ᱜᱚᱨᱚᱱ ᱜᱚᱴᱟᱝ ᱡᱟᱱᱟᱝ
ᱧᱩᱱᱩᱢ ᱯᱟᱹᱨᱤᱥ ᱨᱤᱱ ᱟᱹᱲᱟᱹ ᱠᱚ ᱢᱟᱹᱫᱽᱨᱮ ᱡᱤᱣᱤᱭᱟᱱ ᱠᱚ ᱵᱟᱝ ᱡᱤᱣᱤᱭᱟᱱ ᱠᱚᱦᱚᱸ ᱢᱮᱱᱟᱜ ᱠᱚᱣᱟ᱾ ᱩᱱᱠᱩᱣᱟᱜ ᱜᱚᱨᱚᱱ ᱜᱚᱴᱟᱝ ᱡᱟᱱᱟᱝ ᱠᱚ ᱢᱮᱛᱟᱜᱼᱟ᱾
ᱜᱚᱨᱚᱱ
ᱧᱩᱱᱩᱢ ᱯᱟᱹᱨᱤᱥ ᱨᱤᱱ ᱡᱤᱣᱤᱭᱟᱱ ᱵᱤᱱ ᱡᱤᱣᱤᱭᱟᱱ ᱠᱚ ᱚᱠᱚᱭ ᱟᱨ ᱚᱠᱟ ᱠᱚ ᱛᱤᱱᱟᱹᱜ ᱜᱟᱨ ᱜᱚᱨᱚᱡ ᱨᱮᱭᱟᱜ ᱠᱟᱱᱟ᱾ ᱚᱱᱟ ᱫᱚ ᱜᱚᱨᱚᱱ ᱵᱚ ᱢᱮᱛᱟᱜᱼᱟ ᱠᱟᱱᱟ᱾ ᱚᱱᱟ ᱨᱮᱭᱟᱜ ᱦᱟᱹᱴᱤᱧ ᱜᱮ ᱢᱮᱱᱟᱜᱼᱟ᱾
ᱥᱟᱱᱟᱢ ᱠᱷᱚᱱ ᱟᱯᱚᱱ ᱛᱮᱫ ᱜᱮ ᱢᱮᱱᱮᱱ ᱤᱧ ᱨᱚᱲ ᱨᱮᱜᱮ ᱵᱟᱹᱲᱛᱤ ᱜᱚᱨᱚᱡᱽ ᱢᱮᱱᱟᱜᱼᱟ᱾ ᱤᱱᱟ ᱠᱟᱛᱮ ᱚᱠᱟ ᱜᱮ ᱟᱯᱚᱱ ᱥᱟᱢᱟᱝ ᱨᱮ ᱢᱮᱱᱟᱜᱼᱚᱱᱟ ᱪᱮᱛᱟᱱ ᱦᱚᱸ ᱜᱚᱨᱚᱡᱽ ᱫᱚ ᱛᱟᱦᱮᱸᱱ ᱜᱮᱭᱟ᱾ ᱤᱱᱟ ᱠᱟᱛᱮ ᱟᱨᱦᱚᱸ ᱥᱟᱺᱜᱤᱧ ᱨᱮ ᱢᱮᱱᱟᱜ ᱧᱮᱞᱚᱜ ᱠᱟᱱ ᱵᱟᱝ ᱧᱮᱞᱚᱜ ᱠᱟᱱᱟᱜ ᱠᱚᱨᱮ ᱤᱱᱠᱟᱹ ᱜᱚᱨᱚᱡᱽ ᱫᱚ ᱛᱟᱦᱮᱸᱱ ᱜᱮᱭᱟ᱾
ᱚᱱᱟ ᱞᱮᱠᱟᱛᱮ ᱜᱚᱨᱚᱱ ᱫᱚ ᱯᱮ ᱛᱷᱚᱠ ᱨᱮ ᱦᱟᱹᱴᱤᱝ ᱟᱠᱟᱱᱟ᱾
ᱚᱱᱟ ᱠᱚᱫᱚᱺᱼ
᱑ᱼ ᱢᱟᱬᱟᱝ ᱜᱚᱨᱚᱱ ᱼ ᱤᱧ, ᱟᱞᱤᱧ, ᱟᱞᱟᱝ, ᱟᱵᱚ, ᱟᱯᱮ᱾
