"ᱥᱤᱧ ᱥᱩᱛᱩᱜ ᱠᱚᱸᱰᱮᱞ ᱧᱟᱯᱟᱢ "
— ᱵᱟᱞᱚᱠᱨᱟᱢ ᱥᱚᱨᱮᱱ
————————————————————
ᱟᱵᱚ ᱦᱚᱲ ᱥᱟᱶᱛᱟ ᱨᱮ ᱟᱰᱤ ᱞᱮᱠᱟᱱ ᱵᱟᱯᱞᱟ ᱢᱮᱱᱟᱜ ᱟ, ᱠᱚᱢ ᱠᱷᱚᱨᱚᱪ ᱟᱱ, ᱰᱷᱮᱨ ᱠᱷᱚᱨᱚᱪ ᱟᱱ, ᱥᱮ medium ᱠᱷᱚᱨᱚᱪᱟᱟᱱ ᱱᱚᱝᱠᱟ ᱡᱚᱛᱚ ᱞᱮᱠᱟᱱ ᱵᱟᱯᱞᱟ ᱜᱮ ᱪᱚᱞ ᱢᱮᱱᱟᱜ ᱛᱟᱵᱚᱱᱟ ᱾
ᱠᱩᱲᱟᱣᱵ ᱟᱱᱴᱟᱣ ᱦᱚᱲ ᱫᱚ ᱟᱡ ᱠᱩᱥᱤ ᱡᱟᱸᱦᱟᱸ ᱞᱮᱠᱟᱱᱟᱜ process ᱛᱮᱜᱮ ᱵᱟᱯᱞᱟ ᱫᱟᱲᱮᱭᱟᱜ ᱟ, ᱢᱮᱱᱠᱷᱟᱱ ᱨᱮᱸᱜᱮᱡ ᱦᱚᱲᱟᱜ ᱵᱟᱯᱞᱟ ᱜᱮ ᱟᱰᱤ ᱮᱴᱠᱮᱴᱚᱬᱮ ᱫᱚ ᱾
ᱱᱤᱛᱚᱜ ᱧᱮᱞᱚᱜ ᱠᱟᱱᱟ ᱥᱟᱦᱤ ᱡᱩᱦᱤ ᱠᱟᱛᱮᱢ ᱵᱟᱯᱞᱟᱜ ᱠᱷᱟᱱ ᱠᱚᱢ ᱠᱟᱛᱮᱫ 30/40 ᱦᱟᱡᱟᱨ ᱴᱟᱠᱟ ᱫᱚ ᱱᱤᱦᱟᱹᱛ ᱜᱮ ᱞᱟᱠᱛᱤ ᱟ ᱾
ᱯᱮᱲᱟ ᱠᱚ ᱫᱩᱲᱩᱵ ᱞᱟᱜᱤᱫ - ᱪᱷᱟᱢᱰᱟ, ᱢᱟᱪᱤ, ᱪᱚᱸᱫᱟ ᱞᱟᱜᱤᱫ ᱴᱩᱠᱩᱡ ᱴᱚᱠᱟᱜ, ᱢᱟᱨᱥᱟᱞ ᱵᱟᱛᱤ, ᱡᱚᱢ ᱞᱟᱜᱤᱫ ᱡᱤᱞ ᱦᱟᱠᱩ, ᱜᱟᱰᱤ ᱵᱷᱟᱲᱟ, ᱞᱟᱠᱛᱤᱭᱟᱱ ᱱᱟᱣᱟ ᱞᱩᱜᱽᱲᱤ, ᱟᱨ ᱦᱚᱸ ᱮᱢᱟᱱ ᱛᱮᱢᱟᱱ ᱠᱚᱛᱮ, ᱱᱟᱪᱟᱨ ᱦᱚᱲ ᱞᱮᱠᱟᱛᱮ ᱦᱤᱥᱟᱹᱵᱽ ᱨᱮᱦᱚᱸᱢ 40 ᱦᱟᱡᱟᱨ ᱜᱟᱱ ᱠᱟᱣᱰᱤ ᱫᱚ ᱞᱟᱜᱟᱣᱵ ᱜᱮᱭᱟ ᱾
ᱢᱤᱫ ᱱᱟᱪᱟᱨ ᱦᱚᱲ ᱴᱷᱮᱱ ᱱᱚᱣᱟ ᱠᱟᱣᱰᱤ ᱡᱚᱜᱟᱲ ᱟᱰᱤ ᱟᱸᱡᱷᱟᱸᱴ ᱠᱟᱱ ᱜᱮᱭᱟ ᱾ ᱠᱚᱲᱟ ᱠᱩᱲᱤ ᱢᱟᱲᱟᱝ ᱠᱷᱚᱱ ᱫᱩᱞᱟᱹᱲ ᱛᱮᱠᱤᱱ ᱛᱚᱯᱚᱞ ᱞᱮᱱᱠᱷᱟᱱ, ᱱᱚᱣᱟ ᱠᱷᱚᱨᱚᱪ ᱠᱚ ᱮᱨᱮᱲ ᱞᱟᱜᱤᱫ ᱠᱚᱸᱰᱮᱞ ᱧᱟᱯᱟᱢ ᱦᱚᱸ ᱠᱤᱱ ᱫᱟᱲᱮᱭᱟᱜ ᱟ ᱾ ᱢᱮᱱᱠᱷᱟᱱ ᱡᱚᱛᱚ ᱠᱚᱲᱟ ᱠᱩᱲᱤ ᱫᱟᱨᱟᱭ ᱛᱮ ᱫᱩᱞᱟᱹᱲ ᱫᱩᱯᱩᱞᱟᱹᱲ ᱦᱚᱸ ᱵᱟᱝ ᱥᱚᱢᱵᱷᱚᱵᱚᱜ ᱟ, ᱟᱨ ᱠᱚᱹᱰᱮᱞ ᱧᱟᱯᱟᱢ ᱦᱚᱸ ᱵᱟᱝ ᱥᱚᱢᱵᱷᱚᱵᱚᱜ ᱟ ᱾ ᱩᱱᱠᱩ ᱞᱟᱜᱤᱫ ᱫᱚ ᱵᱟᱦᱩ ᱥᱮ ᱡᱟᱢᱟᱭ ᱧᱮᱞ ᱠᱟᱛᱮ, ᱥᱟᱦᱤ ᱡᱩᱦᱤ ᱠᱟᱛᱮ ᱜᱮ ᱵᱟᱯᱞᱟ ᱦᱩᱭᱩᱜ ᱟ ᱾
ᱱᱚᱜ ᱚ ᱱᱚᱭᱟ ᱡᱟᱭᱜᱟ ᱨᱮ ᱜᱮ ᱠᱟᱣᱰᱤ ᱠᱷᱟᱛᱤᱨ ᱟᱱᱟᱴ ᱫᱚ ᱛᱤᱸᱜᱩᱱ ᱠᱟᱱᱟ ᱾ ᱨᱤᱱ ᱫᱷᱟᱨ ᱦᱩᱭᱩᱜ ᱠᱟᱱᱟ ᱾ᱥᱟᱦᱤ ᱡᱩᱦᱤ ᱠᱟᱛᱮ ᱵᱟᱯᱞᱟ ᱨᱮ ᱦᱚᱸ ᱠᱟᱣᱰᱤ ᱟᱱᱟᱴ, ᱱᱚᱛᱮ ᱠᱚᱸᱰᱮᱞ ᱧᱟᱯᱟᱢ ᱞᱮᱠᱟᱱ capacity ᱦᱚᱸ ᱠᱚᱲᱟ ᱥᱮ ᱠᱩᱲᱤᱭᱟᱜ ᱵᱟᱱᱩᱜ ᱟᱱ ᱛᱟᱭᱟ ᱾
ᱟᱫᱚ ᱱᱚᱝᱠᱟᱱ ᱮᱴᱠᱮᱴᱚᱬᱮ ᱥᱩᱨᱟᱦᱟ ᱞᱟᱜᱤᱫ ᱦᱚᱸ ᱥᱟᱱᱛᱟᱲ ᱥᱟᱶᱛᱟ ᱨᱮ ᱵᱮᱵᱚᱥᱛᱷᱟ ᱢᱮᱱᱟᱜ ᱟ ᱾ ᱱᱚᱣᱟ ᱵᱟᱯᱞᱟ ᱫᱚ ᱪᱮᱫ ᱵᱟᱯᱞᱟ ᱵᱚᱱ ᱢᱮᱛᱟᱜ ᱟ - ᱤᱧᱟᱜ ᱴᱷᱤᱠ ᱵᱟᱰᱟᱭ ᱵᱟᱱᱩᱜ ᱛᱤᱧᱟ, ᱛᱚᱵᱮ ᱥᱮᱫᱟᱭ ᱟᱞᱮ ᱰᱟᱺᱜᱩᱣᱟᱹ ᱵᱤᱫᱟᱹᱞ ᱨᱮ ᱠᱚᱲᱟ ᱠᱚ, ᱫᱩᱞᱟᱹᱲ ᱠᱟᱛᱮ ᱧᱩᱛᱩᱢ ᱞᱮ ᱮᱢᱟᱫ ᱛᱟᱸᱦᱮᱸᱫ - "ᱥᱤᱧ ᱥᱩᱛᱩᱜ ᱠᱚᱸᱰᱮᱞ ᱧᱟᱯᱟᱢ" ᱵᱟᱯᱞᱟ , ᱢᱮᱱᱮᱫ ᱥᱤᱧ ᱵᱮᱲᱟ ᱥᱤᱧ ᱪᱟᱸᱫᱚ ᱥᱟᱠᱷᱤ ᱠᱟᱛᱮ, ᱢᱚᱲᱮ ᱢᱟᱯᱟᱡᱤ ᱥᱟᱠᱷᱤ ᱠᱟᱛᱮ, ᱠᱚᱸᱰᱮᱞ ᱧᱟᱯᱟᱢ ᱥᱩᱛᱩᱜ ᱟᱜᱩ ᱵᱟᱦᱩ ᱾ᱡᱚᱛᱚ ᱠᱷᱚᱱ ᱠᱚᱢ ᱠᱷᱚᱨᱚᱪ ᱛᱮ ᱵᱟᱯᱞᱟ ᱾ ᱟᱰᱤ ᱟᱰᱤ ᱚᱠᱛᱚ ᱠᱤᱥᱟᱹᱬ ᱦᱚᱲ ᱦᱚᱸ ᱱᱚᱣᱟ process ᱛᱮᱠᱚ ᱵᱟᱯᱞᱟᱜ ᱠᱟᱱ ᱜᱮᱭᱟ - ᱠᱷᱚᱨᱚᱪ ᱵᱟᱧᱪᱟᱣ ᱠᱷᱟᱛᱤᱨ ᱫᱚ ᱵᱟᱝ, ᱮᱴᱟᱜ ᱞᱮᱠᱟᱱ ᱮᱴᱠᱮᱴᱚᱬᱮ ᱠᱚ ᱛᱟᱸᱦᱮᱸ ᱞᱮᱱᱠᱷᱟᱱ ᱾
