ ᱟᱹᱭᱫᱟᱹᱨᱤ
ᱫᱤᱥᱳᱢᱼᱫᱤᱥᱳᱢ ᱡᱚᱦᱟᱨᱟᱢᱟᱹᱧ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱥᱮᱨᱮᱧ
ᱵᱷᱟᱨᱚᱛ ᱨᱮᱵᱳ ᱡᱟᱱᱟᱢ ᱟᱠᱟᱱ ᱡᱚᱛᱚ ᱠᱷᱚᱱᱟᱜ ᱢᱟᱬᱟᱝ,
ᱟᱵᱚ ᱜᱮᱵᱚ ᱩᱫᱩᱜ ᱞᱮᱫᱟ ᱦᱚᱲᱼᱦᱚᱯᱚᱱ ᱟᱲᱟᱝ ᱾
ᱳᱞᱚᱜ ᱵᱟᱵᱚ ᱥᱮᱬᱟᱭᱞᱮᱫ ᱛᱮ ᱦᱚᱸᱦᱟᱜ ᱜᱮ ᱵᱚ ᱛᱟᱦᱮᱸᱭᱮᱱ,
ᱟᱹᱫᱲᱵᱟᱹᱥᱤᱭᱟᱜ ᱴᱚᱴᱷᱟ ᱦᱩᱭᱮᱱ ᱮᱠᱮᱱ ᱜᱷᱩᱴᱩ ᱫᱟᱲᱟᱝ !
ᱚᱞᱚᱜ ᱞᱟᱹᱜᱤᱫ ᱢᱚᱱᱮ ᱨᱮᱭᱟᱜ ᱠᱩᱪᱤᱛ ᱫᱮᱵᱚ ᱥᱟᱦᱟᱭ,
ᱟᱵᱚ ᱜᱮᱵᱚ ᱛᱟᱭᱚᱢ ᱟᱠᱟᱱ ᱡᱚᱛᱚ ᱠᱷᱚᱱᱟᱜ ᱚᱦᱟᱭ ᱾
ᱚᱞᱚᱜ ᱵᱟᱵᱚ ᱵᱟᱰᱟᱭᱞᱮᱫ ᱛᱮ ᱦᱚᱲᱠᱚ ᱜᱮᱥᱮᱨ ᱵᱚᱱ,
ᱚᱞᱚᱜᱼᱯᱟᱲᱦᱟᱣ ᱥᱟᱡ ᱡᱚᱛᱚ ᱢᱚᱱᱮ ᱫᱮᱵᱚ ᱞᱟᱦᱟᱭ ᱾
ᱟᱹᱠᱤᱞᱚᱜ
(ᱫᱚᱲ ᱨᱟᱹᱲ)
ᱥᱤᱧᱼᱡᱟᱯᱤᱫ ᱵᱚᱭᱦᱟ ! ᱛᱤᱥ ᱦᱚᱸ ᱟᱞᱚᱢ ᱥᱟᱵᱟ,
ᱫᱷᱚᱱ, ᱫᱩᱨᱤᱵᱽ, ᱫᱟᱲᱮ, ᱟᱹᱠᱤᱞ ᱪᱟᱵᱟᱜ ᱿
ᱠᱮᱫᱳᱜ ᱛᱚᱨᱟ ᱡᱟᱹᱯᱤᱫ, ᱥᱮᱛᱟᱜ ᱥᱮᱛᱟᱜ ᱵᱮᱨᱮᱫ,
ᱫᱷᱚᱱ, ᱫᱩᱨᱤᱵᱽ ᱫᱟᱲᱮ, ᱵᱩᱫᱷᱤᱭ ᱮᱨᱮᱫ ᱿
ᱚᱞᱚᱜ
ᱠᱚᱲᱟ ᱜᱤᱫᱽᱨᱟᱹ ᱞᱟᱦᱟᱭᱟᱠᱚ ᱟᱵᱚᱱᱟᱜᱟ ᱴᱷᱟᱶ,
ᱟᱭᱳ ᱠᱚᱠᱚ ᱪᱮᱫ ᱞᱮᱞᱷᱟᱱ ᱜᱤᱫᱽᱨᱟᱹ ᱢᱚᱱ ᱵᱮᱱᱟᱣ ᱾
ᱦᱟᱨᱟᱠᱚᱠᱚ ᱜᱤᱫᱽᱨᱟᱹ ᱟᱭᱳ,
ᱱᱟᱯᱟᱭ ᱨᱮᱱᱠᱚ ᱱᱟᱯᱟᱭᱚᱜ
ᱟᱫᱚ ᱵᱟᱵᱚᱱ ᱦᱟᱥᱟᱣᱠᱮᱭᱟ ᱡᱟᱦᱟᱸᱭᱟᱜ ᱥᱟᱸᱛᱟᱣ,
ᱟᱭᱳ ᱠᱚᱠᱚ ᱪᱮᱫ ᱞᱮᱠᱷᱟᱱ ᱜᱤᱫᱽᱨᱟᱹ ᱢᱚᱱ ᱵᱮᱱᱟᱣ᱾
ᱚᱱᱟ ᱞᱟᱹᱜᱤᱫ ᱫᱮᱵᱚᱱ ᱞᱚᱞᱚᱜ,
ᱪᱮᱫ ᱟᱠᱚᱵᱱ ᱟᱹᱠᱤᱞ ᱟᱞᱚᱜ ᱾
ᱠᱩᱲᱤ ᱜᱤᱫᱽᱨᱟᱹ ᱡᱟᱹᱛ ᱠᱚ ᱞᱟᱦᱟᱭ, ᱵᱤᱜᱷᱤᱱ ᱠᱚ ᱱᱟᱥᱟᱣ,
ᱚᱞᱚᱜ ᱫᱮᱵᱚᱱ ᱪᱮᱫ ᱟᱠᱚᱣᱟ ᱠᱚᱲᱟ ᱜᱤᱫᱽᱨᱟᱹ ᱥᱟᱶ !
ᱚᱞ ᱛᱮᱜᱮ ᱵᱚᱱ ᱪᱤᱠᱟᱸᱲᱚᱜᱼᱟ,
ᱫᱤᱥᱳᱢ ᱨᱮᱵᱚᱱ ᱨᱟᱠᱟᱵᱚᱜᱼᱟ !ᱹ
ᱠᱩᱲᱤᱼᱠᱚᱲᱟ ᱡᱚᱛᱚᱠᱚ ᱜᱮ ᱚᱞᱵᱚ ᱥᱟᱨᱦᱟᱣ,
ᱠᱩᱨᱩᱢᱩᱴᱩ ᱛᱮ ᱡᱚᱛᱚᱠᱚ ᱜᱮ ᱫᱮᱥᱮ ᱵᱚᱱ ᱯᱟᱲᱦᱟᱣ ᱾
ᱵᱮᱸᱜᱮᱫᱽ ᱢᱟᱥᱮ ᱢᱤᱫ ᱫᱷᱟᱣ,
ᱦᱚᱦᱟᱜᱼᱦᱟᱨᱚᱱ ᱵᱟᱵᱚᱱ ᱥᱟᱦᱟᱣ,
ᱞᱟᱦᱟᱭ ᱞᱟᱹᱜᱤᱫ ᱫᱤᱥᱳᱢ ᱨᱮ ᱟᱵᱚᱣᱟᱜ ᱴᱷᱟᱶ,
ᱚᱨᱮ ᱼ ᱴᱤᱠᱩᱨ ᱠᱩᱲᱤᱼᱠᱚᱲᱟ ᱫᱮᱥᱮ ᱵᱚᱱ ᱯᱟᱲᱦᱟᱣ ᱿
ᱨᱟᱠᱟᱵᱚᱜ
ᱵᱷᱟᱨᱚᱛ ᱨᱮᱱ ᱜᱚᱼᱵᱟᱵᱟ !
ᱱᱟᱶᱟᱼᱱᱟᱶᱟ ᱦᱚᱨᱵᱚ ᱥᱟᱵᱟ;
ᱵᱟᱝᱠᱷᱟᱱ ᱫᱷᱟᱹᱨᱛᱤ ᱨᱮ ᱳᱠᱳᱜ ᱛᱟᱵᱚᱱ ᱴᱷᱟᱶ ᱾
ᱠᱟᱹᱢᱤ ᱛᱟᱵᱚ ᱦᱤᱨᱤᱡ ᱯᱟᱹᱥᱤᱨ
ᱜᱚᱴᱟᱭ ᱞᱟᱹᱜᱤᱫ ᱟᱵᱚᱼᱟᱹᱠᱷᱤᱨ,
ᱫᱤᱥᱳᱢ ᱨᱮᱭᱟᱜ ᱥᱟᱱᱟᱢ ᱠᱟᱹᱢᱤ ᱫᱮᱵᱚ ᱥᱟᱢᱴᱟᱣ ᱿
ᱵᱟᱰᱟᱭ ᱠᱟᱛᱮ ᱪᱟᱜ ᱵᱚ ᱛᱮᱛᱷᱟᱜ?
ᱧᱩᱛ ᱛᱟᱭᱚᱢ ᱱᱚᱜᱼᱚᱭ ᱥᱮᱛᱟᱜ!
ᱟᱫᱳᱵᱳ ᱩᱨᱩᱢ ᱛᱟᱵᱚ ᱟᱵᱚᱱᱟᱜ ᱫᱤᱥᱳᱢ ᱾
ᱟᱵᱚᱛᱮᱜᱮ ᱨᱮᱸᱜᱮᱡᱼᱨᱟᱵᱟᱝ
ᱞᱟᱜᱟᱭᱟᱵᱚ, ᱦᱮᱸ ᱥᱮ ᱵᱟᱝ ?
ᱟᱵᱚ ᱛᱮᱵᱚ ᱤᱥᱤᱱᱟ, ᱟᱵᱚᱛᱮᱵᱚ ᱡᱚᱢ ᱿
ᱫᱮᱞᱟᱵᱚᱱ ᱦᱩᱫᱟᱹᱼᱦᱩᱫᱟᱹ,
ᱪᱮᱫᱟᱵᱳᱱ ᱜᱩᱱ ᱵᱤᱨᱫᱟᱹ,
ᱜᱩᱱ ᱵᱤᱨᱫᱟᱹ ᱵᱮᱜᱳᱨ ᱡᱟᱦᱟᱸᱭ ᱵᱟᱠᱚ ᱢᱟᱨᱟᱝᱳᱜ ᱾
ᱢᱩᱡ ᱞᱮᱠᱟ ᱡᱷᱩᱨᱩᱠᱼᱡᱷᱩᱨᱩᱠ
ᱠᱟᱹᱢᱤ ᱨᱮ ᱫᱮ ᱵᱚᱱ ᱢᱩᱨᱩᱠ,
ᱛᱤᱢᱤᱱ ᱫᱤᱱᱵᱚ ᱛᱟᱦᱮᱸᱠᱚᱜ ᱜᱟᱹᱭ ᱛᱟᱭᱚᱢ ᱠᱳᱸᱜ ?
ᱞᱮᱠᱷᱟᱼᱞᱮᱠᱷᱟ ᱥᱟᱱᱟᱢ ᱦᱚᱲ
ᱥᱮᱬᱟ ᱭᱟᱵᱚ ᱨᱟᱡᱽᱼᱨᱚᱲ
ᱨᱟᱡᱽᱼᱨᱚᱲ ᱨᱟᱠᱟᱵ ᱞᱟᱹᱜᱤᱫ ᱫᱮᱵᱚ ᱠᱩᱨᱩᱢᱩᱴᱩᱜ ᱾
ᱡᱟᱱᱟᱢ ᱨᱟᱲ ᱦᱚᱸ ᱟᱫᱚ ᱮᱱᱛᱮ
ᱵᱟᱵᱚ ᱦᱤᱲᱤᱧ ᱚᱱᱟ ᱢᱮᱱᱛᱮ
ᱦᱟᱨᱟᱜ ᱛᱟᱵᱚ ᱫᱤᱞᱼᱫᱟᱲᱮ ᱫᱷᱟᱹᱨᱛᱤ ᱨᱮᱵᱚ ᱞᱟᱹᱴᱩᱜ ᱿
ᱫᱷᱟᱹᱨᱛᱤ ᱨᱮ ᱪᱤᱠᱟᱹᱬ ᱟᱲᱟᱝ
ᱩᱫᱩᱜ ᱞᱮᱫ ᱵᱚ ᱟᱵᱚ ᱢᱟᱬᱟᱝ
ᱱᱤᱛ ᱫᱚ ᱵᱚ ᱯᱟᱱᱫᱚᱞᱚᱜᱼᱟ ᱳᱠᱟ ᱥᱟᱡᱟᱣ ᱛᱮ ?