᱒ᱼ ᱥᱟᱢᱟᱝ ᱜᱚᱨᱚᱱ ᱼ ᱟᱢ, ᱟᱵᱤᱱ, ᱟᱯᱮ᱾
᱓ᱼ ᱥᱟᱺᱜᱤᱱ ᱜᱚᱨᱚᱱ – ᱟᱡ, ᱟᱠᱤᱱ, ᱟᱠᱚ, ᱩᱱᱤ, ᱩᱱᱠᱤᱱ, ᱩᱱᱠᱩ, ᱚᱱᱟ, ᱚᱱᱟ ᱠᱤᱱ, ᱚᱱᱟᱠᱚ, ᱫᱟᱨᱮ, ᱫᱟᱨᱮ ᱠᱤᱱ, ᱫᱟᱨᱮ ᱠᱚ, ᱦᱚᱲ, ᱦᱚᱲ ᱠᱚ, ᱦᱚᱲ ᱠᱤᱱ᱾
ᱜᱚᱴᱟᱝ
ᱧᱩᱱᱩᱢ ᱯᱟᱹᱨᱤᱥ ᱨᱤᱱᱼ ᱡᱤᱣᱤᱭᱟᱱ ᱵᱤᱱ ᱡᱤᱣᱤᱭᱟᱱ ᱠᱚ ᱚᱠᱟᱨᱮ ᱛᱤᱱᱟᱹᱜ ᱜᱚᱴᱟᱝ ᱢᱮᱱᱟᱜᱼᱟ, ᱚᱱᱟ ᱜᱚᱴᱟᱝ ᱛᱮᱫ ᱫᱚ ᱜᱚᱴᱟᱝ ᱵᱚ ᱢᱮᱛᱟᱜᱼᱟ᱾ ᱚᱱᱟ ᱫᱚ ᱯᱮ ᱛᱷᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟ᱾
ᱚᱱᱟ ᱠᱚᱫᱚᱺᱼ
᱑ᱼ ᱢᱤᱫ ᱜᱚᱴᱟᱝ – ᱢᱤᱫᱴᱟᱝ ᱜᱮ ᱵᱩᱡᱷᱟᱹᱣᱜ ᱨᱮᱭᱟᱜ᱾
ᱡᱮᱞᱮᱠᱟ – ᱦᱚᱲ, ᱦᱟᱯᱟ, ᱫᱷᱤᱨᱤ, ᱫᱟᱨᱮ, ᱮᱢᱟᱱ᱾
᱒ᱼ ᱵᱟᱨ ᱜᱚᱴᱟᱝ – ᱵᱟᱨᱭᱟ ᱵᱩᱡᱷᱟᱹᱣᱜ ᱨᱮᱭᱟᱜ᱾
ᱡᱮᱞᱮᱠᱟ – ᱦᱚᱲ ᱠᱤᱱ, ᱦᱟᱯᱟ ᱠᱤᱱ, ᱫᱷᱤᱨᱤ ᱠᱤᱱ, ᱫᱟᱨᱮ ᱠᱤᱱ᱾ ᱱᱚᱶᱟ ᱨᱮᱱᱟᱜ ᱩᱱᱩᱫᱩᱜ ᱡᱮᱱᱮᱫ ᱫᱚ “ᱠᱤᱱ”
᱓ᱼ ᱥᱟᱸᱜᱮ ᱜᱚᱴᱟᱝ – ᱵᱟᱨᱭᱟ ᱠᱷᱚᱱ ᱰᱷᱮᱨ ᱨᱮᱭᱟᱜ, ᱜᱚᱴᱟᱝ ᱫᱚ ᱥᱟᱸᱜᱮ ᱜᱚᱴᱟᱝ᱾
