ᱦᱟᱸᱰᱤ ᱦᱟᱸᱰᱤ ᱵᱩᱰᱷᱤ ᱥᱚ ᱠᱤᱫᱤᱧᱟ

"ᱦᱟᱸᱰᱤ ᱦᱟᱸᱰᱤ ᱵᱩᱰᱷᱤ ᱥᱚ ᱞᱤᱫᱤᱧ ᱫᱚ, 

ᱦᱟᱸᱰᱤ ᱢᱚᱪᱟ ᱵᱩᱰᱷᱤ ᱨᱚᱜ ᱠᱟᱛᱤᱧ ᱢᱮ

—————————————————————

                      —ᱵᱟᱞᱚᱠᱨᱟᱢ ᱥᱚᱨᱮᱱ 

"" ᱟᱞᱮ ᱫᱤᱥᱚᱢ, ᱠᱷᱚᱞᱟᱲ ᱫᱤᱥᱚᱢ,

ᱨᱮᱸᱜᱮᱡ ᱱᱟᱪᱟᱨ ᱨᱮᱦᱚᱸ ᱞᱮ ᱫᱟᱫᱟ -

ᱮᱱᱮᱡ ᱥᱮᱨᱮᱧ ᱛᱮ ᱫᱚ ᱞᱮ ᱠᱤᱥᱟᱹᱬ ᱜᱮᱭᱟ ᱾

ᱫᱚᱝ ᱮᱱᱮᱡ ᱢᱟ ᱯᱟᱛᱟ ᱞᱮᱠᱟ,

ᱵᱟᱝ ᱞᱟᱠᱛᱤᱜ ᱱᱮᱶᱛᱟ ᱠᱟᱛᱷᱟ,

ᱯᱩᱲᱥᱤ ᱯᱮᱲᱟ ᱫᱤᱥᱚᱢ ᱯᱮᱲᱟ -

ᱡᱚᱛᱚ ᱜᱮ ᱥᱟᱜᱟᱞ ᱥᱟᱜᱟᱞ ᱾"" 

ᱦᱚᱭ, ᱠᱷᱚᱞᱟᱲ ᱫᱤᱥᱚᱢ ᱨᱮᱱᱟᱜ ᱠᱟᱛᱷᱟ ᱜᱤᱧ ᱞᱟᱹᱭ ᱮᱫ ᱟ ᱾ ᱟᱫᱚ ᱚᱠᱟ ᱫᱤᱥᱚᱢ ᱚᱠᱟ ᱞᱮᱠᱟ, ᱚᱱᱟ ᱫᱚ ᱵᱟᱹᱧ ᱵᱟᱰᱟᱭᱟ, ᱢᱮᱱᱠᱷᱟᱱ ᱱᱤᱭᱟᱹ ᱫᱚ ᱯᱟᱞᱮ ᱠᱷᱟᱸᱴᱤ ᱠᱟᱛᱷᱟ —ᱜᱚᱴᱟ ᱫᱤᱥᱚᱢ ᱜᱮ ᱡᱟᱱᱤᱡ ᱥᱟᱶᱛᱟ ᱨᱮᱱᱟᱜ ᱥᱟᱱᱟᱢ ᱠᱟᱢᱤ ᱨᱮᱜᱮ ᱠᱚᱢ ᱵᱤᱥᱤ ᱦᱟᱸᱰᱤ ᱨᱮᱱᱟᱜ ᱪᱚᱞ ᱫᱚ ᱢᱮᱱᱟᱜ ᱟ ᱾

ᱟᱞᱮ ᱫᱤᱥᱚᱢ ᱢᱟ ᱱᱚᱜ ᱚ ᱱᱚᱝᱠᱟ —

ᱦᱩᱲᱩ ᱥᱚᱝ +ᱜᱤᱨᱟᱹ ᱛᱚᱞ —ᱢᱤᱫ ᱴᱩᱠᱩᱡ,

ᱩᱞ ᱰᱷᱟᱹᱣᱨᱟᱜ ᱛᱚᱞ —ᱢᱤᱫ ᱴᱩᱠᱩᱡ,

ᱛᱤᱛᱨᱤ ᱠᱩᱲᱤ ᱡᱚᱲ ᱚᱡᱚᱜ —ᱢᱤᱫᱴᱩᱠᱩᱡ, 

ᱵᱟᱹᱨᱤᱭᱟᱹᱛ ᱠᱚᱭᱚᱜ ᱜᱚᱫ —ᱢᱤᱫᱴᱩᱠᱩᱡ,

ᱵᱟᱹᱨᱤᱭᱟᱹᱛ ᱦᱟᱸᱰᱤ —ᱢᱤᱫ ᱴᱩᱠᱩᱡ,

ᱵᱟᱦᱩ ᱟᱛᱟᱝ ᱫᱟᱨᱟᱢ —ᱢᱤᱫ ᱴᱩᱠᱩᱡ,

ᱥᱤᱥᱤᱨ ᱦᱟᱸᱰᱤ —ᱢᱤᱫ ᱴᱩᱠᱩᱡ,

ᱟᱨ ᱦᱚᱸ ᱪᱮᱫ ᱠᱚ ᱪᱚ ᱛᱟᱸᱦᱮ ᱫᱟᱲᱮᱭᱟᱜ ᱟ, 

ᱱᱚᱣᱟ ᱠᱚ ᱫᱚ ᱥᱟᱱᱟᱢ ᱢᱚᱬᱮ ᱢᱟᱯᱟᱡᱤ ᱠᱚᱣᱟᱜ ᱯᱟᱣᱱᱟ ᱾ ᱢᱟᱞᱤᱠ ᱟᱜ ᱯᱮᱲᱟ ᱦᱟᱸᱰᱤ ᱫᱚ ᱵᱷᱮᱜᱟᱨ ᱜᱮ ᱛᱟᱭᱟ ᱾

ᱟᱫᱚ ᱱᱚᱣᱟ ᱠᱚᱨᱮ ᱠᱷᱚᱱ ᱜᱮᱵᱚᱱ ᱟᱭ ᱩᱢᱟᱹᱱ ᱢᱟ, ᱚᱱᱟ ᱵᱟᱯᱞᱟ ᱚᱲᱟᱜ ᱨᱮᱱᱟᱜ

ᱴᱷᱟᱸᱴ ᱵᱟᱸᱴ ᱫᱚ ᱪᱮᱫ ᱞᱮᱠᱟ ᱦᱩᱭ ᱫᱟᱲᱮᱭᱟᱜ ᱟ ᱾ ᱠᱞᱟᱵᱽ ᱠᱚᱲᱟ ᱠᱚᱫᱚ ᱚᱵᱚᱥᱚ ᱱᱟᱱᱦᱟ ᱦᱚᱴᱚᱜ ᱜᱮᱠᱚ prefer ᱟᱜ ᱟ ᱾

ᱛᱚᱵᱮ ᱱᱤᱭᱟᱹ ᱫᱚ ᱜᱚᱨᱚᱵᱽ ᱠᱟᱛᱮᱧ ᱞᱟᱹᱭ ᱟ - ᱵᱟᱹᱨᱤᱭᱟᱹᱛ ᱠᱚ ᱟᱨ ᱟᱛᱩ ᱦᱚᱲ ᱠᱚ ᱵᱷᱚᱡᱽ ᱡᱚᱢ ᱦᱚᱪᱚ ᱨᱮᱱᱟᱜ ᱪᱚᱞ ᱫᱚ ᱵᱟᱱᱩᱜ ᱟ ᱾

ᱢᱮᱱᱠᱷᱟᱱ ᱱᱮᱵᱮᱛᱟᱨ ᱫᱚ ᱟᱭᱢᱟ ᱠᱤᱪᱷᱩ ᱜᱮ ᱟᱨᱩ ᱯᱷᱮᱨᱟᱣ ᱟᱠᱟᱱᱟ ᱾

ᱤᱧᱟᱜ ᱞᱟᱹᱭ ᱨᱮᱱᱟᱜ ᱟᱥᱚᱞ ᱡᱚᱥ ᱫᱚ ᱱᱚᱣᱟ ᱠᱟᱱᱟ, ᱵᱮᱜᱚᱨ ᱦᱟᱸᱰᱤ ᱛᱮ ᱵᱟᱯᱞᱟ, ᱵᱷᱟᱸᱰᱟᱱ, ᱵᱟᱦᱟ ᱥᱚᱦᱨᱟᱭ ᱞᱮᱱᱠᱷᱟᱱ ᱪᱮᱫ ᱮᱴᱠᱮᱴᱚᱬᱮ???