ᱱᱷᱟᱜ ᱠᱚ ᱧᱩᱢ ᱯᱩᱨᱩᱵᱽᱼᱯᱟᱹᱪᱷᱤᱢ;
ᱪᱤᱠᱟᱹᱬ ᱛᱟᱠᱚ ᱟᱸᱜᱚᱵ ᱟᱹᱪᱷᱤᱢ;
ᱚᱱᱟ ᱧᱩᱢ ᱱᱤᱛ ᱫᱚᱵᱚ ᱛᱟᱞᱚᱢ ᱛᱟᱠᱚ ᱦᱮ ᱿
ᱛᱚᱦᱚᱫ ᱛᱟᱹᱠᱤᱫ ᱵᱟᱵᱚᱱ ᱵᱟᱛᱟᱣ,
ᱞᱟᱦᱟᱜ ᱟᱵᱚ ᱧᱩᱛᱩᱢ ᱦᱟᱛᱟᱞᱣ,
ᱮᱭᱟᱭ ᱨᱮᱫᱚ ᱵᱟᱵᱚ ᱫᱷᱤᱨᱚᱜ ᱯᱩᱨᱟᱹᱣᱟᱵᱚ ᱜᱮᱞ ᱾
ᱟᱵᱚᱱᱟᱜ ᱫᱩᱞᱟᱹᱲ ᱠᱷᱟᱹᱛᱤᱨ,
ᱫᱤᱥᱳᱢ ᱡᱷᱟᱹᱱᱰᱤ ᱦᱤᱯᱤᱲᱼᱦᱤᱯᱤᱲ,
ᱪᱮᱨᱪᱷᱟ ᱜᱮᱵᱳᱱ ᱫᱚᱦᱚᱠᱟᱜᱼᱟ, ᱫᱷᱟᱹᱨᱛᱤ ᱦᱚᱲ ᱠᱚ ᱧᱮᱞ ᱿
ᱢᱟᱨᱟᱝᱚᱜ
ᱥᱩᱯᱩᱞᱩᱠ ᱢᱟᱞᱟ ᱜᱩᱛᱩᱭᱟᱵᱚ ᱫᱮᱞᱟ !
ᱦᱚᱨᱚᱜᱟᱵᱚ ᱵᱚᱭᱦᱟ ! ᱢᱤᱫ ᱜᱚᱴᱟᱝ ᱾
ᱫᱮᱞᱟ ᱦᱟᱨᱮᱼᱯᱷᱟᱨᱮ ᱫᱷᱟᱹᱨᱛᱤ ᱥᱚᱵᱦᱟᱠᱚᱨᱮ
ᱢᱟᱞᱟ ᱨᱮᱭᱟᱜ ᱥᱮᱵᱮᱞ ᱥᱚ ᱵᱚ ᱚᱴᱟᱝ᱿
ᱵᱟᱹᱲᱤᱡ ᱡᱟᱞᱟ ᱨᱮ ᱟᱵᱚᱱ ᱛᱟᱞᱟ ᱨᱮ
ᱨᱮᱴᱷᱟᱨᱤᱴᱷᱤᱼᱤᱛᱟᱹ ᱫᱮᱵᱚᱱ ᱢᱟᱨᱚᱛ ᱿
ᱨᱚᱲ ᱞᱟᱸᱫᱟ ᱨᱮ ᱯᱟᱥᱠᱟ ᱯᱷᱟᱸᱫᱟ ᱨᱮ
ᱵᱚᱭᱦᱟ ! ᱫᱤᱥᱟᱹᱭ ᱢᱟᱵᱚ ᱫᱩᱞᱟᱹᱲ ᱵᱷᱟᱨᱚᱛ ᱿
ᱫᱤᱥᱳᱢ ᱡᱷᱟᱹᱱᱰᱤ ᱫᱮ ᱥᱟᱱᱟᱢ ᱴᱟᱹᱱᱰᱤ
ᱩᱫᱩᱜᱟᱵᱚ, ᱦᱚᱲᱠᱚ ᱵᱮᱸᱜᱮᱫ ᱱᱚᱛᱮ ᱾
ᱚᱲᱟᱜ ᱨᱮᱦᱚᱸ ᱵᱚᱭᱦᱟ ᱮᱴᱟᱜ ᱨᱮᱦᱚᱸ ᱵᱚᱭᱦᱟ
ᱛᱟᱦᱮᱸᱱᱟᱵᱚ ᱵᱚᱭᱦᱟ ᱠᱮᱱᱮᱠᱚᱛᱮ᱿
ᱥᱮᱬᱟᱭᱟᱵᱚ ᱚᱞᱚᱜ ᱜᱮᱭᱟᱱᱛᱮᱵᱚ ᱛᱚᱞᱚᱜ
ᱚᱞᱚᱜ ᱛᱮᱫᱚ ᱫᱮᱥᱮ ᱵᱚᱱ ᱡᱷᱟᱹᱱᱩᱜ᱾
ᱥᱮᱸᱜᱮᱞ ᱛᱮ ᱵᱟᱝ ᱞᱚᱜᱼᱟ ᱚᱦᱚ ᱦᱤᱲᱤᱧ ᱠᱚᱜᱼᱟ
ᱵᱤᱨᱫᱟᱹ ᱠᱷᱚᱱᱟᱜ ᱢᱟᱨᱟᱝ ᱫᱷᱚᱱ ᱫᱚ ᱵᱟᱹᱱᱩᱜ ᱿
ᱵᱟᱰᱟᱭ ᱠᱟᱛᱮ ᱚᱞᱚᱜ ᱡᱟᱦᱟᱸ ᱨᱮᱜᱮᱢ ᱵᱚᱞᱚᱜ
ᱚᱞᱚᱜ ᱨᱮᱭᱟᱜ ᱢᱟᱹᱱ ᱛᱟᱦᱮᱸᱱ ᱛᱟᱢᱟᱹᱱ᱾
ᱡᱤᱣᱤᱭ ᱢᱟᱨᱥᱟᱞᱟ ᱦᱚᱨ ᱮ ᱟᱨᱥᱟᱞᱟ
ᱚᱞᱚᱜ ᱵᱟᱰᱟᱭ ᱦᱚᱲᱮ ᱦᱳᱭᱳᱜ ᱥᱩᱢᱟᱹᱱ ᱿
ᱡᱟᱱᱟᱢ ᱨᱚᱲ
(᱑)
ᱟᱵᱚ ᱯᱟᱹᱨᱥᱤ ᱛᱮ ᱨᱚᱲ ᱡᱚᱝ
ᱟᱹᱰᱤ ᱨᱟᱹᱥᱠᱟᱹ ᱵᱩᱡᱷᱟᱹᱣᱜ, ᱫᱤᱞ ᱥᱮᱸᱜᱮᱞ ᱜᱮ ᱪᱳᱭ ᱚᱝ,
ᱟᱵᱚ ᱥᱮᱨᱮᱧ, ᱟᱵᱚ ᱨᱚᱲ,
ᱵᱟᱪᱚᱝ ᱦᱩᱰᱤᱧ, ᱵᱟᱵᱚ ᱱᱤᱫᱷᱟᱹᱱ ᱟᱵᱚ ᱦᱚᱲ
(᱒)
ᱚᱠᱛᱚ ᱯᱟᱨᱚᱢᱚᱜ ᱠᱟᱱ ᱯᱚᱲᱼᱯᱚᱲ;
ᱫᱮᱞᱟ ᱡᱚᱛᱚ ᱠᱚᱛᱮ ᱦᱟᱨᱟᱭᱛᱟᱵᱚ ᱟᱵᱚ ᱨᱚᱲ᱾
ᱠᱩᱨᱩᱢᱩᱴᱩ ᱛᱮ ᱫᱮᱵᱚ ᱚᱞ;
ᱮᱴᱟᱜ ᱵᱷᱟᱥᱟ ᱠᱷᱚᱱ ᱨᱚᱲᱛᱟᱵᱚ ᱫᱮᱵᱚ ᱨᱚᱞ᱿
(᱓)
ᱵᱷᱟᱥᱟ ᱥᱟᱜᱟᱲ ᱦᱚᱲᱟᱜ ᱠᱷᱤᱲᱠᱷᱤᱲ
ᱞᱟᱜᱟᱞᱟᱜᱟᱭᱛᱟᱢ ᱟᱢᱟᱜ ᱥᱟᱜᱟᱲ ᱟᱞᱚᱢ ᱛᱷᱤᱨ ᱾
ᱡᱟᱱᱟᱢ ᱨᱚᱲ ᱫᱚ ᱥᱟᱶᱦᱟᱭᱛᱟᱢ,
ᱡᱟᱱᱟᱢ ᱨᱚᱲ ᱨᱮᱜᱮ ᱥᱟᱹᱨᱤᱱ ᱨᱟᱹᱥᱠᱟᱹ ᱫᱚᱨᱮᱢ ᱧᱟᱢ ᱿
(᱔)
ᱮᱴᱟᱜ ᱦᱚᱲᱠᱚ ᱨᱮᱱᱟᱜ ᱥᱚᱨᱦᱚᱫᱽ,
ᱟᱵᱚᱣᱟᱜ ᱨᱚᱲ ᱦᱚᱸ ᱫᱮᱵᱚ ᱞᱟᱦᱟ ᱤᱫᱤ ᱦᱚᱫᱽ ᱾
ᱡᱤᱣᱤ ᱵᱟᱹᱲᱤᱡᱽ ᱪᱮᱫ ᱤᱧ ᱢᱮᱱ ?
ᱩᱫᱟᱹᱫᱟᱸᱜᱟᱲ ᱨᱮ ᱡᱟᱱᱟᱢ ᱨᱚᱲ ᱥᱤᱧ ᱛᱟᱦᱮᱸᱭᱮᱱ ᱿
ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ
ᱵᱟᱞᱮ ᱛᱚᱞᱟᱥ ᱟᱠᱟᱫ ᱢᱮᱭᱟ ᱟᱞᱮ ᱮᱠᱮᱱ ᱦᱚᱦᱟᱜ ᱦᱚᱲ,
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ !
ᱫᱷᱩᱨᱩᱼᱫᱷᱩᱨᱩ ᱩᱵ ᱠᱚᱛᱟᱢ,
ᱠᱮᱣᱮᱼᱰᱮᱰᱮ ᱦᱚᱲᱢᱚ ᱛᱟᱢ,
ᱢᱮᱱᱟᱜ ᱢᱮᱭᱟ ᱜᱮᱸᱫᱮᱞᱼᱴᱮᱯᱮᱞ ᱛᱤᱱᱟᱹᱜ ᱥᱮᱫᱟᱭ ᱠᱷᱚᱱ ᱪᱚ ᱦᱟᱭ!
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱦᱤᱲᱤᱧ ᱠᱟᱜ ᱢᱮ ᱱᱚᱶᱟ ᱴᱷᱟᱭ
ᱥᱩᱱᱩᱢᱼᱥᱩᱸᱫᱮᱫ ᱵᱟᱝ ᱧᱟᱯᱟᱢ,
ᱜᱚᱥᱚ ᱟᱠᱟᱱ ᱦᱚᱲᱢᱚ ᱛᱟᱢ,
ᱛᱤᱱᱟᱹᱜ ᱱᱤᱫᱷᱟᱱ ᱡᱟᱸᱫᱮᱼᱛᱟᱸᱫᱮ ᱢᱮᱱᱟᱜ ᱢᱮᱭᱟ ᱜᱤᱰᱤ ᱱᱟᱯᱚᱲ᱾
ᱟᱞᱚᱢ ᱜᱟᱨᱟ, ᱟᱞᱚᱢ ᱦᱚᱢᱚᱨ ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ ᱾
ᱨᱟᱜᱼᱮᱫ ᱠᱟᱱᱟᱢ ᱟᱫᱚ ᱪᱟᱜ?
ᱡᱤᱣᱤ ᱞᱚᱜ ᱠᱟᱱ ᱟᱞᱮᱭᱟᱜ,
ᱟᱞᱚᱢ ᱟᱹᱜᱩᱭ ᱢᱮᱫ ᱫᱟᱜ ᱥᱟᱹᱨᱤ ᱡᱩᱜᱩᱛ ᱢᱟᱱᱶᱟᱣᱟᱜ᱾
ᱩᱫᱠ ᱫᱚ ᱟᱫᱷᱤᱜ ᱛᱟᱢᱟ ᱥᱟᱱᱟᱢ ᱨᱚᱜᱚᱲ ᱜᱮ ᱡᱚᱣᱟᱜ ᱾
ᱨᱟᱜᱮᱫ ᱠᱟᱱᱟᱠᱚ ᱢᱟᱨᱟᱜ,
ᱫᱤᱥᱳᱢ ᱡᱟᱠᱮ ᱛᱷᱟᱨᱛᱷᱟᱨᱟᱜ᱾
ᱥᱟᱦᱟᱲᱚᱜᱼᱟ ᱱᱚᱣᱟ ᱧᱩᱛᱟᱹᱛ ᱪᱟᱸᱫᱚᱭ ᱨᱟᱠᱟᱵ ᱥᱮᱨᱢᱟ ᱨᱮ ᱾
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱡᱚᱛᱚᱱ ᱟᱫᱚᱢ ᱧᱟᱢᱟ ᱨᱮ ᱾
ᱡᱟᱹᱱᱤᱡ ᱟᱫᱚ ᱵᱟᱢ ᱞᱮᱸᱫᱟᱜ,
ᱡᱚᱨᱚᱣᱟᱢᱟ ᱵᱟᱦᱟ ᱫᱟᱜ᱾
ᱟᱢᱟᱜ ᱥᱚᱱᱚᱛ ᱥᱮᱵᱟ ᱨᱮᱞᱮ ᱛᱮᱸᱜᱳᱱ ᱠᱟᱱᱟ ᱥᱟᱸᱜᱮ ᱦᱚᱲ ᱾
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ᱾
ᱡᱟᱦᱟᱸᱱᱟᱜ ᱜᱮ ᱢᱤᱫ ᱫᱚᱥᱟ
ᱵᱟᱪᱚ ᱛᱟᱦᱮᱸᱱ ᱢᱤᱫ ᱨᱟᱥᱟ
ᱵᱳᱜᱮᱼᱵᱟᱹᱲᱤᱡ ᱚᱛᱚᱝ ᱛᱟᱭᱚᱢ ᱦᱤᱡᱩᱜ ᱥᱮᱱᱚᱜ ᱫᱷᱟᱹᱨᱛᱤ ᱨᱮ ᱾
ᱵᱳᱜᱮᱼᱵᱟᱹᱲᱤᱡ ᱨᱮᱭᱟᱜ ᱡᱟᱦᱟᱸᱱ ᱵᱟᱪᱚ ᱛᱟᱷᱮᱸᱱ ᱟᱹᱛ ᱛᱤᱻ ᱨᱮ ᱾
ᱟᱞᱮ ᱪᱮᱛᱟᱱ ᱫᱟᱭᱟᱣᱟᱱ
ᱟᱢ ᱵᱟᱝᱮᱢ ᱛᱟᱷᱮᱸᱱ ᱠᱷᱟᱱ,
ᱜᱩᱸᱜᱟᱹ ᱜᱮᱞᱮ ᱛᱟᱦᱮᱸ ᱠᱚᱜᱼᱟ ᱱᱩᱱᱟᱹᱜᱼᱱᱩᱱᱟᱹᱜ ᱱᱟᱯᱟᱭ ᱦᱚᱲ ᱾
ᱟᱢᱮᱢ ᱵᱚᱜᱮ ᱛᱚᱨᱟᱣ ᱠᱟᱞᱮᱢ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ !
ᱟᱢᱟᱜ ᱤᱧᱟᱹᱜ ᱫᱩᱯᱩᱞᱟᱹᱲ
ᱛᱟᱦᱮᱸ ᱚᱪᱚᱜ ᱠᱟᱲᱟᱼᱠᱟᱹᱲ
ᱡᱤᱣᱤᱼᱡᱤᱣᱤᱢ ᱛᱚᱯᱚᱞ ᱟᱠᱟᱱ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ ᱾
ᱚᱠᱚᱲᱼᱥᱚᱠᱚᱲ ᱥᱟᱱᱟᱢ ᱠᱚᱨᱮᱧ ᱫᱤᱥᱟᱹᱢᱮ ᱢᱟ ᱟᱹᱰᱤ ᱫᱚᱲ ᱾
ᱥᱩᱛᱟᱹᱢ ᱛᱟᱠᱚᱭ
ᱚᱲᱟᱜᱼᱚᱲᱟᱜ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ,
ᱟᱞᱟᱝ ᱦᱚᱸ ᱫᱟᱹᱭ ᱠᱷᱩᱲᱱᱤ ᱠᱟᱛᱮ ᱵᱟᱞᱟᱝ ᱛᱟᱦᱮᱸᱚᱜ᱾
ᱛᱩᱞᱟᱹᱢ ᱢᱮᱱᱟᱜ ᱦᱟᱸᱰᱟ ᱯᱮᱨᱮᱡ ᱫᱟᱥᱟᱸᱭ ᱵᱚᱸᱜᱟ ᱨᱮᱭᱟᱜ;
ᱟᱱᱟᱠ ᱨᱮ ᱟᱜ ᱢᱮᱱᱟᱜᱼᱟ ᱛᱩᱞᱟᱹᱢ ᱯᱤᱛᱟᱹᱫ ᱛᱮᱭᱟᱜ ᱾
ᱨᱤᱛ ᱯᱤᱛᱟᱹᱫ ᱠᱟᱛᱮ ᱛᱩᱞᱟᱹᱢ ᱥᱩᱛᱟᱹᱢ ᱫᱮᱞᱟᱝ ᱛᱟᱠᱚᱭ;
ᱥᱩᱛᱟᱹᱢ ᱫᱚᱞᱟᱝ ᱛᱟᱠᱚᱭ ᱡᱚᱝᱼᱟ, ᱫᱩᱥᱟᱹᱣ ᱞᱟᱝᱟᱭ ᱚᱠᱚᱭ,
ᱛᱩᱞᱟᱹᱢ ᱨᱮᱱᱟᱜ ᱥᱩᱛᱟᱹᱢ ᱛᱟᱠᱚᱭ ᱵᱟᱞᱟᱝ ᱟᱸᱡᱷᱟᱴᱚᱜ,
ᱚᱲᱟᱜᱼᱚᱲᱟᱜ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ᱾
ᱛᱟᱠᱚᱭ ᱥᱩᱛᱟᱹᱢ ᱨᱮᱭᱟᱜ ᱵᱟᱵᱟᱭ ᱛᱮᱧ ᱟᱞᱟᱝᱟ ᱠᱷᱟᱺᱰᱤ,
ᱵᱟᱸᱫᱮᱭᱟᱞᱟᱝ ᱞᱤᱥᱚᱭᱼᱞᱚᱥᱚᱭ ᱨᱟᱹᱥᱠᱟᱹᱜ ᱟᱞᱟᱝ ᱟᱹᱰᱤ ᱾
ᱥᱩᱛᱟᱹᱢ ᱛᱟᱠᱚᱭ ᱨᱮᱫᱚ ᱵᱟᱱᱩᱜ ᱡᱟᱦᱟᱸᱱ ᱞᱟᱡᱟᱣ ᱵᱚᱛᱚᱨ,
ᱵᱟᱞᱟᱝ ᱛᱟᱦᱮᱸᱱ ᱜᱮᱸᱫᱮᱞ ᱴᱮᱯᱮᱞ ᱛᱟᱠᱚᱭ ᱛᱮᱞᱟᱝ ᱛᱤᱠᱷᱚᱲ !
ᱠᱮᱴᱮᱡᱼᱠᱷᱟᱺᱰᱤ ᱛᱮᱞᱟᱝ ᱵᱟᱸᱫᱮᱱ ᱵᱟᱞᱟᱝ ᱟᱹᱲᱤᱥᱚᱜ,
ᱚᱲᱟᱜᱼᱚᱲᱟᱝ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ ᱾
ᱫᱩᱞᱟᱹᱲ ᱞᱮᱫᱟᱭ ᱛᱟᱠᱚᱭ ᱠᱟᱹᱢᱤ ᱜᱟᱹᱱᱫᱷᱤ ᱵᱟᱵᱟ ᱛᱟᱵᱚᱱ,
ᱛᱟᱠᱚᱭ ᱛᱩᱞᱩᱡ ᱥᱟᱹᱫᱷᱤᱱ ᱠᱮᱫᱟᱭ ᱫᱩᱞᱟᱹᱲ ᱫᱤᱥᱳᱢ ᱛᱟᱵᱚᱱ᱾
ᱟᱞᱟᱝ ᱞᱟᱹᱜᱤᱫ ᱠᱩᱲᱟᱹᱣ ᱠᱟᱛᱮ ᱦᱚᱲ ᱞᱟᱝ ᱮᱢᱟ ᱠᱚᱣᱟ,
ᱫᱚᱞᱮᱭᱟᱛᱮ ᱛᱟᱠᱚᱭ ᱞᱟᱝ ᱥᱮᱨᱮᱧᱟᱞᱟᱝ ᱱᱚᱶᱟ ᱾
ᱚᱲᱟᱜᱼᱚᱲᱟᱜ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ,
ᱥᱩᱛᱟᱹᱢ ᱫᱮᱞᱟᱝ ᱛᱟᱠᱚᱭ ᱡᱚᱝᱼᱟ ᱵᱟᱞᱟᱝ ᱟᱹᱲᱤᱥᱚᱜ᱾
Writer-saroda Prasad kisku
Onodhen puthi Bhurka ipil
ᱱᱟᱶᱟ ᱫᱷᱩᱲᱤ ᱫᱷᱹᱨᱛᱤ ᱡᱚᱞᱟ
ᱡᱤᱵᱟᱹ ᱯᱮᱨᱮᱡ ᱟᱸᱪᱚᱞᱟ,
ᱚᱠᱚᱭ ᱵᱟᱵᱟᱢ ᱥᱤᱨᱡᱟᱣ ᱟᱠᱟᱫ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ
ᱜᱟᱰᱟ, ᱵᱮᱰᱟ, ᱵᱤᱨ, ᱵᱩᱨᱩ,
ᱡᱤᱵᱟ ᱞᱟᱹᱜᱤᱫ ᱫᱩᱨᱩᱼᱫᱩᱨᱩ
ᱚᱠᱚᱭ ᱵᱟᱵᱟᱢ ᱥᱤᱨᱡᱟᱣ ᱟᱠᱟᱫ
ᱩᱱᱤ ᱵᱟᱵᱟ ᱡᱚᱦᱟ ᱨ ᱟᱛᱟᱝ ᱢᱮ
ᱞᱟᱸᱫᱟᱭ ᱞᱮᱠᱟ ᱢᱩᱞᱩᱡᱼᱢᱩᱞᱩᱡ
ᱥᱮᱨᱢᱟ ᱤᱯᱤᱞ ᱡᱩᱞᱩᱫ ᱼᱡᱩᱞᱩᱫ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱥᱤᱧ ᱧᱤᱸᱫᱟᱹᱭ ᱞᱟᱹᱜᱤᱫ ᱪᱟᱸᱫᱳ
ᱡᱤᱣᱤ ᱥᱩᱥᱟᱨ ᱞᱟᱹᱜᱤᱫ ᱨᱟᱱᱫᱳ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱨᱮᱸᱜᱮᱡ ᱛᱮᱛᱟᱝ ᱡᱚᱠᱷᱚᱱ ᱡᱚᱢᱟᱜ –
ᱧᱩᱣᱟᱜ ᱧᱟᱢᱚᱜ ᱚᱠᱚᱭ ᱮᱢᱟᱜ
ᱚᱠᱚᱭ ᱵᱟᱵᱟᱢ ᱮᱢᱚᱜ ᱠᱟᱱᱟ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱜᱚ, ᱵᱟᱵᱟ, ᱫᱟᱫᱟ, ᱫᱟᱹᱭ
ᱦᱚᱦᱚ ᱵᱟᱲᱟᱭ ᱱᱟᱯᱟᱭ ᱥᱟᱹᱜᱟᱹᱭ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ !
ᱡᱤᱣᱤ ᱨᱟᱲᱮᱡ ᱛᱤᱨᱭᱚ ᱵᱟᱱᱟᱢ
ᱥᱚᱨᱚᱥ ᱡᱟᱱᱟᱢ ᱢᱟᱱᱶᱟ ᱡᱟᱱᱟᱢ
ᱚᱠᱚᱭ ᱵᱟᱵᱟᱢ ᱮᱢ ᱟᱠᱟᱱ
ᱩᱱᱤ ᱵᱟᱵᱟ ᱡᱚᱦᱟᱨ ᱟᱛᱟᱝ ᱢᱮ!