ᱡᱮᱞᱮᱠᱟ – ᱦᱚᱲ ᱠᱚ, ᱦᱟᱯᱟ ᱠᱚ, ᱫᱷᱤᱨᱤ ᱠᱚ, ᱫᱟᱨᱮ ᱠᱚ᱾ ᱱᱚᱣᱟ ᱨᱮᱭᱟᱜ ᱩᱱᱩᱫᱩᱜ ᱡᱮᱱᱮᱫ ᱫᱚ “ᱠᱚ”᱾
ᱡᱟᱱᱟᱝ
ᱡᱤᱣᱤᱭᱟᱱ ᱵᱤᱱ ᱡᱤᱣᱤᱭᱟᱱ ᱠᱚ ᱚᱠᱚᱭ ᱠᱚᱫᱚ ᱠᱚᱲᱟ ᱡᱟᱝ ᱨᱤᱱ ᱚᱠᱚᱭ ᱠᱚᱫᱚ ᱠᱩᱲᱤ ᱡᱟᱝ ᱨᱤᱱ ᱟᱨ ᱚᱠᱚᱭ ᱠᱚᱫᱚ ᱚᱠᱟ ᱡᱟᱝ ᱨᱤᱱ ᱦᱚᱸᱠᱚ ᱵᱟᱝ ᱠᱟᱱᱟ᱾ ᱚᱱᱟ ᱡᱟᱝ ᱩᱨᱩᱢ ᱠᱟᱛᱷᱟ ᱜᱮ ᱡᱟᱱᱟᱝ ᱵᱚ ᱢᱮᱛᱟᱜ ᱠᱟᱱᱟ᱾
ᱡᱟᱱᱟᱝ ᱫᱚ ᱯᱮ ᱛᱷᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟᱺᱼ
(᱑) ᱠᱚᱲᱟ ᱡᱟᱱᱟᱝ (᱒) ᱠᱩᱲᱤ ᱡᱟᱱᱟᱝ (᱓) ᱦᱟᱫ ᱡᱟᱱᱟᱝ᱾
(᱑) ᱠᱚᱲᱟ ᱡᱟᱱᱟᱝ ᱺᱼ ᱥᱟᱺᱰᱤ, ᱟᱺᱰᱤᱭᱟ, ᱵᱚᱫᱟᱹ ᱵᱟᱵᱟ, ᱫᱟᱢᱠᱚᱢ᱾
(᱒) ᱠᱩᱲᱤ ᱡᱟᱱᱟᱝ ᱺᱼ ᱠᱟᱞᱚᱴ, ᱮᱸᱜᱟ, ᱮᱨᱟ, ᱯᱟᱴᱷᱤ, ᱟᱭᱳ, ᱯᱮᱴᱷᱟᱬ᱾
(᱓) ᱦᱟᱫ ᱡᱟᱱᱟᱝ ᱺᱼ ᱫᱷᱤᱨᱤ, ᱫᱟᱜ, ᱚᱲᱟᱜ, ᱦᱟᱯᱟ, (ᱵᱤᱱ ᱡᱤᱣᱤᱭᱟᱱ ᱠᱚ)
ᱡᱟᱹᱛ ᱡᱟᱱᱟᱝ
ᱱᱚᱣᱟ ᱵᱷᱮᱜᱮᱫ ᱢᱤᱢᱤᱫ ᱨᱚᱲ ᱢᱮᱱᱟᱜᱼᱟ, ᱚᱱᱟ ᱨᱮᱫᱚ ᱠᱩᱲᱤ ᱡᱟᱱᱟᱝ, ᱠᱚᱲᱟ ᱡᱟᱱᱟᱝ ᱨᱤᱱ ᱦᱚᱸᱠᱚ ᱛᱟᱦᱮᱸᱱᱟ᱾ ᱚᱱᱟ ᱠᱚᱫᱚ ᱺᱼ ᱦᱚᱲ, ᱰᱟᱸᱨᱤ, ᱢᱮᱨᱚᱢ, ᱥᱩᱠᱨᱤ, ᱦᱟᱹᱠᱩ, ᱮᱢᱟᱱ᱾
(ᱱᱚᱣᱟ ᱠᱚᱫᱚ ᱡᱟᱹᱛ ᱨᱮᱭᱟᱜ ᱧᱩᱛᱩᱢ ᱠᱟᱱᱟ) – ᱚᱱᱟ ᱛᱮ ᱚᱠᱟ ᱠᱚᱫᱚ ᱡᱟᱹᱛ ᱡᱟᱱᱟᱝ ᱨᱮᱠᱚ ᱞᱮᱠᱷᱟᱜᱼᱟ᱾
᱑᱑ ᱯᱟᱹᱨᱤᱥ ᱟᱹᱨᱩᱜ ᱠᱟᱛᱷᱟ
ᱟᱹᱲᱟᱹ ᱠᱚᱫᱚ ᱚᱠᱟ ᱟᱠᱚᱣᱟᱜ ᱯᱟᱹᱨᱤᱥ ᱨᱮ ᱢᱮᱱᱟᱜ ᱠᱚᱣᱟ, ᱢᱮᱱᱠᱷᱟᱱ ᱚᱱᱟ ᱠᱚᱫᱚ ᱡᱮᱱᱮᱫ (ᱡᱩᱴᱤᱡ) ᱠᱚ ᱟᱛᱮ ᱵᱟᱝᱠᱷᱟᱱ ᱤᱱᱠᱟᱹ ᱛᱮᱦᱚᱸ ᱮᱴᱟᱜ ᱯᱟᱹᱨᱤᱥ ᱟᱹᱲᱟᱹ ᱞᱮᱠᱟ ᱠᱚ ᱠᱟᱹᱢᱤᱭᱟ᱾ ᱰᱷᱮᱨ ᱠᱟᱭ ᱛᱮᱫᱚ – ᱧᱩᱱᱩᱢ, ᱜᱩᱱᱩᱱ, ᱠᱟᱱᱣᱟ, ᱟᱨ ᱛᱚᱱᱚᱲ ᱯᱟᱹᱨᱤᱥ ᱨᱤᱱ ᱟᱹᱲᱟᱹ ᱠᱚᱨᱮ ᱚᱱᱠᱟ ᱫᱚ ᱧᱮᱞᱚᱜᱼᱟ᱾
ᱧᱩᱱᱩᱢ ᱠᱷᱚᱱ ᱠᱟᱱᱣᱟ
ᱟᱵᱚ ᱵᱚ ᱢᱮᱱᱟ – ᱚᱸᱰᱮ ᱢᱤᱫᱴᱟᱝ ᱩᱞ ᱫᱟᱨᱮ ᱟᱠᱟᱱᱟ ᱱᱚᱣᱟ ᱨᱮ “ᱫᱟᱨᱮ” ᱧᱩᱛᱩᱢ ᱯᱟᱹᱨᱤᱥ ᱨᱮᱭᱟᱜ ᱠᱟᱱ ᱨᱮᱦᱚᱸ ᱠᱟᱱᱣᱟ ᱯᱟᱹᱨᱤᱥ ᱞᱮᱠᱟᱭ ᱠᱟᱹᱢᱤ ᱠᱟᱱᱟ᱾
ᱠᱟᱱᱣᱟ ᱠᱷᱚᱱ ᱧᱩᱱᱩᱢ
ᱟᱨ ᱦᱚᱸ ᱵᱚ ᱢᱮᱱᱟ – ᱮᱱᱮᱡᱽ ᱧᱮᱞ ᱮ ᱥᱮᱱᱚᱜ ᱠᱟᱱᱟ᱾ ᱱᱚᱸᱰᱮ “ᱮᱱᱮᱡᱽ” ᱫᱚ ᱠᱟᱱᱣᱟ ᱯᱟᱹᱨᱤᱥ ᱨᱮᱭᱟᱜ ᱠᱟᱱ ᱨᱮᱦᱚᱸ ᱧᱩᱱᱩᱢ ᱯᱟᱹᱨᱤᱥ ᱞᱮᱠᱟᱭ ᱛᱤᱸᱜᱩ ᱟᱠᱟᱱᱟ᱾