ᱥᱟᱶᱛᱟ ᱨᱮᱱᱟᱜ ᱚᱠᱟ ᱠᱟᱢᱤ ᱨᱮᱜᱮ ᱦᱟᱸᱰᱤ ᱵᱟᱵᱚᱱ ᱞᱟᱜᱟᱣ ᱟ ᱾

ᱵᱚᱸᱜᱟ ᱵᱩᱨᱩ ᱦᱚᱸ ᱦᱟᱸᱰᱤ ᱵᱟᱵᱚᱱ ᱪᱚᱰᱚᱨ ᱟᱠᱚᱣᱟ ᱾

ᱡᱟᱸᱦᱟᱸ ᱨᱮ ᱪᱚᱰᱚᱨ ᱨᱮᱱᱟᱜ ᱞᱟᱠᱛᱤ, ᱚᱸᱰᱮ ᱫᱚ ᱵᱮᱨᱮᱞ ᱫᱟᱜ ᱜᱮᱵᱚᱱ ᱪᱚᱰᱚᱨ ᱟ ᱾

ᱟᱛᱩᱨᱤᱱ ᱢᱟᱡᱷᱤ ᱜᱚᱰᱮᱛ ᱠᱚ ᱫᱚ, ᱢᱤᱫ ᱵᱟᱨ ᱥᱟᱸᱡᱽ ᱢᱟᱞᱤᱠ ᱮ ᱡᱚᱢ ᱦᱚᱪᱚ ᱠᱚᱣᱟ ᱾

Entertainment ᱵᱟᱠᱷᱨᱟ ᱛᱮ ᱫᱚ personal arrangements, but not in publicly.

ᱟᱸᱥ ᱫᱚ —

ᱯᱟᱪᱮ ᱦᱩᱱᱟᱹᱝ ᱦᱟᱸᱰᱤ ᱯᱟᱨᱩᱣᱟᱹ ᱧᱩ ᱨᱮ ᱞᱟᱡᱟᱣ ᱵᱚᱛᱚᱨ ᱦᱮᱡ ᱠᱚᱜ,

ᱯᱟᱪᱮ ᱦᱩᱱᱟᱹᱝ ᱯᱟᱛᱟ ᱯᱚᱨᱚᱵᱽ ᱨᱮ ᱦᱟᱸᱰᱤ ᱯᱟᱹᱣᱨᱟᱹ ᱟᱠᱷᱨᱤᱧ ᱢᱩᱪᱟᱹᱫ ᱠᱚᱜ,

ᱯᱟᱪᱮ ᱦᱩᱱᱟᱝ ᱥᱟᱶᱛᱟ ᱠᱟᱴᱤᱡ ᱟᱨᱩ ᱯᱷᱮᱨᱟᱣ ᱠᱚᱜ,

ᱯᱟᱪᱮ ᱦᱩᱱᱟᱝ ᱫᱤᱠᱩ ᱠᱚᱠᱚ ᱢᱟᱹᱱ ᱠᱮ ᱵᱚᱱ ᱾

ᱥᱟᱭ ᱥᱮᱨᱢᱟ ᱜᱮ-ᱥᱟᱭ ᱥᱮᱨᱢᱟ -

ᱫᱤᱱ ᱜᱮ ᱪᱚ ᱨᱮᱸᱦᱮᱸ ᱨᱮᱸᱦᱮᱸ,

ᱜᱚᱲᱚᱢ ᱵᱟ...... ᱟᱫᱚ ᱠᱟᱴᱤᱡ ...

ᱢᱟᱥᱮ ᱩᱭᱦᱟᱹᱨ ᱢᱮ ᱾᱾