ᱡᱟᱱᱟᱢ ᱫᱤᱥᱟᱹᱢ
ᱵᱮᱸᱜᱮᱫᱟᱜ ᱢᱮ ᱪᱟᱹᱦᱤ ᱛᱤᱱᱟᱜ ᱱᱟᱯᱟᱭ ᱥᱟᱹᱦᱤ
ᱟᱵᱚ ᱡᱟᱱᱟᱢ ᱫᱤᱥᱟᱹᱢ ᱧᱮᱞᱚᱜ ᱠᱟᱱᱟ,
ᱵᱤᱨᱼᱵᱩᱨᱩᱼᱳᱛᱮᱛ ᱜᱟᱰᱟᱼᱵᱮᱰᱟᱼᱠᱷᱮᱛ
ᱥᱟᱱᱟᱢ ᱠᱚᱜᱮ ᱧᱮᱧᱮᱞ ᱥᱟᱱᱟ ᱟᱹᱰᱤ!
ᱥᱟᱸᱜᱮ ᱥᱩᱜᱟᱹᱣᱟᱱᱟᱜ ᱱᱟᱹᱭ ᱜᱟᱰᱟ ᱢᱮᱱᱟᱜ
ᱱᱚᱣᱟ ᱫᱤᱥᱟᱹᱢ ᱨᱮ ᱟᱹᱰᱤ ᱩᱛᱟᱹᱨ ;
ᱮᱛᱚᱢᱼᱠᱚᱧᱮᱸ ᱥᱮᱡ ᱢᱮᱱᱟᱜ ᱠᱷᱮᱱᱮ ᱠᱷᱮᱡ
ᱢᱮᱞᱟᱱ ᱚᱛᱮᱛ ᱦᱟᱥᱟ ᱟᱵᱚ ᱥᱩᱥᱟᱹᱨ !
ᱱᱚᱰᱮ ᱢᱮᱱᱟᱜ ᱟᱛᱷᱟᱱ ᱢᱚᱸᱡᱽᱼᱢᱚᱸᱡᱽ ᱵᱟᱛᱷᱟᱱ
ᱟᱫᱚᱢ ᱠᱚᱨᱮ ᱢᱮᱱᱟᱜ ᱱᱟᱜᱽᱨᱟᱦᱟ ;
ᱱᱟᱱᱟ ᱦᱩᱱᱟᱹᱨ ᱫᱟᱨᱮ ᱢᱮᱱᱟᱜ ᱛᱷᱟᱨᱮᱼᱛᱷᱟᱨᱮ
ᱥᱤᱧ ᱧᱤᱸᱫᱟᱹ ᱵᱟᱦᱟᱜ ᱥᱚᱣᱟᱱ ᱵᱟᱦᱟ
ᱡᱟᱦᱟᱸ ᱛᱮᱜᱮᱢ ᱥᱮᱱᱚᱜ ᱱᱩᱱᱟᱹᱜ ᱥᱤᱨᱤᱭᱟᱱᱟᱜ
ᱫᱤᱥᱟᱹᱢ ᱚᱦᱚ ᱜᱮᱢ ᱧᱟᱢ ᱞᱮᱭᱟ ;
ᱡᱟᱱᱟᱢᱼᱟᱭᱳᱼᱫᱩᱞᱟᱹᱲ, ᱟᱯᱬᱮᱭᱟᱜ ᱡᱟᱹᱲ,
ᱳᱴᱟᱝ ᱜᱚᱫᱚᱜ ᱛᱟᱢᱟ ᱢᱚᱱᱮ ᱜᱚᱥᱚ ᱟᱢᱟᱜ
ᱟᱡᱛᱮ ᱞᱤᱸᱜᱤᱜ ᱛᱟᱢᱟ ᱨᱟᱹᱥᱠᱟᱹ ᱞᱚᱲᱮ,
ᱚᱠᱟᱨᱮ ᱦᱚᱸ ᱟᱢ ᱟᱫᱚ ᱵᱟᱝᱮᱢ ᱧᱟᱢ
ᱱᱚᱝᱠᱟ ᱨᱟᱹᱥᱠᱟ ᱟᱨ ᱫᱤᱞ ᱫᱟᱲᱮ!
ᱠᱚᱭᱡᱚᱝ
ᱟᱸᱜᱟ ᱛᱳᱨᱟ ᱵᱮᱨᱫ ᱠᱟᱛᱮ ᱫᱤᱱᱟᱹᱢ ᱱᱚᱣᱟᱧ ᱢᱮᱱᱟ –
ᱪᱟᱸᱫᱳ ᱵᱟᱵᱟ ! ᱟᱢᱟᱜ ᱫᱩᱞᱟᱹᱲ ᱤᱧᱤᱧ ᱧᱟᱢᱮᱫ ᱠᱟᱱᱟ !
ᱟᱢᱟᱜ ᱟᱹᱰᱤ ᱫᱟᱭᱟ ᱛᱮᱜᱮ ᱤᱧᱟᱹᱜ ᱱᱚᱶᱟ ᱡᱟᱱᱟᱢ,
ᱟᱱᱚᱡ ᱟᱠᱟᱫ ᱛᱤᱧᱟᱢ ᱤᱧᱟᱜ ᱵᱚᱜᱮᱼᱵᱟᱹᱲᱤᱡ ᱥᱟᱱᱟᱢ!
ᱟᱢᱟᱜ ᱫᱟᱭᱟ ᱜᱮᱭᱤᱧ ᱧᱮᱞᱟ ᱡᱟᱦᱟᱸ ᱥᱮᱱᱤᱧ ᱵᱮᱸᱜᱮᱫᱽ,
ᱩᱱ ᱜᱮ ᱟᱢᱟᱜ ᱤᱧ ᱪᱮᱛᱟᱱ ᱫᱩᱞᱟᱹᱲ ᱛᱟᱢᱤᱧ ᱟᱸᱜᱮᱫᱽ!
ᱟᱢᱟᱮᱢ ᱟᱪᱩᱭᱮᱠᱟᱱ ᱛᱮᱲᱚᱝ ᱵᱮᱞᱟᱭ ᱨᱟᱠᱟᱵ ᱠᱟᱱ,
ᱥᱤᱧ ᱢᱟ ᱧᱤᱸᱫᱟᱹ ᱵᱮᱱᱟᱣ ᱠᱟᱛᱮ ᱨᱟᱸᱛᱮᱢ ᱮᱢᱚᱜ ᱠᱟᱱ !
ᱫᱟᱜ ᱫᱤᱱᱮ ᱫᱟᱜ ᱨᱤᱢᱤᱞ ᱟᱢᱟᱜ ᱟᱹᱪᱩᱛᱮᱜᱮ,
ᱞᱚᱞᱚ ᱨᱟᱵᱟᱝ ᱚᱛᱚᱝᱼᱛᱟᱭᱚᱢ ᱟᱢ ᱜᱮᱪᱚᱢ ᱛᱚᱸᱜᱮ !
ᱟᱢᱟᱜ ᱟᱹᱪᱩ ᱟᱸᱡᱚᱢ ᱠᱟᱛᱮ ᱤᱯᱤᱞ ᱠᱚᱠᱚ ᱨᱟᱠᱟᱵ,
ᱧᱤᱫᱟᱹ ᱪᱟᱸᱫᱚᱭ ᱮᱢᱚᱜ ᱠᱟᱱᱟ ᱱᱩᱱᱟᱜ ᱨᱮᱭᱟᱲ ᱨᱟᱱᱴ!
ᱧᱟᱢᱟᱠᱟᱣᱱᱤᱧ ᱡᱚᱛᱚ ᱯᱮᱲᱟᱼᱯᱨᱟᱵᱷᱟ ᱜᱟᱛᱮ,
ᱟᱢᱟᱜ ᱫᱟᱭᱟ ᱫᱩᱞᱟᱹᱲ ᱛᱮᱜᱮ ᱤᱧ ᱫᱚ ᱠᱮᱱᱮ ᱠᱚᱛᱮ !
ᱡᱚᱦᱟᱨ ᱪᱟᱸᱫᱳ ᱵᱟᱵᱟ ! ᱟᱛᱟᱝ ᱛᱤᱧ ᱢᱮ ᱡᱚᱦᱟᱨ,
ᱫᱤᱱᱟᱹᱢ ᱦᱤᱞᱚᱜ ᱩᱫᱩᱜ ᱟᱹᱧ ᱢᱮ ᱮᱠᱮᱱ ᱵᱳᱜᱮ ᱰᱟᱦᱟᱨ!
ᱨᱮᱸᱜᱮᱡᱼᱚᱲᱮᱡᱼᱴᱩᱣᱟᱹᱨ ᱟᱡᱟᱨ, ᱜᱩᱛᱤ ᱠᱟᱹᱲᱢᱤ ᱮᱢᱟᱱ,
ᱥᱮᱵᱮᱞᱟᱠᱚ ᱞᱟᱹᱜᱤᱫ ᱫᱟᱲᱮ ᱛᱟᱦᱮᱱ ᱛᱤᱧ ᱢᱟ ᱛᱟᱢᱟᱱ!
ᱥᱮᱛᱟᱜ
ᱥᱮᱛᱟᱜ ᱮᱱᱟ, ᱢᱚᱦᱮᱸᱭᱮᱱᱟ ᱱᱟᱱᱟ ᱦᱩᱱᱟᱹᱨ ᱵᱟᱦᱟ,
ᱟᱸᱡᱚᱢ ᱮᱱᱟ ᱡᱤᱣᱤ ᱨᱮᱭᱟᱲ ᱱᱮᱦᱚᱨ ᱥᱮᱨᱮᱧ ᱨᱟᱦᱟ !
ᱫᱟᱹᱠᱷᱤᱱ ᱥᱮᱱᱟᱜ ᱦᱤᱥᱤᱫ ᱦᱚᱭᱛᱮ ᱵᱟᱦᱟ ᱦᱤᱞᱟᱜ ᱠᱟᱱᱟ,
ᱵᱟᱦᱟ ᱨᱮᱭᱟᱜ ᱥᱮᱵᱮᱞ ᱥᱚ ᱛᱮ ᱳᱴᱟᱝ ᱦᱤᱡᱩᱜ ᱠᱟᱱᱟ !