ᱱᱚᱣᱟ ᱠᱚᱢ ᱠᱷᱚᱨᱚᱪ ᱵᱟᱯᱞᱟ ᱨᱮᱱᱟᱜ ᱠᱟᱛᱷᱟ ᱜᱤᱧ ᱞᱟᱹᱭ ᱮᱫ ᱟ ᱾ ᱠᱚᱲᱟ ᱠᱩᱲᱤ ᱵᱟᱱᱟᱨ ᱯᱟᱦᱴᱟ ᱨᱮᱵᱮᱱ ᱠᱚ ᱛᱟᱸᱦᱮ ᱞᱮᱱᱠᱷᱟᱱ, ᱠᱚᱲᱟ ᱫᱚ ᱢᱤᱫ ᱦᱚᱲ ᱥᱮ ᱵᱟᱨ ᱦᱚᱲ ᱜᱟᱱ ᱟᱛᱩ ᱨᱤᱱᱤᱡ ᱦᱚᱲ ᱵᱟᱝᱠᱷᱟᱱ ᱯᱮᱲᱟ ᱦᱚᱲ, ᱜᱚᱲᱚ ᱞᱮᱠᱟᱭ ᱥᱟᱶ ᱠᱟᱛᱮ-ᱥᱟᱤᱠᱮᱞ, ᱢᱚᱴᱚᱨ ᱥᱟᱭᱠᱮᱞ ᱯᱩᱱ ᱪᱟᱠᱟ ᱜᱟᱲᱤ ᱥᱮ ᱛᱟᱲᱟᱢ ᱛᱟᱱᱟᱜ ᱛᱮ ᱨᱮ ᱦᱚᱸ ᱵᱟᱦᱩ ᱟᱜᱩᱭ ᱪᱟᱞᱟᱜ ᱟ ᱾ ᱵᱟᱦᱩ ᱚᱲᱟᱜ ᱨᱮ ᱟᱛᱩ ᱨᱤᱱ ᱵᱟᱨ ᱯᱮ ᱦᱚᱲ ᱡᱟᱣᱨᱟ ᱠᱟᱛᱮ ᱜᱟᱞᱢᱟᱨᱟᱣ ᱟᱠᱚ ᱡᱮ, " ᱢᱟ ᱛᱚᱵᱮ ᱡᱟᱢᱟᱭ ᱦᱚᱯᱚᱱ ᱮᱨᱟᱧ ᱛᱟᱞᱮ ᱫᱚ ᱱᱟᱯᱟᱭ ᱛᱮ ᱫᱚᱦᱚᱭᱮᱢ" ᱾
ᱟᱫᱚ ᱡᱚᱢ ᱠᱮᱫ, ᱵᱟᱠᱚ ᱡᱚᱢ ᱠᱮᱫ, ᱠᱩᱲᱤ ᱜᱤᱫᱽᱨᱟᱹ ᱟᱜ ᱞᱩᱜᱽᱲᱤ ᱠᱚ ᱥᱟᱯᱟᱵ ᱠᱚ ᱛᱷᱩᱞᱤ ᱨᱮ ᱥᱟᱸᱵᱟᱣ ᱠᱟᱛᱮ ᱵᱤᱫᱟᱹᱭ ᱮᱭᱟ ᱠᱚ ᱾ ᱚᱝᱠᱟᱱ ᱵᱚᱠᱚᱛ ᱠᱩᱲᱤ ᱠᱚᱠᱚ ᱛᱟᱸᱦᱮᱸ ᱞᱮᱱᱠᱷᱟᱱ ᱥᱟᱶᱛᱮ ᱡᱤᱭᱟᱹᱛ ᱠᱩᱲᱤ ᱞᱮᱠᱟ ᱪᱟᱞᱟᱜ ᱜᱮᱭᱟ ᱠᱚ ᱾ ᱟᱨ ᱵᱟᱝᱠᱷᱟᱱ ᱵᱟᱝ ᱨᱮ ᱦᱚᱸ ᱴᱷᱤᱠ ᱜᱮᱭᱟ ᱾
ᱚᱲᱟᱜ ᱨᱮ ᱥᱮᱴᱮᱨ ᱠᱟᱛᱮ ᱡᱟᱸᱜᱟ ᱠᱚ ᱟᱨᱩᱵ ᱠᱚᱣᱟ ᱟᱨ ᱚᱲᱟᱜ ᱠᱚ ᱵᱚᱞᱚ ᱮᱱᱟ ᱾
ᱵᱟᱯᱞᱟ ᱫᱚ ᱪᱟᱵᱟᱭᱮᱱᱟ ᱾
ᱱᱚᱣᱟ ᱨᱮᱱᱟᱜ definite ᱟᱹᱱ ᱟᱨᱤ ᱵᱟᱱᱩᱜ ᱟᱱᱟ ᱾ ᱚᱠᱟ ᱡᱚᱦᱚ ᱫᱚ ᱵᱟᱦᱩ ᱚᱲᱟᱜ ᱨᱮ ᱥᱮ ᱡᱟᱢᱟᱭ ᱚᱲᱟᱜ ᱨᱮ ᱥᱩᱱᱩᱢ ᱥᱟᱥᱟᱝ ᱠᱚ ᱚᱡᱚᱜ ᱠᱚ ᱜᱮᱭᱟ ᱾ ᱡᱟᱸᱦᱟᱸ ᱞᱮᱠᱟ ᱜᱮᱢ ᱠᱟᱢᱤ ᱫᱟᱲᱮᱭᱟᱜ ᱚᱝᱠᱟ ᱜᱮ ᱜᱟᱱᱚᱜ ᱟ ᱾