ᱜᱩᱱᱩᱱ ᱠᱷᱚᱱ ᱠᱟᱱᱣᱟ
ᱟᱨᱦᱚᱸ ᱵᱚ ᱢᱮᱱᱟ – “ᱫᱟᱨᱮ ᱨᱚᱦᱚᱲᱚᱜ ᱠᱟᱱᱟ” ᱱᱚᱶᱟ ᱨᱚᱲ ᱨᱮᱫᱚ – “ᱨᱚᱦᱚᱲ” ᱫᱚ ᱜᱩᱱᱩᱱ ᱯᱟᱹᱨᱤᱥ ᱨᱮᱭᱟᱜ ᱠᱟᱱ ᱨᱮᱦᱚᱸ ᱠᱟᱱᱣᱟ ᱯᱟᱹᱨᱤᱥ ᱞᱮᱠᱟᱭ ᱠᱟᱹᱢᱤ ᱠᱟᱱᱟ᱾
ᱠᱟᱱᱣᱟ ᱠᱷᱚᱱ ᱜᱩᱱᱩᱱ
ᱟᱨᱦᱚᱸ ᱵᱚ ᱢᱮᱱᱟ – ᱥᱮᱱ ᱦᱚᱲ ᱫᱚᱠᱚ ᱥᱮᱱ ᱮᱱᱟ ᱛᱟᱦᱮᱸᱱ ᱦᱚᱲ ᱫᱚᱠᱚ ᱛᱟᱦᱮᱸᱱ ᱦᱚᱲ ᱫᱚᱠᱚ ᱛᱟᱦᱮᱸ ᱮᱱᱟ᱾
ᱱᱚᱰᱮ “ᱥᱮᱱ” ᱫᱚ ᱠᱟᱱᱣᱟ ᱯᱟᱹᱨᱤᱥ ᱨᱮᱭᱟᱜ ᱠᱟᱱ ᱨᱮᱦᱚᱸ ᱦᱚᱲ ᱠᱟᱹᱢᱤ ᱨᱮᱭᱟᱜ ᱜᱩᱱ ᱮ ᱞᱟᱹᱭ ᱮᱫ ᱛᱮ ᱜᱩᱱᱩᱱ ᱯᱟᱹᱨᱤᱥ ᱞᱮᱠᱟᱭ ᱠᱟᱹᱢᱤ ᱠᱟᱱᱟ᱾
ᱧᱩᱱᱩᱢ ᱠᱷᱚᱱ ᱜᱩᱱᱩᱱ
ᱟᱨᱦᱚᱸ ᱵᱚ ᱢᱮᱱᱟ – ᱦᱟᱥᱟ ᱦᱚᱲᱢᱚ ᱦᱚᱭ ᱡᱤᱵᱤᱱ ᱵᱟᱭ ᱛᱟᱦᱮᱸᱱᱟ᱾ ᱱᱚᱸᱰᱮ “ᱦᱟᱥᱟ” ᱟᱨ “ᱦᱚᱭ” ᱫᱚ ᱧᱩᱱᱩᱢ ᱯᱟᱹᱨᱤᱥ ᱠᱟᱱ ᱨᱮᱦᱚᱸ ᱦᱚᱲᱢᱚ ᱟᱨ ᱡᱤᱵᱚᱱ ᱨᱮᱭᱟᱜ ᱜᱩᱱ ᱛᱮᱫ ᱠᱤᱱ ᱞᱟᱹᱭ ᱮᱫᱼᱟ, ᱚᱱᱟᱛᱮ ᱜᱩᱱᱩᱱ ᱯᱟᱹᱨᱤᱥ ᱞᱮᱠᱟ ᱠᱤᱱ ᱛᱤᱸᱜᱩ ᱟᱠᱟᱱᱟ᱾
ᱛᱚᱱᱚᱲ ᱠᱷᱚᱱ ᱠᱟᱱᱣᱟ
ᱟᱨ ᱦᱚᱸ ᱵᱚ ᱢᱮᱱᱟ – ᱫᱮᱞᱟ ᱞᱚᱜᱚᱱᱚᱜ ᱢᱮ ᱾ ᱱᱚᱸᱰᱮ “ᱞᱚᱜᱚᱱ” ᱫᱚ ᱛᱚᱱᱚᱲ ᱯᱟᱹᱨᱤᱥ ᱨᱮᱭᱟᱜ ᱠᱟᱱ ᱨᱮᱦᱚᱸ ᱠᱟᱱᱣᱟ ᱯᱟᱹᱨᱤᱥ ᱨᱮᱭᱟᱜ ᱮ ᱠᱟᱹᱢᱤ ᱠᱟᱱᱟ᱾