ᱟᱫᱚᱢ ᱦᱚᱲᱟᱜ ᱥᱟᱲᱤᱢ ᱨᱮᱠᱚ ᱨᱟᱜᱮᱰ ᱠᱟᱱᱟ ᱠᱟᱹᱦᱩ
ᱜᱚᱲᱟ ᱨᱮᱠᱚ ᱵᱷᱚᱸᱠᱨᱟᱣᱮᱫ ᱛᱚᱞ ᱜᱟᱹᱭ ᱟᱨ ᱢᱤᱦᱩᱸ ᱾
ᱦᱤᱱᱟᱹᱼᱱᱤᱭᱟᱹ ᱫᱟᱨᱮ ᱛᱮᱠᱚ ᱩᱰᱟᱹᱜ ᱠᱟᱱᱟ ᱪᱮᱬᱮᱸ,
ᱥᱮᱴᱟ ᱦᱚᱯᱚᱱ ᱨᱟᱪᱟ ᱨᱮᱠᱚ ᱱᱩᱱᱩᱭᱮᱫ ᱛᱮᱜᱮᱼᱛᱮᱲᱮ᱿
ᱮᱵᱷᱮᱱ ᱛᱳᱨᱟ ᱞᱚᱴᱟ ᱫᱟᱜᱼᱜᱩᱨᱤᱡ ᱟᱛᱮ ᱛᱤ ᱨᱮ ᱾
ᱵᱟᱹᱦᱩ ᱠᱚᱠᱚ ᱢᱚᱸᱰᱞᱤᱭᱮᱫ ᱫᱩᱣᱟᱹᱨ ᱜᱟᱹᱱᱟᱹᱰᱤ ᱨᱮ ᱿
ᱵᱟᱦᱟ ᱨᱟᱥᱟ ᱪᱮᱯᱮᱡ ᱞᱟᱹᱜᱤᱫ ᱧᱮᱞᱮ ᱫᱟᱱᱟᱫᱟᱹᱱᱤ,
ᱯᱟᱸᱡᱟ ᱵᱟᱰᱟᱭᱟᱜ ᱵᱟᱦᱟ ᱥᱟᱲᱟᱜ ᱯᱚᱨᱟᱭᱱᱤ ᱿
ᱥᱮᱛᱟᱜ ᱵᱮᱞᱟ ᱧᱩᱢ ᱠᱟᱛᱮ ᱥᱚᱱᱚᱛ ᱪᱟᱸᱫᱚ ᱧᱩᱛᱩᱢ ᱾
ᱠᱟᱹᱢᱤ ᱨᱮᱵᱚᱱ ᱫᱷᱩᱨᱟᱹᱣ ᱠᱚᱜᱼᱟ ᱫᱮᱞᱟ ᱩᱲᱩᱢᱼᱥᱩᱲᱩᱢ ᱿
ᱥᱮᱛᱟᱜ ᱵᱮᱞᱟ ᱡᱟᱸᱦᱟᱱ ᱠᱟᱹᱢᱤ ᱫᱮᱵᱚᱱ ᱠᱟᱹᱢᱤ ᱡᱤᱛᱟᱹᱣ,
ᱮᱸᱰᱮᱭᱟᱱᱟ ᱫᱷᱤᱱᱟᱹᱱ ᱵᱮᱞᱟ ᱨᱟᱹᱥᱠᱟᱹ ᱛᱮᱵᱚᱱ ᱵᱤᱛᱟᱹᱣ ᱿
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ
ᱥᱮᱴᱮᱨ ᱟᱠᱟᱱ ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱫᱤᱥᱳᱢ ᱨᱮᱫᱚ ᱧᱮᱞ ᱢᱮᱥᱮ ᱦᱳ,
ᱛᱮᱦᱮᱧ ᱫᱤᱱᱟᱜ ᱛᱟᱠ ᱛᱚᱨᱚᱢ ;
ᱟᱯᱟᱱ ᱫᱟᱲᱮ ᱦᱚᱲᱠᱚ ᱢᱮᱱᱮᱫ
ᱚᱛᱮᱼ‘ᱵᱚᱱᱫᱮ ᱢᱟᱛᱨᱟᱢ’ ᱾
ᱥᱟᱹᱜᱩᱱ ᱟᱱᱟᱜ ᱥᱟᱠᱣᱟ ᱥᱟᱰᱮ
ᱦᱟᱱᱛᱮᱼᱱᱷᱟᱛᱮ ᱜᱷᱟᱹᱲᱤᱼᱜᱷᱟᱹᱲᱤ
‘ᱵᱚᱱᱫᱮ ᱢᱟᱛᱨᱟᱢ’ – ᱤᱧ ᱢᱮᱱᱟ
ᱳᱰᱚᱜ ᱠᱟᱛᱮ ᱤᱧ ᱯᱟᱹᱨᱤ ᱾
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱛᱤᱨᱮ ᱛᱟᱠᱚ ᱫᱤᱥᱚᱢᱼᱡᱷᱟᱹᱱᱰᱤ
ᱦᱤᱯᱤᱲᱼᱦᱤᱯᱤᱲ ᱯᱮᱻᱨᱚᱝᱟᱜ;
ᱫᱤᱥᱚᱢ ᱥᱚᱱᱚᱛ ᱨᱮᱭᱟᱜ ᱥᱮᱨᱮᱧ
ᱥᱮᱨᱢᱟ ᱥᱟᱨᱮᱲ ᱟᱲᱟᱝ ᱨᱟᱶᱟᱜ ᱾
ᱪᱟᱵᱟ ᱩᱛᱟᱹᱨ ᱟᱠᱟᱱ ᱛᱮᱦᱮᱧ
ᱛᱟᱯᱟᱢ, ᱜᱚᱯᱚᱡ, ᱠᱷᱟᱹᱯᱟᱹᱨᱤ;
ᱫᱤᱥᱚᱢ ᱛᱟᱵᱚᱱ ᱵᱩᱡᱷᱟᱣᱚᱜ ᱠᱟᱱᱟ
ᱥᱮᱨᱢᱟ ᱯᱩᱨᱤ ᱵᱟᱨᱟᱵᱟᱹᱨᱤ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ!
ᱵᱟᱦᱟ ᱥᱟᱠᱟᱢ ᱦᱤᱥᱤᱨ ᱛᱮᱠᱚ
ᱥᱟᱡᱟᱣ ᱟᱠᱟᱫ ᱱᱟᱜᱽᱨᱟᱦᱟ;
ᱛᱤᱱᱟᱹᱜ ᱱᱟᱯᱟᱭ ᱟᱹᱛᱩ ᱫᱤᱥᱚᱢ
ᱧᱮᱞᱚᱜ ᱠᱟᱱᱟ ᱟᱼᱦᱟᱼᱦᱟ !
ᱷᱤᱲᱤᱧ ᱩᱛᱟᱹᱨ ᱟᱠᱟᱱ ᱛᱮᱦᱮᱧ
ᱫᱷᱚᱱᱼᱫᱩᱨᱤᱵ ᱟᱨ ᱛᱟᱹᱨᱤ;
ᱛᱮᱦᱮᱧ ᱫᱚᱠᱚ ᱵᱷᱮᱭᱟᱱ ᱟᱠᱟᱱ
ᱨᱮᱸᱜᱮᱡ, ᱠᱤᱥᱟᱹᱬ ᱵᱮᱯᱟᱨᱤ !
ᱤᱥᱤ ᱛᱩᱨᱩᱭᱼᱡᱟᱱᱣᱟᱹᱨᱤ
ᱛᱮᱦᱮᱧ ᱫᱤᱱᱟᱹᱜ ᱨᱟᱹᱥᱠᱟᱹ ᱛᱤᱱᱟᱹᱜ,
ᱠᱩᱥᱵᱤ ᱵᱟᱦᱟ ᱦᱟᱸᱥᱜᱮ ᱦᱤᱞᱟᱹᱜ !
ᱜᱟᱰᱟᱠᱚᱨᱮᱱ ᱦᱟᱠᱳ ᱠᱚ ᱦᱚᱸ
ᱨᱟᱹᱥᱠᱟᱹ ᱛᱮᱠᱚ ᱪᱷᱤᱞᱵᱤᱞᱟᱹᱜ !
ᱤᱧ ᱜᱮ ᱜᱚᱥᱚᱧ ᱛᱟᱦᱮᱸᱭᱮᱱᱟ
ᱛᱮᱦᱮᱧ ᱦᱤᱞᱚᱜ ? ᱦᱮᱸ ᱥᱟᱹᱨᱤ !
ᱛᱤᱱᱟᱹᱜ ᱟᱫᱚᱢ ᱨᱟᱹᱥᱠᱟᱹ ᱡᱚᱝᱟ ?
ᱤᱧ ᱫᱚ ᱟᱹᱰᱤ ᱱᱟᱪᱟᱨᱤᱡ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱞᱟᱹᱭᱮᱫ ᱠᱟᱹᱱᱟᱹᱧ ᱛᱮᱦᱮᱧ ᱪᱮᱫᱟᱜ
ᱫᱟᱨᱟᱢᱚᱜᱼᱟ ᱡᱩᱫᱟᱹᱛᱮ ?
ᱛᱮᱦᱮᱧ ᱪᱮᱫᱟᱜ ᱵᱷᱟᱨᱚᱛᱼᱫᱤᱥᱳᱢ
ᱦᱚᱲᱠᱚ ᱵᱩᱞ ᱮᱱ ᱨᱟᱹᱥᱠᱟᱹ ᱛᱮ ?
ᱛᱮᱦᱮᱧ ᱦᱤᱞᱚᱜ ᱧᱟᱢ ᱟᱠᱟᱱᱟ
ᱸᱚᱶᱟ ᱵᱷᱟᱜᱮ ᱟᱹᱱ ᱟᱹᱨᱤᱼ
ᱥᱟᱱᱟᱢ ᱦᱚᱲᱟᱜ ᱨᱟᱡᱚᱜ ᱨᱮᱭᱟᱜ
ᱛᱮᱦᱮᱧ ᱛᱟᱵᱚ ᱟᱹᱭᱰᱟᱹᱨᱤ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱨᱟᱹᱥᱠᱟᱹ ᱨᱮᱭᱟᱝ ᱯᱷᱮᱰᱟᱛ ᱚᱠᱚᱭ ?
ᱫᱤᱥᱟᱹᱭ ᱡᱚᱠᱷᱚᱱ ᱠᱷᱳᱫᱮᱨ ᱠᱷᱚᱫᱽ;
ᱜᱟᱸᱫᱷᱤ, ᱥᱩᱵᱷᱟᱥ, ᱱᱮᱦᱨᱩ ᱡᱤᱭᱟᱜ
ᱧᱩᱛᱩᱢ ᱜᱮᱪᱚᱧ ᱫᱤᱥᱟᱹ ᱜᱚᱫᱽ !
ᱨᱟᱡᱮᱸᱫᱨᱟ ᱟᱨ ᱯᱟᱴᱮᱞ ᱦᱚᱸ ᱛᱷᱚ
ᱫᱤᱥᱟᱹᱜ ᱠᱟᱱᱟᱠᱤᱱ ᱥᱟᱹᱨᱤ!
ᱨᱟᱹᱥᱟᱹ ᱨᱮᱭᱟᱜ ᱠᱟᱛᱷᱟ ᱠᱟᱱᱟ,
ᱨᱟᱡᱮᱱᱫᱨᱟ ᱛᱟᱵᱚᱱ ᱵᱤᱦᱟᱹᱨᱤ !
ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ !
ᱟᱵᱚ ᱛᱤᱨᱮ ᱯᱟᱲᱟᱣ ᱟᱠᱟᱱ
ᱫᱤᱥᱳᱢ ᱥᱟᱫᱷᱤᱱ ᱫᱚᱦᱚ ᱠᱟᱜ
ᱰᱟᱸᱰᱟ ᱫᱮᱵᱚ ᱩᱨᱤᱡᱽ ᱛᱟᱵᱚ,
ᱠᱟᱹᱢᱤ ᱯᱟᱲᱟᱜ ᱡᱚᱦᱚᱜᱟᱜ
ᱮᱸᱰᱮ ᱟᱱᱮᱡ ᱛᱟᱦᱮᱱ ᱛᱟᱵᱚ
ᱥᱟᱹᱨᱤ ᱩᱛᱟᱹᱨ ᱟᱹᱭᱫᱟᱹᱨᱤ ᱾
ᱫᱤᱥᱳᱢ – ᱱᱟᱭᱳ ᱫᱩᱞᱟᱹᱲᱼᱦᱚᱯᱚᱱ
ᱦᱚᱭᱚᱜ ᱫᱮᱵᱚ ᱟᱹᱨᱤ ᱜᱩᱨᱤᱭ ᱾
ᱥᱮᱴᱮᱨ ᱟᱠᱟᱱ ᱤᱥᱤᱼᱛᱩᱨᱩᱭ ᱡᱟᱱᱣᱟᱹᱨᱤ!
ᱜᱟᱹᱱᱫᱷᱤ ᱵᱟᱵᱟ
ᱩᱱᱩᱢ ᱟᱠᱟᱱ ᱦᱚᱲᱠᱚ ᱚᱜᱣᱟᱨ
ᱩᱫᱩᱜ ᱞᱟᱹᱜᱤᱫ ᱵᱚᱜᱮ ᱰᱟᱦᱟᱨ
ᱵᱷᱟᱨᱳᱛ ᱨᱮ ᱫᱚᱢ ᱡᱟᱱᱟᱢ ᱟᱠᱟᱱ ᱞᱮᱱᱟ –
ᱟᱢ ᱜᱮ ᱜᱟᱹᱱᱫᱷᱤ ᱵᱟᱵᱟ
ᱟᱢᱟᱜ ᱵᱮᱼᱥᱤᱵᱤᱱ ᱠᱷᱟᱸᱰᱟ
ᱛᱚᱯᱟᱜ ᱠᱮᱫᱟᱭ ᱵᱟᱹᱭᱨᱤ ᱰᱟᱸᱰᱟ
ᱥᱟᱫᱷᱤᱱ ᱠᱮᱫᱟᱢ ᱟᱵᱚ ᱫᱤᱥᱳᱢ
ᱟᱢᱜᱮ ᱜᱟᱹᱱᱷᱫᱤ ᱵᱟᱵᱟ !