ᱛᱚᱵᱮ ᱛᱟᱭᱚᱢ ᱛᱮ ᱠᱩᱲᱟᱹᱣ ᱟᱱᱴᱟᱣ ᱠᱟᱛᱮ ᱵᱟᱦᱟ ᱥᱟᱶᱦᱟ ᱫᱚ ᱱᱤᱦᱟᱹᱛ ᱜᱮ ᱠᱟᱢᱤ ᱦᱩᱭᱩᱜ ᱟ, ᱱᱚᱣᱟ ᱫᱚ ᱥᱟᱶᱛᱟ ᱟᱨᱤ ᱢᱮᱱᱟᱜ ᱟ ᱾
ᱠᱟᱛᱷᱟ ᱦᱩᱣᱩᱜ ᱠᱟᱱᱟ - ᱱᱤᱛ ᱞᱮᱠᱟᱱ ᱚᱠᱛᱚ ᱨᱮ, ᱡᱟ ᱠᱷᱚᱨᱚᱪ ᱨᱮᱱᱟᱜ ᱵᱚᱦᱚᱨ ᱰᱷᱮᱨ ᱟᱠᱟᱱᱟ, ᱱᱚᱣᱟ ᱵᱟᱯᱞᱟ ᱟᱨ ᱦᱚᱸ popular ᱦᱩᱭᱩᱜ ᱛᱟᱵᱚᱱᱟ ᱾
ᱛᱚᱵᱮ..... ᱫᱮᱞᱟᱝ, ᱡᱟᱸᱦᱟᱸᱭ ᱠᱚ ᱵᱟᱯᱞᱟ ᱞᱟᱜᱤᱫ ᱱᱚᱝᱠᱟᱱ ᱮᱴᱠᱮᱴᱚᱬᱮ ᱨᱮ ᱵᱚᱱ ᱯᱟᱲᱟᱣᱵ ᱠᱟᱱᱟ, ᱫᱷᱟᱨ ᱩᱫᱷᱹᱨ ᱵᱟᱝ ᱠᱟᱛᱮ "ᱥᱤᱧ ᱥᱩᱛᱩᱜ ᱠᱚᱸᱰᱮᱞ ᱧᱟᱯᱟᱢ" ᱵᱟᱯᱞᱟ ᱛᱮᱵᱚᱱ ᱵᱟᱯᱞᱟᱜ ᱢᱟ ᱾ ᱱᱚᱣᱟ ᱦᱚᱸ ᱥᱟᱶᱛᱟ ᱨᱮᱱᱟᱜ ᱟᱨᱤ ᱠᱟᱱ ᱜᱮ ᱛᱟᱵᱚᱱᱟ, ᱢᱟᱹᱱ ᱨᱮᱱᱟᱜ ᱵᱟᱯᱞᱟ ᱠᱟᱱ ᱜᱮ ᱛᱟᱵᱚᱱᱟ ᱾
ᱢᱟᱡᱷᱤ ᱯᱟᱨᱜᱟᱱᱟ ᱠᱚᱴᱷᱮᱱ ᱱᱮᱦᱚᱨ,- ᱟᱨ ᱦᱚᱸ ᱰᱷᱮᱨ ᱰᱷᱮᱨ ᱱᱚᱝᱠᱟᱱ ᱵᱟᱯᱞᱟ ᱞᱟᱜᱤᱫ ᱨᱮᱸᱜᱮᱡ ᱚᱨᱮᱡ ᱦᱚᱲ ᱠᱚ ᱵᱚᱱ ᱩᱫᱽᱜᱟᱹᱣ ᱠᱚ ᱢᱟ ᱾ ᱥᱟᱨ ᱠᱟᱜ ᱥᱟᱜᱩᱱ ᱠᱟᱜ ᱢᱟᱵᱚᱱ, ᱱᱚᱝᱠᱟᱱ ᱵᱟᱯᱞᱟ ᱨᱮᱱᱟᱜ ᱠᱟᱛᱷᱟ ᱟᱨ ᱦᱚᱸ ᱰᱷᱮᱨ ᱰᱷᱮᱨ ᱥᱟᱶᱛᱟ ᱨᱮ ᱵᱚᱱ ᱜᱟᱞᱚᱪ ᱢᱟ, ᱡᱟᱛᱮ ᱨᱮᱸᱜᱮᱡ ᱚᱨᱮᱡ ᱦᱚᱲ ᱠᱚ, ᱵᱟᱯᱞᱟ ᱠᱷᱚᱨᱚᱪ ᱞᱟᱜᱤᱫ ᱪᱤᱱᱛᱟᱹ ᱨᱮ ᱟᱞᱚ ᱠᱚ ᱯᱟᱲᱟᱣᱵ ᱢᱟ ᱾
ᱡᱚᱦᱟᱨ ᱥᱟᱞᱟᱜ,
ᱤᱧᱜᱮ ᱵᱟᱯᱩᱲᱤᱡ - ᱵᱟᱞᱠᱟ ᱥᱟᱱᱛᱟᱲ ᱾