ᱛᱚᱱᱚᱲ ᱠᱷᱚᱱ ᱜᱩᱱᱩᱱ
ᱟᱨᱦᱚᱸ ᱵᱚ ᱢᱮᱱᱟ – ᱦᱤᱥᱤᱫ ᱦᱤᱥᱤᱫ ᱦᱚᱭ ᱟᱹᱰᱤ ᱥᱚᱦᱟᱬᱟ᱾
ᱱᱚᱸᱰᱮ – “ᱦᱤᱥᱤᱫ ᱦᱤᱥᱤᱫ” ᱫᱚ ᱛᱚᱱᱚᱲ ᱯᱟᱹᱨᱤᱥ ᱨᱮᱭᱟᱜ ᱠᱟᱱ ᱨᱮᱦᱚᱸ ᱦᱚᱭ ᱨᱮᱭᱟᱜ ᱜᱩᱱ ᱮ ᱞᱟᱹᱭ ᱮᱫᱼᱟ᱾ ᱚᱱᱟ ᱛᱮ ᱜᱩᱱᱩᱱ ᱯᱟᱹᱨᱤᱥ ᱞᱮᱠᱟᱭ ᱛᱤᱸᱜᱩ ᱟᱠᱟᱱᱟ᱾
ᱟᱹᱭᱟᱹᱛ ᱨᱮ ᱟᱹᱲᱟᱹ ᱠᱚ ᱨᱮᱭᱟᱜ ᱯᱟᱹᱨᱤᱥ ᱟᱹᱯᱟᱨᱩ (ᱵᱚᱫᱚᱞ) ᱚᱱᱮ ᱚᱱᱠᱟ ᱦᱚᱸ ᱦᱩᱭᱩᱜᱼᱟ᱾ ᱩᱱᱡᱚᱦᱚᱜ ᱫᱚ ᱚᱱᱟ ᱠᱚᱫᱚ ᱟᱹᱨᱩ ᱟᱠᱟᱱ ᱯᱟᱹᱨᱤᱥ ᱨᱮᱜᱮ ᱠᱚ ᱞᱮᱠᱷᱟᱜᱼᱟ᱾
ᱫᱚᱬᱚ
ᱟᱹᱲᱟᱹ ᱠᱚ ᱟᱠᱚᱣᱟᱜ ᱯᱟᱹᱨᱤᱥ ᱟᱛᱮ ᱟᱨ ᱵᱟᱝᱠᱷᱟᱱ ᱮᱴᱟᱜ ᱯᱟᱹᱨᱤᱥ ᱦᱟᱛᱟᱣ ᱠᱟᱛᱮ ᱟᱹᱭᱟᱹᱛ ᱨᱮᱠᱚ ᱫᱚᱲᱚᱢ ᱞᱮᱱᱠᱷᱟᱱ ᱩᱱᱠᱩ ᱫᱚ ᱟᱫᱚ ᱫᱚᱬᱚ ᱧᱩᱛᱩᱢ ᱠᱚ ᱧᱟᱢᱟ᱾ ᱟᱫᱚ ᱵᱚ ᱢᱮᱛᱟ ᱠᱚᱣᱟ – ᱧᱩᱱᱩᱢ ᱫᱚᱬᱚ, ᱠᱟᱱᱣᱟ ᱫᱚᱬᱚ, ᱜᱩᱱᱩᱱ ᱫᱚᱬᱚ, ᱮᱢᱟᱱ᱾