ᱮᱥᱮᱫ ᱠᱮᱫᱟᱢ ᱠᱩᱞ ᱢᱟ ᱢᱚᱪᱟ
ᱚᱪᱚᱜᱽ ᱠᱮᱫᱟᱢ ᱡᱟᱹᱱᱩᱢ ᱠᱷᱚᱪᱟ
ᱟᱹᱠᱷᱤᱨ ᱯᱤᱱᱰᱟᱹ ᱦᱚᱨ ᱨᱮᱭᱟᱜ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱥᱟᱢᱟᱜ ᱠᱟᱛᱮ ᱵᱟᱹᱭᱨᱤ ᱠᱤᱛᱟᱹ,
ᱥᱟᱹᱨᱤ ᱥᱩᱞᱩᱠ ᱨᱮᱭᱟᱜ ᱤᱛᱟᱹ
ᱵᱷᱟᱨᱚᱛ ᱨᱮ ᱫᱚᱢ ᱯᱟᱨᱪᱟᱣ ᱟᱠᱟᱫ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱞᱟᱜᱟᱭ ᱞᱟᱹᱜᱤᱫ ᱨᱮᱴᱷᱨᱤᱴᱷᱤ
ᱫᱷᱨᱟᱹᱣ ᱞᱮᱱᱟᱢ ᱫᱷᱩᱲᱤ ᱯᱤᱴᱷᱤ
ᱡᱤᱣᱤ ᱥᱩᱫᱷᱟᱢ ᱟᱞᱟᱭ ᱞᱮᱫᱟ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱟᱢᱟᱜ ᱠᱟᱹᱢᱤ ᱨᱮᱟᱜ ᱟᱹᱨᱤ,
ᱧᱟᱢᱮᱫ ᱠᱟᱱᱟᱭ ᱟᱹᱭᱫᱟᱹᱨᱤ
ᱫᱤᱥᱳᱢᱼᱫᱤᱥᱳᱢ ᱡᱚᱦᱟᱨᱟᱢᱟᱹᱧ
ᱟᱢᱜᱮ ᱜᱟᱹᱱᱫᱷᱤ ᱵᱟᱵᱟ !
ᱥᱮᱨᱮᱧ
ᱵᱷᱟᱨᱚᱛ ᱨᱮᱵᱳ ᱡᱟᱱᱟᱢ ᱟᱠᱟᱱ ᱡᱚᱛᱚ ᱠᱷᱚᱱᱟᱜ ᱢᱟᱬᱟᱝ,
ᱟᱵᱚ ᱜᱮᱵᱚ ᱩᱫᱩᱜ ᱞᱮᱫᱟ ᱦᱚᱲᱼᱦᱚᱯᱚᱱ ᱟᱲᱟᱝ ᱾
ᱳᱞᱚᱜ ᱵᱟᱵᱚ ᱥᱮᱬᱟᱭᱞᱮᱫ ᱛᱮ ᱦᱚᱸᱦᱟᱜ ᱜᱮ ᱵᱚ ᱛᱟᱦᱮᱸᱭᱮᱱ,
ᱟᱹᱫᱲᱵᱟᱹᱥᱤᱭᱟᱜ ᱴᱚᱴᱷᱟ ᱦᱩᱭᱮᱱ ᱮᱠᱮᱱ ᱜᱷᱩᱴᱩ ᱫᱟᱲᱟᱝ !
ᱚᱞᱚᱜ ᱞᱟᱹᱜᱤᱫ ᱢᱚᱱᱮ ᱨᱮᱭᱟᱜ ᱠᱩᱪᱤᱛ ᱫᱮᱵᱚ ᱥᱟᱦᱟᱭ,
ᱟᱵᱚ ᱜᱮᱵᱚ ᱛᱟᱭᱚᱢ ᱟᱠᱟᱱ ᱡᱚᱛᱚ ᱠᱷᱚᱱᱟᱜ ᱚᱦᱟᱭ ᱾
ᱚᱞᱚᱜ ᱵᱟᱵᱚ ᱵᱟᱰᱟᱭᱞᱮᱫ ᱛᱮ ᱦᱚᱲᱠᱚ ᱜᱮᱥᱮᱨ ᱵᱚᱱ,
ᱚᱞᱚᱜᱼᱯᱟᱲᱦᱟᱣ ᱥᱟᱡ ᱡᱚᱛᱚ ᱢᱚᱱᱮ ᱫᱮᱵᱚ ᱞᱟᱦᱟᱭ ᱾
ᱟᱹᱠᱤᱞᱚᱜ
(ᱫᱚᱲ ᱨᱟᱹᱲ)
ᱥᱤᱧᱼᱡᱟᱯᱤᱫ ᱵᱚᱭᱦᱟ ! ᱛᱤᱥ ᱦᱚᱸ ᱟᱞᱚᱢ ᱥᱟᱵᱟ,
ᱫᱷᱚᱱ, ᱫᱩᱨᱤᱵᱽ, ᱫᱟᱲᱮ, ᱟᱹᱠᱤᱞ ᱪᱟᱵᱟᱜ ᱿
ᱠᱮᱫᱳᱜ ᱛᱚᱨᱟ ᱡᱟᱹᱯᱤᱫ, ᱥᱮᱛᱟᱜ ᱥᱮᱛᱟᱜ ᱵᱮᱨᱮᱫ,
ᱫᱷᱚᱱ, ᱫᱩᱨᱤᱵᱽ ᱫᱟᱲᱮ, ᱵᱩᱫᱷᱤᱭ ᱮᱨᱮᱫ ᱿
ᱚᱞᱚᱜ
ᱠᱚᱲᱟ ᱜᱤᱫᱽᱨᱟᱹ ᱞᱟᱦᱟᱭᱟᱠᱚ ᱟᱵᱚᱱᱟᱜᱟ ᱴᱷᱟᱶ,
ᱟᱭᱳ ᱠᱚᱠᱚ ᱪᱮᱫ ᱞᱮᱞᱷᱟᱱ ᱜᱤᱫᱽᱨᱟᱹ ᱢᱚᱱ ᱵᱮᱱᱟᱣ ᱾
ᱦᱟᱨᱟᱠᱚᱠᱚ ᱜᱤᱫᱽᱨᱟᱹ ᱟᱭᱳ,
ᱱᱟᱯᱟᱭ ᱨᱮᱱᱠᱚ ᱱᱟᱯᱟᱭᱚᱜ
ᱟᱫᱚ ᱵᱟᱵᱚᱱ ᱦᱟᱥᱟᱣᱠᱮᱭᱟ ᱡᱟᱦᱟᱸᱭᱟᱜ ᱥᱟᱸᱛᱟᱣ,
ᱟᱭᱳ ᱠᱚᱠᱚ ᱪᱮᱫ ᱞᱮᱠᱷᱟᱱ ᱜᱤᱫᱽᱨᱟᱹ ᱢᱚᱱ ᱵᱮᱱᱟᱣ᱾
ᱚᱱᱟ ᱞᱟᱹᱜᱤᱫ ᱫᱮᱵᱚᱱ ᱞᱚᱞᱚᱜ,
ᱪᱮᱫ ᱟᱠᱚᱵᱱ ᱟᱹᱠᱤᱞ ᱟᱞᱚᱜ ᱾
ᱠᱩᱲᱤ ᱜᱤᱫᱽᱨᱟᱹ ᱡᱟᱹᱛ ᱠᱚ ᱞᱟᱦᱟᱭ, ᱵᱤᱜᱷᱤᱱ ᱠᱚ ᱱᱟᱥᱟᱣ,
ᱚᱞᱚᱜ ᱫᱮᱵᱚᱱ ᱪᱮᱫ ᱟᱠᱚᱣᱟ ᱠᱚᱲᱟ ᱜᱤᱫᱽᱨᱟᱹ ᱥᱟᱶ !
ᱚᱞ ᱛᱮᱜᱮ ᱵᱚᱱ ᱪᱤᱠᱟᱸᱲᱚᱜᱼᱟ,
ᱫᱤᱥᱳᱢ ᱨᱮᱵᱚᱱ ᱨᱟᱠᱟᱵᱚᱜᱼᱟ !ᱹ
ᱠᱩᱲᱤᱼᱠᱚᱲᱟ ᱡᱚᱛᱚᱠᱚ ᱜᱮ ᱚᱞᱵᱚ ᱥᱟᱨᱦᱟᱣ,
ᱠᱩᱨᱩᱢᱩᱴᱩ ᱛᱮ ᱡᱚᱛᱚᱠᱚ ᱜᱮ ᱫᱮᱥᱮ ᱵᱚᱱ ᱯᱟᱲᱦᱟᱣ ᱾
ᱵᱮᱸᱜᱮᱫᱽ ᱢᱟᱥᱮ ᱢᱤᱫ ᱫᱷᱟᱣ,
ᱦᱚᱦᱟᱜᱼᱦᱟᱨᱚᱱ ᱵᱟᱵᱚᱱ ᱥᱟᱦᱟᱣ,
ᱞᱟᱦᱟᱭ ᱞᱟᱹᱜᱤᱫ ᱫᱤᱥᱳᱢ ᱨᱮ ᱟᱵᱚᱣᱟᱜ ᱴᱷᱟᱶ,
ᱚᱨᱮ ᱼ ᱴᱤᱠᱩᱨ ᱠᱩᱲᱤᱼᱠᱚᱲᱟ ᱫᱮᱥᱮ ᱵᱚᱱ ᱯᱟᱲᱦᱟᱣ ᱿
ᱨᱟᱠᱟᱵᱚᱜ
ᱵᱷᱟᱨᱚᱛ ᱨᱮᱱ ᱜᱚᱼᱵᱟᱵᱟ !
ᱱᱟᱶᱟᱼᱱᱟᱶᱟ ᱦᱚᱨᱵᱚ ᱥᱟᱵᱟ;
ᱵᱟᱝᱠᱷᱟᱱ ᱫᱷᱟᱹᱨᱛᱤ ᱨᱮ ᱳᱠᱳᱜ ᱛᱟᱵᱚᱱ ᱴᱷᱟᱶ ᱾
ᱠᱟᱹᱢᱤ ᱛᱟᱵᱚ ᱦᱤᱨᱤᱡ ᱯᱟᱹᱥᱤᱨ
ᱜᱚᱴᱟᱭ ᱞᱟᱹᱜᱤᱫ ᱟᱵᱚᱼᱟᱹᱠᱷᱤᱨ,
ᱫᱤᱥᱳᱢ ᱨᱮᱭᱟᱜ ᱥᱟᱱᱟᱢ ᱠᱟᱹᱢᱤ ᱫᱮᱵᱚ ᱥᱟᱢᱴᱟᱣ ᱿
ᱵᱟᱰᱟᱭ ᱠᱟᱛᱮ ᱪᱟᱜ ᱵᱚ ᱛᱮᱛᱷᱟᱜ?
ᱧᱩᱛ ᱛᱟᱭᱚᱢ ᱱᱚᱜᱼᱚᱭ ᱥᱮᱛᱟᱜ!
ᱟᱫᱳᱵᱳ ᱩᱨᱩᱢ ᱛᱟᱵᱚ ᱟᱵᱚᱱᱟᱜ ᱫᱤᱥᱳᱢ ᱾
ᱟᱵᱚᱛᱮᱜᱮ ᱨᱮᱸᱜᱮᱡᱼᱨᱟᱵᱟᱝ
ᱞᱟᱜᱟᱭᱟᱵᱚ, ᱦᱮᱸ ᱥᱮ ᱵᱟᱝ ?
ᱟᱵᱚ ᱛᱮᱵᱚ ᱤᱥᱤᱱᱟ, ᱟᱵᱚᱛᱮᱵᱚ ᱡᱚᱢ ᱿
ᱫᱮᱞᱟᱵᱚᱱ ᱦᱩᱫᱟᱹᱼᱦᱩᱫᱟᱹ,
ᱪᱮᱫᱟᱵᱳᱱ ᱜᱩᱱ ᱵᱤᱨᱫᱟᱹ,
ᱜᱩᱱ ᱵᱤᱨᱫᱟᱹ ᱵᱮᱜᱳᱨ ᱡᱟᱦᱟᱸᱭ ᱵᱟᱠᱚ ᱢᱟᱨᱟᱝᱳᱜ ᱾
ᱢᱩᱡ ᱞᱮᱠᱟ ᱡᱷᱩᱨᱩᱠᱼᱡᱷᱩᱨᱩᱠ
ᱠᱟᱹᱢᱤ ᱨᱮ ᱫᱮ ᱵᱚᱱ ᱢᱩᱨᱩᱠ,
ᱛᱤᱢᱤᱱ ᱫᱤᱱᱵᱚ ᱛᱟᱦᱮᱸᱠᱚᱜ ᱜᱟᱹᱭ ᱛᱟᱭᱚᱢ ᱠᱳᱸᱜ ?