— ᱵᱟᱞᱚᱠᱨᱟᱢ ᱥᱚᱨᱮᱱ
————————————————————
ᱟᱵᱚ ᱦᱚᱲ ᱥᱟᱶᱛᱟ ᱨᱮ ᱟᱰᱤ ᱞᱮᱠᱟᱱ ᱵᱟᱯᱞᱟ ᱢᱮᱱᱟᱜ ᱟ, ᱠᱚᱢ ᱠᱷᱚᱨᱚᱪ ᱟᱱ, ᱰᱷᱮᱨ ᱠᱷᱚᱨᱚᱪ ᱟᱱ, ᱥᱮ medium ᱠᱷᱚᱨᱚᱪᱟᱟᱱ ᱱᱚᱝᱠᱟ ᱡᱚᱛᱚ ᱞᱮᱠᱟᱱ ᱵᱟᱯᱞᱟ ᱜᱮ ᱪᱚᱞ ᱢᱮᱱᱟᱜ ᱛᱟᱵᱚᱱᱟ ᱾
ᱠᱩᱲᱟᱣᱵ ᱟᱱᱴᱟᱣ ᱦᱚᱲ ᱫᱚ ᱟᱡ ᱠᱩᱥᱤ ᱡᱟᱸᱦᱟᱸ ᱞᱮᱠᱟᱱᱟᱜ process ᱛᱮᱜᱮ ᱵᱟᱯᱞᱟ ᱫᱟᱲᱮᱭᱟᱜ ᱟ, ᱢᱮᱱᱠᱷᱟᱱ ᱨᱮᱸᱜᱮᱡ ᱦᱚᱲᱟᱜ ᱵᱟᱯᱞᱟ ᱜᱮ ᱟᱰᱤ ᱮᱴᱠᱮᱴᱚᱬᱮ ᱫᱚ ᱾
ᱱᱤᱛᱚᱜ ᱧᱮᱞᱚᱜ ᱠᱟᱱᱟ ᱥᱟᱦᱤ ᱡᱩᱦᱤ ᱠᱟᱛᱮᱢ ᱵᱟᱯᱞᱟᱜ ᱠᱷᱟᱱ ᱠᱚᱢ ᱠᱟᱛᱮᱫ 30/40 ᱦᱟᱡᱟᱨ ᱴᱟᱠᱟ ᱫᱚ ᱱᱤᱦᱟᱹᱛ ᱜᱮ ᱞᱟᱠᱛᱤ ᱟ ᱾
ᱯᱮᱲᱟ ᱠᱚ ᱫᱩᱲᱩᱵ ᱞᱟᱜᱤᱫ - ᱪᱷᱟᱢᱰᱟ, ᱢᱟᱪᱤ, ᱪᱚᱸᱫᱟ ᱞᱟᱜᱤᱫ ᱴᱩᱠᱩᱡ ᱴᱚᱠᱟᱜ, ᱢᱟᱨᱥᱟᱞ ᱵᱟᱛᱤ, ᱡᱚᱢ ᱞᱟᱜᱤᱫ ᱡᱤᱞ ᱦᱟᱠᱩ, ᱜᱟᱰᱤ ᱵᱷᱟᱲᱟ, ᱞᱟᱠᱛᱤᱭᱟᱱ ᱱᱟᱣᱟ ᱞᱩᱜᱽᱲᱤ, ᱟᱨ ᱦᱚᱸ ᱮᱢᱟᱱ ᱛᱮᱢᱟᱱ ᱠᱚᱛᱮ, ᱱᱟᱪᱟᱨ ᱦᱚᱲ ᱞᱮᱠᱟᱛᱮ ᱦᱤᱥᱟᱹᱵᱽ ᱨᱮᱦᱚᱸᱢ 40 ᱦᱟᱡᱟᱨ ᱜᱟᱱ ᱠᱟᱣᱰᱤ ᱫᱚ ᱞᱟᱜᱟᱣᱵ ᱜᱮᱭᱟ ᱾
ᱢᱤᱫ ᱱᱟᱪᱟᱨ ᱦᱚᱲ ᱴᱷᱮᱱ ᱱᱚᱣᱟ ᱠᱟᱣᱰᱤ ᱡᱚᱜᱟᱲ ᱟᱰᱤ ᱟᱸᱡᱷᱟᱸᱴ ᱠᱟᱱ ᱜᱮᱭᱟ ᱾ ᱠᱚᱲᱟ ᱠᱩᱲᱤ ᱢᱟᱲᱟᱝ ᱠᱷᱚᱱ ᱫᱩᱞᱟᱹᱲ ᱛᱮᱠᱤᱱ ᱛᱚᱯᱚᱞ ᱞᱮᱱᱠᱷᱟᱱ, ᱱᱚᱣᱟ ᱠᱷᱚᱨᱚᱪ ᱠᱚ ᱮᱨᱮᱲ ᱞᱟᱜᱤᱫ ᱠᱚᱸᱰᱮᱞ ᱧᱟᱯᱟᱢ ᱦᱚᱸ ᱠᱤᱱ ᱫᱟᱲᱮᱭᱟᱜ ᱟ ᱾ ᱢᱮᱱᱠᱷᱟᱱ ᱡᱚᱛᱚ ᱠᱚᱲᱟ ᱠᱩᱲᱤ ᱫᱟᱨᱟᱭ ᱛᱮ ᱫᱩᱞᱟᱹᱲ ᱫᱩᱯᱩᱞᱟᱹᱲ ᱦᱚᱸ ᱵᱟᱝ ᱥᱚᱢᱵᱷᱚᱵᱚᱜ ᱟ, ᱟᱨ ᱠᱚᱹᱰᱮᱞ ᱧᱟᱯᱟᱢ ᱦᱚᱸ ᱵᱟᱝ ᱥᱚᱢᱵᱷᱚᱵᱚᱜ ᱟ ᱾ ᱩᱱᱠᱩ ᱞᱟᱜᱤᱫ ᱫᱚ ᱵᱟᱦᱩ ᱥᱮ ᱡᱟᱢᱟᱭ ᱧᱮᱞ ᱠᱟᱛᱮ, ᱥᱟᱦᱤ ᱡᱩᱦᱤ ᱠᱟᱛᱮ ᱜᱮ ᱵᱟᱯᱞᱟ ᱦᱩᱭᱩᱜ ᱟ ᱾
ᱱᱚᱜ ᱚ ᱱᱚᱭᱟ ᱡᱟᱭᱜᱟ ᱨᱮ ᱜᱮ ᱠᱟᱣᱰᱤ ᱠᱷᱟᱛᱤᱨ ᱟᱱᱟᱴ ᱫᱚ ᱛᱤᱸᱜᱩᱱ ᱠᱟᱱᱟ ᱾ ᱨᱤᱱ ᱫᱷᱟᱨ ᱦᱩᱭᱩᱜ ᱠᱟᱱᱟ ᱾ᱥᱟᱦᱤ ᱡᱩᱦᱤ ᱠᱟᱛᱮ ᱵᱟᱯᱞᱟ ᱨᱮ ᱦᱚᱸ ᱠᱟᱣᱰᱤ ᱟᱱᱟᱴ, ᱱᱚᱛᱮ ᱠᱚᱸᱰᱮᱞ ᱧᱟᱯᱟᱢ ᱞᱮᱠᱟᱱ capacity ᱦᱚᱸ ᱠᱚᱲᱟ ᱥᱮ ᱠᱩᱲᱤᱭᱟᱜ ᱵᱟᱱᱩᱜ ᱟᱱ ᱛᱟᱭᱟ ᱾
ᱟᱫᱚ ᱱᱚᱝᱠᱟᱱ ᱮᱴᱠᱮᱴᱚᱬᱮ ᱥᱩᱨᱟᱦᱟ ᱞᱟᱜᱤᱫ ᱦᱚᱸ ᱥᱟᱱᱛᱟᱲ ᱥᱟᱶᱛᱟ ᱨᱮ ᱵᱮᱵᱚᱥᱛᱷᱟ ᱢᱮᱱᱟᱜ ᱟ ᱾ ᱱᱚᱣᱟ ᱵᱟᱯᱞᱟ ᱫᱚ ᱪᱮᱫ ᱵᱟᱯᱞᱟ ᱵᱚᱱ ᱢᱮᱛᱟᱜ ᱟ - ᱤᱧᱟᱜ ᱴᱷᱤᱠ ᱵᱟᱰᱟᱭ ᱵᱟᱱᱩᱜ ᱛᱤᱧᱟ, ᱛᱚᱵᱮ ᱥᱮᱫᱟᱭ ᱟᱞᱮ ᱰᱟᱺᱜᱩᱣᱟᱹ ᱵᱤᱫᱟᱹᱞ ᱨᱮ ᱠᱚᱲᱟ ᱠᱚ, ᱫᱩᱞᱟᱹᱲ ᱠᱟᱛᱮ ᱧᱩᱛᱩᱢ ᱞᱮ ᱮᱢᱟᱫ ᱛᱟᱸᱦᱮᱸᱫ - "ᱥᱤᱧ ᱥᱩᱛᱩᱜ ᱠᱚᱸᱰᱮᱞ ᱧᱟᱯᱟᱢ" ᱵᱟᱯᱞᱟ , ᱢᱮᱱᱮᱫ ᱥᱤᱧ ᱵᱮᱲᱟ ᱥᱤᱧ ᱪᱟᱸᱫᱚ ᱥᱟᱠᱷᱤ ᱠᱟᱛᱮ, ᱢᱚᱲᱮ ᱢᱟᱯᱟᱡᱤ ᱥᱟᱠᱷᱤ ᱠᱟᱛᱮ, ᱠᱚᱸᱰᱮᱞ ᱧᱟᱯᱟᱢ ᱥᱩᱛᱩᱜ ᱟᱜᱩ ᱵᱟᱦᱩ ᱾ᱡᱚᱛᱚ ᱠᱷᱚᱱ ᱠᱚᱢ ᱠᱷᱚᱨᱚᱪ ᱛᱮ ᱵᱟᱯᱞᱟ ᱾ ᱟᱰᱤ ᱟᱰᱤ ᱚᱠᱛᱚ ᱠᱤᱥᱟᱹᱬ ᱦᱚᱲ ᱦᱚᱸ ᱱᱚᱣᱟ process ᱛᱮᱠᱚ ᱵᱟᱯᱞᱟᱜ ᱠᱟᱱ ᱜᱮᱭᱟ - ᱠᱷᱚᱨᱚᱪ ᱵᱟᱧᱪᱟᱣ ᱠᱷᱟᱛᱤᱨ ᱫᱚ ᱵᱟᱝ, ᱮᱴᱟᱜ ᱞᱮᱠᱟᱱ ᱮᱴᱠᱮᱴᱚᱬᱮ ᱠᱚ ᱛᱟᱸᱦᱮᱸ ᱞᱮᱱᱠᱷᱟᱱ ᱾
