ᱡᱟᱱᱟᱢ ᱟᱭᱚ ᱵᱟᱵᱟ
ᱡᱟᱱᱟᱢ ᱟᱭᱳ ᱵᱟᱵᱟ ᱡᱟᱱᱟᱢ ᱨᱤᱞᱟ ᱢᱟᱞᱟ ᱫᱦᱟᱹᱨᱛᱤ ᱱᱚᱣᱟ ᱢᱚᱧᱪᱚᱯᱩᱨᱤ ᱵᱤᱱ ᱧᱮᱞ ᱚᱪᱚ ᱠᱤᱫᱤᱧᱟ ᱟᱵᱤᱱ ᱟᱭᱢᱟ ᱥᱟᱨᱦᱟᱣ ᱡᱟᱭ ᱡᱤᱱ ᱱᱚᱣᱟ ᱤᱧ ᱪᱮᱛᱟᱱ ᱨᱮ ᱱᱚᱣᱟ ᱨᱤᱱ ᱯᱟᱞᱮ ᱠᱦᱟᱱ ᱜᱚᱜ ᱟᱠᱟᱫ ᱞᱮᱠᱟ ᱛᱟᱦᱮᱱᱟ ᱥᱟᱸᱦᱮᱫ ᱟᱹᱣᱨᱤ ᱢᱩᱪᱟᱹᱫ ᱦᱟᱹᱵᱤᱡ ᱛᱤᱥ ᱦᱚᱸ ᱵᱟᱝ ᱜᱮ ᱦᱟᱞᱟ ᱫᱟᱲᱮ ᱠᱮᱭᱟᱧ ᱱᱚᱣᱟ ᱫᱚ ᱢᱮᱱᱟᱜ᱾ ᱢᱤᱫ ᱜᱤᱫᱽᱨᱟᱹ ᱩᱢᱮᱨ ᱠᱦᱚᱱ ᱜᱮ ᱜᱩᱨᱞᱟᱹᱣ ᱟᱹᱪᱩᱨ ᱤᱧᱟᱜ ᱡᱤᱣᱤ ᱚᱸᱛᱚᱨ ᱵᱷᱤᱛᱨᱤ ᱠᱷᱚᱱ ᱞᱮᱛᱟᱲ ᱜᱮ ᱟᱭᱳ ᱵᱟᱵᱟ ᱛᱤᱧ ᱵᱚᱸᱜᱟ ᱵᱩᱨᱩ ᱡᱟᱦᱮᱨ ᱮᱨᱟ ᱠᱷᱚᱱ ᱦᱚᱸ ᱥᱚᱨᱮᱥ ᱜᱮ ᱱᱚᱣᱟ ᱡᱮᱜᱮᱛ ᱨᱮ ᱡᱟᱦᱟᱸ ᱛᱤᱱ ᱦᱟᱹᱵᱤᱡ ᱤᱧ ᱟᱭᱳ ᱵᱟᱵᱟ ᱛᱤᱠᱤᱱ ᱜᱚᱴᱟ ᱫᱷᱟᱹᱨᱛᱤ ᱡᱟᱠᱟᱛ ᱨᱮ ᱵᱟᱧ ᱟᱹᱪᱩᱨ ᱟᱥᱮᱱ ᱞᱮᱠᱤᱱ ᱠᱷᱟᱱ ᱜᱮ ᱤᱧᱟᱜ ᱢᱚᱱᱮ ᱨᱮ ᱥᱩᱠᱷ ᱱᱤᱨᱟᱹᱭ ᱛᱮ ᱜᱮ ᱯᱟᱞᱮ ᱵᱟᱧ ᱛᱟᱦᱮᱸ ᱠᱚᱜ ᱟ, ᱥᱩᱠᱷ ᱫᱩᱠᱷ ᱨᱮ ᱛᱤᱧ ᱩᱱᱠᱤᱱ ᱜᱮ ᱵᱳᱸᱜᱟ ᱞᱮᱠᱟ ᱦᱚᱨ ᱰᱟᱦᱟᱨ ᱡᱤᱭᱚᱱ ᱨᱮᱱᱟᱜ ᱥᱮ ᱫᱷᱟᱹᱨᱛᱤ ᱨᱮᱱᱟᱜ ᱢᱟᱨᱥᱟᱞ ᱛᱟᱨᱟᱥ ᱮᱢ ᱟᱱᱤᱡ ᱛᱤᱥ ᱡᱟᱱᱟᱢ ᱨᱮᱦᱚᱸ ᱵᱟᱝ ᱦᱤᱲᱤᱧ ᱠᱚᱜ᱾ ᱤᱧ ᱫᱚ ᱱᱤᱛ ᱦᱟᱹᱵᱤᱡ ᱱᱤᱭᱟ ᱜᱮ ᱠᱩᱠᱢᱩ ᱢᱮᱱᱟᱜ ᱟᱠᱟᱫ ᱛᱤᱧᱟ ᱡᱮ ᱟᱭᱳ ᱵᱟᱵᱟ ᱢᱮᱫ ᱟᱦᱟᱸ ᱨᱮ ᱢᱮᱫ ᱫᱟᱜ ᱛᱤᱥ ᱦᱚᱸ ᱵᱟᱧ ᱡᱚᱨᱚ ᱚᱪᱚᱭ ᱠᱮᱭᱟ ᱥᱟᱨᱟ ᱜᱷᱟᱹᱲᱤᱡ ᱥᱩᱠᱷ ᱨᱮᱜᱮ ᱧᱮᱞ ᱥᱟᱱᱟᱭᱤᱝ ᱠᱟᱱᱟ, ᱱᱤᱪᱚᱞ ᱚᱠᱛᱚ ᱨᱮ ᱫᱩᱲᱩᱵ ᱠᱟᱛᱮ ᱡᱩᱫᱤ ᱱᱚᱣᱟ ᱠᱟᱛᱷᱟᱧ ᱩᱭᱦᱟᱨ ᱡᱤᱭᱚᱱ ᱨᱮᱭᱟᱜ ᱢᱤᱫ ᱢᱟᱨᱥᱟᱞ ᱰᱟᱦᱟᱨ ᱚᱠᱟ ᱞᱮᱠᱟ ᱛᱮᱧ ᱟᱹᱜᱩᱭᱟ ᱥᱮ ᱤᱧ ᱚᱱᱟ ᱰᱟᱦᱟᱨ ᱤᱧ ᱟᱯᱱᱟᱨ ᱫᱟᱲᱮᱭᱟᱜ ᱠᱮᱭᱟ ᱩᱭᱦᱟᱹᱨ ᱫᱤᱥᱟᱹ ᱛᱚᱨᱟ ᱢᱮᱫ ᱠᱷᱚᱱ ᱢᱮᱫ ᱫᱟᱜ ᱡᱚᱨᱚᱜ ᱠᱟᱱᱟ ᱦᱤᱰᱤᱨ ᱤᱧᱟᱜ ᱠᱩᱠᱢᱩ ᱛᱤᱧ ᱢᱮᱱᱟᱜ ᱟᱠᱟᱫ ᱪᱮᱠᱟ ᱞᱮᱠᱟᱛᱤᱧ ᱥᱟᱹᱨᱤ ᱠᱮᱭᱟ ᱯᱟᱞᱮ ᱠᱦᱟᱱ ᱟᱭᱳ ᱵᱟᱵᱟ ᱢᱮᱱᱟᱜ ᱠᱤᱱ ᱡᱤᱭᱚᱱ ᱨᱮᱱᱟᱜ ᱟᱨᱥᱤ ᱞᱮᱠᱟ ᱵᱩᱜᱤ ᱵᱟᱹᱲᱤᱡ ᱡᱮᱛᱮ ᱞᱮᱠᱟ ᱩᱱᱠᱤᱱ ᱜᱮ ᱦᱚᱨ ᱰᱟᱦᱟᱨ ᱦᱚᱸ ᱠᱤᱱ ᱩᱫᱩᱜ ᱟᱧ, ᱚᱞᱚᱜ ᱯᱟᱲᱦᱟᱜ ᱠᱟᱱ ᱥᱮ ᱡᱟᱦᱟᱸᱱ ᱠᱟᱹᱢᱤ ᱠᱚ ᱡᱤᱣᱤ ᱢᱚᱱᱮ ᱚᱱᱛᱚᱨ ᱨᱮ ᱨᱟᱹᱥᱠᱟᱹ ᱜᱮ ᱠᱤᱱ ᱫᱚᱦᱚᱭ ᱛᱤᱧ ᱟᱹᱰᱤ ᱱᱟᱯᱟᱭ ᱟᱹᱰᱤ ᱠᱤᱱ ᱵᱷᱟᱹᱜᱤᱭᱟ ᱟᱭᱚ ᱵᱟᱵᱟ ᱛᱤᱧ ᱡᱚᱛᱚ ᱠᱷᱚᱱᱟᱜ ᱥᱚᱨᱮᱥ ᱨᱮ ᱢᱮᱱᱟᱜ ᱠᱤᱱ᱿
No comments:
Post a Comment