ᱟᱵᱚ ᱵᱚ ᱢᱮᱱᱟ – ᱚᱱᱟ ᱫᱟᱨᱮ ᱨᱮᱭᱟᱜ ᱪᱚᱴ ᱰᱟᱹᱨ ᱨᱮ ᱵᱟᱨᱭᱟ ᱪᱮᱬᱮ ᱢᱟᱫ ᱥᱟᱠᱟᱢ ᱛᱮᱠᱤᱱ ᱛᱩᱠᱟᱹ ᱟᱠᱟᱫᱼᱟ᱾ ᱱᱚᱸᱰᱮ “ᱚᱱᱟ” ᱫᱚ ᱩᱧᱩᱢ ᱫᱚᱬᱚ, “ᱪᱚᱴ” ᱫᱚ ᱜᱩᱱᱩᱱ ᱫᱚᱬᱚ, “ᱨᱮ” ᱫᱚ ᱜᱟᱺᱱᱟᱹᱴ ᱫᱚᱬᱚ, “ᱵᱟᱨᱭᱟ” ᱫᱚ ᱜᱩᱱᱩᱱ ᱫᱚᱬᱚ, “ᱪᱮᱸᱬᱮ” ᱫᱚ ᱧᱩᱱᱩᱢ ᱫᱚᱬᱚ, “ᱢᱟᱫ ᱥᱟᱠᱟᱢ” ᱫᱚ ᱧᱩᱱᱩᱢ ᱫᱚᱬᱚ “ᱛᱮ” ᱫᱚ ᱜᱟᱺᱱᱟᱹᱴ ᱫᱚᱬᱚ, “ᱠᱤᱱ ᱛᱩᱠᱟᱹ” ᱟᱠᱟᱫᱟ ᱫᱚ ᱠᱟᱱᱣᱟ ᱫᱚᱬᱚ᱾
ᱟᱹᱭᱟᱹᱛ ᱨᱮ ᱟᱹᱲᱟᱹ ᱠᱚᱣᱟ ᱛᱚᱯᱚᱞ:ᱼ
ᱟᱹᱭᱟᱹᱛ – ᱟᱹᱰᱤ ᱜᱚᱴᱟᱝ ᱟᱹᱲᱟᱹ ᱡᱚᱲᱟᱣ ᱢᱤᱫ ᱠᱟᱛᱮ ᱟᱹᱭᱟᱹᱛ ᱦᱩᱭᱩᱜ ᱠᱟᱱᱟ, ᱚᱱᱟ ᱨᱮᱭᱟᱜ ᱢᱩᱬᱩᱫ ᱫᱚᱬᱚ ᱫᱚ “ᱠᱟᱹᱜᱢᱤ ᱤᱡ” ᱟᱨ ᱩᱱᱤᱭᱟᱜ ᱠᱟᱹᱢᱤ᱾
ᱟᱵᱚ ᱵᱚ ᱨᱚᱲᱟ
ᱵᱟᱱᱟ ''ᱫᱟᱨᱟᱭ ᱠᱟᱱᱟ'' ᱫᱟᱜ ''ᱞᱤᱸᱡᱤᱱ ᱠᱟᱱᱟ''| ᱤᱧ ᱦᱟᱱᱟᱧ ''ᱢᱟᱜ-ᱮᱫ-ᱟ'' ᱩᱱᱤ ᱫᱟᱠᱟᱭ ᱡᱚᱢ ᱮᱫ-ᱟ ᱨᱤᱢᱤᱞ ''ᱨᱟᱠᱟᱵ ᱠᱟᱱᱟ'' ᱦᱚᱭ ''ᱦᱤᱡᱩᱜ ᱠᱟᱱᱟ'' ᱱᱚᱣᱟ ᱠᱚᱨᱮ -- ᱵᱟᱱᱟ, ᱫᱟᱜ,ᱤᱧ, ᱩᱱᱤ, ᱨᱤᱢᱤᱞ, ᱦᱚᱭ, ᱮᱢᱟᱱ ᱠᱚᱫᱚ ᱠᱟᱹᱢᱤ ᱠᱟᱱᱟ ''ᱪᱮᱛᱟᱵ ᱪᱤᱱᱦᱟᱹ ᱟᱱ ᱠᱚᱫᱚ ᱠᱟᱹᱢᱤ ᱛᱮᱫ ᱠᱚᱹᱹᱹ
No comments:
Post a Comment