ᱱᱚᱣᱟ ᱠᱚᱢ ᱠᱷᱚᱨᱚᱪ ᱵᱟᱯᱞᱟ ᱨᱮᱱᱟᱜ ᱠᱟᱛᱷᱟ ᱜᱤᱧ ᱞᱟᱹᱭ ᱮᱫ ᱟ ᱾ ᱠᱚᱲᱟ ᱠᱩᱲᱤ ᱵᱟᱱᱟᱨ ᱯᱟᱦᱴᱟ ᱨᱮᱵᱮᱱ ᱠᱚ ᱛᱟᱸᱦᱮ ᱞᱮᱱᱠᱷᱟᱱ, ᱠᱚᱲᱟ ᱫᱚ ᱢᱤᱫ ᱦᱚᱲ ᱥᱮ ᱵᱟᱨ ᱦᱚᱲ ᱜᱟᱱ ᱟᱛᱩ ᱨᱤᱱᱤᱡ ᱦᱚᱲ ᱵᱟᱝᱠᱷᱟᱱ ᱯᱮᱲᱟ ᱦᱚᱲ, ᱜᱚᱲᱚ ᱞᱮᱠᱟᱭ ᱥᱟᱶ ᱠᱟᱛᱮ-ᱥᱟᱤᱠᱮᱞ, ᱢᱚᱴᱚᱨ ᱥᱟᱭᱠᱮᱞ ᱯᱩᱱ ᱪᱟᱠᱟ ᱜᱟᱲᱤ ᱥᱮ ᱛᱟᱲᱟᱢ ᱛᱟᱱᱟᱜ ᱛᱮ ᱨᱮ ᱦᱚᱸ ᱵᱟᱦᱩ ᱟᱜᱩᱭ ᱪᱟᱞᱟᱜ ᱟ ᱾ ᱵᱟᱦᱩ ᱚᱲᱟᱜ ᱨᱮ ᱟᱛᱩ ᱨᱤᱱ ᱵᱟᱨ ᱯᱮ ᱦᱚᱲ ᱡᱟᱣᱨᱟ ᱠᱟᱛᱮ ᱜᱟᱞᱢᱟᱨᱟᱣ ᱟᱠᱚ ᱡᱮ, " ᱢᱟ ᱛᱚᱵᱮ ᱡᱟᱢᱟᱭ ᱦᱚᱯᱚᱱ ᱮᱨᱟᱧ ᱛᱟᱞᱮ ᱫᱚ ᱱᱟᱯᱟᱭ ᱛᱮ ᱫᱚᱦᱚᱭᱮᱢ" ᱾
ᱟᱫᱚ ᱡᱚᱢ ᱠᱮᱫ, ᱵᱟᱠᱚ ᱡᱚᱢ ᱠᱮᱫ, ᱠᱩᱲᱤ ᱜᱤᱫᱽᱨᱟᱹ ᱟᱜ ᱞᱩᱜᱽᱲᱤ ᱠᱚ ᱥᱟᱯᱟᱵ ᱠᱚ ᱛᱷᱩᱞᱤ ᱨᱮ ᱥᱟᱸᱵᱟᱣ ᱠᱟᱛᱮ ᱵᱤᱫᱟᱹᱭ ᱮᱭᱟ ᱠᱚ ᱾ ᱚᱝᱠᱟᱱ ᱵᱚᱠᱚᱛ ᱠᱩᱲᱤ ᱠᱚᱠᱚ ᱛᱟᱸᱦᱮᱸ ᱞᱮᱱᱠᱷᱟᱱ ᱥᱟᱶᱛᱮ ᱡᱤᱭᱟᱹᱛ ᱠᱩᱲᱤ ᱞᱮᱠᱟ ᱪᱟᱞᱟᱜ ᱜᱮᱭᱟ ᱠᱚ ᱾ ᱟᱨ ᱵᱟᱝᱠᱷᱟᱱ ᱵᱟᱝ ᱨᱮ ᱦᱚᱸ ᱴᱷᱤᱠ ᱜᱮᱭᱟ ᱾
ᱚᱲᱟᱜ ᱨᱮ ᱥᱮᱴᱮᱨ ᱠᱟᱛᱮ ᱡᱟᱸᱜᱟ ᱠᱚ ᱟᱨᱩᱵ ᱠᱚᱣᱟ ᱟᱨ ᱚᱲᱟᱜ ᱠᱚ ᱵᱚᱞᱚ ᱮᱱᱟ ᱾
ᱵᱟᱯᱞᱟ ᱫᱚ ᱪᱟᱵᱟᱭᱮᱱᱟ ᱾
ᱱᱚᱣᱟ ᱨᱮᱱᱟᱜ definite ᱟᱹᱱ ᱟᱨᱤ ᱵᱟᱱᱩᱜ ᱟᱱᱟ ᱾ ᱚᱠᱟ ᱡᱚᱦᱚ ᱫᱚ ᱵᱟᱦᱩ ᱚᱲᱟᱜ ᱨᱮ ᱥᱮ ᱡᱟᱢᱟᱭ ᱚᱲᱟᱜ ᱨᱮ ᱥᱩᱱᱩᱢ ᱥᱟᱥᱟᱝ ᱠᱚ ᱚᱡᱚᱜ ᱠᱚ ᱜᱮᱭᱟ ᱾ ᱡᱟᱸᱦᱟᱸ ᱞᱮᱠᱟ ᱜᱮᱢ ᱠᱟᱢᱤ ᱫᱟᱲᱮᱭᱟᱜ ᱚᱝᱠᱟ ᱜᱮ ᱜᱟᱱᱚᱜ ᱟ ᱾