ᱞᱮᱠᱷᱟᱼᱞᱮᱠᱷᱟ ᱥᱟᱱᱟᱢ ᱦᱚᱲ
ᱥᱮᱬᱟ ᱭᱟᱵᱚ ᱨᱟᱡᱽᱼᱨᱚᱲ
ᱨᱟᱡᱽᱼᱨᱚᱲ ᱨᱟᱠᱟᱵ ᱞᱟᱹᱜᱤᱫ ᱫᱮᱵᱚ ᱠᱩᱨᱩᱢᱩᱴᱩᱜ ᱾
ᱡᱟᱱᱟᱢ ᱨᱟᱲ ᱦᱚᱸ ᱟᱫᱚ ᱮᱱᱛᱮ
ᱵᱟᱵᱚ ᱦᱤᱲᱤᱧ ᱚᱱᱟ ᱢᱮᱱᱛᱮ
ᱦᱟᱨᱟᱜ ᱛᱟᱵᱚ ᱫᱤᱞᱼᱫᱟᱲᱮ ᱫᱷᱟᱹᱨᱛᱤ ᱨᱮᱵᱚ ᱞᱟᱹᱴᱩᱜ ᱿
ᱫᱷᱟᱹᱨᱛᱤ ᱨᱮ ᱪᱤᱠᱟᱹᱬ ᱟᱲᱟᱝ
ᱩᱫᱩᱜ ᱞᱮᱫ ᱵᱚ ᱟᱵᱚ ᱢᱟᱬᱟᱝ
ᱱᱤᱛ ᱫᱚ ᱵᱚ ᱯᱟᱱᱫᱚᱞᱚᱜᱼᱟ ᱳᱠᱟ ᱥᱟᱡᱟᱣ ᱛᱮ ?
ᱱᱷᱟᱜ ᱠᱚ ᱧᱩᱢ ᱯᱩᱨᱩᱵᱽᱼᱯᱟᱹᱪᱷᱤᱢ;
ᱪᱤᱠᱟᱹᱬ ᱛᱟᱠᱚ ᱟᱸᱜᱚᱵ ᱟᱹᱪᱷᱤᱢ;
ᱚᱱᱟ ᱧᱩᱢ ᱱᱤᱛ ᱫᱚᱵᱚ ᱛᱟᱞᱚᱢ ᱛᱟᱠᱚ ᱦᱮ ᱿
ᱛᱚᱦᱚᱫ ᱛᱟᱹᱠᱤᱫ ᱵᱟᱵᱚᱱ ᱵᱟᱛᱟᱣ,
ᱞᱟᱦᱟᱜ ᱟᱵᱚ ᱧᱩᱛᱩᱢ ᱦᱟᱛᱟᱞᱣ,
ᱮᱭᱟᱭ ᱨᱮᱫᱚ ᱵᱟᱵᱚ ᱫᱷᱤᱨᱚᱜ ᱯᱩᱨᱟᱹᱣᱟᱵᱚ ᱜᱮᱞ ᱾
ᱟᱵᱚᱱᱟᱜ ᱫᱩᱞᱟᱹᱲ ᱠᱷᱟᱹᱛᱤᱨ,
ᱫᱤᱥᱳᱢ ᱡᱷᱟᱹᱱᱰᱤ ᱦᱤᱯᱤᱲᱼᱦᱤᱯᱤᱲ,
ᱪᱮᱨᱪᱷᱟ ᱜᱮᱵᱳᱱ ᱫᱚᱦᱚᱠᱟᱜᱼᱟ, ᱫᱷᱟᱹᱨᱛᱤ ᱦᱚᱲ ᱠᱚ ᱧᱮᱞ ᱿
ᱢᱟᱨᱟᱝᱚᱜ
ᱥᱩᱯᱩᱞᱩᱠ ᱢᱟᱞᱟ ᱜᱩᱛᱩᱭᱟᱵᱚ ᱫᱮᱞᱟ !
ᱦᱚᱨᱚᱜᱟᱵᱚ ᱵᱚᱭᱦᱟ ! ᱢᱤᱫ ᱜᱚᱴᱟᱝ ᱾
ᱫᱮᱞᱟ ᱦᱟᱨᱮᱼᱯᱷᱟᱨᱮ ᱫᱷᱟᱹᱨᱛᱤ ᱥᱚᱵᱦᱟᱠᱚᱨᱮ
ᱢᱟᱞᱟ ᱨᱮᱭᱟᱜ ᱥᱮᱵᱮᱞ ᱥᱚ ᱵᱚ ᱚᱴᱟᱝ᱿
ᱵᱟᱹᱲᱤᱡ ᱡᱟᱞᱟ ᱨᱮ ᱟᱵᱚᱱ ᱛᱟᱞᱟ ᱨᱮ
ᱨᱮᱴᱷᱟᱨᱤᱴᱷᱤᱼᱤᱛᱟᱹ ᱫᱮᱵᱚᱱ ᱢᱟᱨᱚᱛ ᱿
ᱨᱚᱲ ᱞᱟᱸᱫᱟ ᱨᱮ ᱯᱟᱥᱠᱟ ᱯᱷᱟᱸᱫᱟ ᱨᱮ
ᱵᱚᱭᱦᱟ ! ᱫᱤᱥᱟᱹᱭ ᱢᱟᱵᱚ ᱫᱩᱞᱟᱹᱲ ᱵᱷᱟᱨᱚᱛ ᱿
ᱫᱤᱥᱳᱢ ᱡᱷᱟᱹᱱᱰᱤ ᱫᱮ ᱥᱟᱱᱟᱢ ᱴᱟᱹᱱᱰᱤ
ᱩᱫᱩᱜᱟᱵᱚ, ᱦᱚᱲᱠᱚ ᱵᱮᱸᱜᱮᱫ ᱱᱚᱛᱮ ᱾
ᱚᱲᱟᱜ ᱨᱮᱦᱚᱸ ᱵᱚᱭᱦᱟ ᱮᱴᱟᱜ ᱨᱮᱦᱚᱸ ᱵᱚᱭᱦᱟ
ᱛᱟᱦᱮᱸᱱᱟᱵᱚ ᱵᱚᱭᱦᱟ ᱠᱮᱱᱮᱠᱚᱛᱮ᱿
ᱥᱮᱬᱟᱭᱟᱵᱚ ᱚᱞᱚᱜ ᱜᱮᱭᱟᱱᱛᱮᱵᱚ ᱛᱚᱞᱚᱜ
ᱚᱞᱚᱜ ᱛᱮᱫᱚ ᱫᱮᱥᱮ ᱵᱚᱱ ᱡᱷᱟᱹᱱᱩᱜ᱾
ᱥᱮᱸᱜᱮᱞ ᱛᱮ ᱵᱟᱝ ᱞᱚᱜᱼᱟ ᱚᱦᱚ ᱦᱤᱲᱤᱧ ᱠᱚᱜᱼᱟ
ᱵᱤᱨᱫᱟᱹ ᱠᱷᱚᱱᱟᱜ ᱢᱟᱨᱟᱝ ᱫᱷᱚᱱ ᱫᱚ ᱵᱟᱹᱱᱩᱜ ᱿
ᱵᱟᱰᱟᱭ ᱠᱟᱛᱮ ᱚᱞᱚᱜ ᱡᱟᱦᱟᱸ ᱨᱮᱜᱮᱢ ᱵᱚᱞᱚᱜ
ᱚᱞᱚᱜ ᱨᱮᱭᱟᱜ ᱢᱟᱹᱱ ᱛᱟᱦᱮᱸᱱ ᱛᱟᱢᱟᱹᱱ᱾
ᱡᱤᱣᱤᱭ ᱢᱟᱨᱥᱟᱞᱟ ᱦᱚᱨ ᱮ ᱟᱨᱥᱟᱞᱟ
ᱚᱞᱚᱜ ᱵᱟᱰᱟᱭ ᱦᱚᱲᱮ ᱦᱳᱭᱳᱜ ᱥᱩᱢᱟᱹᱱ ᱿
ᱡᱟᱱᱟᱢ ᱨᱚᱲ
(᱑)
ᱟᱵᱚ ᱯᱟᱹᱨᱥᱤ ᱛᱮ ᱨᱚᱲ ᱡᱚᱝ
ᱟᱹᱰᱤ ᱨᱟᱹᱥᱠᱟᱹ ᱵᱩᱡᱷᱟᱹᱣᱜ, ᱫᱤᱞ ᱥᱮᱸᱜᱮᱞ ᱜᱮ ᱪᱳᱭ ᱚᱝ,
ᱟᱵᱚ ᱥᱮᱨᱮᱧ, ᱟᱵᱚ ᱨᱚᱲ,
ᱵᱟᱪᱚᱝ ᱦᱩᱰᱤᱧ, ᱵᱟᱵᱚ ᱱᱤᱫᱷᱟᱹᱱ ᱟᱵᱚ ᱦᱚᱲ
(᱒)
ᱚᱠᱛᱚ ᱯᱟᱨᱚᱢᱚᱜ ᱠᱟᱱ ᱯᱚᱲᱼᱯᱚᱲ;
ᱫᱮᱞᱟ ᱡᱚᱛᱚ ᱠᱚᱛᱮ ᱦᱟᱨᱟᱭᱛᱟᱵᱚ ᱟᱵᱚ ᱨᱚᱲ᱾
ᱠᱩᱨᱩᱢᱩᱴᱩ ᱛᱮ ᱫᱮᱵᱚ ᱚᱞ;
ᱮᱴᱟᱜ ᱵᱷᱟᱥᱟ ᱠᱷᱚᱱ ᱨᱚᱲᱛᱟᱵᱚ ᱫᱮᱵᱚ ᱨᱚᱞ᱿
(᱓)
ᱵᱷᱟᱥᱟ ᱥᱟᱜᱟᱲ ᱦᱚᱲᱟᱜ ᱠᱷᱤᱲᱠᱷᱤᱲ
ᱞᱟᱜᱟᱞᱟᱜᱟᱭᱛᱟᱢ ᱟᱢᱟᱜ ᱥᱟᱜᱟᱲ ᱟᱞᱚᱢ ᱛᱷᱤᱨ ᱾
ᱡᱟᱱᱟᱢ ᱨᱚᱲ ᱫᱚ ᱥᱟᱶᱦᱟᱭᱛᱟᱢ,
ᱡᱟᱱᱟᱢ ᱨᱚᱲ ᱨᱮᱜᱮ ᱥᱟᱹᱨᱤᱱ ᱨᱟᱹᱥᱠᱟᱹ ᱫᱚᱨᱮᱢ ᱧᱟᱢ ᱿
(᱔)
ᱮᱴᱟᱜ ᱦᱚᱲᱠᱚ ᱨᱮᱱᱟᱜ ᱥᱚᱨᱦᱚᱫᱽ,
ᱟᱵᱚᱣᱟᱜ ᱨᱚᱲ ᱦᱚᱸ ᱫᱮᱵᱚ ᱞᱟᱦᱟ ᱤᱫᱤ ᱦᱚᱫᱽ ᱾
ᱡᱤᱣᱤ ᱵᱟᱹᱲᱤᱡᱽ ᱪᱮᱫ ᱤᱧ ᱢᱮᱱ ?
ᱩᱫᱟᱹᱫᱟᱸᱜᱟᱲ ᱨᱮ ᱡᱟᱱᱟᱢ ᱨᱚᱲ ᱥᱤᱧ ᱛᱟᱦᱮᱸᱭᱮᱱ ᱿
ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ
ᱵᱟᱞᱮ ᱛᱚᱞᱟᱥ ᱟᱠᱟᱫ ᱢᱮᱭᱟ ᱟᱞᱮ ᱮᱠᱮᱱ ᱦᱚᱦᱟᱜ ᱦᱚᱲ,
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ !
ᱫᱷᱩᱨᱩᱼᱫᱷᱩᱨᱩ ᱩᱵ ᱠᱚᱛᱟᱢ,
ᱠᱮᱣᱮᱼᱰᱮᱰᱮ ᱦᱚᱲᱢᱚ ᱛᱟᱢ,
ᱢᱮᱱᱟᱜ ᱢᱮᱭᱟ ᱜᱮᱸᱫᱮᱞᱼᱴᱮᱯᱮᱞ ᱛᱤᱱᱟᱹᱜ ᱥᱮᱫᱟᱭ ᱠᱷᱚᱱ ᱪᱚ ᱦᱟᱭ!