ᱛᱚᱵᱮ ᱛᱟᱭᱚᱢ ᱛᱮ ᱠᱩᱲᱟᱹᱣ ᱟᱱᱴᱟᱣ ᱠᱟᱛᱮ ᱵᱟᱦᱟ ᱥᱟᱶᱦᱟ ᱫᱚ ᱱᱤᱦᱟᱹᱛ ᱜᱮ ᱠᱟᱢᱤ ᱦᱩᱭᱩᱜ ᱟ, ᱱᱚᱣᱟ ᱫᱚ ᱥᱟᱶᱛᱟ ᱟᱨᱤ ᱢᱮᱱᱟᱜ ᱟ ᱾
ᱠᱟᱛᱷᱟ ᱦᱩᱣᱩᱜ ᱠᱟᱱᱟ - ᱱᱤᱛ ᱞᱮᱠᱟᱱ ᱚᱠᱛᱚ ᱨᱮ, ᱡᱟ ᱠᱷᱚᱨᱚᱪ ᱨᱮᱱᱟᱜ ᱵᱚᱦᱚᱨ ᱰᱷᱮᱨ ᱟᱠᱟᱱᱟ, ᱱᱚᱣᱟ ᱵᱟᱯᱞᱟ ᱟᱨ ᱦᱚᱸ popular ᱦᱩᱭᱩᱜ ᱛᱟᱵᱚᱱᱟ ᱾
ᱛᱚᱵᱮ..... ᱫᱮᱞᱟᱝ, ᱡᱟᱸᱦᱟᱸᱭ ᱠᱚ ᱵᱟᱯᱞᱟ ᱞᱟᱜᱤᱫ ᱱᱚᱝᱠᱟᱱ ᱮᱴᱠᱮᱴᱚᱬᱮ ᱨᱮ ᱵᱚᱱ ᱯᱟᱲᱟᱣᱵ ᱠᱟᱱᱟ, ᱫᱷᱟᱨ ᱩᱫᱷᱹᱨ ᱵᱟᱝ ᱠᱟᱛᱮ "ᱥᱤᱧ ᱥᱩᱛᱩᱜ ᱠᱚᱸᱰᱮᱞ ᱧᱟᱯᱟᱢ" ᱵᱟᱯᱞᱟ ᱛᱮᱵᱚᱱ ᱵᱟᱯᱞᱟᱜ ᱢᱟ ᱾ ᱱᱚᱣᱟ ᱦᱚᱸ ᱥᱟᱶᱛᱟ ᱨᱮᱱᱟᱜ ᱟᱨᱤ ᱠᱟᱱ ᱜᱮ ᱛᱟᱵᱚᱱᱟ, ᱢᱟᱹᱱ ᱨᱮᱱᱟᱜ ᱵᱟᱯᱞᱟ ᱠᱟᱱ ᱜᱮ ᱛᱟᱵᱚᱱᱟ ᱾
ᱢᱟᱡᱷᱤ ᱯᱟᱨᱜᱟᱱᱟ ᱠᱚᱴᱷᱮᱱ ᱱᱮᱦᱚᱨ,- ᱟᱨ ᱦᱚᱸ ᱰᱷᱮᱨ ᱰᱷᱮᱨ ᱱᱚᱝᱠᱟᱱ ᱵᱟᱯᱞᱟ ᱞᱟᱜᱤᱫ ᱨᱮᱸᱜᱮᱡ ᱚᱨᱮᱡ ᱦᱚᱲ ᱠᱚ ᱵᱚᱱ ᱩᱫᱽᱜᱟᱹᱣ ᱠᱚ ᱢᱟ ᱾ ᱥᱟᱨ ᱠᱟᱜ ᱥᱟᱜᱩᱱ ᱠᱟᱜ ᱢᱟᱵᱚᱱ, ᱱᱚᱝᱠᱟᱱ ᱵᱟᱯᱞᱟ ᱨᱮᱱᱟᱜ ᱠᱟᱛᱷᱟ ᱟᱨ ᱦᱚᱸ ᱰᱷᱮᱨ ᱰᱷᱮᱨ ᱥᱟᱶᱛᱟ ᱨᱮ ᱵᱚᱱ ᱜᱟᱞᱚᱪ ᱢᱟ, ᱡᱟᱛᱮ ᱨᱮᱸᱜᱮᱡ ᱚᱨᱮᱡ ᱦᱚᱲ ᱠᱚ, ᱵᱟᱯᱞᱟ ᱠᱷᱚᱨᱚᱪ ᱞᱟᱜᱤᱫ ᱪᱤᱱᱛᱟᱹ ᱨᱮ ᱟᱞᱚ ᱠᱚ ᱯᱟᱲᱟᱣᱵ ᱢᱟ ᱾
ᱡᱚᱦᱟᱨ ᱥᱟᱞᱟᱜ,
ᱤᱧᱜᱮ ᱵᱟᱯᱩᱲᱤᱡ - ᱵᱟᱞᱠᱟ ᱥᱟᱱᱛᱟᱲ ᱾
No comments:
Post a Comment