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱦᱤᱲᱤᱧ ᱠᱟᱜ ᱢᱮ ᱱᱚᱶᱟ ᱴᱷᱟᱭ
ᱥᱩᱱᱩᱢᱼᱥᱩᱸᱫᱮᱫ ᱵᱟᱝ ᱧᱟᱯᱟᱢ,
ᱜᱚᱥᱚ ᱟᱠᱟᱱ ᱦᱚᱲᱢᱚ ᱛᱟᱢ,
ᱛᱤᱱᱟᱹᱜ ᱱᱤᱫᱷᱟᱱ ᱡᱟᱸᱫᱮᱼᱛᱟᱸᱫᱮ ᱢᱮᱱᱟᱜ ᱢᱮᱭᱟ ᱜᱤᱰᱤ ᱱᱟᱯᱚᱲ᱾
ᱟᱞᱚᱢ ᱜᱟᱨᱟ, ᱟᱞᱚᱢ ᱦᱚᱢᱚᱨ ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ ᱾
ᱨᱟᱜᱼᱮᱫ ᱠᱟᱱᱟᱢ ᱟᱫᱚ ᱪᱟᱜ?
ᱡᱤᱣᱤ ᱞᱚᱜ ᱠᱟᱱ ᱟᱞᱮᱭᱟᱜ,
ᱟᱞᱚᱢ ᱟᱹᱜᱩᱭ ᱢᱮᱫ ᱫᱟᱜ ᱥᱟᱹᱨᱤ ᱡᱩᱜᱩᱛ ᱢᱟᱱᱶᱟᱣᱟᱜ᱾
ᱩᱫᱠ ᱫᱚ ᱟᱫᱷᱤᱜ ᱛᱟᱢᱟ ᱥᱟᱱᱟᱢ ᱨᱚᱜᱚᱲ ᱜᱮ ᱡᱚᱣᱟᱜ ᱾
ᱨᱟᱜᱮᱫ ᱠᱟᱱᱟᱠᱚ ᱢᱟᱨᱟᱜ,
ᱫᱤᱥᱳᱢ ᱡᱟᱠᱮ ᱛᱷᱟᱨᱛᱷᱟᱨᱟᱜ᱾
ᱥᱟᱦᱟᱲᱚᱜᱼᱟ ᱱᱚᱣᱟ ᱧᱩᱛᱟᱹᱛ ᱪᱟᱸᱫᱚᱭ ᱨᱟᱠᱟᱵ ᱥᱮᱨᱢᱟ ᱨᱮ ᱾
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱡᱚᱛᱚᱱ ᱟᱫᱚᱢ ᱧᱟᱢᱟ ᱨᱮ ᱾
ᱡᱟᱹᱱᱤᱡ ᱟᱫᱚ ᱵᱟᱢ ᱞᱮᱸᱫᱟᱜ,
ᱡᱚᱨᱚᱣᱟᱢᱟ ᱵᱟᱦᱟ ᱫᱟᱜ᱾
ᱟᱢᱟᱜ ᱥᱚᱱᱚᱛ ᱥᱮᱵᱟ ᱨᱮᱞᱮ ᱛᱮᱸᱜᱳᱱ ᱠᱟᱱᱟ ᱥᱟᱸᱜᱮ ᱦᱚᱲ ᱾
ᱟᱞᱚᱢ ᱨᱟᱜᱟ, ᱟᱞᱚᱢ ᱦᱚᱢᱚᱨ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ᱾
ᱡᱟᱦᱟᱸᱱᱟᱜ ᱜᱮ ᱢᱤᱫ ᱫᱚᱥᱟ
ᱵᱟᱪᱚ ᱛᱟᱦᱮᱸᱱ ᱢᱤᱫ ᱨᱟᱥᱟ
ᱵᱳᱜᱮᱼᱵᱟᱹᱲᱤᱡ ᱚᱛᱚᱝ ᱛᱟᱭᱚᱢ ᱦᱤᱡᱩᱜ ᱥᱮᱱᱚᱜ ᱫᱷᱟᱹᱨᱛᱤ ᱨᱮ ᱾
ᱵᱳᱜᱮᱼᱵᱟᱹᱲᱤᱡ ᱨᱮᱭᱟᱜ ᱡᱟᱦᱟᱸᱱ ᱵᱟᱪᱚ ᱛᱟᱷᱮᱸᱱ ᱟᱹᱛ ᱛᱤᱻ ᱨᱮ ᱾
ᱟᱞᱮ ᱪᱮᱛᱟᱱ ᱫᱟᱭᱟᱣᱟᱱ
ᱟᱢ ᱵᱟᱝᱮᱢ ᱛᱟᱷᱮᱸᱱ ᱠᱷᱟᱱ,
ᱜᱩᱸᱜᱟᱹ ᱜᱮᱞᱮ ᱛᱟᱦᱮᱸ ᱠᱚᱜᱼᱟ ᱱᱩᱱᱟᱹᱜᱼᱱᱩᱱᱟᱹᱜ ᱱᱟᱯᱟᱭ ᱦᱚᱲ ᱾
ᱟᱢᱮᱢ ᱵᱚᱜᱮ ᱛᱚᱨᱟᱣ ᱠᱟᱞᱮᱢ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ !
ᱟᱢᱟᱜ ᱤᱧᱟᱹᱜ ᱫᱩᱯᱩᱞᱟᱹᱲ
ᱛᱟᱦᱮᱸ ᱚᱪᱚᱜ ᱠᱟᱲᱟᱼᱠᱟᱹᱲ
ᱡᱤᱣᱤᱼᱡᱤᱣᱤᱢ ᱛᱚᱯᱚᱞ ᱟᱠᱟᱱ, ᱮ ᱤᱧᱟᱹᱜ ᱡᱟᱱᱟᱢ ᱨᱚᱲ ᱾
ᱚᱠᱚᱲᱼᱥᱚᱠᱚᱲ ᱥᱟᱱᱟᱢ ᱠᱚᱨᱮᱧ ᱫᱤᱥᱟᱹᱢᱮ ᱢᱟ ᱟᱹᱰᱤ ᱫᱚᱲ ᱾
ᱥᱩᱛᱟᱹᱢ ᱛᱟᱠᱚᱭ
ᱚᱲᱟᱜᱼᱚᱲᱟᱜ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ,
ᱟᱞᱟᱝ ᱦᱚᱸ ᱫᱟᱹᱭ ᱠᱷᱩᱲᱱᱤ ᱠᱟᱛᱮ ᱵᱟᱞᱟᱝ ᱛᱟᱦᱮᱸᱚᱜ᱾
ᱛᱩᱞᱟᱹᱢ ᱢᱮᱱᱟᱜ ᱦᱟᱸᱰᱟ ᱯᱮᱨᱮᱡ ᱫᱟᱥᱟᱸᱭ ᱵᱚᱸᱜᱟ ᱨᱮᱭᱟᱜ;
ᱟᱱᱟᱠ ᱨᱮ ᱟᱜ ᱢᱮᱱᱟᱜᱼᱟ ᱛᱩᱞᱟᱹᱢ ᱯᱤᱛᱟᱹᱫ ᱛᱮᱭᱟᱜ ᱾
ᱨᱤᱛ ᱯᱤᱛᱟᱹᱫ ᱠᱟᱛᱮ ᱛᱩᱞᱟᱹᱢ ᱥᱩᱛᱟᱹᱢ ᱫᱮᱞᱟᱝ ᱛᱟᱠᱚᱭ;
ᱥᱩᱛᱟᱹᱢ ᱫᱚᱞᱟᱝ ᱛᱟᱠᱚᱭ ᱡᱚᱝᱼᱟ, ᱫᱩᱥᱟᱹᱣ ᱞᱟᱝᱟᱭ ᱚᱠᱚᱭ,
ᱛᱩᱞᱟᱹᱢ ᱨᱮᱱᱟᱜ ᱥᱩᱛᱟᱹᱢ ᱛᱟᱠᱚᱭ ᱵᱟᱞᱟᱝ ᱟᱸᱡᱷᱟᱴᱚᱜ,
ᱚᱲᱟᱜᱼᱚᱲᱟᱜ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ᱾
ᱛᱟᱠᱚᱭ ᱥᱩᱛᱟᱹᱢ ᱨᱮᱭᱟᱜ ᱵᱟᱵᱟᱭ ᱛᱮᱧ ᱟᱞᱟᱝᱟ ᱠᱷᱟᱺᱰᱤ,
ᱵᱟᱸᱫᱮᱭᱟᱞᱟᱝ ᱞᱤᱥᱚᱭᱼᱞᱚᱥᱚᱭ ᱨᱟᱹᱥᱠᱟᱹᱜ ᱟᱞᱟᱝ ᱟᱹᱰᱤ ᱾
ᱥᱩᱛᱟᱹᱢ ᱛᱟᱠᱚᱭ ᱨᱮᱫᱚ ᱵᱟᱱᱩᱜ ᱡᱟᱦᱟᱸᱱ ᱞᱟᱡᱟᱣ ᱵᱚᱛᱚᱨ,
ᱵᱟᱞᱟᱝ ᱛᱟᱦᱮᱸᱱ ᱜᱮᱸᱫᱮᱞ ᱴᱮᱯᱮᱞ ᱛᱟᱠᱚᱭ ᱛᱮᱞᱟᱝ ᱛᱤᱠᱷᱚᱲ !
ᱠᱮᱴᱮᱡᱼᱠᱷᱟᱺᱰᱤ ᱛᱮᱞᱟᱝ ᱵᱟᱸᱫᱮᱱ ᱵᱟᱞᱟᱝ ᱟᱹᱲᱤᱥᱚᱜ,
ᱚᱲᱟᱜᱼᱚᱲᱟᱝ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ ᱾
ᱫᱩᱞᱟᱹᱲ ᱞᱮᱫᱟᱭ ᱛᱟᱠᱚᱭ ᱠᱟᱹᱢᱤ ᱜᱟᱹᱱᱫᱷᱤ ᱵᱟᱵᱟ ᱛᱟᱵᱚᱱ,
ᱛᱟᱠᱚᱭ ᱛᱩᱞᱩᱡ ᱥᱟᱹᱫᱷᱤᱱ ᱠᱮᱫᱟᱭ ᱫᱩᱞᱟᱹᱲ ᱫᱤᱥᱳᱢ ᱛᱟᱵᱚᱱ᱾
ᱟᱞᱟᱝ ᱞᱟᱹᱜᱤᱫ ᱠᱩᱲᱟᱹᱣ ᱠᱟᱛᱮ ᱦᱚᱲ ᱞᱟᱝ ᱮᱢᱟ ᱠᱚᱣᱟ,
ᱫᱚᱞᱮᱭᱟᱛᱮ ᱛᱟᱠᱚᱭ ᱞᱟᱝ ᱥᱮᱨᱮᱧᱟᱞᱟᱝ ᱱᱚᱶᱟ ᱾
ᱚᱲᱟᱜᱼᱚᱲᱟᱜ ᱪᱟᱨᱠᱷᱟ ᱥᱟᱰᱮ ᱨᱮᱸᱜᱚᱭᱼᱨᱮᱸᱜᱚᱭ ᱴᱷᱚᱜ,
ᱥᱩᱛᱟᱹᱢ ᱫᱮᱞᱟᱝ ᱛᱟᱠᱚᱭ ᱡᱚᱝᱼᱟ ᱵᱟᱞᱟᱝ ᱟᱹᱲᱤᱥᱚᱜ᱾
Writer-saroda Prasad kisku
Onodhen puthi Bhurka ipil
4 comments:
ᱟᱲᱤ ᱱᱟᱯᱟᱭ ᱯᱨᱮᱢ ᱾ ᱟᱨᱚ ᱵᱮᱱ ᱵᱦᱮᱡᱟᱣᱟ
ᱦᱚᱭ ᱛᱟᱺᱜᱤ ᱨᱮ ᱛᱟᱦᱮᱸᱱ ᱵᱤᱱ
ᱟᱹᱰᱤ ᱱᱟᱯᱟᱭ ᱱᱚᱸᱠᱟ ᱚᱞ ᱥᱚᱫᱚᱨ ᱞᱟᱹᱜᱤᱫ ᱛᱮ
ᱟᱭᱢᱟ ᱥᱟᱨᱦᱟᱣ
Post a Comment